Eitem ar yr agenda
Y BROSES TENDRO A DYFARNU I ARIAN RHAGLEN TEULUOEDD YN GYNTAF O EBRILL 2012
Ystyried adroddiad gan y Swyddog Comisiynu a Gwerthuso (Tîm
Partneriaethau a Chymunedau) (copi’n amgaeëdig) sy’n amlinellu’r prosesau a
ymgymerwyd i gomisiynu gwasanaethau i gefnogi Rhaglen Teuluoedd yn Gyntaf yn
Sir Ddinbych a gofyn am farn y Pwyllgor ar y prosesau a’r penderfyniadau a
argymhellwyd hyd yma.
Cofnodion:
Cyflwynodd y Pennaeth Cynllunio a Pherfformiad Busnes (HBPP) adroddiad (a ddosbarthwyd o flaen
llaw) yn rhoi gwybodaeth fanwl i’r Pwyllgor Craffu Partneriaethau ynghylch y
broses tendro a dyfarnu ar gyfer comisiynu gwasanaethau i gefnogi’r Rhaglen
Teuluoedd yn Gyntaf yn Sir Ddinbych, ac i hysbysu’r Pwyllgor o’r sefyllfa
gyfredol mewn perthynas â chomisiynu Projectau Strategol Teuluoedd yn Gyntaf
i’r cyfnod ariannol 2012 - 2014.
Rhoddodd HBPP
ychydig o’r cefndir i’r broses.
Yn 2011/2012 derbyniwyd arian oddi wrth Cymorth ac roedd y dull ar gyfer
dosbarthu’r arian wedi’i benderfynu gan bartneriaid Bwrdd Rhaglen
Partneriaethau Strategol Plant a Phobl Ifanc (CYPSPPB); mae Cyngor Sir Ddinbych
yn bartner arweiniol ar y bwrdd hwn.
Rhoddwyd y mwyafrif o’r arian ar ffurf grantiau bach i grwpiau, gyda
nifer ohonyn nhw wedi defnyddio’r arian yn llwyddiannus. Fodd bynnag, roedd
2011/2012 yn flwyddyn bontio rhwng y cyn-arian Cymorth a’r fenter Teuluoedd yn
Gyntaf newydd. Ar y cychwyn cyntaf, hysbyswyd y prosiectau a geisiodd yn
llwyddiannus am arian yn 2011/2012 y
byddai’r arian yn dod i ben ar ddiwedd Mawrth 2012. O ganlyniad, roedd yr holl
fudiadau wedi cael eu hannog a’u cynorthwyo i ddatblygu strategaeth ymadael i’w
cynorthwyo i reoli’r newidiadau a fyddai’n eu hwynebu. Roedd Llywodraeth Cymru
wedi monitro’n agos yr arian a ddosbarthwyd dros y blynyddoedd, ac roedd
rheolau’r fenter Teuluoedd yn Gyntaf newydd yn nodi’n glir ac amlwg mai pwrpas
unrhyw arian a ddosbarthwyd yn y dyfodol fyddai mynd i’r afael â thlodi plant a
chefnogi teuluoedd sydd fwyaf agored i niwed. Yn y gorffennol, bu’n anodd iawn
monitro nifer mwy o fudiadau a oedd wedi derbyn arian, ac roedd hynny wedi
achosi problemau mawr.
Fel y partner arweiniol, gwaith Sir Ddinbych oedd trosglwyddo o le gwariwyd
yr arian dros y 5 mlynedd diwethaf i flaenoriaethau newydd. Roedd hyn wedi bod yn waith anodd a dadleuol
iawn. Roedd yn golygu na allai rhai mudiadau bellach geisio am arian gan nad
oeddynt yn bodloni’r meini prawf. Er
mwyn bodloni meini prawf y Rhaglen Teuluoedd yn Gyntaf, roedd yn rhaid i
geisiadau arddangos y byddent yn cefnogi’r gwaith o wireddu Deilliant 4 o
Gynllun Integredig y Bwrdd Gwasanaeth lleol, sef y Cynllun MAWR, sef “bod
teuluoedd sy’n agored i newid yn Sir Ddinbych yn cael eu cefnogi i fyw bywyd
heb dlodi, lle y gallant ffynnu a bod yn annibynnol.”
Roedd CYPSPPB
wedi sefydlu Bwrdd Prosiect aml-asiantaeth i reoli a chomisiynu ceisiadau am
arian. Roedd wedi penderfynu ar y naw ffrwd ariannu a fyddai’n helpu gwireddu’r
deilliant uchod. Roedd y Bwrdd hefyd
wedi penderfynu defnyddio proses dendro ar gyfer dyrannu’r arian. Roedd meini
prawf eglur o’r hyn oedd yn cael ei wneud a sut oedd yr arian i gael ei
ddosbarthu. Rhoddwyd cefnogaeth a gwybodaeth hefyd i ddarparwyr potensial i’w
cynorthwyo gyda’r broses dendro.
Derbyniwyd nifer
fawr o dendrau, ac yn y pen draw, allan o 9 thema/elfen, comisiynwyd 7 gyda’r
rheiny yn eu lle erbyn Ebrill 2012.
