Eitem ar yr agenda
CAIS RHIF. 01/2019/1011 - PLOT 1, TIR GER YSTÂD DDIWYDIANNOL COLOMENDY, DINBYCH
I ystyried cais
i adeiladu Gorsaf Trosglwyddo Gwastraff Awdurdod Lleol i
gyflawni gwaith trefnu a bwndelu gwastraff wedi’i ailgylchu a’i gasglu ar wahân; gan gynnwys adeiladu prif adeilad ailgylchu,
un adeilad depo a baeau storio; gosod man golchi cerbydau a phont bwyso, gosod
generadur, creu mynedfa newydd a gwaith lledu ffordd cysylltiedig, adeiladu
ffordd fewnol, iard gwasanaeth, ardaloedd storio, parcio, draenio ac
is-orsafoedd (i wasanaethu plotiau 1-5), tirlunio a gwaith cysylltiedig (copi wedi’i atodi).
Cofnodion:
Cyflwynwyd cais i adeiladu Gorsaf Trosglwyddo Gwastraff Awdurdod Lleol i
sortio a bwndelu gwastraff ailgylchu wedi’i gasglu ar
wahân; i gynnwys codi prif adeilad ailgylchu, un adeilad depo a baeau storio,
gosod cyfleuster golchi cerbydau a phont bwyso, lleoliad i osod generadur, creu
mynediad newydd a lledu’r ffordd berthnasol, adeiladu ffordd fewnol, iard
gwasanaethau, ardaloedd storio, parcio, system draenio as
is-orsafoedd (i wasanaethu plotiau 1-5), tirlunio a gwaith cysylltiedig ar dir
cyfagos i Stad Ddiwydiannol Colomendy, Dinbych.
Siaradwyr Cyhoeddus -
Georgia Crawley (o blaid) – diolchodd y pwyllgor am y cyfle i siarad, eglurodd y
byddai'n trafod manylion y cynigion yn drylwyr, y datblygiad arfaethedig o 5
plot a fyddai'n lledaenu dros 13,500m2 o ofod llawr diwydiannol a
busnes newydd o wahanol feintiau, ynghyd â chyfleuster trosglwyddo gwastraff
awdurdod lleol ar y tir cyflogaeth 8.5 hectar i'r gogledd o stad ddiwydiannol
Colomendy. Mae’r ceisiadau wedi'u cyflwyno ar wahân ond yn rhannu nifer o agweddau.
Mae’r safle wedi’i ddyrannu ar gyfer cyflogaeth am 20 mlynedd ond dydi’r safle
heb gael ei ddatblygu oherwydd y costau o brynu a gwasanaethu’r safle.
Sefydlwyd consortiwm rhwng Cyngor Sir Ddinbych, Yard Space Wales, Henllan Bakery,
Lock Stock ac Emyr Evans.
Mae pob parti perthnasol wedi cynllunio’r datblygiad a’r estyniadau sydd eu
hangen arnyn nhw. Mae’r cydweithio wedi dod â datblygiad dinesig a phreifat
ynghyd ac wedi creu ffordd arloesol ac effeithiol o gydlynu datblygiad. Dylid
cyflawni’r prif waith fel y gwaith tir, ffordd a systemau draenio gyntaf. Ni
fyddai’r cyfleuster trosglwyddo gwastraff yn prosesu gwastraff ond yn ei gasglu a'i fwndelu. Byddai’r cais arfaethedig yn caniatáu i
Sir Ddinbych i gydymffurfio â glasbrint Llywodraeth
Cymru gyda chasgliadau ochr ffordd, a chasgliadau gwastraff wedi’i ailgylchu yn
wythnosol. Byddai’r effaith yn economaidd o gael 5 plot yn sylweddol. O fewn 5
mlynedd amcangyfrifir bod 525 o swyddi uniongyrchol ac anuniongyrchol yn cael
eu creu. Yr amcangyfrif o gyfanswm y buddsoddiad cyfalaf fyddai £20.3 miliwn
i’r economi gydag amcangyfrif o £2.9 miliwn yn cael ei gyfrannu i economi
Dinbych bob blwyddyn gan gynyddu i £9 miliwn erbyn 2024. Ystyriwyd y cynllun i
fod yn unol â pholisi PSE2 y Cyngor. Mae’r datblygwyr wedi gweithio’n agos gyda
chymdogion yn ystod y broses cyn gwneud cais i fynd i'r afael ag unrhyw
bryderon ac nid oes unrhyw wrthwynebiadau wedi bod i'r datblygiad.
