Eitem ar yr agenda
RHEOLAETH DIM GALW DIWAHODDIAD YN SIR DDINBYCH
Ystyried
adroddiad ar y cyd gan Reolwr yr Amgylchedd Adeiledig a Gwarchod y Cyhoedd a’r
Rheolwr Busnes Gwarchod y Cyhoedd (copi ynghlwm) sy’n gofyn i’r Pwyllgor
archwilio a chefnogi cynigion ar gyfer cyflwyno ‘Parthau Dim Galw Diwahoddiad’
yn y sir yn y dyfodol
11.30am – 12pm
Cofnodion:
Cyflwynodd Aelod Arweiniol Cynllunio, Gwarchod y Cyhoedd a Chymunedau
Diogelach yr adroddiad a’r atodiadau (a ddosbarthwyd yn flaenorol) a oedd yn
amlinellu sut yr oedd y Parthau Dim Galw Diwahoddiad yn y sir yn cael eu
gweinyddu ar hyn o bryd.
Roedd
yr adroddiad hefyd yn ceisio safbwyntiau ar gynigion newydd ar gyfer y broses o
gyflwyno parthau o'r fath yn y dyfodol.
Yn ystod ei gyflwyniad pwysleisiodd
Rheolwr yr Amgylchedd Adeiledig a Gwarchod y Cyhoedd nad oedd yr Awdurdod yn
cynnig gwaredu ‘parthau dim galw diwahoddiad' na gwahardd dynodi 'parthau dim
galw diwahoddiad' newydd, ond oherwydd y pwysau a achoswyd oherwydd bod llai o
adnoddau ariannol nid oedd gan Heddlu Gogledd Cymru'r capasiti i gynnal
ymgysylltiad ac ymgynghoriad cyhoeddus i sefydlu parthau newydd neu i gefnogi
ail-rymuso parthau sefydledig.
Byddent,
fodd bynnag, yn parhau i ymateb i
gwynion mewn perthynas â galw diwahoddiad.
Gyda'r nod o
hwyluso parhad y parthau presennol ac er mwyn galluogi sefydlu parthau newydd
roedd y Cyngor yn cynnig y byddai disgwyl i breswylwyr / cymunedau sy’n dymuno
sefydlu ‘parthau dim galw diwahoddiad’ yn y dyfodol yn trefnu’r ymgysylltiad
cyhoeddus a’r ymarfer ymgynghori eu hunain ac y byddai'n rhaid i'r unigolion
neu'r grwpiau cymunedol sy'n trefnu'r cais dalu am gostau yr arwyddion ac ati. Byddai’r Cyngor, fodd
bynnag, yn eu cynorthwyo gyda'r broses ac yn darparu pecyn gwaith hunangymorth,
a fyddai’n cynnwys dogfennau templed ar gyfer ymgynghori, pleidleisio, lansio’r
parth a gwerthuso ei effeithlonrwydd. Byddai’r Cyngor hefyd yn fodlon nodi busnesau lleol a
allai fod yn fodlon cynorthwyo gyda chostau’r arwyddion ac ati, tra bo Heddlu
Gogledd Cymru yn barod i barhau i gyflenwi sticeri ffenestr, codi ymwybyddiaeth
mewn digwyddiadau cymunedol ac ar gyfryngau cymdeithasol. Rhwng 2007 a 2016 sefydlwyd oddeutu 355 'parth dim galw
diwahoddiad' yn Sir Ddinbych.
Roedd
yr holl barthau wedi’u sefydlu ar gais y preswylwyr a / neu’r Heddlu. Yn 2017 roedd adolygiad
rhannol o effeithiolrwydd y parthau wedi’i gyflawni, a'r canlyniad oedd bod
rhai preswylwyr nad oeddent yn sylweddoli eu bod yn byw mewn 'parth dim galw
diwahoddiad'. Fodd bynnag,
roedd mwyafrif y rhai a holwyd yn credu bod ymyraethau fel 'parthau dim galw
diwahoddiad' yn ddefnyddiol.
Mewn ymateb i gwestiynau'r Aelodau, bu i'r Aelod Arweiniol, Rheolwr yr
Amgylchedd Adeiledig a Gwarchod y Cyhoedd, a Swyddog Gwarchod y Cyhoedd
(Safonau Masnach):
·
gynghori bod y prisiau a
ddarparwyd yn yr adroddiad ar gyfer arwyddion allanol yn rhoi gwybod i bobl eu
bod mewn 'parth dim galw diwahoddiad' yn costio oddeutu £200 fesul arwydd.
Dyma’r
pris yr oedd y Cyngor wedi’i dalu i’r Siop Arwyddion yn y Cyngor, cyn iddo gau.
