Eitem ar yr agenda
MATERION BRYS: ADOLYGU PENDERFYNIAD Y CABINET YN YMWNEUD Â GWAREDU TIR YN YMYL YSGOL PENDREF, DINBYCH
Ystyried adroddiad gan y Cydlynydd Craffu (copi ynghlwm) sy'n gofyn i'r Pwyllgor, yn seiliedig ar y wybodaeth ysgrifenedig a llafar a ddarperir, adolygu penderfyniad y Cabinet a wnaed ar 22 Medi 2020.
Penderfyniad:
Cafwyd pleidlais: 7 o blaid, 0 yn erbyn, 0 ymatal
Y Pwyllgor:
Wedi Penderfynu: i gynnal y penderfyniad
a’i argymell i’r Cabinet -
(i)
ailymweld â’r
penderfyniad o ran y weledigaeth ar gyfer tai cymdeithasol a fforddiadwy yn y
dyfodol fel y manylir yn y fframwaith datblygu cenedlaethol newydd drafft ‘Cymru’r
Dyfodol – y cynllun cenedlaethol 2040’;
(ii)
felly gohirio’r
penderfyniad yn berthnasol i'r safle penodol hwn am 12 mis nes eu bod wedi
cytuno ar y fframwaith datblygu cenedlaethol newydd;
(iii)
ystyried y dewisiadau i wneud y tir yn fwy
deniadol i landlordiaid cymdeithasol a datblygwyr llai drwy eu rhannu i fyny yn
lecynnau/plotiau llai; ac
(iv)
ddim yn creu
gorgyflenwad o gartrefi sy'n rhy ddrud yn Ninbych ac sydd ddim yn cwrdd â'r
galw lleol
Cofnodion:
[Ystyriwyd y mater hwn fel mater brys, a rhoddodd
y Cadeirydd rybudd o hyn ar ddechrau’r cyfarfod].
Cyflwynodd y Cadeirydd adroddiad (a ddosbarthwyd
eisoes) am y cais galw i mewn a gyflwynwyd o ran penderfyniad a wnaed gan y
Cabinet ar 22 Medi 2020 o ran ‘Gwaredu tir yn ymyl Ysgol Pendref, Dinbych’. Roedd y Cabinet wedi penderfynu -
·
cymeradwyo
gwaredu tir yn ymyl Ysgol Pendref, Dinbych a amlinellir mewn coch ar y cynllun
(Atodiad A yr adroddiad) nad oes ei angen ar y Cyngor, ar y farchnad agored ar
gyfer datblygiad preswyl, a dirprwyo awdurdod i'r Aelod Arweiniol Cyllid,
Perfformiad ac Asedau Strategol i gymeradwyo’r gwerthiant terfynol, a
·
chadarnhau
ei fod wedi darllen, deall a chymryd yr Asesiad o’r Effaith ar Les i ystyriaeth
(Atodiad B o’r adroddiad) fel rhan o'i benderfyniad.
Roedd hysbysiad ‘galw i mewn’ wedi’i gyflwyno gan
y Cynghorydd Glenn Swingler, gyda chefnogaeth pedwar cynghorydd arall. Ar ôl gwahoddiad gan y Cadeirydd, nododd y
Cynghorydd Swingler y sail dros alw'r adolygiad o’r penderfyniad fel a ganlyn -
1. Mae'r
tir hwn yn enghraifft o ragor o dir sy’n eiddo i’r Cyngor yn cael ei werthu ar
gyfer ateb sydyn i lenwi bylchau'r gyllideb.
2. Mae
hyd at 300 o dai yn cael eu hadeiladu yn Ninbych Uchaf ar safle Ysbyty Gogledd
Cymru ac nid oes angen rhagor o dai fforddiadwy (gan mwyaf).
3. Tir
fferm yw’r tir ar hyn o bryd.
Dylem
ni fod yn cefnogi rhagor o bobl i mewn i faes ffermio. Nid ydym yn gwybod eto beth
fydd effaith Brexit ar ddiogelu’r cyflenwad bwyd a byddai’n adeg ffôl i
waredu’r tir hwn nawr.
4. Er
ei fod yn sôn nad yw’r tir yn addas ar gyfer adeilad newydd ar gyfer Ysgol
Pendref, dim ond amser byr iawn yn ôl y cytunodd y Cabinet i Raglen Ysgolion yr
21ain Ganrif newydd a dechrau ymarfer cwmpasu.
