Eitem ar yr agenda
Y WYBODAETH DDIWEDDARAF AM GYNNYDD BLAENORIAETHAU'R BWRDD GWASANAETHAU CYHOEDDUS
Hysbysu'r aelodau o'r cynnydd a wnaed hyd yn hyn yn erbyn y meysydd blaenoriaeth a cheisio cymeradwyaeth ar gyfer meysydd gwaith penodol.
a. Pobl – Lles meddyliol
I dderbyn diweddariad ar lafar ar y flaenoriaeth lles meddwl.
Teresa Owen (Cyfarwyddwr Gweithredol Iechyd Cyhoeddus)
b. Cymuned – Grym cymunedol
i. To receive an update on the Community Empowerment priority and to seek approval for the approach and resourcing of the weight management project.
Judith Greenhalgh (Prif Weithredwr, CSD)
ii. I dderbyn diweddariad ar lafar am y rhaglen dan arweiniad y gymuned sy'n ymwybodol o ddementia.
Helen Wilkinson (Prif Weithredwr, CGGSD)
c. Lle – Gwydnwch amgylcheddol
I dderbyn diweddariad ar flaenoriaeth Cydnerthedd yr Amgylchedd a cheisio cymeradwyaeth ar gyfer Datganiad Sefyllfa Addewidion Gwyrdd y Gymuned a'r Amgylchedd.
Iwan Davies (Prif Weithredwr, CBSC)
Cwestiynau i'r Bwrdd eu hystyried
–
·
A ddylid cymryd ymagwedd ranbarthol at y blaenoriaethau? (e.e. amgylchedd)
·
Ymrwymo
staff / adnoddau ariannol / penodi arweinwyr
·
Pwy
all gyfrannu tuag at y blaenoriaethau (cynrychiolwyr ar bob gweithgor)
·
Sut mae gwaith
y Bwrdd wedi'i sefydlu yn eich
sefydliad?
9:35am – 10:35am
Cofnodion:
a.
Pobl – Lles Meddyliol
Eglurwyd nad oedd
unrhyw brif wybodaeth i'w gyflwyno ers y diweddariad diwethaf.
Nodwyd nod BGCau eraill ar draws Cymru yn mynd i’r afael ag iechyd
meddwl yn wahanol. Awgrymwyd y gallai’r BGC gysylltu â’r Bwrdd Partneriaeth Rhanbarthol a’r Tîm Gweithredu
Lleol. Byddai’n fuddiol trafod pa elfennau o waith oedd yn cael eu cyflawni gan
y ddau sefydliad. Roedd tirlun y gwaith sy’n cael ei gyflawni o ran iechyd
meddwl wedi'i rannu'n glystyrau a byddai eglurder ynglŷn â'r gwaith sy'n cael ei gyflawni'n fuddiol.
Cytunwyd mai Lles
Meddyliol fyddai canolbwynt cyfarfod nesaf y BGC.
b.
Cymuned – Grym Cymunedol
Cyflwynodd Judith
Greenhalgh -
Prif Weithredwr (JG) y wybodaeth
ddiweddaraf ar agwedd Gymunedol o flaenoriaeth y BGC.
Mae’n debyg y
byddai gweithrediad y prosiect Rheoli Pwysau wedi’i leoli yn y Rhyl yn Sir Ddinbych, byddai gwaith agos gyda BIPBC ar y prosiect.
Byddwn yn ceisio enwebiadau ar gyfer sefydliadau i weithio ar y prosiect a’u
dychwelyd i’r BGC.
Canmolwyd
gweithdy ymwybyddiaeth o ddementia, a gynhaliwyd yn ystod Wythnos Ymwybyddiaeth
o Ddementia, fel digwyddiad a arweiniwyd gan y gymuned, gyda budd-ddeiliaid yn
bresennol. Roedd adroddiad o effaith yn cael ei gynhyrchu a fyddai’n cael ei
gyflwyno yn yr hydref; wedi derbyn yr adroddiad byddai digwyddiad ar y cyd
rhwng CSDd a CBSC yn cael ei drefnu i ymgysylltu ag
ardal fwy.
Tynnwyd sylw at
ymwybyddiaeth o ddementia gan y bwrdd a holwyd a fu gohebiaeth gyda Chymdeithas
Alzheimer. Nodwyd na fu gohebiaeth, ond byddai trafodaethau’n
cael eu cynnal yn y dyfodol. Tynnwyd sylw at y Gymraeg o fewn sefydliadau sy’n
gyfeillgar i Ddementia ac a oedd digon o
waith yn cael ei gyflawni gyda staff sy'n siarad Cymraeg. Mewn ymateb, nodwyd
bod y Gymraeg yn cael ei hystyried o ddifrif, nodwyd
bod swyddi gwag presennol o fewn DVSC wedi’u nodi gyda'r Gymraeg yn hanfodol.
Cytunwyd y gellir hysbysebu swyddi gwag drwy
safleoedd CSDd hefyd.
PENDERFYNWYD – bod
adroddiad cynnydd ar brosiectau dementia’n cael eu dychwelyd i’r BGC yn yr
hydref, gan gynnwys ystyriaethau ar gyfer ehangu’r gwaith a chynnwys
partneriaid.
c.