Trafodaeth Gyffredinol
–
Hysbyswyd y pwyllgor y byddan nhw angen penderfynu ar bob un o’r ceisiadau
o ran teilyngdod eu hunain. Fodd bynnag byddai’r gwaith tirlunio a phriffyrdd
yn cael effaith ar yr holl geisiadau. Mae’r ardal wedi’i gynnig i’w ddatblygu
wedi cael ei ddyrannu fel tir cyflogaeth yn y CDLl.
Mae pob plot gyda defnyddiau arfaethedig ar wahân. Byddai Plot un yn Orsaf
Trosglwyddo Gwastraff i ymgymryd â'r gwaith sortio a
bwndelu gwastraff wedi'i gasglu ar wahân i'w
ailgylchu, a byddai angen cydymffurfio â chanllawiau Cyfoeth Naturiol Cymru.
Byddai Plot 2 ar gyfer Yard Space
Wales fel cais hybrid ar gyfer y 31 uned (ar gyfer defnyddiau B1 B2 a B8).
Byddai Plot 3 yn estyniad i Fara Henllan a fyddai’n eu galluogi nhw i gynyddu
cynhyrchiant. Mae Plot 4 ar gyfer
Lock Stock i gynyddu
cyfanswm y cynwysyddion storio. Ac yn olaf, mae Plot 5 ar gyfer Emyr Evans oedd
yn gais hybrid i godi 22 unedau ac i gynyddu cyfanswm y gofod llawr.
Dim gwrthwynebiad gan breswylwyr lleol, dim gwrthwynebiad chwaith gan gyrff
proffesiynol. Fodd bynnag mae Cyfoeth Naturiol Cymru wedi gofyn i fesurau
lliniaru a rheoli digonol fod yn eu lle ar y safle ar gyfer y fadfall ddŵr
cribog.
Holodd y Cynghorydd Mark Young (Aelod Lleol) am yr estyniad diweddar wedi’i
gymeradwyo i’r chwarel a p’un ai y gallai priffyrdd wasanaethu’r chwarel a'r
datblygiad arfaethedig yn stad ddiwydiannol Colomendy.
Swyddogion yn ymateb trwy roi gwybod i aelodau y byddai mynedfa newydd yn
cael ei wneud ar gyfer y datblygiad arfaethedig a fyddai’n lliniaru traffig ac
estyniad hefyd ar yr ardal 30mya ar Ffordd Craig. Tynnwyd sylw'r Aelodau at y
diwygiad yn amod 28 ar y daflen las, byddai angen cytuno ar y system draenio
cyn dechrau ar unrhyw waith. Cadarnhaodd y swyddogion y byddai unrhyw
ddatblygiadau yn cael eu trafod gydag aelodau lleol.
Trafodwyd y sylwadau a godwyd gan Gyngor Tref Dinbych ac os byddai drysau
rholio awtomatig yn cael eu gosod i leihau unrhyw arogleuon o'r datblygiad.
O ran y drysau rholio awtomatig mae’r ymgeisydd wedi ystyried yr awgrym gan
Gyngor Tref Dinbych ond maen nhw wedi penderfynu aros gyda’r cynigion gwreiddiol
ar gyfer rhesymau ymarferol. Gyda’r arogleuon o’r gwastraff byddai modd eu
storio mewn sgipiau dan gaead a’u symud o’r safle yn
ddyddiol.
CYNNIG – Cynigodd y
Cynghorydd Merfyn Parry i gymeradwyo’r cais gydag argymhellion y swyddog, ac fe’i heiliwyd gan y Cynghorydd Alan James.
PLEIDLAIS:
CANIATÁU – 14
GWRTHOD – 0
YMATAL - 0
PENDERFYNWYD y dylid CYMERADWYO’R cais yn unol ag argymhellion y swyddog fel y
nodwyd yn yr adroddiad a’r papurau ategol.
Dogfennau ategol: