Eitem ar yr agenda
GWEITHREDU MODEL DARPARU AMGEN AR GYFER AMRYWIOL WEITHGAREDDAU/SWYDDOGAETHAU HAMDDEN: PRYDLESU EIDDO
- Meeting of Cabinet, Dydd Mawrth, 17 Rhagfyr 2019 10.00 am (Item 8.)
- View the declarations of interest for item 8.
Ystyried
adroddiad gan y Cynghorydd Julian Thompson-Hill, Aelod Arweiniol Cyllid,
Perfformiad ac Asedau Strategol (copi’n amgaeedig) yn ceisio cymeradwyaeth y
Cabinet i ganiatáu 16 prydles, un ar yfer cyfnod o 10 mlynedd ar rent pitw, i
Hamdden Sir Ddinbych Cyfyngedig ar delerau a nodir o fewn yr adroddiad.
Penderfyniad:
PENDERFYNWYD bod y Cabinet yn
–
(a) rhoi
cymeradwyaeth i ganiatáu prydlesi 10 mlynedd i Hamdden Sir Ddinbych Cyf ar
gyfer pob un o’r safleoedd am rent rhad. Bydd y prydlesi wedi’u seilio ar
brydlesi safonol (Atodiad 3 yr adroddiad). Bydd addasiadau penodol i’r safle yn cael eu
cynnwys ym mhob un o'r prydlesi hyn er mwyn ymgorffori: cytundebau rhannu
defnyddwyr blynyddol, rhwymedigaethau cyllidwyr grant, gofynion y Comisiwn
Elusennau, cyngor gan gynghorwyr treth CSDd, meddiannaeth trydydd parti, yn
ogystal ag unrhyw drefniadau safle lleoledig; gan roi awdurdod dirprwyedig i’r
Pennaeth Cyllid a Gwasanaethau Eiddo gytuno, mewn ymgynghoriad â’r Aelod
Arweiniol Cyllid ac Effeithlonrwydd a Phennaeth y Gwasanaethau Cyfreithiol, AD
a Democrataidd, ac
(b) chadarnhau eu
bod wedi darllen, deall ac wedi ystyried yr Asesiad o Effaith ar Les (Atodiad 4
yr adroddiad) fel rhan o'i ystyriaethau.
Cofnodion:
Cyflwynodd
y Cynghorydd Julian Thompson-Hill yr adroddiad yn ceisio cymeradwyaeth y
Cabinet i roi un ar bymtheg o brydlesi, a phob un am gyfnod o ddeng mlynedd ar
rent rhad, i Hamdden Sir Ddinbych Cyf ar delerau fel maent wedi'u nodi yn yr
adroddiad.
Ym mis
Mai 2019, cytunodd y Cabinet i sefydlu Hamdden Sir Ddinbych Cyf, sy’n Gwmni
Masnachol Awdurdod Lleol, cyfyngedig drwy warant, sy’n eiddo’n gyfan gwbl i’r
Cyngor. Roedd
y adroddiad yn cynrychioli cam arall yn y broses honno yn ymwneud â phrydlesu
un ar bymtheg eiddo i Hamdden Sir Ddinbych fel roedd yr adroddiad yn nodi,
ynghyd â’r telerau nodedig. O
ystyried yr amryw faterion penodol i safleoedd lle mae angen mwy o eglurder a
manylder y gallai Hamdden Sir Ddinbych fod eisiau eu codi, argymhellwyd y dylid
rhoi’r prydlesi ar sail y brydles safonol ddrafft gan roi pwerau dirprwyedig
i'r Pennaeth Cyllid ac Eiddo ar y cyd ag Aelod Arweiniol Cyllid a Phennaeth y
Gyfraith, AD a Gwasanaethau Democrataidd i gytuno ar fân amrywiadau mewn
perthynas â’r materion hynny. Byddai
unrhyw wyriad sylweddol oddi wrth y brydles safonol yn dod yn ôl ger bron y
Cabinet. Cyfeiriwyd
hefyd at elfen y Dreth Trafodion Tir a sefyllfa Sir Ddinbych o ran hynny, a
oedd wedi’i nodi yn yr adroddiad.
