Eitem ar yr agenda
ADOLYGIAD O WASANAETHAU DYDD YNG NGOGLEDD Y SIR
Ystyried adroddiad
gan y Pennaeth Gwasanaethau Oedolion a Busnes (copi’n amgaeëdig) yn rhoi
diweddariad ar adolygu Gwasanaethau Dydd yng Ngogledd y Sir, ac yn cynghori ar
yr opsiwn a ffefrir er mwyn darparu gwasanaethau yn y dyfodol, ar gyfer
ymgynghoriad ffurfiol.
10.10a.m.
Cofnodion:
Roedd copi o adroddiad gan y Pennaeth Gwasanaethau Oedolion a Busnes, a
oedd yn rhoi diweddariad ar adolygiad Gwasanaethau Dydd yng Ngogledd y Sir, ac
yn cynnig yr opsiwn dymunol ar gyfer darparu gwasanaethau i’r dyfodol ar gyfer
ymgynghoriad ffurfiol, wedi’i ddosbarthu gyda’r papurau i’r cyfarfod.
Esboniodd y Pennaeth Gwasanaethau Oedolion a Busnes bod angen, fel rhan
o foderneiddio gwasanaethau cymdeithasol, adolygu’r ddarpariaeth o wasanaethau
dydd arunig i bobl hŷn, Hafan Deg yn Rhyl a Llys Nant ym Mhrestatyn, i
sicrhau bod y gwasanaeth a gynigiwyd yn gyson gyda’r polisi ail-alluogi.
Darparwyd disgrifiadau manwl o’r canolfannau i Aelodau. Roedd adolygiad o’r
gwasanaethau wedi’i gomisiynu yng Ngorffennaf 2011 ac roedd yr argymhellion a
wnaed wedi’u crynhoi yn yr adroddiad. Oherwydd mesurau oedd eisoes wedi’u
gweithredu, roedd y gofyniad arbedion bellach wedi gostwng i £60,000, i’w
gyflawni o’r argymhellion a amlinellwyd ar gyfer 2013/14.
Amlinellwyd yr egwyddorion yn yr adroddiad, a thynnodd y Pennaeth Gwasanaethau Oedolion a Busnes sylw
at yr angen i wneud newidiadau i gyflawni anghenion y bobl fwyaf bregus yn y
Sir yn y dyfodol. Aeth ati i gydnabod yr
angen am ddarparu gwasanaethau gofal dydd yn Rhyl, Prestatyn ac ardaloedd
eraill, a bod mynediad rhwydd at yr adeiladau a ddefnyddiwyd yn
hollbwysig.
Mewn ymateb i gwestiwn
ynghylch y gwahaniaeth rhwng ymyriad tymor byr a gofal tymor hir, esboniwyd bod
y GIG a’r Ddeddf Gofal Cymdeithasol 1990 yn rhoi dyletswydd ar Awdurdodau Lleol
i asesu anghenion gofal cymdeithasol.
Roedd Deddf Cymorth Gwladol 1948 a Deddf Cleifion Cronig a Phersonau
Anabl 1970 yn darparu ar gyfer darparu gwasanaethau i gyflawni unrhyw anghenion
cymwys. Roedd modd cyflawni hyn trwy
drefniadau trydydd person fel sy’n bodoli ar hyn o bryd gyda gofal yn y cartref
a gwasanaethau preswyl.
Cododd Aelodau'r pwyntiau canlynol wrth gefnogi cadw’r Canolfannau dan
sylw:-
-
Tynnwyd sylw at bwysigrwydd
sicrhau cyfranogiad Aelod Lleol ymhob cam o’r broses ymgynghori. Mynegwyd pryder
bod dileu’r cymhorthdal i ffioedd wedi eithrio nifer sylweddol o ddefnyddwyr
gwasanaeth potensial o’r broses ymgynghori a allai effeithio yn y pen draw ar
yr adborth a geir o’r ymgynghoriad, ac na fyddai darparu gwasanaethau trwy’r
sector preifat yn cwrdd â’r safonau a oedd yn cael eu darparu ar hyn o bryd.
Roedd y cynnydd mewn ffioedd hefyd wedi rhwystro defnyddwyr rhag defnyddio’r
cyfleusterau ac roedd hynny’n rhoi’r argraff nad oedd angen y
gwasanaethau.
