Eitem ar yr agenda
CYFLWYNO MODEL DARPARU AMGEN (MDA) AR GYFER AMRYWIOL WEITHGAREDDAU/SWYDDOGAETHAU CYSYLLTIEDIG Â HAMDDEN
- Meeting of Special Council Meeting - Leisure ADM, Cyngor Sir, Dydd Iau, 30 Mai 2019 10.00 am (Item 4.)
- View the declarations of interest for item 4.
Ystyried adroddiad gan y Cyfarwyddwr
Corfforaethol: Economi a Pharth Cyhoeddus yn ceisio barn y Cyngor mewn
perthynas â’r Achos Busnes drafft (copi yn yr atodiad) ar gyfer sefydlu Cwmni
Masnachu’r Awdurdod Lleol, ar gyfer ystod o weithgareddau/ swyddogaethau
"mewn cwmpas" a gytunwyd arnynt yn flaenorol yn ymwneud â hamdden.
Cofnodion:
Cyn parhau â’r eitem hon, talodd y Cynghorydd Bobby
Feeley deyrnged i’r tîm
etholiad a oedd yn gyfrifol am redeg yr etholiadau diweddar i Senedd Ewrop yn
effeithlon. Cefnogodd y Cynghorydd Arwel Roberts y sylwadau gan y Cynghorydd
Feeley.
Cyflwynodd y
Cynghorwyr Bobby Feeley a Julian Thompson-Holl yr adroddiad ar y cyd yn ceisio
barn y Cyngor mewn perthynas â’r Achos Busnes drafft (Atodiad A) ar gyfer
sefydlu Cwmni Masnachu Awdurdod Lleol (LATC), ar gyfer ystod o weithgareddau/
swyddogaethau "mewn cwmpas" a gytunwyd arnynt yn flaenorol yn ymwneud
â hamdden.
Adroddodd y Cynghorydd
Feeley ar y gwasanaethau a oedd wedi ‘gwella’n aruthrol’ a’r gwelliannau a
gyflawnwyd mewn perthynas â chyfleusterau a gweithgareddau hamdden Sir Ddinbych dros y 10 mlynedd
diwethaf. Amlinellodd rai o’r cyfleusterau newydd a gwell a dywedodd bod cyfanswm
y cymhorthdal i gefnogi gwasanaethau hamdden oddeutu yr un fath ag yr oedd yn
2012. Nododd fod llawer o’r gwelliannau wedi’u sicrhau’n defnyddio adnoddau
presennol neu fenthyca a hunan ariannwyd i fuddsoddi mewn cyfleusterau newydd
neu well.
Darparwyd yr
Aelodau â manylion am y Bwrdd a
fyddai’n goruchwylio Cwmni Masnachu Awdurdod Lleol ynghyd ag aelodaeth
ddangosol o’r Bwrdd hwnnw. Tynnodd y Cynghorydd Feeley sylw at y trefniadau
arfaethedig a fyddai’n caniatáu i’r Cwmni Masnachu Awdurdod Lleol fod yn
llwyddiannus a pharhau i ffynnu mewn amgylchedd masnachol wrth ddiogelu a chadw
buddion y Cyngor a rheolaeth o Hamdden Sir Ddinbych.
Adroddodd y
Cynghorydd Thompson-Hill ar y rhesymau ariannol dros sefydlu Model Darparu
Amgen, rhagwelwyd y byddai’r model hwn yn darparu arbedion sylweddol ar gyfer y
Cyngor wrth alluogi'r gwasanaeth i fasnachu’n fwy masnachol er mwyn helpu i
gynnal cyfleusterau ar gyfer y dyfodol. Yn gryno, amcangyfrifwyd bod yr
arbedion oddeutu £1,107k gydag arbedion mawr mewn perthynas â Threthi Annomestig Cenedlaethol a
thaliadau TAW. Ar ôl amlinellu’r costau hysbys ac arian at raid, amcangyfrifwyd
y byddai’r arbedion blynyddol net yn ystod y flwyddyn gyntaf yn £800k. Ar hyn o
bryd, mae’r cyfleusterau a'r gwasanaethau “mewn cwmpas”, hynny yw, y rhai y
cynigir eu trosglwyddo i’r Cwmni Masnachu Awdurdod Lleol, yn derbyn cymhorthdal
y Cyngor o oddeutu £3 miliwn y flwyddyn ond y byddai’r cymhorthdal yn cael ei
leihau drwy’r arbedion a gyflawnir gan y model Cwmni Masnachu Awdurdod Lleol.
