Eitem ar yr agenda
CYMERADWYO CYLLIDEB Y CYNGOR 2019/20 (CYNIGION TERFYNOL)
Ystyried
adroddiad gan Bennaeth Cyllid (copi ynghlwm) i ddarparu trosolwg o broses y
gyllideb ac effaith y Setliad Llywodraeth Leol a chymeradwyo’r gyllideb ar
gyfer 2019/20, gan gynnwys lefel Treth y Cyngor.
Cofnodion:
Cyflwynodd yr
Aelod Arweiniol Cyllid Perfformiad ac Asedau Strategol, y Cynghorydd Julian
Thompson-Hill adroddiad y Gyllideb 2019-20 – adroddiad Cynigion Terfynol (a
ddosbarthwyd yn flaenorol).
Roedd yn ofynnol
yn ôl y gyfraith i'r Cyngor bennu cyllideb fantoledig y gellir ei chyflawni cyn
dechrau pob blwyddyn ariannol a gosod lefel Treth y Cyngor i ganiatáu i filiau
gael eu hanfon at breswylwyr.
Derbyniwyd
Setliad Llywodraeth Leol Terfynol 2019/20 ar 19 Rhagfyr 2018 a arweiniodd at
sefyllfa gyllido arian gwastad (cyfartaledd Cymru oedd +0.2%). Roedd y Setliad Dros Dro a dderbyniwyd ym mis
Hydref 2018 yn nodi gostyngiad o -0.5%
(cyfartaledd Cymru yw –0.3%). Er mwyn dod at sefyllfa gyllidol niwtral o
safbwynt isafswm y pwysau ariannu yn y Cynllun Ariannol Tymor Canolig (CATC),
byddai’n rhaid i’r Setliad fod wedi bod yn nes at +5%.
Roedd y newid
rhwng y ddau swm setliad yn adlewyrchu £14.2 miliwn ychwanegol a ddyrannwyd i
lywodraeth leol fel rhan o gynigion cyllideb derfynol Llywodraeth Cymru, o
ganlyniad i gyllideb Llywodraeth y DU ym mis Tachwedd 2018 a chyfrifoldeb
newydd, a gaiff ei ariannu â £7 miliwn ar draws Cymru. Roedd hyn er mwyn darparu ar gyfer cynnydd
yn y terfyn cyfalaf i’r rheiny sy’n talu am ofal preswyl i £50,000. Y dyraniad
i Sir Ddinbych oedd £250,000.
Roedd y cynigion
terfynol i fantoli cyllideb 2019/20 i’w gweld yn y detholiad o Gynllun Ariannol
Tymor Canolig y Cyngor yn Atodiad 1 o'r adroddiad. Roedd y prif bwyntiau fel a ganlyn:
·
Setliad
arian gwastad
·
Pwysau
o ran cyflogau, pensiynau a’r Cyflog Byw Cenedlaethol (£1.9 miliwn) wedi’u
hariannu
·
Chwyddiant
prisiau ac ynni (£250,000)
·
Ardoll
y Gwasanaeth Tân (£237,000)
·
Lle ar gyfer cynnydd i gostau’r Cynllun Gostyngiadau i
Dreth y Cyngor, gostyngiad i Grant Gweinyddu'r Adran Gwaith a Phensiynau a chronfeydd wrth gefn canolog (£537,000).
Yn ychwanegol, roedd y cyngor wedi parhau i gefnogi ysgolion drwy ariannu
tâl a chwyddiant cysylltiedig ag unrhyw newid mewn perthynas â nifer y
disgyblion. Cyfanswm hyn oedd
£3.7 miliwn (5.4%) yn 2019/20.
Roedd y gyllideb
arfaethedig hefyd yn cydnabod pwysau ar feysydd blaenoriaeth eraill, ac er mwyn
ariannu’r pwysau a nodir, rhaid dod o hyd i £5.7 miliwn o arbedion. Roedd y rhain yn cynnwys:
·
Arbedion
corfforaethol a nodwyd yn 2018/19 (£0.5 miliwn)
·
Arbedion
effeithlonrwydd gwasanaeth (£1.3 miliwn
·
Arbedion
gwasanaethau (£2.6 miliwn), ac
·
Arbedion
ysgolion o 2% (£13miliwn).
Roedd proses
gyllideb newydd ar gyfer 2019/20 wedi’i sefydlu drwy greu Bwrdd Cyngor
strategol a oedd yn cynnwys aelodau o’r Tîm Gweithredol Corfforaethol,
Arweinydd y Cyngor ac Aelod Arweiniol Cyllid, Perfformiad ac Asedau Strategol.
Cynghorwyd y Bwrdd hefyd gan swyddogion Cyllid, AD a Chyfathrebu.
Craffwyd y
cyllidebau gan y Bwrdd ac roedd gofyn i wasanaethau ganfod ystod o opsiynau
arbedion. Asesodd y Bwrdd y rhain a
chyfarwyddwyd gwasanaethau i ddatblygu cynigion yn unol â blaenoriaethau
strategol.
Roedd manylion y
cynigion arbedion wedi’u dosbarthu i aelodau etholedig ym mis Rhagfyr 2018.
Adolygwyd
rhagdybiaethau Cynllun Ariannol Tymor Canolig y Cyngor yn rheolaidd ac
ailaseswyd y pwysau o ran costau.
Nid oedd yn
gynaliadwy rheoli’r pwysau heb gynyddu sail gyllid y Cyngor yn barhaol. Gan fod cymorth ariannol Llywodraeth Cymru’n
gostwng bob blwyddyn, mewn termau real, roedd yn rhaid ysgwyddo'r baich yn
lleol. Felly, cynigiwyd cynnydd uwch i
Dreth y Cyngor na'r hyn a gynigiwyd i ddechrau.
