Eitem ar yr agenda

Derbyn adroddiad gan Bennaeth Gwasanaethau Addysg am y cynnydd a wnaed mewn perthynas â gweithredu’r Cwricwlwm newydd i Gymru (copi ynghlwm).

 

10.45am – 11.15am

 

Cyflwynodd yr Aelod Arweiniol Addysg, Plant a Theuluoedd yr adroddiad ar y wybodaeth ddiweddaraf o Gwricwlwm Cymru  (a ddosbarthwyd o flaen llaw)  i’r Aelodau.

 

Mae’r adroddiad yn rhoi diweddariad ar y cynnydd a wnaed gan ysgolion ers i’r Cwricwlwm i Gymru ddod yn statudol i holl ddysgwyr ysgolion cynradd a’r ysgolion uwchradd hynny a ddewisodd ddechrau ym Mlwyddyn 7, ym Medi 2022.  Hefyd, mae’r adroddiad yn cynnig gwybodaeth ar sut mae ysgolion uwchradd a lleoliadau wedi bod yn paratoi i gychwyn addysgu’r Cwricwlwm i Gymru ym Mlynyddoedd 7 ac 8 o Fedi 2023 yn unol â’r amserlen cyflwyno cenedlaethol.

 

Arweiniodd y Prif Reolwr Addysg yr Aelodau drwy drosolwg o’r adroddiad.

 

Ym mis Medi 2022, daeth y Cwricwlwm i Gymru yn statudol i holl ddysgwyr o’r Meithrin i Flwyddyn 6. Rhoddwyd y cyfle i ysgolion uwchradd i ddechrau gyda Blwyddyn 7 ym Medi 2022.  Dewisodd un ysgol uwchradd yn Sir Ddinbych dderbyn y cynnig.  Bydd bob ysgol uwchradd a lleoliad yn dechrau gyda’r Cwricwlwm i Gymru ym mlynyddoedd 7 ac 8 ym Medi 2023.

 

Mae’r Cwricwlwm i Gymru yn fframwaith cenedlaethol gyda’r Pedwar Diben fel y weledigaeth a rennir. Mae’r fframwaith yn seiliedig ar yr egwyddorion o ddilyniant i holl ddysgwyr ac yn gofyn i ysgolion ddylunio eu cwricwlwm lleol eu hunain yn seiliedig ar eu dysgwyr a’r gymuned.

 

Roedd nifer uchel o waith wedi’i gyflawni gan bob ysgol gynradd yn Sir Ddinbych i baratoi ar gyfer y cwricwlwm newydd. Roedd yr holl ysgolion cynradd wedi bodloni’r gofynion statudol i’w galluogi i ddarparu cwricwlwm newydd. Roedd hyn yn bosibl oherwydd y gwaith cydweithio ar draws pob ysgol o fewn y rhanbarth, yn rhannu arferion da ac ymgysylltu dealltwriaeth gyffredin.

 

Mae gwaith cydweithio gan ysgolion uwchradd wedi bod yn ffactor sylweddol wrth gefnogi athrawon i ddeall y galw am gwricwlwm newydd a’r lefel o hyblygrwydd oddi fewn. 

 

Mae Cwricwlwm Cymru yn ffocysu ar ddysgu parhaus i blant o 3 oed a hŷn, yn caniatáu dysgwyr fod yn rhan o’u haddysg. 

 

Mae nifer o agweddau o’r cwricwlwm yn cael eu hadolygu megis addysgu, dysgu a chynnydd, ac roedd ysgolion o fewn y rhanbarth wedi bod yn eglur iawn am eu llwyddiannau hyd yma.

 

Roedd 9 ysgol cynradd wedi cael eu harchwilio yn ystod y flwyddyn ysgol ac roedd llawer yn cael eu cydnabod am ddangos gweledigaeth cryf ar gyfer y cwricwlwm, ac yn adnabod pan fo dysgwyr yn ffynnu yn yr amgylchedd.

 

Dywedodd y Prif Reolwr Addysg bod holl ysgolion o fewn y rhanbarth wedi gweithio’n galed iawn i groesawu’r cwricwlwm newydd ac wedi parhau i ddatblygu a diffinio eu darpariaeth cwricwlwm i fodloni anghenion holl ddysgwyr.

 

Diolchodd y Cadeirydd i’r Rheolwr Addysg ac Aelod Arweiniol am eu hadroddiad a chroesawyd cwestiynau.

 

Gofynnodd Aelodau sut oedd yr ysgolion yn cynllunio ar gyfer trosglwyddiad o ddysgwyr o Flwyddyn 6 i Flwyddyn 7 heb ddarparu unrhyw ddata.

 

Hysbysodd y Prif Reolwr Addysg  yr Aelodau bod ysgolion cynradd yn defnyddio asesiadau darllen a rhifedd wedi ei bersonoli i hysbysu gallu dysgwyr ysgolion uwchradd. Mae ysgolion cynradd wedi bod yn gweithio yn eu clwstwr yn edrych ar ystod holistaidd ehangach o wybodaeth y gellir ei roi i ysgolion uwchradd, megis agweddau tuag at ddysgu a lles i gynorthwyo’r trosglwyddiad o ysgol gynradd i ysgol uwchradd.

 

Cadarnhaodd yr Aelodau eu cefnogaeth lawn i’w cwricwlwm newydd, fodd bynnag, gofynnwyd a oedd pwysau sy’n berthnasol i weithredu’r cwricwlwm newydd yn dylanwadu athrawon i adael y proffesiwn.

