Eitem ar yr agenda
PROSIECT ARCHIFAU AR Y CYD SIR DDINBYCH A SIR Y FFLINT
Ystyried
adroddiad gan y Cynghorydd Tony Thomas, Aelod Arweiniol Tai a Chymunedau (copi
ynghlwm) yn gofyn am gefnogaeth y Cabinet ar gyfer adeilad Archif Passivhaus
newydd a adeiladwyd yn bwrpasol yn Yr Wyddgrug ar gyfer Gwasanaeth Archifau ar
y Cyd newydd Sir Ddinbych a Sir y Fflint a gofynion arian grant ac arian
cyfatebol cysylltiol.
Penderfyniad:
Cafwyd pleidlais: 7
o blaid, 0 yn erbyn, 0 ymatal
PENDERFYNWYD y byddai’r Cabinet yn –
(a) cytuno y caiff y
Gwasanaeth Archifau ar y Cyd gyflwyno cais i gam nesaf (Rownd 1) Cronfa
Treftadaeth Gorwelion Cronfa Dreftadaeth y Loteri;
(b) nodi’r galw
posib ar £2,034,521 o gyllid y Cyngor er mwyn cyflawni’r ganolfan archifau
newydd.
Mae hyn yn dibynnu os bydd y cais yn
llwyddiannus ar gam Rownd 1 o’r broses ymgeisio am grant Cronfa Dreftadaeth y
Loteri a derbyn ffurflen cynnig cyllid, a
(c) cymeradwyo’r
dull gweithredu o safbwynt Carchar Rhuthun ac estyniad arfaethedig yr atyniad
treftadaeth, fel yr amlinellir yn adran 4.8 yr adroddiad.
Cofnodion:
[Roedd rhaid i’r Arweinydd adael yn ystod yr eitem hon a chymerodd y
Dirprwy Arweinydd, y Cynghorydd Julian Thompson-Hill y Gadair am weddill y
cyfarfod.]
Cyflwynodd
y Cynghorydd Tony Thomas yr adroddiad yn ceisio cefnogaeth y Cabinet am adeilad
Archif Passivhaus pwrpasol newydd arfaethedig yn yr Wyddgrug, er mwyn lletya
Gwasanaeth Archifau ar y Cyd Sir Ddinbych a Sir y Fflint sydd newydd ei ffurfio
a'r cyllid grant cysylltiedig a'r gofynion arian cyfatebol.
Roedd
y gwasanaeth archifau ar y cyd wedi’i ffurfio i alluogi’r cynghorau i fodloni
eu cyfrifoldebau deddfwriaethol o ran dogfennau o bwysigrwydd hanesyddol a
chreu gwasanaeth gwell a mwy cynaliadwy. Roedd y gwasanaeth ar y cyd yn
cael ei weithredu dros ddwy safle ym Mhenarlâg a (Carchar) Rhuthun. Datblygwyd y cais Grant
Heritage Horizons Cronfa Dreftadaeth y Loteri Genedlaethol er mwyn ariannu adeilad
newydd pwrpasol yn yr Wyddgrug a chynllun gweithgaredd 3 mlynedd cysylltiol. Dewiswyd y safle o astudiaeth
ddichonoldeb safle a gynhaliwyd gan ymgynghorydd annibynnol. Roedd yr adroddiad yn
cyflwyno’r achos ar gyfer yr adeilad newydd; gan roi manylion ystyriaethau
ariannol, a chynigion ar gyfer Carchar Rhuthun.
Amlygodd
y Cynghorydd Thomas gyfrifoldebau statudol y Cyngor i ddiogelu ei eitemau
hanesyddol a’r anawsterau presennol a wynebwyd o ran problemau capasiti, cyflwr
y cyfleusterau presennol a’r buddsoddiad sylweddol angenrheidiol wrth symud
ymlaen. Byddai’r
cynigion yn parhau i ganiatáu presenoldeb yr archifau yn Rhuthun gyda
darpariaeth cysylltu-o-bell o holl lyfrgelloedd a fyddai’n cryfhau safle a
darparu hygyrchedd i holl drigolion. Roedd ymrwymiad hefyd i
wella'r cynnig treftadaeth yng Ngharchar Rhuthun (gan ddefnyddio gofod gwag y
gwasanaeth archifau) gyda'r golwg o ddyblu'r 12,000 o ymwelwyr presennol i’r
safle. Roedd
mynegiannau cadarnhaol o ran y cynnig i Gronfa Heritage Horizon Cronfa Dreftadaeth
y Loteri, ond nid oedd sicrwydd o lwyddiant. Pe bydda’i cynnig yn
llwyddiannus, byddai adeilad pwrpasol newydd yn cael ei ddarparu i letya’r
gwasanaeth archifau ar y cyd a fydd yn elwa holl gymunedau, gydag ymrwymiad
llawn i wella’r ddarpariaeth yn y Carchar.
