Eitem ar yr agenda
DRAFFT NEWYDD O'R STRATEGAETH RHEOLI FFLYD
I ystyried drafft newydd o’r Strategaeth Rheoli Fflyd (copi ynghlwm), gan gynnwys y gwerthusiad o’r ffynonellau tanwydd amgen posibl.
Cofnodion:
Cyflwynodd Aelod Arweiniol
Priffyrdd, Cynllunio a Theithio Cynaliadwy yr adroddiad ar y cyd gan Brif
Reolwr: Gwella Gwasanaethau a Fflyd a'r Rheolwr Fflyd oedd yn cyflwyno i’r Pwyllgor
ddrafft diwygiedig o Strategaeth Cerbydau fflyd y Cyngor. Roedd copïau o’r adroddiad a’r strategaeth
ddrafft wedi eu cyhoeddi a'u cylchredeg o flaen y cyfarfod. Yn ystod ei gyflwyniad pwysleisiodd yr
Aelod Arweiniol yr angen i’r Cyngor leihau ei allyriadau carbon, ond o wneud
hynny yr oedd yn bwysig bod y fflyd yn addas at bwrpas, sef darparu
gwasanaethau hanfodol.
Dywedodd Pennaeth
Priffyrdd a'r Amgylchedd mai'r sefyllfa ddiofyn fyddai peidio cael cerbydau
diesel newydd yn awtomatig pan fydd yn bryd cael cerbydau newydd yn lle hen
rai. Pan fydd angen i
Wasanaeth newid cerbyd byddai angen yn gyntaf ystyried cael cerbyd trydan neu
danwydd amgen yn ei le. Os oedd y Gwasanaeth o’r farn na fyddai cerbydau o’r fath yn addas at yr
hyn oedd ei angen ohonynt, yna byddai’n rhaid iddynt dystio pam mai cerbyd
diesel fyddai’r unig un i wneud y tro yn ei le. Pwysleisiodd bod y Strategaeth yn berthnasol i sut
mae’r Awdurdod yn prynu ac yn gwaredu ei gerbydau a sut mae’r broses honno yn
ffitio ac yn cyfrannu tuag at y Cynllun Corfforaethol, yn benodol i'r ffrwd
waith sy'n ymwneud â gostwng allyriadau carbon yr Awdurdod.
Wrth ymateb i gwestiynau'r Aelodau, fe wnaeth yr Aelod Arweiniol, Prif
Reolwr : Gwella
Gwasanaethau a Fflyd, a’r Rheolwr Fflyd:
·
gadarnhau, bod dwy fan
drydan eisoes wedi eu prynu fel prosiect peilot, at ddefnydd Gwasanaeth
Moderneiddio a Gwella Busnes y Cyngor. Byddai’r rhain yn
cael ei dwyn i'r gwasanaeth unwaith y byddai pwyntiau gwefru trydan wedi eu
gosod yn y brif swyddfa ac mewn lleoliadau depot;
·
cynghori mai dim ond ar
gyfer gwefru cerbydau'r Cyngor y byddai’r pwyntiau gwefru ar eiddo'r Cyngor yn
cael eu defnyddio am y tro;
·
pwysleisio bod gwaith yn
mynd rhagddo yn rhanbarthol gyda phartneriaid i archwilio pwy oedd â diddordeb
gweithio gydag awdurdodau lleol o safbwynt sefydlu isadeiledd gwefru cerbydau
trydan ar draws Gogledd Cymru;
·
cadarnhau bod y Cyngor ar
hyn o bryd yn prynu ei danwydd gwresogi a cherbydau drwy’r fframwaith tanwydd
genedlaethol.
Roedd y contract ar gyfer ei ddarparu wedi mynd allan i
dendr yn ddiweddar;
·
cadarnhau bod technegau
gyrru pob cerbyd yn cael mwy o effaith ar yr agenda lleihau carbon, na phrynu
cerbydau trydan, er y byddai hynny hefyd yn cyfrannu at leihau allyriadau
carbon o fflyd y Cyngor.