Dywedodd
y Cynghorydd Bobby Feeley bod ganddi nifer o bwyntiau i’w codi ynghlwm â’r
prydlesi ac roedd yn falch bod proses ar waith i gytuno ar amrywiadau dilynol. Cwestiynodd hefyd lefel yr
ymgynghori ac amlygodd nad oedd Pennaeth Hamdden wedi’i gynnwys yn rhan o’r
broses honno. O
ran y risgiau sydd wedi’u nodi yn yr adroddiad, roedd hi’n teimlo, o ystyried
natur unigryw’r achos hwn, na fyddai unrhyw fantais o gynnwys y risgiau ynghlwm
â chyfranogiad y Cyngor a’i rwymedigaethau. I ategu’r pwynt hwnnw, er
eglurder, dywedodd Rheolwr Gyfarwyddwr Hamdden Sir Ddinbych Cyf bod
rhwymedigaethau ar y ddwy ochr yn nhrefniadau’r prydlesi ond nad oedd yr
adroddiad ond wedi cyfeirio at y risgiau ynghlwm â Hamdden Sir Ddinbych ac nid
ynghlwm â’r Cyngor yn cyflawni ei rwymedigaethau ei hun yn hynny o beth. Gan ymateb i’r materion a
godwyd eglurodd yr Aelod Lleol a'r swyddogion bod –
·
y penderfyniad yn cael ei
wneud gan y Cyngor ac felly roedd yr adroddiad yn cynnwys y risgiau posib’ i’r
Cyngor a oedd angen eu hystyried wrth benderfynu a ddylid caniatáu’r prydlesi
ai peidio ar sail yr hyn sydd yn yr adroddiad. Roedd angen i’r Cyngor ystyried
ei fuddion ei hun a sicrhau ei fod yn cyflawni ei rwymedigaethau mewn perthynas
â threfniadau’r prydlesi. Gallai
fod risg i Hamdden Sir Ddinbych, yn dibynnu ar ymddygiad y Cyngor, ond ni
fyddai’r risg honno wedi’i chynnwys yn yr adroddiad gan nad oedd y Cyngor yn
risg iddo ef ei hun. Y
lle priodol i gofnodi’r risgiau i Hamdden Sir Ddinbych fyddai eu Cofrestr Risg
eu hunain.
·
ymgynghoriadau wedi’u cynnal
mewn perthynas â’r Model Darparu Amgen gyda’r rheiny sydd wedi’u rhestru yn yr
adroddiad ac o ran safleoedd penodol, roeddent yn cynnwys ymgynghori â Chyngor
Tref y Rhyl o ran eu diddordeb yn SC2, Cyngor Celfyddydau Cymru o ran cyllid
grant ynghyd ag Eisteddfod Ryngwladol Llangollen o ran Pafiliwn Llangollen a
oedd heb eu rhestru.
Cododd
y Cabinet gwestiynau pellach ynglŷn â’r risgiau i’r Cyngor ynghyd â'r
’haniad cyfrifoldebau rhwng y Cyngor a Hamdden Sir Ddinbych, yn benodol o ran
cynnal a chadw, ynghyd â goblygiadau ariannol cyflawni rhwymedigaethau’r
prydlesi o ran hynny a’r effaith o ganlyniad ar lwyddiant ariannol Hamdden Sir
Ddinbych.
Atebodd
yr Aelod Arweiniol a’r swyddogion y cwestiynau fel a ganlyn –
·
roedd y risg na fyddai'r Model
Darparu Amgen mor ariannol lwyddiannus â'r gobaith wedi'i chynnwys ym mhob
adroddiad ynghlwm â'r Model Darparu Amgen, gan amlygu y byddai unrhyw gostau
ychwanegol o hynny'n disgyn ar y Cyngor i'w hariannu.
·
egluro sefyllfa’r Cyngor o ran
y Dreth Trafodion Tir a oedd yn daladwy, gan ddweud bod cyngor diweddar wedi
pennu y byddai'r Cyngor yn agored i dalu'r dreth honno yn seiliedig ar werth y
brydles. O
ystyried bod y Cyngor wedi darparu cymorth ariannol sylweddol i Hamdden Sir
Ddinbych gyda’r rhenti rhad, nid oedd unrhyw werth i’r brydles mewn gwirionedd
a byddai achos cadarn yn cael ei ddadlau yn hynny o beth. O ganlyniad, nid oedd yn cael
ei ystyried yn risg sylweddol, ond pe bai’r sefyllfa’n cael ei herio’n llwyddiannus
gan Awdurdod Refeniw Cymru, byddai’r mater yn dod yn ôl ger bron y Cabinet.
·
egluro bod Hamdden Sir
Ddinbych a’r Cyngor yn endidau cyfreithiol ar wahân ond roedd Hamdden Sir
Ddinbych yn eiddo i’r Cyngor ac yn cael ei reoli ganddo felly byddai cyfrifoldebau
i'r ddau ynghlwm â'r prydlesi.
Roedd
y Cyngor yn rheoli ac yn gyfrifol am gyflawni ei rwymedigaethau o fewn y
brydles ac roedd yn parhau i fod yn gyfrifol am y strwythur a rhannau allanol
yr adeiladau a byddai Hamdden Sir Ddinbych yn gyfrifol am gynnal a chadw'r
safleoedd yn fewnol; byddai arolygon cyflwr yn cael eu cynnal a byddai llinell
sylfaen yn cael ei chytuno ymlaen llaw o ran cyflwr yr asedau.
·
roedd yr adroddiadau cyflwr yn
gosod y meincnod i sut y byddai’r ddwy ochr yn cynnal asedau a oedd yn parhau i
fod yn eiddo i’r Cyngor ac yr oedd o fudd i’r Cyngor sicrhau eu bod yn cael eu
cynnal a’u cadw a’u bod yn parhau i weithredu.
·
roedd y trefniadau
llywodraethu y tu allan i'r prydlesi hyn yn cynnwys bwrdd gweithredol a bwrdd
strategol i fonitro'r holl risgiau hynny. Pe bai amgylchiadau annisgwyl
yn effeithio ar weithrediad llwyddiannus y cyfleusterau, mae’n debygol y
byddai’r mater yn dod ger bron y ddau fwrdd a gallai’r Cyngor yn y pen draw
benderfynu talu am yr atgyweiriadau gydag adnoddau o fewn y flwyddyn. Byddai trefniadau’r prydlesi
a’r trefniadau llywodraethu’n lliniaru unrhyw risgiau o’r fath.
PENDERFYNWYD bod y Cabinet
yn –
(a) rhoi
cymeradwyaeth i ganiatáu prydlesi 10 mlynedd i Hamdden Sir Ddinbych Cyf ar
gyfer pob un o’r safleoedd am rent rhad.
Bydd y prydlesi wedi’u seilio ar brydlesi safonol (Atodiad 3 i’r
adroddiad). Bydd addasiadau penodol i’r
safle yn cael eu cynnwys ym mhob un o'r prydlesi hyn er mwyn ymgorffori:
cytundebau defnyddwyr blynyddol ar y cyd, rhwymedigaethau cyllidwyr grant,
gofynion y Comisiwn Elusennau, cyngor gan ymgynghorwyr treth CSDd, meddiannaeth
trydydd parti, yn ogystal ag unrhyw drefniadau lleol ar y safleoedd; rhoi
awdurdod dirprwyedig i’r Pennaeth Cyllid a Gwasanaethau Eiddo gytuno, wrth
ymgynghori ag Aelod Arweiniol Cyllid ac Effeithlonrwydd a Phennaeth y
Gwasanaethau Cyfreithiol, AD a Democrataidd, a
(b) cadarnhau ei fod
wedi darllen, deall ac wedi ystyried yr Asesiad o Effaith ar Les (Atodiad 4 i’r
adroddiad) fel rhan o'i ystyriaethau.
Ar y pwynt hwn (11.35 am) cymerodd yr aelodau
egwyl am luniaeth.
Dogfennau ategol:
- ADM REPORT, Eitem 8. PDF 304 KB
- ADM - APP 1, Eitem 8. PDF 175 KB
- ADM - APP 2A Ruthin Leisure Centre black and white plan v2, Eitem 8. PDF 343 KB
- ADM APP 2B Rhyl Town Hall v1, Eitem 8. PDF 930 KB
- ADM - APP 2C Rhyl Pavilion, including adjoining Meadow, Eitem 8. PDF 1 MB
- ADM - APP 2D Rhyl Leisure Centre black and white plan v1, Eitem 8. PDF 435 KB
- ADM - APP 2E Rhyl Events Arena b w v1, Eitem 8. PDF 466 KB
- ADM - APP 2F Prestatyn The Nova Centre v1, Eitem 8. PDF 419 KB
- ADM APP 2G Prestatyn North Wales Bowling Club v1, Eitem 8. PDF 435 KB
- ADM - APP 2H Prestatyn Leisure Centre black and white plan v1, Eitem 8. PDF 559 KB
- ADM - APP 2I Llangollen Pavilion - ADM plan in B and W, Eitem 8. PDF 1000 KB
- ADM - APP 2J Llangollen Leisure Centre ADM PLAN B and W, Eitem 8. PDF 381 KB
- ADM - APP 2K Denbigh Leisure Centre b w plan v1, Eitem 8. PDF 450 KB
- ADM - APP 2L CORWEN LEISURE CENTRE, Eitem 8. PDF 434 KB
- ADM - APP 2M Rhyl SC2, Eitem 8. PDF 628 KB
- ADM - APP 2N Ruthin, Craft Centre, Eitem 8. PDF 565 KB
- ADM - APP 20 St Asaph, Leisure Centre - ADM Lease v3, Eitem 8. PDF 351 KB
- ADM - APP 2P Trem_y_Dyffryn_DENBIGH, Eitem 8. PDF 257 KB
- ADM - APP 3, Eitem 8. PDF 382 KB
- ADM - APP 4 WBIA, Eitem 8. PDF 106 KB