Trafododd y Cabinet yr argymhellion yn fanwl. Ar y dechrau, roedd
anfodlonrwydd o ran y cynigion ar gyfer y gwasanaeth pan cawsant eu cyflwyno i
ddechrau, ond roedd mwyafrif y pryderon wedi cael eu datrys ac ar y cyfan roedd
y Cyabinet yn cefnogi’r argymhellion, yn arbennig o ystyried yr heriau o gadw
dogfennau hanesyddol ac arteffactau ynghyd â’r effaith andwyol ar ddarpariaeth
y gwasanaeth a’r goblygiadau cost sylweddol pen a fyddai’r argymhellion yn cael
eu gwireddu. Er fod anfodlonrwydd am
golli’r cyflester yng Ngharchar Rhuthun a symud tu allan i’r sir, roedd y
Cabinet hefyd wedi ystyried mai rhannu gwasanaethau oedd y dewis cywir o ran
cynaliadwyedd a chyfleoedd moderneiddio i sicrhau bod y dylestswyddau
deddfriaethol yn cael eu bodloni ac i gadw hanes a threftadaeth lleol yr
ardal. Nodwyd hefyd y byddai’r cynnig yn
darparu mynediad ehangach i wybodaeth o fewn Sir Ddinbych trwy’r gwasanaeth
llyfrgelloedd ynghyd â phresenoldeb rhan amser yng Ngharchar Rhuthun a gwell
mynediad i ysgolion a ddylai annog cynulleidfa fwy. Roedd y Cabinet hefyd yn falch o nodi y
cynlluniau gwella ac ehangu Carchar Rhuthun o ganlyniad i hyn a fyddai’n elwa’r
sir.
Ymatebodd y Rheolwr Tîm a Gwybodaeth Busnes i’r
cwestiynau a godwyd gan y Cynghorydd Mark Young fel a ganlyn -
·
tra
bod yr adnoddau wedi cael eu rhoi tuag at y cais, cytunwyd bod angen cynllun wrth gefn os na fyddai’r
cais yn llwyddiannus a byddai'r gwaith hynny'n dechrau'n fuan
·
Byddai’r
Gwasanaeth Moderneiddio a Gwella Busnes yn adeiladu cronfa wrth gefn o £65,000
fel cost untro yn unol â’r costau mynegiannol a ddarparwyd er mwyn symud ymlaen
â’r cynlluniau arfaethedig i ehangu’r atyniad treftadaeth yng Ngharchar
Rhuthun.
Roedd y Tîm Treftadaeth hefyd yn ceisio ymgeisio
am gyllid allanol er mwyn gwella'r cynigion ymhellach.
Gwahoddodd yr Arweinydd gwestiynau/sylwadau gan
aelodau nad oeddent yn y Cabinet ac yn ystod y drafodaeth mynegodd y Cynghorwyr
Meirick Davies a Gwyneth Kensler eu cefnogaeth am y cynigion o ystyried y
byddai’n cadw treftadaeth a dogfennau pwysig ar gyfer cenedlaethau'r
dyfodol. Fodd bynnag, roedd y Cynghorwyr
Huw Hilditch-Roberts ac Emrys Wynne, er yn derbyn y rhesymeg tu ôl i’r
cynigion, yn lleisio pryderon dros golli'r gwasanaeth archifau yn Rhuthun, gan
geisio eglurhad a sicrwydd ar nifer o faterion yn yr adroddiad, gan gynnwys y
cynlluniau ar gyfer gwella'r atyniad treftadaeth yng Ngharchar Rhuthun,
darpariaeth gwasanaeth ar gyfer cymunedau a rôl llyfrgelloedd a'r cynnig ar
gyfer ysgolion.