Ydi’r
ymarfer hwnnw wedi'i gwblhau eisoes?
5. Pan
fydd tir sy’n eiddo i’r bobl wedi’i werthu i fentrau preifat, nid oes troi’n
ôl.
Sut
mae’r Cabinet yn sicr na fydd angen y tir yn y dyfodol?
6. Siawns
na ddylem ni fod yn adeiladu rhagor o dai cymdeithasol?
Roedd yr Aelod Arweiniol, y Cynghorydd Julian
Thompson-Hill, Rheolwr Rhaglen – Datblygiad Tai a’r Pen Syrfëwr Prisio ac
Ystadau yn bresennol. Eglurodd yr Aelod Arweiniol leoliad y safle yn Ninbych a oedd yn 6.97 erw. Ymatebodd i’r sail a gyflwynwyd ar gyfer y
cais galw i mewn hefyd fel a ganlyn -
·
roedd
y tir wedi’i gadw yn y Cyfrif Refeniw Tai ac felly byddai unrhyw dderbyniad
cyfalaf o’r gwerthiant yn cael ei glustnodi ar gyfer y Cyfrif Refeniw Tai ac ni
ellid ei ddefnyddio mewn man arall.
Roedd gan y Cyfrif Refeniw Tai dair ffynhonnell
incwm i gyflawni ei raglen waith ac roedd derbyniadau cyfalaf yn elfen
allweddol o hyn. Roedd rhagdybiaeth am werthu’r tir wedi’i gynnwys yn y cynllun busnes
treigl ar gyfer stoc dai 30 mlynedd felly os na ellid sicrhau derbyniad
cyfalaf, byddai llai o gyllid ar gael i ddarparu cartrefi rhent cymdeithasol
newydd neu i gyflawni gwaith cynnal a chadw ar stoc dai bresennol.
·
o ran niferoedd tai yn y
Cynllun Datblygu Lleol (CDLl) presennol, nid oedd cynhwysiant ar gyfer unrhyw
un o’r datblygiadau galluogi ar Safle Ysbyty Gogledd Cymru ar hyn o bryd, ac
nid oedd dyraniadau a pholisïau tai fforddiadwy’r cyngor yn gwneud unrhyw
ragdybiaethau o ran unrhyw unedau fforddiadwy ar y safle penodol hwnnw.
Roedd y safle hwn, ymhlith eraill, wedi’i ddyrannu
i fynd i’r afael ag anghenion tai yn rhannol ar gyfer pob math o ddeiliadaeth
yn Ninbych a byddai’n darparu dwywaith gymaint o unedau fforddiadwy y byddai eu
hangen dan delerau’r CDLl.
·
nid
oedd y tir yn dir fferm ar ôl cael ei ddyrannu at ddibenion preswyl yn y CDLl
yn 2013 yn dilyn yr holl brosesau priodol a’r camau ymgynghori.
Roedd y tir wedi’i ddatgan fel tir nad oes ei
angen at ddibenion ystadau amaethyddol yn 2015 a’i briodoli i mewn i’r Cyfrif
Refeniw Tai yn 2016. Yn dilyn hynny, roedd Brîff Datblygu Safle wedi’i fabwysiadu a’i
gymeradwyo’n unfrydol gan y Pwyllgor Cynllunio yn 2017. Roedd tenant blaenorol y fferm yr oedd y
tir ynghlwm wrtho o’r blaen wedi prynu’r rhan fwyaf o’r daliad tir roedd wedi’i
rentu o’r blaen ond roedd y tir penodol hwn wedi’i eithrio’n benodol o’r
pryniant hwnnw ganddo.
·
eglurwyd
protocol gwaredu’r cyngor fel y cafodd ei weithredu yn yr achos hwn a dim ond y
Cyfrif Refeniw Tai oedd yn dangos gofyniad am y tir.
Er mai dim ond yng nghyfarfod diwethaf y Cabinet
roedd yr argymhelliad ar safleoedd i fynd ymlaen i Fand B Rhaglen Ysgolion yr
21ain Ganrif wedi’i drafod, roedd yr Adran Addysg wedi bod yn gwbl ymwybodol
o’r cynigion ar gyfer y tir hwn ac roeddent wedi dweud na fyddent yn edrych ar
y safle penodol hwn at ddibenion addysg ac roeddent yn cefnogi priodoli’r tir
i’r Cyfrif Refeniw Tai.