Roedd wedi ennill y contract ar y pryd yn dilyn proses dendro;
·
cadarnhau bod y Cyngor yn
fodlon ymgysylltu ag unrhyw asiantaeth neu sefydliadau oedd eisiau cefnogi
gwaith yn ymwneud â ‘pharthau dim galw diwahoddiad' h.y. OWL ( a weithredir gan Heddlu Gogledd Cymru);
·
cynghori nad oedd gan y
Cyngor unrhyw gontract ffurfiol na chytundeb lefel gwasanaeth (SLA) mewn
perthynas â ‘Pharth Dim Galw Diwahoddiad';
·
cadarnhau bod masnachwyr
yn agored i erlyniad pe baent yn ymweld heb wahoddiad ag eiddo mewn ‘parth dim
galw diwahoddiad’.
Fodd bynnag, roedd Gwasanaeth Safonau Masnach y Cyngor yn
ffafrio cynnal gwaith atal gan gynnwys dosbarthu taflenni i bob cartref yn yr
ardal gyda'r nod o ddiogelu preswylwyr, yn enwedig preswylwyr diamddiffyn, rhag
ymwelwyr diwahoddiad a thwyllwyr;
·
cynghori y byddai
unigolion a grwpiau sydd eisiau sefydlu ‘parth dim galw diwahoddiad’ yn meddu
ar fuddiant breintiedig mewn sefydlu’r parth.
Ar
ôl cymryd camau i sefydlu parth byddai swyddogion Safonau Masnach yn gwirio y
cymerwyd yr holl fesurau gofynnol er mwyn ei sefydlu’r ffurfiol o fewn chwe mis
o’r cais gwreiddiol;
·
cadarnhau mai Gwasanaeth
Safonau Masnach y Cyngor fyddai’n gyfrifol am gamau gorfodi yn erbyn unigolion
neu gwmnïau sy’n anwybyddu cyfyngiadau’r ‘parth dim galw diwahoddiad’, gallai
hyn gynnwys erlyn y troseddwr (troseddwyr).
Ond,
prin iawn oedd yr achosion lle bo preswylwyr eisiau erlyn y ‘galwr diwahoddiad’
oni bai y cyflawnwyd trosedd ddifrifol, fel arfer roedd gair o rybudd gan
swyddog Safonau Masnach yn ddigon i atal ymweliadau diwahoddiad;
·
cynghori bod mwyafrif
gwaith Safonau Masnach yn ymwneud â chwynion ‘galw diwahoddiad’ yn cynnwys
casglu tystiolaeth a’i rannu gydag awdurdodau eraill. Roedd y Cyngor a Heddlu Gogledd Cymru wedi llunio cytundeb rhannu data i
hwyluso rhannu gwybodaeth a dadansoddiad. Roedd hyn yn cynorthwyo’r
sefydliadau i dargedu adnoddau i ddelio â chwynion yn effeithiol; a
·
chytuno y byddai ‘parth
dim galw diwahoddiad’ ar draws y sir yn fuddiol i’r holl breswylwyr, yn enwedig y rhai
diamddiffyn, pe bai adnoddau ar gael i gefnogi’r cysyniad.
Teimla’r aelodau bod y costau a ddyfynnwyd ar gyfer arwyddion allanol yn
ormodol a gofyn i’r swyddogion geisio dyfynbrisiau gan wneuthurwyr arwyddion o
ran costau presennol arwyddion.
Roeddent
hefyd yn gofyn i’r swyddogion sicrhau bod yr holl arwyddion a sticeri yn
cydymffurfio â Pholisi’r Gymraeg yn Sir Ddinbych ac yn cael eu cynhyrchu o
ddeunyddiau sy'n ecogyfeillgar a bod modd eu hailgylchu.
Yn ogystal â hyn, gofynnwyd bod naill ai Briffio’r Cyngor neu ddigwyddiad
hyfforddi’n cael ei drefnu ar gyfer yr holl gynghorwyr sir ar Raglen Atal
Sgamiau.
Ar ddiwedd trafodaeth y Pwyllgor:
PENDERFYNWYD yn amodol ar yr arsylwadau uchod a darparu costau arwyddion allanol a
sticeri sy’n ecogyfeillgar, i gefnogi dull arfaethedig yn y dyfodol ar gyfer
gweinyddu cyflwyno ‘parthau dim galw diwahoddiad' a'u gweithrediad.
Dogfennau ategol:
- Cold Calling Zones Report 110719 - Cym, Eitem 8. PDF 215 KB
- Cold Calling Zones Report 110719 - App 1, Eitem 8. PDF 217 KB
- Cold Calling Zones Report 110719 - App 2, Eitem 8. PDF 147 KB
- Cold Calling Zones Report 110719 - App 3, Eitem 8. PDF 232 KB
- Cold Calling Zones Report 110719 - App 4, Eitem 8. PDF 96 KB