Trafodwyd y
pwyntiau canlynol gan yr Aelodau:
·
Bydd
yr adeiladau / tiroedd a ddefnyddir ar hyn o bryd ar gyfer darparu'r
gwasanaethau hamdden “mewn cwmpas” yn cael eu prydlesu i’r Cwmni Masnachu
Awdurdod Lleol ar rent pitw am gyfnod o 10 mlynedd. Bydd darpariaeth yn cael ei gwneud o fewn y
prydlesi i ddiogelu'r cytundebau lefel gwasanaeth presennol gydag ysgolion, a
chynnal y fynedfa bresennol i’r adeiladau ar gyfer etholiadau, gofynion
argyfwng ac ati.
·
Y
gwersi a ddysgwyd o brofiad Sir Ddinbych o ddefnyddio Hamdden Clwyd i reoli
cyfleusterau a’r rhai o brofiadau awdurdodau lleol eraill o Fodelau Darparu
Amgen.
·
Y
lefel o sicrwydd a'r risg mewn perthynas â chyflawni arbedion drwy ostyngiadau i Drethi Annomestig Cenedlaethol a
thaliadau TAW a’r risg i’r model pe bai deddfwriaeth yn newid yn y dyfodol ac
yn atal yr arbedion a ragolygwyd rhag cael eu gwireddu. Dywedwyd wrth yr
Aelodau bod y risgiau hyn yn bodoli ac eu bod wedi cael eu archwilio o fewn yr
achos busnes. O ganlyniad i’r Cyngor yn cadw perchnogaeth, byddai’r cytundeb
prydles yn darparu ar gyfer adennill asedau Cwmni Masnachu Awdurdod Lleol
drwy’r Cyngor dan amodau penodol.
·
Cadarnhawyd
y byddai staff sy’n cael eu heffeithio yn cael eu trosglwyddo i’r Cwmni
Masnachu Awdurdod Lleol dan reoliadau Trosglwyddo Ymgymeriadau Diogelu
Cyflogaeth ac yn destun yr un telerau ac amodau â staff eraill yn Sir Ddinbych. Esboniodd
Pennaeth y Gyfraith, oherwydd y byddai’r Cyngor yn berchen ar y cwmni, ni
fyddai Cwmni Masnachu Awdurdod Lleol yn gallu amrywio tâl ac amodau ei staff,
byddai’r tâl a’r amodau'r un fath â’r hyn sydd yn berthnasol i’r rhai a
gyflogir yn uniongyrchol gan y Cyngor, heb gytundeb y Cyngor, a oedd yn
annhebygol iawn o gael ei roi. Yn ychwanegol, dywedodd, gan y byddai'r Cwmni Masnachu Awdurdod Lleol yn
eiddo i’r Awdurdod, gallai unrhyw wahaniaeth o ran tâl ac amodau arwain at hawliadau tâl cyfartal gan staff a oedd o ganlyniad ag
amodau a thâl llai ffafriol. Roedd y
ddarpariaeth her gyfreithiol hon am dâl cyfartal yn rheswm arall pam y byddai'r un tâl ac amodau yn cael eu cynnal gan Gwmni Masnachu
Awdurdod Lleol a’r Cyngor.
