Eitem ar yr agenda
CYTUNO AR GYNLLUN AR Y CYD AR GYFER DARPARU GWASANAETHAU CYMORTH IECHYD MEDDWL SYLFAENOL LLEOL
Ystyried adroddiad ar y cyd gan Bennaeth y Gwasanaethau Oedolion a Busnes a Phennaeth y Gwasanaethau Plant a Theuluoedd (copi’n amgaeëdig) yn gofyn i’r Pwyllgor ystyried y gofyniad i gael cynllun a gytunwyd ar gyfer darparu Gwasanaethau Cymorth Iechyd Meddwl Sylfaenol Lleol yn unol â’r ddeddfwriaeth, a’r trefniadau i ddatblygu a chytuno cynllun rhanbarthol i’r diben hwn.
Cofnodion:
Cyflwynodd y
Pennaeth Gwasanaethau Oedolion a Busnes (HABS) adroddiad (a ddosbarthwyd o
flaen llaw) i’r Pwyllgor gael gytuno ar gynllun ar y cyd ar gyfer darparu
Gwasanaethau Cymorth Iechyd Meddwl Sylfaenol Lleol (LPMHSS) yng Ngogledd Cymru,
yn ôl gofynion Rhan 1 Mesur
Iechyd Meddwl (Cymru) 2010. Cyflwynodd HABS Gyfarwyddwr Cynorthwyol Datblygiad
Partneriaeth Cymunedol, BCUHB, (AD:CPD) Wyn Thomas a oedd yn arwain y cynllun
ar ran Bwrdd Iechyd Prifysgol Betsi Cadwaladr (BCUHB) a Phennaeth Gwasanaethau
Plant a Theulu (HCFS) a oedd hefyd yn ymwneud â’r cynllun.
Rhoddodd AD:CPD grynodeb o’r adroddiad. Nid oedd y Mesur yn ymdrin â derbyn
a thrin pobl yn orfodol, ond yn hytrach yn ymdrin â phrosesau asesu a derbyn
gofal a thriniaeth o fewn gwasanaethau iechyd sylfaenol ac eilaidd. Roedd y
Mesur i fod i gryfhau rôl gofal sylfaenol
gyda’r gwaith o ddarparu gofal a thriniaeth iechyd meddwl effeithiol ac
yn nodi’r gofyniad y byddai LPMHSS yn cael ei ddarparu trwy Gymru erbyn Hydref
2012.
Roedd y Mesur
mewn pedair rhan:-
Rhan 1 –
Gwasanaethau Cymorth Iechyd Meddwl Sylfaenol Lleol (LPMHSS) (Hydref 2012)
Rhan 2 – Cydlynu
gofal a chynllunio gofal a thriniaeth (Mehefin 2012)
Rhan 3 –
Asesiadau o gyn-ddefnyddwyr gwasanaethau iechyd meddwl (Mehefin 2012)
Rhan 4 –
Eiriolaeth Iechyd Meddwl (Ionawr ac Ebrill 2012).
Roedd yr
adroddiad a gyflwynwyd yn ymwneud â Rhan 1 o’r Mesur.
Roedd Awdurdodau
Lleol ar draws Gogledd Cymru yn cyd-weithio gyda BCU ar y Mesur hwn. Codwyd
nifer o gwestiynau ar agweddau amrywiol o’r wybodaeth a gyflwynwyd o fewn yr
adroddiad gan aelodau, ac ymatebodd swyddogion fel a ganlyn:-
Ø
Rhoddodd AD:CPD esboniad ynghylch lefelau staffio. Roedd
y strwythur eisoes yn ei le yng Nghonwy a Sir Ddinbych i gynorthwyo gyda’r
Mesur, ond nid dyna’r sefyllfa yng Ngwynedd.
Roedd y canllawiau yn nodi bod angen 1 gweithiwr i bob 20,000 o
boblogaeth. Felly nid oedd Conwy a Sir Ddinbych angen nifer fawr o staff newydd
gan fod y model angenrheidiol i bob pwrpas eisoes ar fod; fodd bynnag, roedd
Gwynedd angen nifer o staff newydd.
Ø
Cadarnhaodd
AD:CPD bod ymgynghoriad wedi digwydd gyda rhanddeiliaid amrywiol ynghylch y
Mesur yn ei gyfanrwydd, gan gynnwys rhai defnyddwyr gwasanaeth, ac roedd
gweithrediad arfaethedig Gogledd Cymru wedi’i gynnwys fel rhan o’r
ymgynghoriad. Roedd y Cynllun drafft a’i weithrediad yn ofyniad deddfwriaeth
Llywodraeth Cymru (LlC) ac roedd LlC wedi datblygu model gwasanaeth
cenedlaethol ar LPMHSS. Roedd rhai defnyddwyr gwasanaeth yn aelodau o’r Bwrdd
Prosiect ac felly byddai modd pasio unrhyw wybodaeth ymlaen o’r cyfarfodydd
hynny. Roedd y posibilrwydd o
ymgynghoriad ymhellach gyda defnyddwyr gwasanaeth yn cael sylw, ac roedd
adolygiad llawn ar y gweill. Byddai’r Cynllun ei hunan yn cael ei adolygu yn
chwarterol gan Iechyd Meddwl Cydweithredol Gogledd Cymru.
Ø
Nododd
Pennaeth Gwasanaethau Plant a Theulu (HCFS) ei fod o brofiad yn ymwybodol bod
defnyddwyr gwasanaeth wedi bod yn rhan o’r broses gyffredinol o lunio’r
cynllun.
Ø
Roedd
pwyslais y Cynllun ar ymyrraeth gynnar, gyda’r nod o atal defnyddwyr gwasanaeth
rhag cael eu derbyn i ofal; byddai elfen o unrhyw gynlluniau gofal a luniwyd yn
cynnwys cyfranogiad aelodau teulu agos a gofalwyr y defnyddwyr gwasanaeth, yn
unol â Rhan 2 o’r Mesur. O
bryd i’w gilydd, nid oedd rhai defnyddwyr gwasanaeth am i aelodau o’r teulu fod
yn rhan o’r broses. Ar y llaw arall, roedd rhai defnyddwyr gwasanaeth yn
teimlo’u bod yn gallu ymdopi’n well pe byddai aelodau o’r teulu yn cael chwarae
rhan weithredol. Roedd y gofal gorau yn
broffesiynol, ond hefyd yn cynnwys cefnogaeth teulu gan mai’r teulu fyddai’n
sylwi ar newidiadau gyda’r defnyddiwr gwasanaeth, waeth pa mor fach fyddai’r
newidiadau hynny’n aml.
Ø
Nododd AD:CPD y dylai’r Mesur ar bapur liniaru peth o’r
pwysau ar feddygfeydd meddygon teulu gan fod y Mesur i fod i gynorthwyo
meddygon teulu i gael gafael ar driniaeth iechyd meddwl yn gyflymach. Byddai
gweithwyr yn treulio amser o fewn Practis y Meddyg Teulu yn asesu ac atgyfeirio
achosion. Fodd bynnag, gallai diffyg lle ym meddygfeydd meddygon teulu fod yn
broblem, oherwydd os na allai’r meddygon teulu ddarparu’r gwasanaeth o fewn eu
hadeiladau, yna byddai’n rhaid darparu’r gwasanaeth rhywle arall. Byddai gwybodaeth y meddygon teulu a staff y
Practis yn gwella o weithio’n agos gyda’r staff a fyddai’n cynnal yr asesiadau.
Byddai’r atgyfeiriadau a’r gofynion ar yr LPMHSS a’u gweithgareddau cysylltiol
yn cael eu monitro, a phe byddai’r galw’n cynyddu, byddai goblygiadau i’r
gwasanaethau. BCU fyddai’n cynnal y
monitro ar y cyd gyda’r awdurdod lleol. Mae BCU ar hyn o bryd yn monitro
elfennau o fewn Mesurau amrywiol, gan hysbysu LlC o’r canlyniadau.
Nododd yr Aelod Arweiniol dros Ofal Cymdeithasol a Gwasanaethau Plant bod y
Mesur ar y cyfan yn un da. Roedd yn rhagweld y gallai’r Gwasanaeth ar y dechrau
adnabod mwy o bobl a fyddai angen y gwasanaethau hyn, yn enwedig o gofio bod
pobl yn byw yn hirach, a bod cynnydd yn nifer y bobl sy’n cael diagnosis o
Afiechyd Alzheimer. O ganlyniad, roedd hi’n bryderus ynghylch cost potensial
hyn a sut y byddai modd ariannu’r gost ar draws y rhanbarth.
