Eitem ar yr agenda
PROSIECT GWELLA TAI GORLLEWIN Y RHYL
Ystyried adroddiad
gan yr Arweinydd (copi’n amgaeëdig) yn gofyn i’r
Cyngor gymeradwyo Prosiect Gwella Tai Gorllewin y Rhyl yn unol â
Rheoliadau Ariannol a Methodoleg Prosiectau Cyngor Sir Ddinbych.
Cofnodion:
Cyflwynodd y
Cynghorydd Hugh Evans (Arweinydd) adroddiad (a ddosbarthwyd o flaen llaw) i
gael cymeradwyaeth y Cyngor i Brosiect Gwella Tai Gorllewin Y Rhyl ac i
ddirprwyo pwerau i’r Bwrdd Prosiect.
Pwysleisiodd y
Cynghorydd Hugh Evans bod y prosiect yn bartneriaeth weithredol yn cynnwys
Pennaf/Cymdeithas Tai Clwyd Alyn a Llywodraeth Cymru. Llywodraeth Cymru oedd yn
arwain y prosiect ac yn darparu’r cyllid.
Mae’r prosiect
wedi’i rannu’n flociau:-
Bloc 1 –
adeiladau i’w dymchwel i greu’r man gwyrdd.
Bloc 2 – roedd y
cyngor wedi caffael pob un, heblaw am un neu ddau, o’r adeiladau a fyddai’n
cael eu hadnewyddu gan Pennaf/Cymdeithas Tai Clwyd Alyn a’u marchnata fel eiddo
“Cymorth Prynu”, lle y byddai preswylwyr yn berchen ar fwyafrif yr ecwiti yn y
cartref.
Bloc 3 – 6 fel ag
yn yr adroddiad.
Cafwyd trafodaeth
bellach, ac ymatebodd y swyddogion fel a ganlyn:-
Ø
Roedd rhaglenni sector cyhoeddus a chynlluniau grant wedi
methu ag adfywio’r ardal, ac mae dwy o’r ardaloedd mwyaf difreintiedig yn
parhau i fod yng ngorllewin Y Rhyl. Byddai’r prosiect yn cyflawni cydbwysedd o
ran tai gan fod gormod o breswylwyr un llofft yn yr ardal. Roedd y prosiect yn gweithio tuag at sicrhau
gwell cydbwysedd trwy greu man gwyrdd, ailfodelu tai a’u gwneud yn ddeniadol i
deuluoedd. Byddai ymdrin â’r problemau hir sefydlog hefyd yn cynorthwyo at greu
argraff fwy positif o’r dref yn ei chyfanrwydd, ac felly’n cael buddion adfywio
mwy pellgyrhaeddol.
Ø
Roedd
llawer o’r adeiladau wedi’u caffael fel rhan o Ardal Adfywio Strategol Arfordir
Gogledd Cymru ac roedd gwaith yn mynd yn ei flaen i barhau â’r rhaglen gaffael. Byddai Cyngor Sir Ddinbych yn ceisio caffael
adeiladau trwy gytundeb, ond yn rhagweld y byddai’n rhaid defnyddio pwerau
prynu gorfodol i gaffael lleiafrif o’r adeiladau sy’n angenrheidiol i’r
prosiect.
Ø
Byddai Swyddog Adsefydlu yn cael ei benodi, a’i rôl
fyddai cynorthwyo trigolion i adnabod ac yna adleoli i gartrefi newydd, naill
ai o fewn Sir Ddinbych neu hyd yn oed mewn sir arall. O’r trigolion sydd wedi’u
hadleoli, roedd mwyafrif yn dymuno parhau i fyw yn Y Rhyl. Hyd yma, roedd 23 achos o adleoli wedi
digwydd - 20 o fewn Y Rhyl a 3 o fewn Prestatyn.
Ø
Hyd yma, nid oes unrhyw ddyluniadau wedi’u cymeradwyo i’r
man gwyrdd. Mae’r Cyngor yn awyddus i
gyfyngu ar y gost o gynnal a chadw’r man gwyrdd gyda’r posibiliad o greu menter
gymunedol a fyddai’n cynnal y man hwn.
Ø
Byddai
adeiladau newydd ac adeiladau a adnewyddwyd yn dangos safon uchel iawn o
effeithlonrwydd ynni.