·
Roedd
cyfleoedd posibl i Gwmni Masnachu Awdurdod Lleol fasnachu’n fasnachol i werth
hyd at 20% o’i drosiant blynyddol ac i ychwanegu gweithgareddau neu
swyddogaethau eraill i Gwmni Masnachu Awdurdod Lleol yn y dyfodol pe bai’r
model mor llwyddiannus â’r
disgwyl. Nid oedd yr agweddau hyn wedi’u cynnwys yn y cynllun busnes gan mai’r
bwriad ar y pwynt hwn oedd canolbwyntio ar sefydlu Cwmni Masnachu Awdurdod
Lleol yn llwyddiannus.
·
Y
manteision i’r Cyngor o gadw’r elw a wnaed gan ei wasanaethau hamdden ei hun a
redir gan Gwmni Masnachu Awdurdod Lleol, yn hytrach na bod y gwasanaethau
hamdden hyn yn cael eu darparu gan weithredwr masnachol allanol.
·
Yn
dilyn cyfnod pontio i baratoi ar gyfer trosglwyddo gwasanaethau, bwriedir i
Gwmni Masnachu Awdurdod Lleol gael ei gyflwyno ym mis Ebrill 2020.
Ar y pwynt hwn
cymerodd yr aelodau egwyl ac ar ôl ailddechrau’r cyfarfod, ystyriodd yr aelodau
wahardd y wasg a’r cyhoedd o’r cyfarfod.
GWAHARDD Y WASG A'R CYHOEDD
PENDERFYNWYD o
dan Adran 100A Deddf Llywodraeth Leol 1972,
bydd y Wasg a’r Cyhoedd yn cael eu gwahardd o’r cyfarfod ar gyfer yr
eitem ganlynol ar sail y bydd yn cynnwys datgelu gwybodaeth wedi'i gwahardd fel
y diffinnir ym Mharagraffau 12 a 14 Rhan 4 o Atodlen 12A y Ddeddf.
Adolygodd yr aelodau'r trefniadau staffio uwch arfaethedig a’r prosesau
penodi ar gyfer Cwmni Masnachu Awdurdod Lleol. Cadarnhaodd y Prif Weithredwr
byddai'r cynigion yn gofyn am ailstrwythuro staff a threfniadau rheoli ac y
byddai’n hysbysu’r aelodau o unrhyw newidiadau.
(Ar y pwynt hwn agorwyd y cyfarfod unwaith
eto).
PENDERFYNWYD bod
y Cyngor yn:
(i) Cefnogi
Achos Busnes terfynol y Prosiect;
(ii) Rhoi
cefnogaeth i sefydlu Cwmni Masnachu Awdurdod Lleol cyfyngedig drwy Warant
(LATC) nid er elw;
(iii)
Cefnogi penodiad y Cyfarwyddwr Corfforaethol: Economi a Pharth Cyhoeddus i
Fwrdd y Cwmni Masnachu Awdurdod Lleol;
(iv) Rhoi
cefnogaeth i gadw’r enw presennol ‘Hamdden Sir Ddinbych' i’r Cwmni Masnachu
Awdurdod Lleol; a .
(v)
Chadarnhau ei fod wedi darllen, deall ac ystyried yr Asesiad o’r Effaith ar Les
(Atodiad 564, Cyf. 564) fel rhan o’i ystyriaethau.
Dogfennau ategol:
- ADM Council report May 19 updated 08.05.19 WELSH, Eitem 4. PDF 408 KB
- Appendix A ADM Business Case, Eitem 4. PDF 6 MB
- Appendix B WIA, Eitem 4. PDF 106 KB
- Appendix C May 19, Eitem 4. PDF 51 KB
- Appendix D Heads of Terms, Eitem 4. PDF 42 KB
- Appendix E Further approvals required v2, Eitem 4. PDF 25 KB
- Restricted enclosure Gweler y rhesymau pam fod dogfen 4./7 yn gyfyngedig