Lle – Gwydnwch amgylcheddol
Cyflwynodd Iwan Davies Prif Weithredwr (ID) Cyngor Bwrdeistref Sirol Conwy'r wybodaeth ddiweddaraf am yr Addewidion Gwyrdd
Cymunedol a Datganiadau Polisi Amgylcheddol (a ddosbarthwyd yn flaenorol).
Diben yr
adroddiad oedd bod aelodau yn nodi'r cynnydd gyda’r Addewidion Gwyrdd Cymunedol
a Datganiadau Polisi Amgylcheddol.
Mewn perthynas â’r Addewidion Gwyrdd Cymunedol, cytunodd y Bwrdd y byddent
yn cymeradwyo'r gwaith. Cynigodd y
Cadeirydd bod unrhyw ddiwygiadau terfynol yn cael eu dosbarthu i'r swyddogion
prosiect erbyn diwedd Gorffennaf.
Hysbyswyd y Bwrdd
bod cynllun cyfathrebu’n cael ei ddatblygu i lansio’r cynllun. Mae cyllid yn cael ei geisio
o grant rhanbarthol BGC i gefnogi’r gwaith hwn.
Mewn perthynas â’r Datganiad Polisi Amgylcheddol, eglurwyd y byddai’n
fuddiol pe bai’r bwrdd yn cytuno canolbwyntio ar nifer penodol o ymrwymiadau o
fewn y datganiadau polisi amgylcheddol fel blaenoriaethau cychwynnol.
Yr ymrwymiadau a
awgrymwyd i ganolbwyntio arnynt oedd y ddau gyntaf, sef:
·
Lleihau
ein defnydd o garbon ac ynni, felly erbyn 2030 byddem yn sector cyhoeddus
carbon niwtral.
·
Lleihau
faint o wastraff sy'n cael ei gynhyrchu o’n gweithgareddau, felly erbyn 2050
byddai dim gwastraff yn cael ei anfon i’w dirlenwi.
Cynghorwyd y
byddai dull partneriaeth tuag at yr ymrwymiadau yn fuddiol; gyda’r polisi amgylcheddol
yn benodol, gan fod gan yr holl sefydliadau o fewn y BGC eu dulliau eu hunain o
ddelio ag ymrwymiad carbon niwtral. Hysbyswyd y bwrdd bod gweithdy i drafod
newid hinsawdd wedi'i drefnu ar gyfer 18 Medi.
Hysbyswyd y bwrdd
bod CSDd a CBSC wedi datgan argyfwng hinsawdd ac yn
ceisio sicrhau bod y ddwy sir yn garbon niwtral erbyn 2030.
Canmolodd Bethan
Jones (BIPBC) y gwaith, a byddai'r ymrwymiadau a restrwyd yn her ar gyfer BIPBC
oherwydd byddai maint y sefydliad yn ei gwneud yn anodd mabwysiadu'r
datganiadau polisi amgylcheddol.
Roedd ffynonellau
cyllid ar gyfer yr ymrwymiadau’n cael eu ceisio. Roedd cronfa gymunedol gyda
datblygiadau ffermydd gwynt yn ffynhonnell gyllid posibl.
Cytunodd y Bwrdd mai
carbon ac ynni ddylai fod yn brif flaenoriaethau ond ni ddylid cyfyngu'r
'ymrwymiadau' ar y cam hwn.
Cytunodd yr
Aelodau y byddent yn cyflwyno’r fersiwn newydd o’r ddogfen datganiad polisi i’w
sefydliadau i geisio eu safbwyntiau. Yn dilyn
trafodaeth, byddai mater Addewidion Gwyrdd Cymunedol a'r Datganiadau Polisi
Amgylcheddol yn cael eu dychwelyd i'w trafod yng nghyfarfod nesaf bwrdd y BGC.
PENDERFYNWYD -
- Mai iechyd meddwl yw canolbwynt
cyfarfod nesaf y BGC, gan gynnwys y wybodaeth ddiweddaraf gan Fwrdd Partneriaeth Rhanbarthol a Thîm Gweithredu
Lleol.
- Bod adroddiad cynnydd am elfen Dementia o flaenoriaeth grym cymunedol
yn cael ei gyflwyno i gyfarfod yn y dyfodol.
- Bod yr Addewidion Gwyrdd Cymunedol yn cael eu cymeradwyo, gyda'r
diwygiadau terfynol yn cael eu hanfon erbyn diwedd mis Gorffennaf.
- Bod datganiad polisi'n cael ei ddiwygio yn unol â thrafodaeth y Bwrdd
a'i ddosbarthu i'r Bwrdd er mwyn ceisio safbwyntiau mewnol o sefydliadau'r
Aelodau.
- Bod y wybodaeth ddiweddaraf am allbynnau amgylcheddol yn cael ei
chyflwyno yn y cyfarfod nesaf.
Dogfennau ategol:
- 4b. Community empowerment - July 2019 update, Eitem 4. PDF 676 KB
- 4b. Weight Management - project requirements, Eitem 4. PDF 189 KB
- 4c. Environmental resilience - July 2019 update, Eitem 4. PDF 595 KB
- 4c. Cover report - Environment Priority, Eitem 4. PDF 315 KB
- 4c. Appendix A - Community Green Pledges, Eitem 4. PDF 11 MB
- 4c. Appendix B - Individual Tips, Eitem 4. PDF 28 MB
- 4c. Appendix C - Policy Statement template, Eitem 4. PDF 655 KB