Ø
Mae
risg ariannol posibl i’r cyngor yn nhrydedd flwyddyn y prosiect hwn. Prosiect
Llywodraeth Cymru ydy hwn, wedi’i ariannu gan Lywodraeth Cymru, felly mae
cyfrifoldebau risg ariannol yn gorwedd gyda Llywodraeth Cymru ac nid Cyngor Sir
Ddinbych.
Ø
Mae
Prosiect Gwella Tai Gorllewin Y Rhyl yn cael ei redeg fel Prosiect Methodoleg
Prince 2. Roedd uwch swyddog wedi’i
benodi a oedd yn Ymarferwr Prince 2 i weithredu fel Rheolwr Prosiect.
Ø
Awgrymwyd
gan Aelodau y dylai Archwilio Mewnol ymgysylltu â’r prosiect yn gynnar yn y broses. Byddai Rheolwr Y Rhyl yn Symud Ymlaen yn
edrych i mewn i hyn. Dywedodd y Pennaeth Tai a Datblygu Cymunedol y byddai’n
cyfarfod gydag Archwilio Mewnol ymhen ychydig o wythnosau ac y byddai’n trafod
y prosiect bryd hynny.
Ø
Dywedodd
Rheolwr Y Rhyl yn Symud Ymlaen bod adroddiad wedi’i gyflwyno i’r Cabinet yn
ddiweddar, a bod y map sydd ynghlwm wrth y dogfennau wedi newid rhyw ychydig.
Roedd y Gorchymyn Prynu Gorfodol bellach yn cynnwys Stryd Gronant ac adeiladau
eraill, ond na fyddai hynny’n newid hyd a lled y prosiect mewn unrhyw
fodd.
Ø
Roedd Bwrdd Prosiect wedi’i sefydlu ond gan fod yr
Arweinydd wedi’i enwi ddwywaith ar y Bwrdd, roedd Llywodraeth Cymru a’r Cyngor
Sir wedi cytuno y dylai’r Cynghorydd Hugh Irving ddod yn aelod o’r Bwrdd.
Ø
Bydd
nifer yr anheddau un llofft yn gostwng yn Y Rhyl.
Esboniodd y Pennaeth Tai a Datblygu Cymunedol (HHCD) ei bod yn bwysig i’r
dyfodol adfywio’r strwythur cymdeithasol trwy weithio gyda chymunedau i’w
cynorthwyo trwy gynnig iddyn nhw fwy o hyfforddiant a swyddi. Nid gwario’r
arian ond yn hytrach sut oedd adnoddau yn cael eu defnyddio.
Penderfynwyd –
bod y Cyngor yn cymeradwyo’r prosiect ac yn dirprwyo’r pwerau canlynol i’r
Bwrdd Prosiect:-
(i)
Darparu’r arweiniad a’r cyfeiriad strategol
ar gyfer cyflawni’r prosiect sy’n canolbwyntio ar weithredu.
(ii)
Goruchwylio’r gwaith o redeg a monitro’r
prosiect i sicrhau ei fod yn cael ei gwblhau’n brydlon ac o fewn y
gyllideb.
(iii)
Dyrannu cyllid yn ôl yr angen i bob un o’r timau gwaith o
fewn paramedrau’r gyllideb a ddirprwyir yn flynyddol o’r Gweinidog dros Dai,
Adfywiad a Threftadaeth.
(iv)
Monitro cofrestr risgiau’r prosiect.
Dogfennau ategol:
- Council Report - WRHIP 11-09-12 (FINAL VER 20-08-12) W, Eitem 9. PDF 129 KB
- WRHIP Appendix 1 - Project Brief - West Rhyl Housing Improvement Project, Eitem 9. PDF 272 KB
- WRHIP Appendix 2 - WRHIP Block Plan, Eitem 9. PDF 1 MB
- WRHIP Appendix 3 - Artist's Impression of Green Space, Eitem 9. PDF 759 KB
- WRHIP Appendix 4 - WRHIP Programme Plan - Jul 12, Eitem 9. PDF 31 KB
- WRHIP Appendix 5 - WRHIP Board Terms of Reference (Draft) - July 2012, Eitem 9. PDF 110 KB
- WRHIP Appendix 6 - Summary of Community Consultation & Communication, Eitem 9. PDF 34 KB
- Appendix 7 - WRHIP Risk Register, Eitem 9. PDF 100 KB