·
o ran
tai cymdeithasol, roedd cynllun busnes 30 mlynedd gyda lle i adeiladu 220 o
eiddo ychwanegol (170 o fewn oes y Cynllun Corfforaethol presennol).
Nid oedd digon o le yn y cynllun busnes i’r cyngor
a landlordiaid cymdeithasol ddiwallu’r holl anghenion tai cymdeithasol, ac
roedd hon yn sefyllfa gyffredin nad oedd yn unigryw i Sir Ddinbych. Penderfynwyd ar nifer a lleoliad
datblygiadau tai ychwanegol yn dilyn dadansoddiad o’r gofrestr tai sengl gan
ganiatáu ar gyfer unrhyw gynlluniau sydd ar droed a chyflwr ac addasrwydd stoc
tai presennol. Roedd Dinbych wedi cyfrif am tua 10% o’r angen cyffredinol a dyfarnwyd
contract diweddar ar gyfer 22 o gartrefi rhent cymdeithasol ar dir wrth Tan y
Sgubor. Roedd profion sydyn oedd wedi’u
cynnal ar y farchnad wedi dangos y byddai 20% o gynhwysiant fforddiadwy yn
hyfyw ar y tir a gynigir ar gyfer gwaredu, a fyddai’n mynd i’r afael â rhan o’r
angen a nodwyd a hefyd darparu derbyniad cyfalaf i gefnogi’r cynllun busnes ar
gyfer adeiladau newydd a chynnal a chadw.
Pwysleisiwyd bod modd gorfodi uchafswm o 10% o dai fforddiadwy a byddai
angen sicrhau unrhyw swm uwch na hynny trwy drafodaeth.
I grynhoi, ailadroddodd yr Aelod Arweiniol fod y
safle yn ddarn o dir ar ei ben ei hun, nad oedd ei angen ar y tenant fferm
blaenorol, ac nad oedd ei angen o bwrpas ystadau amaethyddol ac roedd wedi’i
briodoli i’r Cyfrif Refeniw Tai a’i ddyrannu at ddibenion preswyl yn y CDLl yn
dilyn y drefn briodol. Roedd Brîff
Datblygu Safle wedi’i gymeradwyo gan y Pwyllgor Cynllunio hefyd, ac felly roedd
egwyddor datblygiad tai ar y tir wedi’i sefydlu’n dda. Roedd y cyngor yn hynod o annhebygol o fod
â’r cyfalaf i adeiladu cynllun o 100 o gartrefi fel datblygiad ar ei ben ei
hun, ond mewn rôl datblygwr, gallai ddefnyddio partneriaid o’r sector cyhoeddus
a’r sector preifat a oedd yn arfer gyffredin i’r cyngor ar amryw
ddatblygiadau. Ychwanegodd y Rheolwr
Rhaglen – Datblygiad Tai y byddai gwerthu’r safle yn helpu i weithredu’r
cynllun datblygu tai ac roedd dull cytbwys wedi’i ddilyn i sicrhau bod yr eiddo
a gaiff eu darparu o’r math cywir yn y lle cywir. Gan ystyried yr adnoddau cyfyngedig sydd ar
gael ar gyfer gweithredu cynllun busnes y stoc dai, byddai’r derbyniad cyfalaf
o’r safle a’r cartrefi rhent cymdeithasol y byddai’n eu darparu yn mynd tuag at
weithredu’r cynllun hwnnw.
Gwahoddodd y Cadeirydd aelodau’r Pwyllgor i ofyn
cwestiynau cyn gwahodd llofnodwyr y weithdrefn galw i mewn ac unigolion eraill nad
oeddent yn aelodau o’r Pwyllgor i wneud yr un fath. Gofynnwyd cwestiynau am nifer y tai a’r
mathau o ddatblygiadau tai sy’n cael eu hadeiladu ar hyn o bryd neu sydd eisoes
wedi’u cynllunio ar gyfer Dinbych, yn enwedig o ran tai fforddiadwy a thai rhent
cymdeithasol ac anghenion preswylwyr lleol.
Cyfeiriodd y Cynghorydd Rhys Thomas at y fframwaith datblygu
cenedlaethol newydd drafft – ‘Cymru’r Dyfodol: y cynllun cenedlaethol 2040’ a
goblygiadau ar gyfer datblygiadau tai’r dyfodol a diwallu anghenion o ran tai
fforddiadwy a thai cymdeithasol. Roedd
yn awyddus i’r uchelgeisiau hynny gynyddu faint o dai fforddiadwy a thai
cymdeithasol a ddarperir ynghyd â'r cyllid i annog darpariaeth i gael ei
ddatblygu er budd preswylwyr lleol yn Ninbych, yn enwedig o ystyried anghenion
tai penodol yr ardal.