Nid oedd modd comisiynu elfennau gwasanaeth Cefnogi Teulu ac Anabledd ar y
pryd, gan nad oedd y Panel yn sicr y gallai’r tendrau a dderbyniwyd ddarparu’r
hyn oedd ei angen. O ganlyniad,
penderfynwyd ail-dendro’r elfen Cefnogi Teulu fel bod modd uwchraddio
graddfeydd gwasanaethau gan y byddai’r elfen hon yn parhau am 3-4 blynedd. Roedd arian ar gael ar gyfer cynnal
gwasanaethau hyd nes bod gwasanaeth newydd yn ei le ym Medi 2012. Byddai’r arian hwn, a’r cytundeb lefel
gwasanaeth ar waith gyda Homestart Sir Ddinbych yn cynorthwyo gyda baich
achosion a’r gwaith o weithio trwy’r broses bontio. Byddai cleientiaid cymwys
yn cael eu symud i wasanaethau newydd yn dilyn cadarnhad y tendr
llwyddiannus. Roedd y broses gyfan wedi
bod yn fwy cymhleth na’r hyn a ragwelwyd yn wreiddiol, ond er hynny, roedd wedi
arwain at well gwerth am arian a gwell gwasanaethau i gleientiaid. Roedd y rhaglen gyfan i fod ar waith erbyn
Medi 2012.
Mewn perthynas â’r elfen Anabledd, gan fod arian ond ar gael hyd at 2014,
roedd y Panel Anabledd yn ddiweddar wedi dod i’r casgliad y byddai modd sicrhau
darpariaeth i 4 allan o’r 6 maes gwreiddiol, felly, byddai’r swm a dalwyd yn
llai er mwyn cymryd i ystyriaeth y ddarpariaeth interim a ddarparwyd gan Cyfle
Barnardos Cymru.
Mewn ymateb i
gwestiynau gan aelodau, dywedodd swyddogion:-
Ø
Eu
bod yn gweithio gyda’r Rheolwr Partneriaethau a Chymunedau i weld a oedd modd
annog y sawl oedd yn gymwys i hawlio cinio ysgol rhad i wneud cais amdano a
gweithio hynny i mewn i’r cynllun; byddai hynny wedyn yn arwain at welliant o
ran hawlio premiwm.
Ø
Mewn
perthynas â’r penderfyniad i beidio
â dyfarnu’r tendr ‘Cefnogi Teulu’ i
Homestart, a oedd wedi bod yn siom fawr
i nifer o gynghorwyr, rhoddwyd £20,000 i Homestart i barhau i weithio trwy’r
chwarter cyntaf, ac roedd hyn bellach wedi’i ymestyn hyd ddiwedd Awst i hwyluso
cyfnod yr haf – byddai arian ar gael hyd nes byddai’r tendr newydd ar waith i
gynorthwyo gyda’r cyfnod pontio, ac er mwyn peidio amharu neu effeithio ar
fywydau teuluoedd sydd angen cefnogaeth.
Ø
Esboniwyd
bod Homestart ond yn delio gyda phlant dan 5 oed, ac er ei fod yn gweithredu’n
bennaf gan ddefnyddio gwirfoddolwyr, bod y costau cynnal yn uchel iawn. Roedd angen gweithio gyda phlant o ystod
oedran eang, ac nid plant dan 5 yn unig. Roedd Homestart wedi cyflwyno tendr am
y gwaith y maen nhw’n ei wneud ar hyn o bryd, ac nid am wasanaethau a oedd i’w
comisiynu yn ôl manyleb y tendr.
Ø
Pwysleisiwyd
bod pob mudiad wedi cael o leiaf blwyddyn o rybudd o’r newidiadau, ac mai nod y
penderfyniad i chwilio am dendrau oedd gwella’r gwasanaeth.
Ø
Roedd
deilliannau mesuradwy wedi’u dyfeisio i bob un o’r cytundebau, a byddai modd
adrodd nôl arnynt i’r Pwyllgor yn
y dyfodol. Cytunodd yr HBPP i fynychu Cyfarfod o’r Pwyllgor Craffu
Partneriaethau yn Ionawr 2013 i roi diweddariad i’r Pwyllgor.
Yn dilyn
trafodaeth fanwl:-
PENDERFYNWYD:-
(a)
yn amodol ar yr ystyriaethau uchod, bod y
Pwyllgor yn cefnogi’r prosesau a’r penderfyniadau a argymhellwyd gan Fwrdd
Prosiect Teuluoedd yn Gyntaf fel y
cytunwyd arnynt mewn cyfarfodydd arbennig o Bartneriaeth Strategol Plant
a Phobl Ifanc (CYPSP); a
(b)
y dylai’r Pennaeth Cynllunio a
Pherfformiad Busnes adrodd nôl i’r Pwyllgor yn Ionawr 2013 ar y cynnydd
a wnaed o ran gweithredu a darparu’r gwasanaethau a gomisiynwyd, ac o hynny, ar
ddeilliant 4 o’r Cynllun MAWR.
Dogfennau ategol:
- 6 Families First Report 120712-W, Eitem 6. PDF 105 KB
- 6 Families First Report 120712 - App 1-W, Eitem 6. PDF 193 KB