Byddai'r cynnydd
yn Nhreth y Cyngor o 6.35% yn codi £797,000 ychwanegol i'w ddefnyddio'n rhan
o’r pecyn cyffredinol, a oedd yn cynnwys dyraniad ychwanegol i ofal
cymdeithasol o £2.0 miliwn.
Roedd cynigion y
gyllideb yn parhau i gynnwys elfen o gyllid i gefnogi’r sefyllfa gyffredinol.
Nododd yr Aelod Arweiniol nad oedd hon yn sefyllfa ddelfrydol ac mae’n
adlewyrchu’r sefyllfa ariannol anodd a pharhaus sy’n wynebu’r cyngor.
Wrth drafod,
codwyd y materion canlynol:
·
Cadarnhawyd
y gellir cynnig cyllid grant yn y dyfodol ar gyfer darpariaeth cerddoriaeth
mewn ysgolion yn dilyn dileu’r cymhorthdal.
·
Diolchodd
y Cynghorydd Swingler, aelod o Grŵp
Plaid, i'r Pennaeth Cyllid am fynychu eu grŵp i egluro’r broses gyllideb.
Aeth ymlaen i fynegi ei anghytundeb â’r cynnydd yn Nhreth y Cyngor gan y byddai
hyn yn rhoi pwysau ariannol ychwanegol ar y gweithwyr tlawd. Nododd hefyd bod
gwasanaethau wedi'u torri o fewn y Tîm Atal Digartrefedd yn ogystal â'r
Ganolfan Cyngor Ar Bopeth (CAB).
Cadarnhaodd y Cynghorydd Julian Thompson-Hill nad oeddent wedi gwneud
toriadau i’r tîm Atal Digartrefedd, ond yn hytrach wedi aildrefnu’r tîm. Nid
oedd y contract CAB wedi’i dorri ychwaith, ond roedd ganddynt gontract hirach
bellach. Pwysleisiodd y Cynghorydd Bobby
Feeley nad oeddent wedi gwneud toriadau o fewn y Tîm Atal Digartrefedd ac y
bydd Llywodraeth Cymru yn ychwanegu £100 miliwn i wasanaethau atal
digartrefedd.
·
Roedd
proses fanwl ar waith i helpu i gyflawni’r arbedion. Dylai’r arbedion hyn fod o
fewn rhagamcanion tair blynedd ysgolion.
·
Awgrymwyd
y dylid cael cyflwyniad briffio gan Gwasanaethau Plant o ran sut y maent yn
defnyddio eu cyllideb. Mae cyflwyniadau briffio fel hyn wedi’u cynnal yn y
gorffennol ac roeddent yn hynod o ddefnyddiol i aelodau.
·
Cadarnhawyd
bod y polisi cludiant ysgol eisoes. wedi'i gymeradwyo gan gynghorwyr. Roedd cludiant ysgol yn wasanaeth statudol a sicrhaodd
Sir Ddinbych bod y gwasanaeth yn cael ei gynnal yn effeithiol.
·
Mewn
perthynas â'r cwestiwn am dryloywder y wybodaeth gyllidebol, cadarnhawyd bod
gwahoddiad agored wedi'i anfon at aelodau i drafod y broses gyllidebol â
swyddogion. Hefyd, roedd llyfr y
gyllideb wedi'i ddosbarthu i aelodau er gwybodaeth ar o leiaf dau achlysur i
roi'r wybodaeth ddiweddaraf iddynt.
Eglurodd yr
Arweinydd ei fod wedi cyfarfod â'r Prif Weinidog a'i fod wedi gofyn am gynllun
tair blynedd, i helpu i ddarparu'r gyllideb.
Sicrhaodd yr aelodau eu bod wedi gwneud popeth o fewn eu gallu i gynnig
gwerth am arian o fewn y gyllideb.
Diolchodd aelodau
a'r Prif Weithredwr i'r Aelod Arweiniol a'r holl swyddogion am eu gwaith i
ddarparu cyllideb anodd iawn.
PENDERFYNWYD bod y Cyngor
yn:
(i)
Nodi effaith Setliad Llywodraeth Leol
2019/20
(ii)
Cymeradwyo’r gyllideb a amlinellir yn
Atodiad 1, sy’n unol â’r cynigion a gyflwynwyd yn y gweithdy cyllideb i’r
aelodau a gynhaliwyd ar 11 Ionawr 2019.
(iii)
Cymeradwyo’r cynnydd cyfartalog o 6.35% yn
Nhreth y Cyngor, sy’n cydnabod ystod o bwysau sylweddol, gan gynnwys y pwysau
cynyddol o ran costau ar wasanaethau gofal cymdeithasol plant ac oedolion ac yn
cefnogi'r dyraniad o £2.0 miliwn o gyllid ychwanegol ar draws y ddau wasanaeth.
(iv)
Cadarnhau ei fod wedi darllen, deall ac
ystyried yr Asesiadau o Effaith ar Les a gyflwynwyd fel rhan o’r adroddiad hwn.
Dogfennau ategol:
- BUDGET FINAL PROPOSALS 2019-20 WELSH, Eitem 6. PDF 507 KB
- Appendix 1 Final Proposals, Eitem 6. PDF 20 KB
- Appendix 2 Council Tax, Eitem 6. PDF 101 KB
- WIA Council TaxAssessment, Eitem 6. PDF 102 KB