Nododd yr Is-Gadeirydd bod un ymhob pedwar person yn y sir yn dioddef o
broblemau iechyd meddwl, ac y byddai ar feddygon teulu angen hyfforddiant ar y
cynllun hwn. Mewn ymateb i gwestiwn ynghylch cymwysterau gweithwyr a fyddai’n
cynnal yr asesiadau, cadarnhaodd yr AD:CPD y byddai’r Bwrdd Iechyd yn cyflogi
gweithwyr iechyd cynradd sef nyrsys seiciatrig, gweithwyr cymdeithasol,
therapyddion cymwys, ayyb, a oedd wedi’u recriwtio o fewn proffesiynau sydd
wedi'u diffinio ac yn meddu ar y cymwysterau gofynnol i gynnal yr asesiadau.
Bydden nhw'n gweithio mewn meddygfeydd
meddygon teulu yn rhan amser, o bosibl un diwrnod yr wythnos i asesu anghenion
person. Pe byddai gan berson anghenion
iechyd meddwl mwy dwys, bydden nhw'n cael eu hatgyfeirio.
Mewn ymateb i
gwestiynau eraill, dywedodd yr AD:CPD:-
Ø
Mewn
perthynas â nifer y gwelyau a
ddefnyddiwyd o fewn Uned Ablett a oedd yn ward lem lle gallai defnyddiwr
gwasanaeth gael gwely am hyd at chwe wythnos, roedd y ffigurau defnyddio yn
uchel, 80% ac roedd cryn bwysau ar y defnydd o welyau yno.
Ø
Roedd Unllais yn fudiad gwirfoddol a roddai gyngor, ac a
oedd hefyd yn cynnal hyfforddiant i
fudiadau yn y sector gwirfoddol. Roedd Unllais hefyd yn delio gyda gwasanaethau
eiriolaeth ac yn cefnogi ystod o fudiadau eraill.
Ø
Roedd meddygon teulu yn cael eu hannog i ddefnyddio
cyffuriau gwrth iselder yn effeithiol. Roedd gwasanaeth yng Ngogledd Cymru i
bobl a oedd yn cymryd cyffuriau ar bresgripsiwn i’w helpu i ddod oddi arnynt yn
y pen draw. Ar adegau, rhoddwyd cyffuriau i glaf yn hytrach nag ymyrraeth.
Mynegodd y Cadeirydd bryder ynghylch y cymorth a oedd yn cael ei gynnig i
ofalwyr gan ofyn a oedd digon o gymorth yn cael ei gynnig. Esboniodd yr AD:CPD nad oedd y Mesur yn
effeithio’n uniongyrchol ar ofalwyr. Er hynny, cyfeiriodd at y Mesur
Strategaethau ar gyfer Gofalwyr (Cymru) 2010, a oedd yn nodi bod yn rhaid i
awdurdodau GIG yng Nghymru ddatblygu Strategaethau ar gyfer Gofalwyr a bod yn
rhaid i Weinidogion LlC eu cymeradwyo erbyn diwedd Hydref 2012; dywedodd y
dylai hyn sicrhau bod anghenion gofalwyr yn cael eu cyflawni.
Penderfynodd y
Pwyllgor :
(a)
yn amodol ar y sylwadau uchod, ei fod yn
cytuno gyda’r gofyniad i gael cynllun yn ei le i Ran 1 o’r Mesur, a’r
trefniadau i ddatblygu a chytuno ar y cynllun rhanbarthol sydd wedi’i sefydlu;
(b)
y dylai’r Aelod Arweiniol sicrhau bod y
Pwyllgor Craffu Partneriaethau yn derbyn gwybodaeth ynghylch cynnydd a wnaed o
ran gweithredu a monitro’r Cynllun; ac
(c)
y dylid cyflwyno adroddiad yn rhoi
gwybodaeth bellach ar gynnydd o ran gweithredu’r Cyd Gynllun mewn cyfarfod o’r
Pwyllgor Craffu Partneriaethau yn naill ai Mawrth neu Ebrill 2013.
Dogfennau ategol:
- 5 Mental Health Measure Report 0120712 W, Eitem 5. PDF 97 KB
- 5 Mental Health Measure Report 0120712 - App 1W, Eitem 5. PDF 333 KB
- 5 Mental Health Measure Report 0120712 - App 2, Eitem 5. PDF 16 KB