Eitem ar yr agenda

Ystyried amodau cynllunio ynghlwm â chaniatâd cynllunio 25/2018/1216 a ganiatawyd ar 15 Ionawr 2020 mewn cysylltiad â Bwlch Du, Nantglyn, Dinbych (copi ynghlwm).

Cyflwynwyd adroddiad yn gofyn am benderfyniad ar yr amodau cynllunio i’w hychwanegu i’r caniatâd cynllunio 25/2018/1216 a gymeradwywyd ar 15 Ionawr 2020 mewn perthynas â Bwlch Du, Nantglyn, Dinbych.

 

Roedd y Pwyllgor Cynllunio wedi ystyried cais Bwlch Du yn wreiddiol ym Medi 2019 a phenderfynwyd cymeradwyo’r cais.  Yn dilyn rhybudd o her cyfreithiol posib i gyfreithlondeb y penderfyniad fe gafodd y cais ei adrodd yn ôl i'r Pwyllgor ym mis Ionawr 2020 pan benderfynwyd rhoi caniatâd a'r swyddogion i adrodd yn ôl i'r Pwyllgor gyda rhestr drafft o'r amodau i'w cynnwys ar y Dystysgrif o Benderfyniad i'w ystyried a'i gadarnhau.

 

Roedd yr adroddiad wedi gosod amserlen o amodau cynllunio yr oedd swyddogion yn credu a fyddai'n rhesymol ac yn hanfodol i'w hatodi i ganiatâd cynllunio.   Ers cyhoeddi’r amodau arfaethedig roedd y swyddogion wedi bod mewn trafodaethau cadarnhaol gyda chynrychiolwyr yr ymgeisydd dros y geiriad ar gyfer rhai o'r amodau cynllunio drafft.  O ganlyniad i’r trafodaethau hynny roedd swyddogion wedi cyflwyno awgrymiadau ar gyfer y geiriad diwygiedig o’r amodau hynny a oedd wedi’i manylu yn y wybodaeth atodol hwyr (taflenni glas) mewn teip italig gyda sylwebaeth gryno pan yn briodol.  Roedd cynrychiolwyr yr ymgeisydd wedi cadarnhau nad oedd ganddynt broblemau gyda’r diwygiadau.  I fod yn eglur, ac i sicrhau fod aelodau yn fodlon gyda geiriad yr amodau, fe gytunwyd i ystyried pob amod yn unigol gan dynnu sylw at y diwygiadau arfaethedig ar y cyd gyda'r rhesymeg y tu ôl iddyn nhw.  Crynodeb -

 

·         Amodau 1 a 2 – heb gynnig unrhyw newidiadau

 

·         Amod 3 – ail-eirio i gadarnhau geiriad drafft yr amod ac amseriad cwblhau yr ardal parcio a throi. 

 

·         Amodau 4 a 5 – heb gynnig unrhyw newidiadau

 

·         Amod 6 – ail eirio a rhannu yn ddau amod ecoleg ar wahân. 

Mae’r ail eirio yn Amod 6 yn egluro’r cynigion mewn perthynas â diogelu ystlumod yn ystod y cam adeiladu.   Mae’r amod ar wahân (bellach wedi'i rifo yn Amod 7) yn nodi'r gofyniad ar wahân ar gyfer cyflwyno manylion y mesurau osgoi ymlusgiaid, a darpariaeth nodweddion sy’n gyfeillgar i ystlumod yn y datblygiad.

 

·         Amod 7 – amod newydd yn dilyn rhannu Amod 6 (uchod) yn ddau amod ecoleg ar wahân. 

Mae’r amod hwn yn ymdrin â mesurau osgoi ymlusgiaid a nodweddion sy'n gyfeillgar i ystlumod.

 

·         Amod 8 – ail-ddrafftio Amod 7 wedi’i gynnwys yn adroddiad y swyddog i sicrhau ‘dyddiad terfynu’ lle byddai'r caban coed yn cael ei dynnu ynghyd ag adolygu'r cymal olaf i ganiatáu cyfnod hirach i adfer y tir o’r gyflwr blaenorol.

 

·         Amod 9 – ail-ddrafftio Amod 8 wedi’i gynnwys yn adroddiad y swyddog i ganiatáu cyfnod hirach i wneud y gwaith i strwythur y sgubor ar ôl cwblhau’r gwaith ar yr annedd.

 

·         Amod 10 – ail-ddrafftio Amod 9 i adnabod y coed sy’n tyfu o fewn ôl troed yr hen sgubor a fu'n rhaid ei dynnu i lawr.

 

·         Amod 11 – amod newydd i sicrhau nad oedd perygl i strwythur adeilad rhestredig yn ystod y gwaith o adeiladu estyniad. 

 

Ar ôl ystyried y rhestr ddrafft o amodau cynllunio a diwygiadau wedi'u awgrymu fel y nodir gan y swyddogion fe ddarllenodd y Cadeirydd yr argymhelliad ar y taflenni gwybodaeth atodol hwyr oedd yn rhoi sylw i hynny.

 

Cynnig – Cynigodd y Cynghorydd Alan James argymhelliad y swyddog i roi caniatâd cynllunio yn amodol ar yr amodau cynllunio a gyflwynwyd, ac eiliwyd y cynnig gan y Cynghorydd Melvyn Mile.

 

PENDERFYNWYD bod y diwygiadau awgrymedig i’r amodau a’r amod ychwanegol (rhif 11) fel y manylir yn y wybodaeth atodol hwyr (taflenni glas) i gael eu derbyn a’u hatodi i Dystysgrif Penderfynu ar gais 25/2018/1216, ynghyd ag amodau 1,2,4 a 5 fel wedi’u drafftio yn adroddiad y swyddog i’r Pwyllgor.

 

Materion eraill

 

Ar y pwynt yma, a gyda chaniatâd y Cadeirydd fe dynnodd y Cynghorydd Tony Thomas sylw at y costau cuddiedig sy’n cael eu cyflwyno gan ddatblygwyr ar rydd-ddeiliaid, fel costau cynnal a chadw ar gyfer tir agored/parciau chwarae a chymeradwyo gwaith adeiladu dilynol.  Swyddogion yn derbyn y byddai'n fuddiol i fod yn eglur ar faterion o'r fath a chytunwyd i symud y mater ymlaen, fodd bynnag roedd rhai achosion yn ddarostyngedig i drefniadau preifat rhwng y datblygwr a'r perchennog tŷ ac felly y tu hwnt i reolaeth y Cyngor.

 

Cyn cau’r cyfarfod fe gynghorodd y Cadeirydd fod Susan Cordiner, Arweinydd Tîm – Tîm Lleoedd yn mynychu ei chyfarfod diwethaf cyn ei hymddeoliad ac fe gyflwynodd hi gyda thusw o flodau i ddangos ein gwerthfawrogiad iddi am eich cyngor doeth a'i chyfraniad gwerthfawr i waith y Pwyllgor.   Dyma’r Prif Swyddog Cynllunio (IW) yn dangos ei werthfawrogiad ar ran y swyddogion am ei chefnogaeth anferthol a dymunodd yn dda iawn iddi.  Wrth ddiolch am y geiriau caredig a’r blodau fe ddywedodd Mrs Cordiner ei bod wedi bod yn falch o gael gweithio i’r Cyngor ac yn dymuno'n dda i bawb ar gyfer y dyfodol.

 

Daeth y cyfarfod i ben am 10.15am.