Wrth ymateb i’r rhain a’r materion eraill a godwyd
yn ystod y drafodaeth, fe wnaeth yr Aelod Arweiniol a’r Rheolwr Tîm a
Gwybodaeth Fusnes -
·
gydnabod pwysigrwydd sicrhau bod Safonau Cymraeg Sir Ddinbych yn cael eu
cynnal wrth fynd ymlaen o fewn y gwasanaeth ar y cyd gan ddarparu sicrwydd i
aelodau o ran hynny
·
pwysleisiwyd buddion cynnig llwyddiannus o
ran darpariaeth a gwelliannau'r gwasanaeth, ond os na fyddai’r cynnig yn
llwyddiannus byddai’r Cyngor yn wynebu heriau mawr o ran cynnal y gwasanaeth a
chadw cofnodion hanesyddol a byddai hyn yn golygu costau ychwanegol sylweddol
·
eglurwyd nad oedd Carchar Rhuthun yn adeilad addas i letya’r gwasanaeth
archifau gyda chostau rhedeg/cynnal a chadw sylweddol ac aneffeithlonrwydd
gweithredol, ac roedd y cynigion yn rhoi cyfle i ddefnyddio'r gofod gwag gan y
gwasanaeth archifau i ehangu'r atyniad treftadaeth ac roedd trafodaethau gyda'r
Ymddiriedolaeth Genedlaethol o ran gweithrediad parhaus y safle fel atyniad i
dwristiaid
·
rhoddwyd gwybod pe byddai’r cais yn llwyddiannus, byddai Sir Ddinbych yn
cyfrannu 40% o’r cydran arian cyfatebol a byddai Sir y Fflint yn cyfrannu 60%
·
cyfeiriwyd at y cynlluniau ar gyfer darpariaeth allgymorth yng Ngharchar y
Berwyn yn Wrecsam, fel rhan o ddull adsefydlu addysgol
·
eglurwyd yr astudiaeth ddichonoldeb a gyflawnwyd mewn chwe safle posibl
(tri ymhob sir) i sicrhau’r lleoliad gorau ar gyfer yr adeilad newydd, ac fe
sefydlwyd mai’r Wyddgrug oedd y dewis gorau ar gyfer y gwasanaeth ar y cyd wrth
fynd ymlaen
·
cadarnhawyd bod angen gwneud
gwaith wrth symud ymlaen, er mwyn sicrhau dyraniad teg o adnoddau i’r
gwasanaeth ar y cyd ar draws y ddwy sir, gan gynnwys ysgolion
·
darparwyd sicrwydd o ran y gronfa wrth gefn o
£65,000 i ariannu’r datblygiadau arfaethedig yng Ngharchar Rhuthun, ac fe
gytunodd y Cabinet yn flaenorol i sefydlu ac adeiladu cronfa wrth gefn erbyn
2025 yn benodol ar gyfer y diben hwn
·
eglurwyd bod darpariaeth allgymorth parhaol o’r gwasanaethau archifau yn
defnyddio'r rhwydwaith llyfrgell fel rhan allweddol o'r gwasanaeth ar y cyd
wrth fynd ymlaen, ac roedd gwaith yn mynd rhagddo gyda'r llyfrgelloedd yn y
ddwy sir er mwyn cadarnhau darpariaeth gwasanaeth mwyaf priodol gyda nifer o
gynigion gwahanol yn cael eu hystyried
·
nodwyd y byddai’r archifau ar gael yn ddigidol a bod y cynigion hefyd yn
cynnwys presenoldeb archifau rhan amser yng Ngharchar Rhuthun ar gyfer
defnyddwyr y gwasanaeth
·
cydnabuwyd, er y gall ysgolion elwa o adeilad archifau hyblyg, yn
canolbwyntio ar ddysgu, roedd heriau o ran cludiant ac roedd ystyriaeth yn cael
ei roi i ddarparu gwasanaethau allgymorth i ysgolion a byddai gwasanaeth ar y
cyd yn darparu cyfleoedd gwell.
Ar
ddiwedd y drafodaeth, pwysleisiodd y Cynghorydd Wynne ei bryderon o golli'r
cyfleuster archifau yn Rhuthun yn gyfan gwbl gydag ansicrwydd o amgylch y
cynigion.
PENDERFYNWYD y byddai’r Cabinet yn –
(a) cytuno y caiff y
Gwasanaeth Archifau ar y Cyd gyflwyno cais i gam nesaf (Rownd 1) Cronfa
Treftadaeth Gorwelion Cronfa Dreftadaeth y Loteri;
(b) nodi’r galw
posib ar £2,034,521 o gyllid y Cyngor er mwyn cyflawni’r ganolfan archifau
newydd.
Mae hyn yn dibynnu os bydd y cais yn
llwyddiannus ar gam Rownd 1 o’r broses ymgeisio am grant Cronfa Dreftadaeth y
Loteri a derbyn ffurflen cynnig cyllid, a
(c) cymeradwyo’r
dull gweithredu o safbwynt Carchar Rhuthun ac estyniad arfaethedig yr atyniad
treftadaeth, fel yr amlinellir yn adran 4.8 yr adroddiad.
Dogfennau ategol:
- JOINT ARCHIVE PROJECT, Eitem 8. PDF 244 KB
- JOINT ARCHIVE PROJECT - APP A LETTERS OF SUPPORT, Eitem 8. PDF 609 KB
- JOINT ARCHIVE PROJECT - APP B WBIA, Eitem 8. PDF 2 MB
- JOINT ARCHIVE PROJECT - APP C PROJECT RISK REGISTER, Eitem 8. PDF 66 KB
- JOINT ARCHIVE PROJECT - APP D PROJECT BENEFITS, Eitem 8. PDF 124 KB
- JOINT ARCHIVE PROJECT - APP E SITE FEASIBILITY REPORT, Eitem 8. PDF 275 KB