Eitem ar yr agenda
Y BROSES AR GYFER SEFYDLU ARDAL GWELLA BUSNES (AGB)
- Meeting of Pwyllgor Craffu Cymunedau, Dydd Iau, 23 Ionawr 2020 10.00 am (Item 6.)
- View the declarations of interest for item 6.
I dderbyn adroddiad gan y Swyddog Arweiniol, Cymorth i Fusnesau a Thwf Lleol a’r Tim Datblygu Economaidd a Busnes a Rheolwr Rhaglen (copi ynghlwm) i roi gwybodaeth ynglŷn â’r broses o ffurfio Ardaloedd Gwella Busnes i alluogi’r Pwyllgor i archwilio'r broses yn fanwl.
10.45 a.m. – 11.15 a.m.
Cofnodion:
Datganodd y
Cynghorydd Graham Timms gysylltiad personol gan ei fod yn Gadeirydd AGB
Llangollen 2020.
Roedd yr
Arweinydd, y Cynghorydd Hugh Evans, Pennaeth Cynllunio a Gwarchod y Cyhoedd,
Emlyn Jones, a'r Swyddog Arweiniol, Cefnogi Busnes a Thwf Lleol, Carolyn
Brindle, yn bresennol ar gyfer yr eitem hon.
Cyflwynodd yr
Arweinydd, y Cynghorydd Hugh Evans, yr adroddiad (a ddosbarthwyd yn flaenorol)
i ddarparu gwybodaeth ynglŷn â’r broses o ffurfio Ardaloedd Gwella Busnes
(AGB) i alluogi’r Pwyllgor i archwilio’r broses yn fanwl.
Roedd Grŵp
Cadeiryddion ac Is-gadeiryddion Craffu wedi gofyn i Bwyllgor Craffu Cymunedau
ystyried y testun penodol hwn mewn ymateb i gais gan unigolyn busnes yn y Rhyl,
Lynnette Jones, oedd â phryderon am dryloywder y broses o sefydlu AGB.
Roedd Lynnette
Jones, yn bresennol yn y cyfarfod i gyflwyno rhai o’i phryderon:
·
Hyd
eithaf ei gwybodaeth, nid oedd nifer o fusnesau wedi derbyn gwybodaeth am AGB y
Rhyl.
·
Ni fu
lansiad ffurfiol ar gyfer yr AGB.
·
Ni
wahoddwyd perchnogion busnes i gyflwyno awgrymiadau o ran beth y gellir gwario
arian yr AGB arno.
·
Yn ei
safbwynt hi, roedd busnesau o dan yr argraff na fyddent yn gorfod talu unrhyw
gyfraniad ychwanegol ond nid dyma'r achos.
Roedd hyn yn broblem fawr ar gyfer busnesau sy’n wynebu trafferthion.
·
Y
ffaith fod 66 busnes allan o 99 wedi pleidleisio o blaid yr AGB ac o’r 66
hynny, roedd 41 pleidlais gan eiddo sy'n berchen i Gyngor Sir Ddinbych.
·
Ni
chafwyd unrhyw gymorth busnes.
·
Yn ei
safbwynt hi a busnesau eraill, ni chynhaliwyd ymgynghoriad addas.
Yn ystod y
trafodaethau, pwysleisiwyd bod:
·
y broses i sefydlu AGB wedi’i nodi mewn deddfwriaeth
·
er na chaniateir i
awdurdodau lleol, drwy gyfraith, arwain y broses o sefydlu AGB, roedd ganddynt
rôl bwysig i hwyluso pleidlais AGB, gan roi gwybod am ganlyniad unrhyw
bleidlais a chasglu ardoll yr AGB;
·
Roedd AGB yn fenter a arweinir
gan fusnesau;
·
hyd yma yn Sir Ddinbych,
roedd pleidlais AGB wedi'i chynnal yn y Rhyl gan arwain at sefydlu AGB yn y
dref, roedd busnesau ym Mhrestatyn wedi penderfynu peidio â pharhau â'r
cynlluniau ar gyfer pleidlais i sefydlu AGB, a byddai pleidlais yn cael ei
chynnal yn Llangollen yn y gwanwyn 2020;
·
cyfrifoldeb Grŵp yr
AGB, a sefydlwyd yn yr ardal dan sylw, oedd cyfathrebu ynglŷn â chynigion
i gynnal pleidlais gyda'r nod o sefydlu AGB, ac amcanion a nodau’r AGB
arfaethedig.
·
roedd cyfradd yr ardoll
yn ardal yr AGB yn cael ei gosod gan Fwrdd yr AGB.
Er
bod yr awdurdod lleol yn casglu’r ardoll roedd yn cael ei thalu i Fwrdd yr AGB
i'w defnyddio i ddarparu ei amcanion a blaenoriaethau;
·
ni chaniateir i’r
awdurdodau lleol dynnu unrhyw wasanaeth o ardal yr AGB ar y sail y gellir
defnyddio incwm yr AGB i ddarparu’r gwasanaethau hynny.
Roedd
holl benderfyniadau’r awdurdod lleol o ran torri gwasanaethau yn gorfod cael eu
gwneud ar sail y sir gyfan ac yn gyfartal ar gyfer yr holl breswylwyr. Ond, gellir defnyddio arian yr AGB i ategu at wasanaethau’r awdurdod lleol
pe baent yn cefnogi darpariaeth blaenoriaethau’r AGB.
·
Roedd gan y Cyngor
bleidlais ar gyfer pob un eiddo busnes yr oedd yn berchen arno o fewn rhanbarth
yr AGB arfaethedig a oedd yn diwallu trothwy gwerth ardrethol y bleidlais.
Byddai
Cabinet Sir Ddinbych yn penderfynu a fyddai’n bwrw’r pleidleisiau mewn
pleidlais AGB a sut y dylid bwrw'r pleidleisiau hynny. Ym mhleidlais AGB y Rhyl a phleidlais AGB Llangollen sydd i ddod roedd y Cabinet
wedi penderfynu bwrw ei bleidleisiau o blaid sefydlu AGB ac wedi dirprwyo
awdurdod i’r Cyfarwyddwr Corfforaethol: yr Economi a'r
Parth Cyhoeddus i lenwi’r holl bapurau pleidlais ar ran yr Awdurdod:
·
Roedd ardaloedd AGBau yn
ardaloedd penodol iawn o dref, nid y dref gyfan, ac yn cael eu nodi ar fap sy’n
cyd-fynd â gwybodaeth yr AGB gyda llinell goch yn nodi ffin yr ardal yn glir.
Yn
y mwyafrif o achosion, ar ôl ei sefydlu, roedd AGBau yn gwmnïau cyfyngedig trwy
warant ac felly’n gorfod cyhoeddi cyfrifon blynyddol ac ati.
·
ar ôl ei sefydlu, er y
byddai gan y Cyngor sedd ar Fwrdd yr AGB nid oedd ganddo fwy o ddylanwad ar
benderfyniadau'r Bwrdd nag unrhyw aelod arall o'r Bwrdd.
Ond,
trwy gael sedd ar y Bwrdd gallai'r Cyngor weld sut y gellir defnyddio ei
wasanaethau i ategu at waith Bwrdd yr AGB. Gallai Byrddau AGB
wneud unrhyw benderfyniad cyn belled â’u bod yn benderfyniadau cyfreithlon. Nod Byrddau AGB yw uno busnesau a gwasanaethau gyda diddordeb ar y cyd mewn
sicrhau bod ardal yn ffynnu. Roedd yn
ddull o ddatblygu ymddiriedaeth cydfuddiannol rhwng gwahanol fudd-ddeiliaid
gyda’r nod o gynyddu ffyniant yn yr ardal.
Cydnabuwyd bod gwersi y gellir eu dysgu o bleidlais AGB y Rhyl, yn enwedig
o ran cyfathrebu ac ymgysylltu â busnesau sy’n gymwys i bleidleisio, a allai
fod o ddiddordeb i’r rhai sy’n cyfrannu at drefniadau pleidlais AGB Llangollen.
Gofynnwyd i swyddogion dynnu sylw’r unigolion perthnasol sy’n ymwneud â’r
AGB at y materion hyn a'u hannog i gysylltu â'i gilydd. Hefyd cydnabuwyd bod nifer yr eiddo busnes sy’n eiddo i’r Cyngor yn ardal
AGB y Rhyl, a phenderfyniad y Cyngor i fwrw pob pleidlais o blaid sefydlu AGB
ynghyd â nifer o fusnesau cymwys sydd heb arfer eu hawl i bleidleisio, wedi
cyfrannu at y canlyniad i sefydlu'r AGB. Ond, dilynwyd pob
broses gyfreithiol ac roedd AGB wedi’i sefydlu gyda phleidlais y mwyafrif a
oedd yn cydymffurfio â’r gofynion deddfwriaethol. Mewn ymateb i bryderon yr aelodau ynglŷn â hyn, cytunodd y swyddogion
y byddent yn ei godi gyda Llywodraeth y DU, drwy'r ymgynghorwyr sy'n hwyluso
gwaith i sefydlu AGB ar draws y DU, ynglŷn â'r posibilrwydd o gyflwyno
trothwy canran a fyddai'n rhaid ei ddiwallu o fusnesau cymwys sydd o blaid
sefydlu AGB h.y. 40%.
Ar ddiwedd trafodaeth y Pwyllgor:
PENDERFYNWYD:
yn amodol ar y sylwadau uchod,
(i)
y
dylid cysylltu â Chadeirydd Bwrdd Ardal Gwella Busnes y Rhyl a Chadeirydd
Grŵp Gwella Busnes Llangollen gyda'r nod o rannu profiadau a gwersi a
ddysgwyd o ran sut i gyfathrebu'n effeithiol gyda'r gymuned fusnes leol ac ymgysylltu
â nhw yn y broses o sefydlu Ardal Gwella Busnes a phwysigrwydd bwrw eu
pleidlais;
(ii)
y
dylid cysylltu â’r ymgynghorwyr, MOSAIC, gan ofyn iddynt adrodd yn ôl i
lywodraeth ganolog ynglŷn â'r buddion o gyflwyno deddfwriaeth ar gyfer
trothwy canran o'r rhai sydd o blaid sefydlu AGB, gyda'r nod o gefnogi dylanwad
yr AGB; a
(iii)
pharhau
i gefnogi sefydlu Ardaloedd Gwella Busnes eraill yn sir pe bai unrhyw dref, ardal wledig neu
grŵp busnes yn dymuno datblygu un.
Dogfennau ategol:
- BID Report 230120 - Cymraeg, Eitem 6. PDF 376 KB
- BID Report 230120 - App 1, Eitem 6. PDF 444 KB
- BID Report 230120 - App 2, Eitem 6. PDF 215 KB
- BID Report 230120 - App 3, Eitem 6. PDF 101 KB