·
sicrhau bod gofyniad
cyfreithiol bod Tachograph ym mhob un o gerbydau'r Cyngor er mwyn monitro
gweithgarwch gyrwyr.
O 400 o gerbydau’r Awdurdod, roedd systemau telematic ym
mhob un ond 15 ohonynt, ac roedd y rhan fwyaf o'r rheiny yn fysiau mini
ysgolion.
Cynghorwyd ysgolion i sicrhau bod systemau telematic wedi
eu gosod eisoes pan fyddent yn gwneud ymholiadau ynglŷn â bysiau mini
newydd.
·
cytuno y byddai pob cerbyd
newydd yn y dyfodol wedi eu ffitio â systemau gwybodaeth mwy manwl, a fyddai'n
rhoi manylder ar ddata technegau gyrru a'u heffaith ar ddefnydd o danwydd ac
allyriadau carbon ac ati;
·
pwysleisio bod yn rhaid
i’r holl gerbydau ar hyn o bryd fodloni safonau allyriadau Ewropeaidd, ac nad
ydy diesel mor ddrwg ag y mae'r cyfryngau wedi ei bortreadu;
·
cynghori bod technoleg
pŵer batri yn datblygu yn sydyn iawn ar hyn o bryd;
·
egluro'r rhesymau pam nad
oedd cerbydau sy’n defnyddio Nwy Petrolewm Hylifedig (LPG) yn cael eu hystyried
ar gyfer fflyd y Cyngor ar hyn o bryd, yn bennaf oherwydd bod y rhan fwyaf o
gerbydau LPG unai yn hybrid neu yn gerbydau wedi eu trosi gan nad yw
gwneuthurwyr yn cynhyrchu cerbydau LPG yn unig;
·
cynghori bod y Cyngor yn
caffael ei gerbydau drwy gytundeb fframwaith, yn debyg i'r ffordd mae'n prynu
tanwydd;
·
cadarnhau eu bod yn
glanhau ceir yn broffesiynol pan fyddant yn eu gwaredu, a bod pob arwydd o enw
neu logo yn cael ei waredu’n iawn cyn eu gwerthu;
·
cytuno bod gan y Cyngor
lawer o gerbydau ar y ffordd ar yr un pryd, ac er bod risg y byddai hyn yn cael
ei weld gan rai fel gwastraffu adnoddau'r Cyngor, roedd yr holl gerbydau oedd
yn teithio ar yr un pryd yn darparu gwasanaethau penodol i drigolion a busnesau
o amrywiaeth eang iawn o wasanaethau h.y. Priffyrdd, Gofal Cymdeithasol,
casgliadau gwastraff ac ati;
·
cynghori bod tua 90% o'r
gwaith o gomisiynu cerbydau at ddefnydd y Cyngor yn cael ei wneud gan Adran
Fflyd yr Awdurdod ei hun;
·
egluro bod ystyriaeth wedi
ei roi i adael i staff a’r cyhoedd defnyddio’r 20 o bwyntiau gwefru trydan
newydd fydd wedi eu lleoli yn amrywiol leoliadau’r Cyngor erbyn diwedd 2020/21,
fodd bynnag penderfynwyd peidio caniatáu hyn ar gyfer y dyfodol agos. Y rheswm dros hyn yw pe byddai fflyd y Cyngor ei hun o gerbydau trydan yn
cynyddu yn ystod y cyfnod hwn byddai’n rhaid i’r Awdurdod dynnu caniatâd i
staff a’r cyhoedd ddefnyddio’r pwyntiau gwefru yn ôl, a fyddai’n gwneud niwed i
enw da’r Awdurdod yn yr hir dymor;
·
cadarnhau bod darparu
pwyntiau gwefru cerbydau at ddefnydd y cyhoedd yn cael ei ystyried fel rhan o
ddrafft Cynllun Teithio Cynaliadwy’r Cyngor oedd yn cael ei ysgrifennu ar hyn o
bryd.
