Eitem ar yr agenda
ADOLYGU CYDBWYSEDD GWLEIDYDDOL AC AELODAETH PWYLLGOR
Ystyried adroddiad
gan y Pennaeth Gwasanaethau Cyfreithiol a Democrataidd (copi’n amgaeëdig) ar
adolygiad statudol cydbwysedd gwleidyddol ac ystyried gofynion aelodaeth
pwyllgorau.
Cofnodion:
Roedd
copi o adroddiad gan y Pennaeth Gwasanaethau Cyfreithiol a Democrataidd, yn
hwyluso adolygiad statudol cydbwysedd gwleidyddol ac yn ystyried gofynion
aelodaeth Pwyllgor, wedi ei ddosbarthu gyda’r papurau ar gyfer y cyfarfod.
Cyflwynodd y Rheolwr Gwasanaethau
Democrataidd yr adroddiad a oedd yn cynnwys gwybodaeth i gynorthwyo’r Cyngor
a’r grwpiau gwleidyddol i ddyrannu seddau ar amrywiol bwyllgorau, yn unol â
darpariaethau statudol cydbwysedd gwleidyddol Deddf Llywodraeth Leol a Thai
1989 a’r Rheoliadau. Yr ymrwymiad statudol yw gweithredu, cyn belled ag y bo’n
ymarferol yn rhesymol, y bedair egwyddor yn y Ddeddf gyda’r nod o osgoi
pwyllgorau un blaid tra'n caniatáu i blaid sydd â mwyafrif gael mwyafrif y
seddau ar y pwyllgor.
Roedd manylion Pwyllgorau a Phaneli’r Cyngor, a chyfanswm nifer y
seddau a “oedd ar gael” ac angen eu dosbarthu ar sail cydbwysedd gwleidyddol,
wedi eu cynnwys yn Atodiad 2. Roedd Mesur Llywodraeth Leol (Cymru) 2011 yn
gofyn am sefydlu dau bwyllgor newydd: Pwyllgor Archwilio a Phwyllgor
Gwasanaethau Democrataidd, Roedd y Mesur hefyd yn pennu sut dylid dyrannu
swyddi Cadeiryddion y Pwyllgor Craffu, yn adlewyrchu sefyllfa o blaid cael
cadeiryddion craffu a oedd, cyn belled ag y bo modd, yn annibynnol o
arweinyddiaeth y Cyngor ac yn gysylltiedig â chydbwysedd gwleidyddol.
Roedd crynodeb o’r materion i’r Grwpiau eu hystyried wrth benodi eu
Haelodau i Bwyllgorau wedi ei amlinellu yn yr adroddiad ac yn cynnwys:-
·
Ni allai Aelodau’r Cabinet fod yn Aelodau Pwyllgor Craffu, y Pwyllgor
Llywodraethu Corfforaethol neu’r Pwyllgor Gwasanaethau Democrataidd.
·
Aelodaeth y Pwyllgor Gwasanaethau Democrataidd newydd fydd 11
Cynghorydd, ac ni ddylai gynnwys Aelod Cabinet, a chyda’r Pwyllgor yn
wleidyddol gytbwys.
·
Y Pwyllgor Llywodraethu Corfforaethol fydd y Pwyllgor Archwilio newydd,
yn cynnwys 6 Chynghorydd etholedig, a heb gynnwys Aelod Cabinet, ac aelod
lleyg, pob un i’w penodi gan y Cyngor llawn. Aelodaeth i gynnwys Is-gadeirydd y
Cyngor ac ni ddylai Aelodau Llywodraethu Corfforaethol fod yn Aelodau Pwyllgor
Craffu.
·
Y Cyd-bwyllgor Ymgynghorol Lleol i gynnwys 1 Aelod Cabinet, yr Aelod
Cabinet gyda chyfrifoldeb am faterion Adnoddau Dynol fyddai orau.
·
Y Pwyllgor Iechyd, Diogelwch a Lles Corfforaethol i gynnwys 8
Cynghorydd, wedi eu penodi gan y grwpiau gwleidyddol, ac 8 cynrychiolydd
undebau llafur.
·
Aelod i’w benodi i’r Panel Maethu a’r Cyd-Banel Mabwysiadu.
·
Aelodau’r Cyngor Ymgynghorol Sefydlog ar gyfer Addysg Grefyddol (CYSAAG)
i gynnwys 8 Cynghorydd a chynrychiolwyr o enwadau crefyddol, cymdeithasau athrawon
ac aelodau cyfetholedig.
·
Aelodaeth y Pwyllgor Safonau i gynnwys 2 Gynghorydd Sir.