 

Dywedodd arweinydd craidd cynradd GwE Sir Ddinbych bod llawer iawn o waith o fewn yr Awdurdod Lleol ac o fewn ysgolion i helpu rheoli’r newid i baratoi ar gyfer y cwricwlwm newydd, Fodd bynnag, gallai’r newidiadau ddylanwadu rhai o athrawon i newid eu llwybrau gyrfa. 

 

Gofynnodd Aelodau a oedd sgiliau bywyd yn cael eu dysgu o fewn y cwricwlwm newydd.  Dywedodd Swyddogion mai bwriad y cwricwlwm oedd dysgu chwe ardal o ddysgu gyda’r bwriad o ddysgu sgiliau academaidd, cymdeithasol a sgiliau bywyd i bob disgybl. Roedd gan ddulliau darparu’r cwricwlwm bwyslais cryf ar ddysgu sgiliau ieithyddol a rhifedd drwy eu defnydd o sefyllfaoedd dyddiol, dysgu mewn ffordd addysgiadol, ddiddorol ac ymarferol drwy ddefnyddio sgiliau a dysgwyr mewn sefyllfaoedd bob dydd.  Pwysleisiodd arweinydd craidd uwchradd GwE Sir Ddinbych bod sgiliau rhifedd yn amlwg iawn o fewn y cwricwlwm newydd. Roedd y cwricwlwm newydd yn edrych ar weithio o fewn cyd-destun dilys, gan roi hyblygrwydd i ysgolion i edrych ar sgiliau byw a phrofiadau dysgu dysgwyr o fewn eu cymuned.

 

Gofynnodd Aelodau sut oedd athrawon yn rhoi eu hadborth ar y cwricwlwm newydd a sut roeddynt yn teimlo ynglŷn â phwysau y maent yn ei deimlo wrth weithredu.  Dywedodd Arweinydd craidd Uwchradd GwE wrth yr Aelodaeth bod y tîm mewn ysgolion yn gweithio ochr yn ochr ag arweinwyr ysgolion a staff yn yr ystafell ddosbarth. Rhoddwyd cefnogaeth generig ar gyfer pob ysgol, fodd bynnag rhoddwyd cefnogaeth unigryw os oedd gan ysgol anghenion penodol. Roedd y tîm yn sensitif i’r anghenion gwahanol o ysgolion unigol.  Roedd clwstwr ysgolion yn rhagweithiol iawn wrth rannu arferion gorau a darparu adborth i staff addysg sir a GwE gyda’r bwriad o gefnogi darpariaeth o’r cwricwlwm a gwella buddion i ddysgwyr a dosbarthwyr.

 

Ychwanegodd y Prif Reolwr Addysg bod cynllun cefnogi ar gyfer pob ysgol wedi’i deilwra i’w hanghenion.  Nid oedd y cwricwlwm newydd ar ben ei hun, roedd yn rhan o ddiwygiad ehangach o ddarpariaeth addysg yng Nghymru, ym mis Medi 2024, byddai fframwaith Gwella Ysgolion newydd yn cael ei gyflwyno.

 

Gofynnodd y Cydlynydd Craffu i’r Aelodau os oedd agweddau o addysg yr oeddynt yn teimlo bod angen ei gyflwyno i’r Pwyllgor Archwilio Perfformiad ar ddyddiad yn y dyfodol.  Mynegodd yr Aelodau ddiddordeb mewn cael adborth gan Benaethiaid ac athrawon ar eu barn ar weithredu’r cwricwlwm newydd o fewn eu hysgolion.

 

 

Felly, ar ddiwedd trafodaeth fanwl, fe wnaeth y Pwyllgor:

 

Penderfynwyd: yn amodol ar y sylwadau a’r arsylwadau uchod –

 

(i)             Cael y wybodaeth ar gynnydd a wnaethpwyd hyd yma mewn perthynas â gweithredu Cwricwlwm Cymru ar gyfer holl ddysgwyr ysgol gynradd yn Sir Ddinbych, ynghyd ag ysgolion uwchradd sydd yn dewis ei gyflwyno i ddysgwyr Blwyddyn 7 yn ystod y flwyddyn academaidd 2022/23;

(ii)           cael gwybodaeth ar sut mae ysgolion uwchradd a lleoliadau wedi bod yn paratoi i gychwyn addysgu’r Cwricwlwm i Gymru ym Mlynyddoedd 7 ac 8 o fis Medi 2023 ymlaen yn unol â’r amserlen cyflwyno genedlaethol;

(iii)         Cais bod adroddiad arall yn manylu’r cynnydd a wneir i gynnwys y Cwricwlwm mewn ysgolion cynradd a’i weithredu ym Mlynyddoedd 7 a 8 mewn ysgolion uwchradd, i’w gyflwyno i’r Pwyllgor yn hydref 2023; a

(iv)         Bod yr adroddiad a geisir yn (iii) uchod yn cynnwys gwerthusiad o’r broses gweithredu ar draws pob cam allweddol, effaith y Cwricwlwm ar recriwtio a chadw staff, ynghyd ag adborth gan benaethiaid, athrawon a staff yn yr ysgol ar eu profiadau o’r broses gweithredu a manteision a/neu anfanteision y Cwricwlwm newydd i ddysgwyr.