Eitem ar yr agenda
CAIS RHIF HEN BARC CARAFANAU PLAS DEVA, FFORDD TALARGOCH, GALLT MELYD, PRESTATYN
Ystyried cais ar gyfer adeiladu 41 annedd fforddiadwy a gwaith cysylltiol yn hen Barc Carafanau Plas Deva, Ffordd Talargoch, Gallt Melyd, Prestatyn (copi ynghlwm).
Cofnodion:
Cyflwynwyd cais i
godi 41 o dai fforddiadwy a gwaith cysylltiedig ar hen safle Parc Carafanau
Plas Deva, Ffordd Talargoch, Gallt Melyd, Prestatyn.
Siaradwr Cyhoeddus –
Stuart Andrews (McBryde Homes) (O blaid) – eglurodd manylion y
datblygiad arfaethedig i adeiladu tai fforddiadwy ar y safle yn cynnwys
cymysgedd o dai gwahanol a fyddai'n mynd i'r afael â'r angen am dai
cymdeithasol yn yr ardal; roedd y datblygiad yn cwrdd â holl ofynion
Llywodraeth Cymru (yn cael ei ariannu yn bennaf gan Gronfa Grant Tai
Cymdeithasol Llywodraeth Cymru) ac yn bodloni’r holl gyfyngiadau cynllunio ar y
safle.
Trafodaeth Gyffredinol – Y Cynghorydd Peter Evans (Aelod Lleol)
yn tynnu sylw at agweddau cadarnhaol y datblygiad a oedd yn gwneud defnydd da o
safle tir llwyd ac wedi helpu i dynnu’r pwysau oddi ar ddatblygiadau maes glas. Byddai’n cynnig cymysgedd dda o gartrefi i
gwrdd a'r anghenion tai lleol, yn cynnig cyfleoedd i'r rheiny sydd ond yn gallu
fforddio rhentu, ac hefyd yn helpu i gynnal busnesau lleol. Roedd y cynnig yn cadw at y Cynllun
Datblygu Lleol (CDLl) a’r Cynllun Corfforaethol. Roedd y Cynghorydd Evans yn gofidio nad oedd modd
cadw Fila Talargoch ond byddai cadw’r wal derfyn gerrig a’r plac yn helpu i
gadw naws y pentref. Ei brif bryder oedd y traffig ar yr A541, ac wrth ystyried y tagfeydd sydd
eisoes yn bodoli yn ystod yr amseroedd prysuraf oherwydd y llif traffig i mewn
ac allan o Brestatyn, dim ond gwaethygu fyddai’r sefyllfa. Fe awgrymodd y byddai’n fuddiol edrych ar
ddewisiadau eraill fel gwella'r A548 tuag at y Rhyl ac yna drosodd i Bryn Cwnin
yn Rhuddlan.
Siaradodd y Cynghorydd Tony Thomas o blaid y cais
yn cynghori y byddai’r datblygiad yn helpu i gwrdd â'r angen wedi’i gydnabod yn
yr ardal am dai yn lleol ac yn cyfrannu at bron i 10% o ymrwymiad Cynllun
Corfforaethol y Cyngor i ddarparu 430 o dai fforddiadwy.
Eglurodd yr Uwch Beiriannydd – Rheoli Datblygu fod
y safle wedi cael caniatâd cynllunio amlinellol yn dyddio nol i 2007 a 2011 (a
oedd wedi bellach dod i ben) ar gyfer datblygiad preswyl ac hefyd ar gyfer
darparu tai yn y CDLl. Mewn ymateb i bryderon ynglŷn â’r effaith ar draffig a chymhwysedd y
rhwydwaith priffyrdd fe gynghorodd bod yr ymgeisydd wedi comisiynu asesiad
effaith cynyddol o'r holl ddatblygiadau posib a fyddai’n cael effaith ar yr
A547. Roedd yr adroddiad wedi dod i’r casgliad y dylai’r rhwydwaith priffyrdd
weithredu o fewn y gymhwysedd gyda’r holl safleoedd datblygu arfaethedig, yn
geisiadau presennol ac ymrwymedig. Roedd y standiau gwelededd wrth y fynedfa yn
cwrdd â'r safonau yn TAN18 a'r safonau parcio yn cwrdd â Chanllawiau Cynllunio
Atodol y Cyngor. Drwy gymryd yr holl achosion perthnasol i
ystyriaeth fe awgrymwyd nad oedd rheswm i wrthod y cais ar sail priffyrdd.
Dyma'r Prif Swyddog Cynllunio (SS) hefyd yn ymateb
i gwestiynau pellach a godwyd gan y Cynghorydd Mark Young fel a ganlyn -
·
mewn
perthynas â Fila Talargoch doedd yr adeilad ddim yn rhestredig nac mewn ardal
gadwraeth a chan nad oedd yr adeilad wedi'i warchod mewn unrhyw ffordd nid oedd
gofyniad i gyflwyno datganiad o effaith ar dreftadaeth fel rhan o'r broses cais
cynllunio [cynghorodd y Cynghorydd Mark Young fod ceisiadau yn y gorffennol heb
statws adeilad rhestredig wedi cyflwyno asesiadau treftadaeth gan dynnu sylw bod
angen cysondeb o ran hynny]
·
o ran
tai fforddiadwy roedd y meini prawf yn seiliedig ar incwm lleol a byddai polisi
gosod i bobl leol yn cael ei baratoi ar y cyd â’r aelod lleol
·
o ran
manylion y cynllun tai fforddiadwy sicrhawyd
y byddai’n rhaid i’r anheddau barhau i fod yn fforddiadwy am byth - sef
cyfyngiad oedd yn rhan o'r amodau yn gysylltiedig â'r cyllid grant a ddarparwyd
ar gyfer y cynllun.
Cynnig – Cynigodd y Cynghorydd Tony Thomas
argymhelliad y swyddog i gymeradwyo’r cais, ac fe’i eiliwyd gan y Cynghorydd
Bob Murray.
PLEIDLAIS:
CANIATÁU – 14
GWRTHOD – 0
YMATAL - 0
PENDERFYNWYD y dylid CYMERADWYO’R cais yn unol ag argymhellion y swyddog fel y nodwyd
yn yr adroddiad a’r papurau ategol.
Dogfennau ategol:
- ITEM 6 - FORMER PLAS DEVA CARAVAN PARK, MELIDEN, Eitem 6. PDF 6 KB
- ITEM 6 - FORMER PLAS DEVA CARAVAN PARK, MELIDEN APPENDIX, Eitem 6. PDF 1 MB