Cyfeiriodd y Cynghorydd J
Butterfield at y gwaith rhagorol a wnaed gan y Cynghorydd J Chamberain-Jones
fel aelod o’r Panel Maethu a’r Cyd-banel Mabwysiadu a chefnogodd ei phenodiad
i’r swydd. Heriodd ddyraniad seddau ar y Pwyllgor Llywodraethu Corfforaethol a
gofynnodd bod y ffigurau’n cael eu hadolygu a bod y Grŵp Llafur yn cael 3
sedd a’r Grŵp Annibynnol yn cael 1 sedd ar sail y ffaith mai’r Grŵp
Llafur oedd y Grŵp mwyaf ar y Cyngor.
Mewn ymateb i gwestiwn gan y
Cynghorydd D.I. Smith ar ddyrannu Cadeiryddion Pwyllgorau Craffu, esboniodd y
Pennaeth Gwasanaethau Cyfreithiol a Democrataidd bod y mater wedi ei drafod
gyda swyddogion Llywodraeth Cymru a oedd wedi cadarnhau bod Mesur Llywodraeth
Leol (Cymru) 2011 wedi pennu sut i benderfynu ar nifer y Cadeiryddion Pwyllgor
Craffu y gallai’r Grwpiau eu dyrannu, ond nad oedd yn pennu proses ar gyfer
dyrannu Pwyllgorau i Grwpiau. Byddai hyn yn fater i’r Grwpiau gwleidyddol ei
benderfynu ac nid oedd yn fater i’w benderfynu gan y Cyngor.
Esboniodd y Pennaeth
Gwasanaethau Cyfreithiol a Democrataidd, cyn ystyried yr argymhellion yn yr
adroddiad, y byddai angen i’r Aelodau ystyried y cynnig a wnaed gan y
Cynghorydd Butterfield, bod y ffigurau a oedd yn ymwneud â dosbarthu seddau’r
Pwyllgor Llywodraethu Corfforaethol yn cael eu hadolygu; o roddi’r mater i
bleidlais, trechwyd y cynnig.
Roedd enwebiadau ar gyfer penodi 2 Aelod i’r Pwyllgor Safonau yn
cynnwys y Cynghorwyr R.J. Davies, W.L. Cowie, M.L. Holland a C. Hughes. Gwahoddwyd pob aelod i wneud cyflwyniad byr
ac ar y pwynt hwn, tynnodd y Cynghorydd R.J. Davies ei enwebiad yn ôl.
Cynhaliwyd pleidlais ddirgel ac fe benodwyd y Cynghorwyr W.L. Cowie a C. Hughes
i’r Pwyllgo Safonau.
Ystyriodd y Cyngor yr argymhellion yn yr adroddiad ac ar ôl
trafodaeth lawn, gan gynnwys ystyried enwebiadau gan Arweinwyr Grwpiau, fe:-
BENDERFYNWYD – bod y Cyngor yn cytuno:
(a)
Defnyddio’r tabl dyrannu i gael dyraniad
gwleidyddol gytbwys seddau Pwyllgor fel y cynhwyswyd yn Atodiad 1 i’r
adroddiad.
(b)
Dosbarthiad y seddau fel y nodwyd yn Atodiad
2 a bod y grwpiau gwleidyddol yn hysbysu’r Pennaeth Gwasanaethau Cyfreithiol a
Democrataidd o’r Aelodau a enwyd i’w seddau penodol cyn gynted ag y bo modd, ac
eithrio penodiadau i’r Cabinet.
(c)
Y penodiadau canlynol:-
(i) |
Aelodau nad ydynt yn
aelodau’r Cabinet, y Cynghorwyr W.L. Cowie, S.A. Davies, M.L. Holland, G.M.
Kensler, W.M. Mullen-James, R.M. Murray, P.W. Owen, T.M.
Parry, A. Roberts a G. Sandilands i’w penodi i’r Pwyllgor Gwasanaethau
Democrataidd gyda’r Cynghorydd B. Mellor yn Gadeirydd. |
(ii) |
Aelodau nad ydynt yn
aelodau’r Cabinet, y Cynghorwyr J.R.
Bartley, S.A. Davies, M.L. Holland, G.M. Kensler, J.M. McLellan a D.
Simmons i’w penodi i’r Pwyllgor Llywodraethu Corfforaethol. |
(iii) |
Penodi’r Cynghorydd
J. Chamberlain-Jones i’r Panel Maethu a
Chyd-banel Mabwysiadu, a’r |
(iv) |
Cynghorwyr W.L. Cowie a C.
Hughes yn cael eu penodi i’r Pwyllgor Safonau. |
Dirprwyo i’r Pwyllgor Llywodraethu
Corfforaethol rôl cyfweld ymgeiswyr am swydd aelod lleyg ar y Pwyllgor a gwneud
argymhellion ar y penodiad i’r Cyngor llawn.
Dogfennau ategol:
- Political Balance Report, Eitem 4. PDF 83 KB
- Pol bal Calculator 2012, Eitem 4. PDF 11 KB
- Political Balance Appendix 2 2012, Eitem 4. PDF 32 KB