Gwnaeth yr Aelod Arweiniol a Rheolwr Rhaglen –
Datblygiad Tai ymateb i gwestiynau aelodau a sylwadau fel a ganlyn -
·
roedd
gwaredu ar y farchnad agored wedi’i argymell gan ystyried gwerth posibl y tir a
gellid gwirio’r pris yn annibynnol i sicrhau gwerth gorau
·
roedd
ymholiadau wedi dod i law gan landlordiaid cymdeithasol am y datblygiad ac nid
oedd unrhyw beth i atal landlordiaid cymdeithasol rhag gwneud cynnig am y safle
·
er
mai’r gofyniad presennol ar gyfer cartrefi fforddiadwy oedd 10%, roedd
achlysuron lle roedd canran uwch wedi’i gytuno trwy drafodaeth
·
oherwydd
bod angen rhoi isadeiledd yn y safle fel priffyrdd, cyfleustodau ac ati,
byddai’n fwy cost effeithiol pe bai un datblygwr yn delio ag agor y safle i
ddechrau yn hytrach na thorri’r tir i lawr yn blotiau llai – gallai’r datblygwr
drosglwyddo blociau llai i landlordiaid cymdeithasol eraill o bosibl
·
nid
oedd gan y safle ganiatâd cynllunio amlinellol ond roedd Brîff Datblygu Safle
wedi’i gymeradwyo gan y Pwyllgor Cynllunio yn 2017, ac roedd yr adroddiadau i’r
Pwyllgor Cynllunio ac yn fwy diweddar i’r Cabinet, wedi annog diddordeb gan
ddatblygwyr
·
cadarnhawyd
bod modd i unrhyw ddatblygwr gysylltu â’r cyngor ar unrhyw adeg ond er mwyn
sicrhau gwerth gorau, y drefn arferol oedd cynnal profion marchnad ar y safle i
ddechrau
·
roedd
y cynnig ar gyfer tua 20 o gartrefi rhent cymdeithasol ar y safle ac roedd
contract wedi’i ddyfarnu’n ddiweddar ar gyfer 22 o gartrefi rhent cymdeithasol
pellach ar dir cyfagos yn Nhan y Sgubor, a oedd yn dod i 42 o gartrefi rhent
cymdeithasol ychwanegol ar gyfer y ward wedi’u gosod trwy Gyfrif Refeniw Tai y
Cyngor
·
byddai
awdurdodau lleol yn gallu cael mynediad i grant tai cymdeithasol Llywodraeth
Cymru (LlC) o fis Ebrill 2021 ond byddai’r cyllid yn cael ei frigdorri o
gyllidebau presennol a byddai’n swm cyfyngedig y byddai Awdurdodau Lleol yn
gwneud cais yn erbyn ei gilydd amdano ac mae’n debygol y byddai angen iddynt
gyfrannu’n ariannol hefyd.
Byddai’r gyfradd ymyrraeth o 58% ar gyfer landlordiaid
cymdeithasol yn cael ei diogelu ac nid oedd disgwyl i’r swm i awdurdodau lleol
fod yn fawr a byddai’n gyfradd ymyrraeth newidiol yn dibynnu ar hyfywedd pob
datblygiad unigol – nid oedd unrhyw gyllid newydd wedi’i gyhoeddi gan LlC o ran
unrhyw ymrwymiad i gynyddu tai fforddiadwy. Deallwyd hefyd y byddai cyfeiriadau yn y
fframwaith datblygu cenedlaethol newydd at safleoedd datblygu a gaiff eu
harwain gan dai fforddiadwy yn berthnasol i ddyraniadau’r dyfodol yn unig, ac
nid i’r safle hwn, oherwydd ei fod yn ddyraniad presennol.
·
gan
ystyried mai’r bwriad oedd defnyddio’r derbyniad cyfalaf o werthu’r tir i
ariannu’r cynllun busnes stoc dai, byddai unrhyw oedi yn lleihau nifer yr eiddo
y gellid eu darparu o ganlyniad.
·
byddai’r
cynnig o fudd i’r ward trwy ddarparu dwywaith gymaint o gartrefi rhent
cymdeithasol ag arfer trwy’r system gynllunio.
Hyd yn oed os nad oedd eiddo yn y categori
fforddiadwy, roeddent yn dal i gynnig manteision i’r ardal o ran masnach,
gwariant a swyddi a chyfeiriwyd at y dull yng Ngorllewin y Rhyl lle roedd rhan
o’r gweithgarwch adfywio yn cynnwys cymysgedd o ddeiliadaethau.
·
pe na
bai gwerthiant y tir yn digwydd byddai 20 o unedau fforddiadwy’n cael eu colli
o bosibl, ac o ystyried cymeradwyaeth flaenorol, roedd y cynllun busnes stoc dai
wedi cymryd derbyniad cyfalaf ar gyfer ail-fuddsoddi mewn adeiladau newydd a
gwaith atgyweirio, a byddai’n cael effaith negyddol ar ei ddarpariaeth pe na
bai’n dod i law.
·
roedd
galw heb ei fodloni ar gyfer tai fforddiadwy ac anfforddiadwy yn Ninbych a Sir
Ddinbych yn gyffredinol ac roedd y rhaglen waith a oedd wedi’i datblygu a’i
chytuno yn gymesur i’r angen a’r lleoliad.
·
dylid
darllen ffigurau ULlMaD (Un Llwybr Mynediad At Dai) y cyfeirir atynt mewn
cyd-destun o ystyried y gallai ymgeiswyr gofrestru ar gyfer nifer o ardaloedd.
·
derbyniwyd
na ellid diwallu’r angen cyfan am dai cymdeithasol a’r dull a gymerwyd oedd
darparu cynifer o eiddo rhent cymdeithasol trwy’r sir i adlewyrchu’r angen
hwnnw o fewn yr adnoddau sydd ar gael ac roedd derbyniadau cyfalaf y rhan
hanfodol o ddarparu’r cyllid sy’n angenrheidiol er mwyn mynd i’r afael â’r
materion hynny.
·
eglurwyd
polisi enwi a rhifo a fabwysiadwyd gan yr awdurdod ac eglurwyd yr elfennau
bioamrywiaeth sy’n gysylltiedig â’r cynnig.
·
ar hyn
o bryd, nid oedd prynwr ar gyfer y safle ac roedd y broses bresennol yn ymwneud
â gofyn am ganiatâd y Cabinet i werthu’r safle ar y farchnad agored.
Wrth grynhoi, roedd y Cynghorydd Swingler yn
cefnogi oedi wrth werthu’r tir wrth aros am eglurder am fframwaith datblygu
cenedlaethol newydd Llywodraeth Cymru er mwyn diwallu anghenion tai lleol yn y
ffordd orau i breswylwyr a sicrhau’r math cywir o dai ar gyfer yr ardal, neu
sicrhau defnydd gorau o’r tir yn y dyfodol at ddibenion eraill.
Yn ei ddatganiad cloi, ailadroddodd yr Aelod
Arweiniol fod y safle wedi bod trwy’r gymeradwyaeth a’r ymgynghoriadau
angenrheidiol a’i fod wedi’i ddyrannu ar gyfer tai yn y CDLl. Byddai peidio â gwerthu’r safle yn
effeithio ar yr adnoddau sydd ar gael i weithredu’r cynllun busnes stoc dai, ac
roedd yn argymell yn gryf y dylai’r gwerthiant barhau ac nad oedd unrhyw
fanteision i’w hennill o oedi â’r gwerthu. Byddai unrhyw newidiadau i ddeddfwriaeth a oedd yn
cael ei chyflwyno ar gyfer safleoedd y dyfodol yn cael eu dilyn a phe bai
unrhyw gyllid ychwanegol ar gael, byddai hynny'n cael ei groesawu. Byddai parhau â’r gwerthiant yn debygol o
ddarparu dwywaith gymaint o dai fforddiadwy ag a nodir yn y CDLl ac roedd
ymarferion profi’r farchnad wedi dangos y byddai 20% tai fforddiadwy yn hyfyw a
byddai modd darparu hynny a byddai’n mynd rhywfaint o ffordd at fynd i’r afael
ag anghenion tai yn y sir.