-
Codwyd pryderon hefyd bod rhai gofalwyr nawr yn talu am
ofal dydd i’w hanwyliaid o’u lwfansau gofalwyr eu hunain.
-
Cyfeiriwyd at y staff a’r cyfleusterau ardderchog sydd ar
gael ar hyn o bryd, y colli swyddi posibl pe byddai’r gwasanaethau’n cael eu
preifateiddio, pwysigrwydd yr ysbryd cymunedol a’r gwmnïaeth y mae’r sefydliadau
hyn yn eu cynnig, a’r angen i’r Awdurdod barhau i ddarparu gwasanaethau lefel
uchel.
-
Wrth ystyried yr Opsiynau,
roedd y Cynghorydd J. Butterfield yn teimlo
y byddai’n bwysig cymryd i ystyriaeth y tanwariant o £713k o fewn y
Gyfarwyddiaeth. Esboniodd y byddai’n bwysig cadw’r gwasanaethau o fewn y
Canolfannau dan sylw a oedd wedi’u hadeiladu’n bwrpasol. Teimlwyd hefyd na
fyddai’r cyhoeddiadau a ddisgwyliwyd ynghylch Adolygiadau Gwasanaeth y GIG yn
cael dylanwad mewn perthynas â darparu’r gwasanaeth hwn.
-
Cwestiynwyd y prosesau asesu ac ymgynghori, gyda
chyfeiriad arbennig at faterion yn ymwneud â ffioedd.
-
Mynegwyd
pryderon bod nifer y llefydd gofal dydd ar gael ym Mhrestatyn wedi gostwng yn
sylweddol ar ôl i Llys Nant gau.
-
Codwyd pryderon gan y Cynghorydd D. Simmons ynghylch
Cyfeiriodd y Pennaeth
Gwasanaethau Oedolion a Busnes at y materion allweddol canlynol wrth ymateb i
Aelodau:-
·
Roedd Aelodau Lleol wedi bod
yn rhan o’r broses ymgynghori ac wedi cael eu gwahodd i fynychu cyfarfodydd y Grŵp
Ffocws.
·
Roedd y Cabinet wedi cytuno ar
ffioedd a thaliadau gydag uchafswm tâl o £50 yr wythnos am wasanaethau gofal
cartref, yn unol â chanllawiau Llywodraeth Cymru, er bod modd hepgor hyn pe na
fyddai’r defnyddiwr gwasanaeth yn gallu fforddio’r tâl penodol. Cadarnhawyd y
byddai gofyn i’r Awdurdod gyflawni unrhyw anghenion a adnabuwyd waeth beth fo’r
gost.
·
Byddai ymgynghoriad yn cwmpasu’r gymuned ehangach, gan
gynnwys defnyddwyr gwasanaeth, defnyddwyr gwasanaeth potensial a staff, a
byddai Asesiad Effaith ar Gydraddoldeb hefyd yn cael ei gynnal.
·
Rhoddwyd manylion o’r ymgynghoriad a gynhaliwyd fel rhan
o’r adolygiad gyda staff, defnyddwyr a gofalwyr yn y 2 Ganolfan.
Yn ystod y drafodaeth a ddilynodd, cytunodd y Pwyllgor bod yn rhaid
mabwysiadu Cynllun Ymgynghori a oedd yn eglur, manwl, tryloyw ac yn cynnwys
Aelodau Lleol ar bob cam. Cytunodd Aelodau hefyd y dylai’r Cynllun Ymgynghori
nodi holl randdeiliaid â ganddynt ddiddordeb ac y dylid adrodd nôl i’r Pwyllgor
maes o law ar ganlyniadau’r ymgynghoriad.
PENDERFYNWYD:-
(a)
y dylid derbyn yr adroddiad.
(b)
y dylid cymeradwyo’r hoff
opsiwn ar gyfer ymgynghoriad ffurfiol gyda’r holl randdeiliaid perthnasol;
(c)
y dylai Aelodau Lleol fod
yn rhan o’r broses ymgynghori ar bob cam, ac
(d)
y dylid cyflwyno
canlyniadau’r ymarfer ymgynghori i’r Pwyllgor yn ei gyfarfod ym mis
Hydref.
Dogfennau ategol: