Eitem ar yr agenda
CYNLLUN AMDDIFFYN ARFORDIR DWYRAIN Y RHYL
- Meeting of Cabinet, Dydd Mawrth, 30 Gorffennaf 2019 10.00 am (Item 6.)
- View the declarations of interest for item 6.
Ystyried
adroddiad gan y Cynghorydd Brian Jones, Aelod Cabinet Arweiniol Gwastraff,
Cludiant a’r Amgylchedd (copi ynghlwm) ar y cynnig ar gyfer cynllun amddiffyn
arfordir Dwyrain y Rhyl.
Penderfyniad:
PENDERFYNWYD bod y Cabinet
–
(a) Yn cadarnhau ei
fod wedi ystyried cynnwys yr Asesiad o Effaith ar Les (a atodwyd yn Atodiad 1
yr adroddiad);
(b) yn
cefnogi’r cais i symud y cynllun ymlaen at y cam adeiladu, gan ddefnyddio'r
model cyllido cymorth grant a nodwyd gan Lywodraeth Cymru, ac yn argymell i’r
Cyngor y dylid cymeradwyo’r cais, a
(c) Yn
argymell i’r Cyngor bod awdurdod yn cael ei ddirprwyo i’r Bwrdd Prosiect
Cynllun Amddiffyn Arfordir Dwyrain Y Rhyl (y Bwrdd Prosiect i’w sefydlu yn
dilyn cadarnhad o gymeradwyaeth y Cabinet i symud ymlaen at y cam adeiladu) i
gyflawni’r cynllun, cyn belled nad yw’r gost targed terfynol yn fwy na £27.5
miliwn. Dylid
dod a'r prosiect yn ôl at y Cyngor am ystyriaeth bellach os bydd y gost darged
terfynol yn fwy na £27.5 miliwn.
Cofnodion:
Cyflwynodd
y Cynghorydd Brian Jones yr adroddiad ar y cynnig ar gyfer cynllun amddiffyn
arfordirol yn Nwyrain y Rhyl a cheisiodd gymeradwyaeth y Cabinet i’r cynllun a gofynion
cyllid a’i argymell i’r Cyngor yn unol â hynny.
Dwyrain
y Rhyl oedd maes blaenoriaeth uchaf y Cyngor ar gyfer cynllun amddiffyn
arfordirol o ystyried y byddai’n fwy tebygol o brofi llifogydd difrifol nag
unrhyw le arall yn y sir. Wrth gyflwyno’r achos ar gyfer
y cynllun arfaethedig, cyfeiriodd y Cynghorydd Jones at ddifrod llifogydd
Rhagfyr 2013 a bregusrwydd yr ardal yn y dyfodol o safbwynt perygl llifogydd. Roedd ymchwiliad i lifogydd
2013 yn dangos y gall eiddo ddioddef llifogydd yn ystod 1 digwyddiad mewn 20
mlynedd a byddai’r cynllun yn darparu safon priodol o amddiffyniad llifogydd i
oddeutu 1650 eiddo gydag amddiffyniad yn erbyn 1 digwyddiad mewn 200 mlynedd. Fodd bynnag, bydd cost y
prosiect, sydd wedi’i amcangyfrif yn £27.5m ar hyn o bryd, yn rhoi baich
refeniw ychwanegol ar y Cyngor.
Roedd
manylion y goblygiadau refeniw a amcangyfrifir a’r rhagdybiaethau ariannol yn
seiliedig ar fenthyca presennol wedi’i fanylu o fewn yr adroddiad. Roedd y Cynghorydd Julian
Thompson-Hill yn cefnogi’r argymhelliad a chadarnhaodd fod y Grŵp
Buddsoddiad Strategol wedi cymeradwyo’r cynllun. O safbwynt ariannol, amlygodd
y newid i’r drefn gyllido ac effaith y newid hwnnw ar refeniw. Er bod y cynllun yn gymwys ar
gyfer 75% o gyllid grant Llywodraeth Cymru disgwylir i’r Cyngor gyllido’r swm
cyfan, gyda 75% o’r gost benthyca yn cael ei ad-dalu i’r Cyngor yn flynyddol
drwy’r Grant Cefnogi Refeniw dros 25 mlynedd.
Roedd
angen cyfraniad o £6.87miliwn gan y Cyngor a byddai angen benthyg y mwyafswm
o’r cyllid hwnnw (£2m cyllid cyffredinol wedi’i glustnodi eisoes ar gyfer y
cynllun) am gost amcangyfrifiedig o £29mil yn 2020/21, £205mil yn 2021/22 yn
codi i £286mil y flwyddyn o 2022/23. Gan
dybio na fyddai’r sefyllfa cyllideb refeniw yn gwella byddai’n rhaid i’r swm
ad-daliad gael ei glustnodi fyddai’n effeithio ar arbedion/toriadau yn y
dyfodol.
Roedd
y Cabinet yn derbyn bod achos wedi’i wneud ar gyfer y prosiect o safbwynt
amddiffyn rhag llifogydd o ystyried y risg sylweddol i’r gymuned ac ystyriwyd
yr elfen gyllido a goblygiadau ariannol datblygu’r cynllun, gan nodi’r
ymrwymiad tymor hir oedd yn ofynnol o safbwynt ad-dalu’r benthyciad a’r effaith
ar y gyllideb refeniw. Trafodwyd
y materion canlynol ymhellach -
·
Gofynnodd Mark Young am y risg o orwariant o
ystyried na fyddai Llywodraeth Cymru yn ystyried ceisiadau am fwy o grant lle'r
oedd costau wedi cynyddu uwchlaw’r swm a gymeradwywyd a chadarnhawyd y byddai’r
Cyngor yn atebol am unrhyw orwariant.
Fodd
bynnag roedd y risg wedi’i leihau drwy ddefnyddio fframwaith caffael cadarn
oedd wedi arwain at lefel uchel o sicrwydd cost a £4miliwn wrth gefn ar gyfer
risg wedi’i gynnwys yn y gyllideb £27.5miliwn gyda lwfans ar gyfer chwyddiant;
yn amodol ar gymeradwyaeth y Cyngor, byddai’r gwaith yn dechrau yn Ebrill 2020.
·
Roedd y Cynghorydd Bobby
Feeley yn amlygu meysydd eraill o fewn y cyngor oedd yn tueddu i ddioddef
llifogydd a gofynnodd am effaith ar gyllido cynlluniau llifogydd eraill o
ystyried y cyllid sylweddol oedd yn ofynnol yn yr achos hwn.
Dywedodd
swyddogion am reoli llifogydd mewn ardaloedd eraill yn y sir, gan gynnwys
cynlluniau arfordirol ac afonol oedd mewn amrywiol gamau datblygu a datblygir
drwy’r Bwrdd Rhaglen. Awgrymwyd
bod Bwrdd Prosiect Perygl Llifogydd yn cael ei sefydlu i oruchwylio cynllun
Dwyrain y Rhyl a hefyd i ystyried opsiynau ar gyfer cynlluniau eraill. Byddai’r prosiect dod yn ôl at
y Cyngor am ystyriaeth bellach os bydd y gost darged derfynol yn fwy na £27.5
miliwn.
·
Wrth gofio difrod llifogydd
2013 roedd y Cynghorydd Tony Thomas yn siarad o blaid y cynllun, gan amlygu’r
bygythiad posibl i fywyd a difrod i eiddo os byddai yna lifogydd yn y dyfodol
a’r angen i warchod y gymuned.
·
Roedd y Cynghorydd Mark Young
yn gofyn am sicrwydd ynglŷn â budd cymunedol y cynllun arfaethedig a
chadarnhaodd swyddogion y cyfeiriwyd at elfen o fewn yr adroddiad ac wedi'i
gynnwys yn y fframwaith caffael.
·
ymatebodd swyddogion i
gwestiynau gan y Cynghorydd Meirick Davies yn dweud bod y Cynllun Rheoli
Traethlin yn cefnogi camau’r cynnig, y cyfeirir ato yn adroddiad y Cyngor.
Hefyd
cadarnhawyd y byddai lleihau cwmpas y cynllun yn lleihau safon amddiffyn.
·
Roedd
y Cynghorydd Barry Mellor yn siarad o blaid y cynllun, gan ganmol y ffordd yr
oedd y Cyngor wedi delio â llifogydd 2013 ac roedd yn teimlo y dylai’r Cyngor
fod yn fwy rhagweithiol yn gyffredinol o ran materion llifogydd.
Roedd y Cynghorydd Alan James hefyd yn siarad am y
cynllun gan amlygu'r effaith ariannol a lles trigolion.
·
O safbwynt amserlenni, os bydd
y Cabinet o blaid cefnogi’r argymhellion, byddai adroddiad yn cael ei gyflwyno
i’r Cyngor ar 10 Medi.
PENDERFYNWYD bod y Cabinet yn –
(a) cadarnhau ei fod wedi ystyried cynnwys yr Asesiad o Effaith ar Les (a
atodwyd yn Atodiad 1 yr adroddiad);
(b) cefnogi’r cais i symud y cynllun ymlaen at y cam adeiladu, gan ddefnyddio y
model cyllido cymorth grant a nodwyd gan Lywodraeth Cymru, ac yn argymell i’r
Cyngor y dylid cymeradwyo’r cais, a
(c) argymell i’r Cyngor bod awdurdod yn cael ei ddirprwyo i’r Bwrdd Prosiect
Cynllun Amddiffyn Arfordir Dwyrain Y Rhyl (y Bwrdd Prosiect i’w sefydlu yn
dilyn cadarnhad o gymeradwyaeth y Cabinet i symud ymlaen at y cam adeiladu) i
gyflawni’r cynllun, cyn belled nad yw’r gost targed terfynol yn fwy na £27.5
miliwn. Dylid dod a'r
prosiect yn ôl at y Cyngor am ystyriaeth bellach os bydd y gost darged derfynol
yn fwy na £27.5 miliwn.
Dogfennau ategol:
- EAST RHYL COASTAL DEFENCE SCHEME, Eitem 6. PDF 498 KB
- EAST RHYL COASTAL DEFENCE SCHEME - APPENDIX 1 WBIA, Eitem 6. PDF 426 KB