Ar ôl ystyried y wybodaeth a gyflwynwyd a’r
sylwadau a wnaed yn ystod y cyfarfod, gan gynnwys y sail a roddwyd dros alw’r
penderfyniad i mewn, roedd y Pwyllgor yn cydnabod bod y tir wedi’i nodi fel tir
nad oedd ei angen ar ystâd amaethyddol y cyngor nifer o flynyddoedd yn
flaenorol. Cydnabu hefyd na ellid defnyddio unrhyw dderbyniad cyfalaf a gafwyd o
werthu tir neu unrhyw ased arall yn gyfreithlon i ariannu gwariant refeniw’r
awdurdod nac unrhyw diffyg refeniw. Fodd bynnag, roedd y Pwyllgor yn teimlo bod lle i ofyn i’r Cabinet adolygu
ei benderfyniad i gael gwared ar y tir ar sail y nifer o dai a’r mathau o
ddatblygiadau tai sy’n cael eu hadeiladu ar hyn o bryd, neu sydd wedi’u
cynllunio eisoes ar gyfer Dinbych yn ystod y blynyddoedd nesaf.
Roedd gan y Pwyllgor bryderon y byddai’r datblygiadau yn golygu y byddai
gan y dref orgyflenwad o dai anfforddiadwy mawr a chyflenwad annigonol o dai
fforddiadwy ac unedau tai cymdeithasol er mwyn diwallu anghenion preswylwyr
lleol. Roedd Aelodau o’r farn y byddai datblygu’r tir wrth Ysgol Pendref yn dwysáu’r broblem. Wrth gydnabod y byddai rhywfaint o dai
cymdeithasol yn cael eu hadeiladu ar y darn hwn o dir fel rhan o unrhyw
ddatblygiadau yn y dyfodol, teimlwyd nad oedd y nifer o unedau tai fforddiadwy
a thai cymdeithasol a gynigir ar gyfer y
datblygiad yn ddigonol o ystyried bod y darn penodol hwn o dir wedi’i leoli yn
un o’r wardiau cyngor mwyaf difreintiedig yng Nghymru, ac felly byddai’r
mwyafrif o’r tai a gaiff ei hadeiladu yno yn anfforddiadwy i breswylwyr lleol.
Yn ddiweddar, roedd Llywodraeth Cymru wedi
cyhoeddi ei fframwaith datblygu cenedlaethol newydd drafft ‘Cymru’r Dyfodol: y cynllun
cenedlaethol 2040’ a oedd yn mynd trwy’r broses graffu yn y Senedd ar hyn o
bryd, cyn cael ei fabwysiadu yn 2021. Pan fyddai wedi’i fabwysiadu, byddai’r fframwaith
hwn yn gosod y cyfeiriad ar gyfer datblygiad ar draws Cymru tan 2040. Er bod y Pwyllgor yn cydnabod mai drafft
gweithredol oedd hwn o hyd, roedd pwyslais clir ynddo ar yr angen am ragor o
dai fforddiadwy ar draws Cymru.
Cyflwynodd y Cynghorydd Graham Timms gynnig ar sail casgliadau’r
Pwyllgor ac fe’i heiliwyd gan y Cynghorydd Glenn Swingler, ac o’i roi i’r
bleidlais, gwnaeth y Pwyllgor -
BENDERFYNU argymell i’r
Cabinet y dylai -
(a) gydnabod casgliadau ac argymhellion y Pwyllgor Craffu Cymunedau yn sgil ei
adolygiad o benderfyniadau’r Cabinet ar 22 Medi 2020;
(b) edrych ato ar ei benderfyniad ar 22 Medi 2020, gan roi ystyriaeth i’r
weledigaeth ar gyfer tai cymdeithasol a thai fforddiadwy yn y dyfodol fel a
nodir yn y fframwaith ddatblygu cenedlaethol newydd drafft ‘Cymru’r Dyfodol: y
cynllun cenedlaethol 2040’;
(c) oedi’r penderfyniad o ran y safle penodol hwn am 12 mis nes i’r fframwaith
datblygu cenedlaethol newydd gael ei gytuno;
(d) ystyried opsiynau i wneud y tir yn fwy deniadol i landlordiaid cymdeithasol
a datblygwyr llai trwy ei rannu’n barseli/darnau llai, a
(e) peidio creu gor-gyflenwad o dai anfforddiadwy mawr yn Ninbych nad ydynt yn
diwallu’r angen lleol.
Daeth y cyfarfod
i ben am 1.45pm.
Dogfennau ategol:
- Disposal of Land Report 051020, Eitem 5. PDF 299 KB
- Disposal of Land Report 051020 - Annex A, Eitem 5. PDF 782 KB