Eitem ar yr agenda
CYNLLUN ADFER AR ÔL COVID-19 AR GYFER Y FLAENORIAETH ADFER CYMORTH I FUSNESAU
Ystyried adroddiad i roi cyfle i Aelodau archwilio cynllun adfer y Cyngor mewn perthynas â chymorth i fusnesau (copi ynghlwm).
10.05 a.m. – 11.00 a.m.
Penderfyniad:
Roedd yna
gonsensws i gytuno ar yr argymhelliad.
Ni chafwyd pleidlais ffurfiol.
Dywedodd pob aelod eu bod o blaid yr argymhelliad, ni ddywedodd unrhyw
un eu bod yn ei erbyn ac ni ddywedodd unrhyw un eu bod eisiau atal eu
pleidlais.
Penderfynwyd: - yn amodol ar yr arsylwadau ac awgrymiadau a wnaed yn ystod y drafodaeth, i
gefnogi swyddogion gyda’r gwaith a wnaed i gefnogi busnesau yn y Sir a’u
cyfraniad parhaus i waith adferiad economaidd rhanbarthol mewn partneriaeth
gyda Swyddfa Rhaglen Bwrdd Uchelgais Economaidd Gogledd Cymru a Llywodraeth
Cymru (LlC).
Cofnodion:
Cyflwynodd yr
Aelod Arweiniol Cynllunio, Diogelu'r Cyhoedd a Chymunedau Mwy Diogel, y
Cynghorydd Mark Young, Archwiliad o'r cynllun adfer Ôl Covid 19 ar gyfer yr
adroddiad blaenoriaeth adfer cymorth i fusnesau (a ddosbarthwyd yn flaenorol).
Roedd y cynllun
adfer yn ymwneud a chymorth i fusnesau ac i aelodau ddeall y cynnydd a wnaed
hyd yma, yn ogystal â’r cysylltiad â Rhaglen Bwrdd Uchelgais Economaidd Gogledd
Cymru ar adferiad economaidd.
Roedd y
Coronafeirws yn argyfwng iechyd cyhoeddus, ond roedd yr effaith ar yr economi a
busnesau hefyd yn hollbwysig. Yn dilyn
canol trefi yn cau, roedd busnesau yn cael trafferth adfer yn y tymor canolig
a’r hirdymor. Roedd hefyd yn bosibl na
fydd rhai busnesau’n gallu adfer o gwbl.
Roedd pedair
is-thema i'r Thema Adfer Cymorth i Fusnesau ac roedd gan bob is-thema swyddog
arweiniol a fyddai'n cynhyrchu cynllun adfer ar gyfer pob is-thema:
·
Canol
Trefi - Mike Jones, Swyddog Arweiniol
·
Cyswllt
Busnesau - Gareth Roberts, Swyddog Arweiniol
·
Twristiaeth
- Peter Mcdermott, Swyddog Arweiniol
·
Caffael
- Helen Makin, Swyddog Arweiniol
Roedd y
cynlluniau ar gyfer pob is-thema ar gamau gwahanol o ran eu datblygiad, fodd
bynnag, roedd llawer iawn o waith cefnogi ‘busnes fel arfer’ yn mynd rhagddo.
Rhoddodd Mike
Jones, Rheolwr Traffig, Parcio a Diogelwch ar y Ffyrdd a Peter McDermott,
Arweinydd Tîm - Twristiaeth, Marchnata a Digwyddiadau ddiweddariad byr i'r
aelodau ynghylch is-themâu Canol y Dref a Thwristiaeth.
Yn ystod
trafodaeth codwyd y pwyntiau canlynol:
·
Cadarnhaodd
swyddogion fod taliadau parcio wedi bod yn benderfyniad a ddirprwywyd gan Aelod
Arweiniol yn dilyn trafodaethau gyda'r Cabinet.
Ar ddechrau’r cyfnod clo, roedd parcio am
ddim er mwyn helpu gweithwyr allweddol a gwirfoddolwyr. Ailgyflwynwyd taliadau ym mhob maes parcio ar
3 Awst 2020. Parhaodd nifer fach o feysydd parcio i fod am ddim am hyd at 2
awr, a fyddai’n parhau hyd at 31 Rhagfyr 2020. Hyd yma, ni wnaed unrhyw
benderfyniadau i ymestyn y cyfnod.
·
Cadarnhaodd
Mike Jones y byddai’n edrych i mewn i’r wybodaeth am ba mor aml y caiff
toiledau eu glanhau, ac yna’n dosbarthu’r wybodaeth i’r aelodau.
·
Mynegodd y Cynghorydd Paul Penlington ei anghytundeb â'r
wybodaeth a roddwyd gan Mike Jones wrth iddo nodi na welodd unrhyw arwyddion o
hyn ym Mhrestatyn ynghylch rheolaeth y Stryd Fawr.
Cwestiynodd y cyfleuster dim dwylo ar gyfer peiriannau talu am barcio
hefyd. Ymatebodd swyddogion i egluro, yn gyntaf bod
sticeri ar bob peiriant maes parcio i hysbysu cwsmeriaid o ap y gellid ei
gymhwyso i bob maes parcio ledled y sir.