Bwriedir cyflwyno’r cynllun drafft i’r Pwyllgor ei
ystyried yn gynnar yn 2020. Byddai pwyntiau gwefru
cerbydau ar gael at ddefnydd y cyhoedd yn y maes parcio a fyddai’n cael ei
ddatblygu ar safle’r hen Swyddfa Bost yn Y Rhyl;
·
eglurwyd rôl yr Adnodd
Desg Hurio Gorfforaethol;
·
eglurwyd na allai’r Cyngor
rannu lorïau ac ati 'sbâr' gydag awdurdodau cyfagos gan fod yn rhaid cael
Trwydded Gweithredwr ar gyfer pob Cerbyd Nwyddau Trwm (HGV) yr oedd yn ei
weithredu. Hefyd, roedd yn debygol y
byddai angen cerbydau arbenigol fel lorïau graeanu gan yr holl awdurdodau ar yr
un pryd, oherwydd y math o wasanaethau roeddynt yn eu darparu. Fodd bynnag roedd yn dda
gallu adrodd bod LlC yn ddiweddar wedi prynu dau gerbyd graeanu yn benodol ar
gyfer cadw llwybr teithio allweddol yr A55 yn agored ar ac o amgylch Allt
Rhuallt; a
·
chynghorwyd ei bod yn
edrych yn annhebygol ar hyn o bryd y byddai cerbydau trydan yn addas i gasglu
gwastraff, hyd yn oed o dan y model gwastraff ac ailgylchu newydd. Tra bod cerbydau trydan yn cael eu datblygu ar gyfer pob math o ddibenion,
ar hyn o bryd roedd yn ymddangos yn fwy tebygol y byddai cerbydau mwy o faint
yn cael eu pweru yn y dyfodol gan hydrogen.
Dywedodd Aelod
Arweiniol Cyllid, Perfformiad ac Asedau Strategol y byddai’n trafod gyda’r Tîm
Caffael a oedd unrhyw anghenion penodol o dan y broses gaffael – ar wahân i
ystyriaethau’r Cynllun Corfforaethol – yn gofyn am ystyried cerbydau trydan yna
cerbydau tanwydd amgen o flaen cerbydau tanwyddau ffosil wrth sefydlu proses
dendro ar gyfer cael cerbydau newydd.
Croesawodd
Aelodau’r strategaeth newydd arfaethedig a’i nodau a’i hamcanion. Fe wnaethant hefyd longyfarch swyddogion
am gynhyrchu dogfen ddealladwy, eglur, gryno, wedi ei hysgrifennu yn dda.
Ar ddiwedd y drafodaeth,
cytunodd yr Aelod Arweiniol a’r swyddogion, mewn ymateb i gais y Pwyllgor, i
gynnwys cyfeiriad yn y Strategaeth at y ffaith y byddai offer tracio /
telematic yn cael ei osod yn yr holl gerbydau at bwrpas monitro er mwyn sicrhau
bod yr holl gerbydau yn cael eu gyrru'n effeithiol. Felly;
Penderfynwyd: - cytuno ar fabwysiadu’r Strategaeth, yn
ddibynnol ar y sylwadau uchod a chynnwys yr adran ar osod offer tracio cerbydau
ac offer telematic yng ngherbydau’r Cyngor er mwyn cynorthwyo arferion gyrru
effeithiol.
Ar y pwynt hwn
doedd dim cworwm gan y Pwyllgor bellach, ond parhaodd i gynnal ei fusnes yn
anffurfiol.
Dogfennau ategol:
- Draft Fleet Strategy Report 210319, Eitem 6. PDF 212 KB
- Draft Fleet Strategy Report 210319 - App 1, Eitem 6. PDF 556 KB
- Draft Fleet Strategy Report 210319 - App 2, Eitem 6. PDF 97 KB