Eitem ar yr agenda
GWASANAETHAU CEFNOGI ATAL DIGARTREFEDD A CHYSYLLTIEDIG Â THAI
I ystyried
adroddiad yn edrych ar effeithiolrwydd y gwasanaeth amlddisgyblaethol wrth
gyflenwi gwasanaethau digartrefedd yn unol â gweledigaeth Llywodraeth Cymru ar
gyfer gwasanaethau cefnogi atal digartrefedd a chysylltiedig â thai; ac
adolygu’r camau gweithredu sy’n codi o’r Archwilio Mewnol o ‘Ddarpariaeth Llety
i’r Digartref’ yn unol â’r atgyfeiriad gan y Pwyllgor Llywodraethu ac Archwilio
yn Ionawr 2021 (copi ynghlwm).
10:45 – 11:30
Cofnodion:
Croesawodd y
Cadeirydd Pennaeth Gwasanaethau Cymorth Cymunedol i’w gyfarfod diwethaf cyn y
bydd yn ymddeol. Diolchodd y Cadeirydd am ei wasanaeth a dymunwyd yn dda iddo
yn ei ymddeoliad.
Cyflwynodd Aelod Arweiniol Lles ac Annibyniaeth yr adroddiad (a
ddosbarthwyd ymlaen llaw) yn gwahodd aelodau i edrych ar effeithiolrwydd
gwasanaeth wedi’i ailstrwythuro, i’w weithredu ym mis Ebrill 2021, a gyflawnwyd
gyda gweledigaeth Llywodraeth Cymru i gefnogaeth ddigartrefedd a thai. Mabwysiadu traws-wasanaeth/ dull
corfforaethol y pwyslais yn cael ei roi ar ymyrraeth ac ataliaeth digartrefedd.
Adolygiad Archwilio Mewnol o Ddarpariaeth Llety ar gyfer bobl ddigartref
wedi’i gwblhau ym mis Mawrth 2020 a roddodd raddfa sicrwydd isel. Mae’r adroddiad dilynol Archwilio Mewnol
yn dangos fod chwech o gamau gweithredu wedi eu cwblhau, a deg cam sy’n weddill
yn y broses o gael eu trin. Mi wnaeth Adran Archwilio gydnabod bod datblygiad
wedi'i wneud ond ar hyn o bryd, roedd y graddfa sicrwydd isel yn parhau.
Canmolodd yr Aelod Arweiniol y staff gwasanaeth am eu holl waith dan bwysau y
pandemig.
Dywedodd Ann
Lloyd, Pennaeth Gwasanaeth Dros Dro, o ganlyniad i ailstrwythuro roedd tîm
amlddisgyblaethol wedi ei roi ar waith. Roedd adnoddau cynyddol yn golygu bod
gan y tîm eu cyfranogwyr iechyd meddwl eu hunain, cwnselydd, gweithwyr
cymdeithasol a chyfranogwyr cefnogi pobl digartref i ddarparu cefnogaeth mwy
cyfannol. Roeddynt yn aros am swyddog proffesiynol iechyd meddwl cam-drin
sylweddau Bwrdd Iechyd Prifysgol Betsi Cadwaladr ar secondiad i gwblhau’r tîm.
Roedd disgwyliad
bod y nifer o bobl mewn llety argyfwng dros dro yn aros yn statig ar hyn o bryd
– 150 – 180 aelwyd. Roedd lleihad wedi bod yn y nifer o deuluoedd yn cael eu
cyflwyno a oedd yn ymddangos yn dilyn Llywodraeth Cymru yn stopio troi pobl
allan, a nid yw’r broses Llys wedi dal i fyny gydag ôl-groniad o achosion.
Roedd disgwyl iddynt gynyddu. Roedd cynnydd yn y nifer o bobl dan 35 oed yn
sy'n datgan eu bod yn ddigartref.
Gan weithio ar y cyd gyda’r Gwasanaethau Tai, roeddynt wedi gallu sicrhau
99 tenantiaeth aelwyd drwy brydlesi uniongyrchol gan Dai Cymunedol Sir Ddinbych
a Landlordiaid Cymdeithasol Cofrestredig eraill.
Roedd cyllid wedi
cael ei ddarparu ar gyfer Gweithwyr Cefnogi Tenantiaeth, yn ffocysu ar
ataliaeth ac ymyrraeth er mwyn arafu nifer o aelwydydd sydd yn dod yn
ddigartref. Roedd cyllid wedi’i sicrhau gan y Grant Cymorth Tai i dendro
darpariaeth i hyrwyddo ymgysylltiad â aelwydydd gyda phroblemau megis dyledion,
ôl-ddyledion rhent neu anghydfod rhwng cymdogion ac ymyrraeth gynnar i atal dod
yn ddigartref.
Roedd llety
argyfwng gwell ansawdd yn cael ei geisio ond roedd y rhwystr o ddim eiddo ar
gael yn parhau. Roedd llai o eiddo rhent ar gael a roedd y rhai hynny oedd ar
gael yn costio gormod.
Gan ymateb i gwestiynau’r Pwyllgor, dywedodd y swyddog:
·
Bod
gweithredu ailstrwythuro a chreu dilynol o’r tîm amlddisgyblaethol wedi cael
effaith cadarnhaol ar gefnogi dinasyddion, er y cymhlethdodau oedd yn codi
gyda’r pandemig.
·
Roedd
Sir Ddinbych ar flaen y gad o ran newidiadau rheoleiddiol Llywodraeth Cymru –
model ailgartrefu cyflym – o’i gymharu ag awdurdodau lleol eraill.
·
Nid oedd toriad wedi bod yn y gyllideb graidd i'r
Gwasanaeth. Ni allai’r Grant
Cymorth Tai gael ei ddefnyddio’n gyfreithiol i ategu’r Cyllideb Craidd a oedd
yn cyflenwi’r gwasanaethau statudol a ddarparwyd.
·
Nid
oedd rhent yn cael ei dalu gan yr Awdurdod ar eiddo a oedd yn cael eu rhentu
gan y portffolio Tai Cymunedol. Cyfrifoldeb yr deiliad tŷ oedd talu’r
rhent.
·
Yn
gorfforaethol roedd y Uwch Dîm Arweinyddiaeth wedi sefydlu is-grŵp
Digartrefedd i edrych yn benodol ar faterion llety, i wella ansawdd ac
argaeledd llety mewn argyfwng a llety parhaol.
·
Dylai
cyfleuster llety dros dro i deuluoedd - Epworth Lodge – fod ar gael yn y
flwyddyn newydd.
·
Roedd
galw uwch yng ngogledd y sir yn hytrach nag i’r de. Roedd llety mewn argyfwng
ar gael yn ne y sir ond byddai’n debygol o fod yn sefydliad Gwely a Brecwast.
·
Gwnaethpwyd bob ymdrech i letya unigolyn digartref dros
dro neu’n barhaol yn eu hardal leol a/ neu yn agos i gefnogaeth teulu, os oedd
yn ddiogel i wneud ac os oedd eiddo addas ar gael. Fodd
bynnag, nid oedd hyn bob amser yn bosibl, yn arbennig mewn sefyllfa o argyfwng.
·
Er ei bod yn ymddangos yn rhyfedd fod y Cyngor yn
penderfynu cael gwared ar ddarn o dir mewn un rhan o’r sir - byddai’r darn
hwnnw wedi gallu cael ei ddefnyddio ar gyfer datblygu eiddo i gymhwyso
anghenion pobl ddigartref - y Rhyl oedd gyda’r angen fwyaf am lety ar y pryd ac
yng ngogledd y sir.
·
Gallai
unigolyn digartref gael llety mewn argyfwng (Gwely a Brecwast neu westy) yn
syth. Weithiau o bosib byddai'r llety y tu allan i'r Sir.
·
Roedd
hi’n anodd iawn dod o hyd i lety ‘Symud Ymlaen’ ar gyfer pobl dan 35 oed
oherwydd diffyg hawl i gael budd-dal tai llawn a
·
Bydd y datblygiad posibl o safle Maes Emlyn yn y Rhyl yn
cael ei ymgynghori yn y cyfarfod o’r Grŵp Ardal yr Aelodau'r Rhyl ym mis
Ionawr 2022.
Gofynnodd y
Cadeirydd os byddai modd cael adroddiad ar ddiweddariad gyda'r cynllun
gweithredu gwella i’r cyfarfod o’r Pwyllgor Craffu Partneriaethau sydd wedi’i
drefnu ar gyfer 7 Gorffennaf 2022.
Felly:
Penderfynwyd: - yn amodol ar y sylwadau a’r arsylwadau uchod bod y Pwyllgor -
(i)
wedi
sicrhau bod gweithredu gwasanaeth digartrefedd amlddisgyblaethol a dull
traws-wasanaeth Corfforaethol yn unol â gweledigaeth o ddigartref a chymorth
tai Llywodraeth Cymru, ac yn cyfrannu at amcanion Gwasanaeth Atal Digartrefedd
i sicrhau bod pawb yn cael eu diogelu a’u cefnogi yn unol mewn cartrefi sy’n
bodloni eu gofynion; a
(ii) ar ôl adolygu’r cynnydd wrth fynd i’r
afael â chamau gweithredu archwilio, cais bod adroddiad gyda diweddariad ar y
cynnydd gyda’r cynllun gweithredu gwelliant yn cael ei ddarparu iddo yn ystod
haf 2022. Bydd y Prif Archwilydd Mewnol yn darparu crynodeb o’r cynnydd a
wnaethpwyd i’r Pwyllgor Archwilio a Llywodraethu ar 16 Mawrth 2022 fel rhan o’r
adroddiad Diweddariad Archwilio Mewnol.
Dogfennau ategol:
- Homelessness Report 161221, Eitem 7. PDF 238 KB
- Homelessness Report 161221 - Appendix 1, Eitem 7. PDF 216 KB
- Homelessness Report 161221 - Appendix 2 Affordable Housing, Eitem 7. PDF 280 KB
- Homelessness Report 161221 - Appendix 3 MDT, Eitem 7. PDF 83 KB
- Homelessness Report 161221 - Appendix 4 HSG, Eitem 7. PDF 237 KB
- Homelessness Report 161221 - Appendix 5 Internal Audit, Eitem 7. PDF 323 KB