Yn ail, cadarnhawyd hefyd fod yna arwyddion ledled Stryd Fawr Prestatyn
ac y gallai swyddogion ddarparu cynlluniau o leoliadau arwyddion ar gyfer y
Cynghorydd Penlington. Roedd Ed Parry wedi cysylltu ag aelodau
perthnasol y ward a oedd yn cwmpasu Stryd Fawr Prestatyn, er mwyn sefydlu
cyfarfod safle i drafod y gwaith arfaethedig ar gyfer Stryd Fawr
Prestatyn. Cadarnhaodd y Cynghorydd Hugh
Irving ei fod wedi cael e-bost ac y byddai'n hapus i fynychu cyfarfod
safle. Cadarnhaodd aelodau y dylid
ymgynghori ag aelodau wardiau am waith sy’n mynd rhagddo, ynghyd â Grwpiau
Ardal yr Aelodau. Dylid ymgynghori a
Busnesau a grwpiau Busnes yn y dyfodol hefyd.
Ar y pwynt hwn, cadarnhaodd y Prif Weithredwr fod yr Uwch Dîm
Arweinyddiaeth (UDA) wedi cadarnhau y dylid ymgynghori ag aelodau a grwpiau
busnes gan ei fod yn rhan hanfodol o'u rôl.
·
Codwyd
materion ynghylch safleoedd Carafanau yn ystod y newidiadau cyfredol i’r cyfnod
clo.
Cwestiynwyd sut y byddai perchnogion carafanau yn gallu cloi a diogelu eu
carafanau ar gyfer y gaeaf. Cadarnhaodd
swyddogion fod Llywodraeth Cymru wedi rhyddhau cwestiynau cyffredin am barthau
gwarchod iechyd ac eglurhad o'r cyfyngiadau.
Y geiriau yn y canllawiau oedd “esgus rhesymol”. Roedd angen i Gyngor Sir Dinbych (CSDd)
gysylltu â Heddlu Gogledd Cymru ynglŷn â hyn er mwyn cael eglurhad, ac yna
byddai'n ei gyfleu i bob perchennog safle carafanau. Byddai angen i swyddogion gysylltu ag ALlau
eraill hefyd er mwyn sicrhau cysondeb.
·
Roedd
gwybodaeth am gefnogaeth i fusnesau yn dilyn cyhoeddiad Llywodraeth Cymru a mwy
o gymorth grant i fusnesau sy'n dod o fewn parthau ar gael ar wefan CSDd.
Roedd y Gwasanaeth yn gweithio’n agos gyda Gwasanaeth Datblygu Economaidd a
Busnes y Cyngor a’r Gwasanaeth Cwsmeriaid, Cyfathrebu a Marchnata i dynnu sylw
at yr hyn a oedd ar gael drwy ddatganiadau i’r wasg a’r cyfryngau
cymdeithasol. Byddai Mike Jones yn
gweithio gyda grwpiau canol tref i roi cyfarwyddyd iddyn nhw am sut i gael
gafael ar wybodaeth
·
Gwiriodd
y Pennaeth Cynllunio, Gwarchod y Cyhoedd a’r Gwasanaethau Cefn Gwlad gyda
Llywodraeth y DU pa gynlluniau sydd ar gael ar gyfer pobl hunangyflogedig ac i
roi cyhoeddusrwydd i'r rhai a oedd ar gael.
Roedd cytundeb ar yr argymhelliad trwy gonsensws. Ni chymerwyd pleidlais ffurfiol. Dywedodd pob aelod eu bod o blaid yr
argymhelliad, ni ddywedodd unrhyw un eu bod yn ei erbyn ac ni ddywedodd unrhyw
un eu bod eisiau atal eu pleidlais.
Penderfynwyd: - yn amodol ar yr arsylwadau a’r awgrymiadau a wnaed yn ystod y drafodaeth,
cefnogi swyddogion o ran y gwaith sydd wedi’i wneud mewn perthynas â chefnogi
busnesau o fewn y Sir a’u cyfraniad parhaus at waith adferiad economaidd
rhanbarthol mewn partneriaeth â Rhaglen Bwrdd Uchelgais Economaidd Gogledd Cymru
a Llywodraeth Cymru (LlC).
Dogfennau ategol:
- Business Support Recovery Report 011020 - Cymraeg, Eitem 5. PDF 325 KB
- Business Support Recovery Report 011020 App 1 Business Survey, Eitem 5. PDF 5 MB
- Business Support Recovery Report 011020 App 2 - Business Support Rec Plan, Eitem 5. PDF 251 KB
- Business Support Recovery Report 011020 App 3 - Town Centre Rec Plan, Eitem 5. PDF 276 KB
- Business Support Recovery Report 011020 App 4 Tourism, Eitem 5. PDF 238 KB
- Business Support Recovery Report 011020 App 5 Progress against Rec Plan, Eitem 5. PDF 599 KB