Eitem ar yr agenda
CAIS RHIF 20/2019/0884 - TIR GER BWLCH Y LLYN, PENTRE COCH, RHUTHUN
Ystyried cais i ddatblygu 0.125ha o dir trwy godi annedd fforddiadwy anghenion lleol ar wahân a gwaith cysylltiedig (cais amlinellol - pob mater wedi'i gadw) (copi ynghlwm).
Cofnodion:
Cyflwynwyd cais
i ddatblygu 0.125ha o dir trwy godi annedd fforddiadwy anghenion lleol ar wahân
a gwaith cysylltiedig (cais amlinellol - pob mater wedi'i gadw) ar dir ger
Bwlch y Llyn, Pentre Coch, Rhuthun.
Siaradwyr Cyhoeddus -
Denise Baker (O blaid) -
hysbysodd y pwyllgor fod y teulu wedi bod yn ffermio yn y lleoliad ers pum
cenhedlaeth, a'u bod yn deulu Cymraeg eu hiaith sydd wedi cefnogi'r gymuned leol, a fyddwn yn
parhau i wneud hynny. Roedd y cais am dŷ angen fforddiadwy, a oedd ar
gyfer aelod ifanc o'r teulu a oedd yn dymuno aros yn yr ardal ac yn agos at y
teulu. Roedd y cynnig am gartref cymedrol mewn cytgord â chymeriad yr ardal,
a'r defnydd o ddeunydd adeiladu lleol. O ystyried natur eithriadol datblygiad
o'r fath, cydnabuwyd y byddai angen dyluniad sy'n sensitif i'r ardal. Roedd
safle arfaethedig y datblygiad ar dir oedd yn eiddo i'r teulu a deallwyd
pryderon ymgynghorwyr ynghylch y datblygiad sy'n digwydd yng nghefn gwlad
agored. Fodd bynnag, gellid ystyried y tŷ blaenorol ar y safle. Enw’r
annedd flaenorol oedd Waen Grogen,
roedd y safle arfaethedig yn safle cae brown, nad oedd ganddo unrhyw fudd
amaethyddol. Ni ellid gweld y tŷ o unrhyw dai eraill, a gellid sgrinio
ychwanegol i leihau'r gwelededd ymhellach. Bwriad yr ymgeiswyr oedd
caniatáu i genedlaethau’r teulu yn y dyfodol fyw yn yr eiddo ar gyfer y
dyfodol. Fodd bynnag, gellid sefydlu cytundebau cyfreithiol i sicrhau y byddai
rhywun â chysylltiadau agos â'r ardal yn byw yn yr
annedd, cyhyd â bod anghenion fforddiadwy yn bodoli yn yr ardal.
Trafodaeth Gyffredinol –
Cyfeiriodd y
Cynghorydd Hugh Evans (Aelod Lleol) at chwe chais
arall a oedd yn debyg i'r cais, a chaniatawyd nhw. Byddai'r cais yn caniatáu i
breswylydd lleol yn Sir Ddinbych aros yn y Sir, a
oedd yn rhan o'r cynllun corfforaethol, byddai'r Gymraeg hefyd yn cael ei chadw
yn yr ardal. Roedd cost gyfartalog tai yn yr ardal yn fwy na £300,000 a byddai
cael tai fforddiadwy yn caniatáu i aelod ifanc o'r gymdeithas aros yn yr ardal.
Amlygwyd hefyd bod prinder tai fforddiadwy yn yr ardaloedd gwledig. Byddai'r
cynnig hefyd yn dod â thŷ wedi'i adael yn ôl i ddefnydd. Nid oedd y cais
yn pasio rhai o'r polisïau cynllunio ond roedd yn cwrdd â'r
blaenoriaethau corfforaethol. Pe bai'r cais yn cael ei dderbyn ni fyddai'n
gosod cynsail ar draws y sir.
Ymatebodd
swyddogion i gwestiynau'r aelod lleol mewn perthynas â pholisi BSC8 a BSC9 a'r
profion ar gyfer y polisïau hyn. O ran BSC8, nid oedd yr ymgeisydd wedi darparu tystiolaeth i ddangos nad
oedd safleoedd tai a ddyrannwyd yn debygol o ddod ymlaen o fewn 5 mlynedd,
mae'n amlwg nad oedd y safle'n ffinio â ffin ddatblygu'r pentref, a oedd 1.2km
i'r gorllewin o'r cynnig. O ran polisi BSC9 byddai'r eiddo'n cael ei ddatblygu
ymhell o'r fferm a byddai yng nghefn gwlad agored. Nodwyd hefyd nad oedd yr
ymgeisydd mewn angen tai fforddiadwy, yn seiliedig ar brofion safonol gan
gynnwys incwm ac arbedion, fel yr aseswyd gan Grŵp Cynefin.
Cynnig - Cynigiodd y Cynghorydd Tony Thomas y dylid
caniatáu’r datblygiad yn groes i argymhellion swyddogion gan fod y datblygiad
yn cwrdd â chynllun corfforaethol y Cyngor, ac eiliwyd gan y Cynghorydd Emrys
Wynne.
Amlygodd yr
aelodau y byddai'r eiddo'n cael ei ddatblygu ar dir nad oedd ganddo unrhyw fudd
amaethyddol a gofynnwyd a oedd eiddo blaenorol ar y safle ac a fyddai hynny'n cael effaith ar y cais yn nhermau cynllunio.
Gofynnwyd hefyd pam roedd angen cefndir ariannol yr ymgeisydd ar gyfer y cais,
gan na ofynnwyd i ymgeiswyr eraill yn Sir Ddinbych
sy'n ceisio tai fforddiadwy am eu sefyllfa ariannol. Awgrymwyd hefyd y dylid
cynnwys amodau ar y cais y dylid defnyddio hen garreg yr adeilad diffaith ar y
tŷ newydd.
Wrth ymateb,
eglurodd swyddogion nad oedd unrhyw ddarpariaethau polisi cynllunio penodol ar
gyfer ailadeiladu adeiladau diffaith. O ran yr ymholiad tai fforddiadwy, roedd
angen profi cymhwyster ar gyfer tai fforddiadwy anghenion lleol gan fod y cais
wedi'i gyflwyno ar y sail hon. Gellid atodi amodau i unrhyw ganiatâd i reoli'r
defnydd o ddeunyddiau allanol.
Diolchodd y
Cynghorydd Hugh Evans (Aelod Lleol) y pwyllgor am y drafodaeth ar y mater, ac
yn derbyn efallai nad yw'r cais yn bodloni'r holl bolisïau cynllunio. Fodd
bynnag, roedd y cais yn cwrdd â pholisïau corfforaethol y Cyngor o ganiatáu i
breswylydd ifanc aros yn y gymuned. Amlinellwyd hefyd nad oedd yn credu y
byddai caniatáu’r cais hwn yn gosod cynsail peryglus gyda cheisiadau tebyg, ac
yn sicrhau aelodau y byddai’r ymgeiswyr yn cydymffurfio ag unrhyw amodau y
gellid cytuno arnynt.
PLEIDLAIS:
CANIATÁU – 8
GWRTHOD - 5
YMATAL – 1
PENDERFYNWYD - CANIATÁU
caniatâd, yn groes i argymhelliad swyddogion, ar y sail y byddai'r datblygiad
yn cydymffurfio â'r Cynllun Corfforaethol ar gyfer
Lles yn y dyfodol.
Dogfennau ategol: