Eitem ar yr agenda
ADRODDIAD AR BERFFORMIAD Y CYNLLUN CORFFORAETHOL – CHWARTER 2 – 2018-19
- Meeting of Cabinet, Dydd Mawrth, 20 Tachwedd 2018 10.00 am (Item 5.)
- View the declarations of interest for item 5.
Ystyried
adroddiad gan y Cynghorydd Julian Thompson-Hill, Aelod Arweiniol Cyllid, Perfformiad ac Asedau
Strategol (copi wedi’i amgáu) yn rhoi diweddariad ar gyflawni Cynllun
Corfforaethol 2017-2022 ar ddiwedd chwarter 2 2018 - 19.
Penderfyniad:
PENDERFYNWYD bod
y Cabinet yn derbyn yr adroddiad ac yn nodi'r cynnydd o ran cyflawni’r Cynllun
Corfforaethol ar ddiwedd chwarter 2 o 2018/19.
Cofnodion:
Cyflwynodd
y Cynghorydd Julian Thompson-Hill yr adroddiad a oedd yn rhoi diweddariad i
aelodau ar ddarpariaeth Cynllun Corfforaethol 2017-22 ar ddiwedd Chwarter
2 2018–19 .
Roedd
yr adroddiad yn cynnwys tair prif elfen -
·
Crynodeb Gweithredol – yn nodi
cyraeddiadau ac eithriadau allweddol gyda dau ddarn o sylwebaeth ar gyfer pob blaenoriaeth:
·
Adroddiad chwarterol llawn ar
berfformiad a chynnydd y rhaglen – wedi’i gynhyrchu o System Rheoli Perfformiad
Verto ac yn darparu asesiad yn seiliedig ar dystiolaeth o’r sefyllfa bresennol.
·
Crynodeb o’r prosiectau sy’n
cael eu rheoli o dan bob Bwrdd Rhaglen – Cymunedau a’r Amgylchedd a Phobl Ifanc
a Thai.
Roedd
perfformiad fel y byddai disgwyl iddo fod ar gam mor gynnar o ystyried yr
amseroedd a bennwyd ar gyfer gwelliannau. Roedd dwy flaenoriaeth wedi’u
hasesu fel rhai ar gyfer gwella, sef Cymunedau Gwydn a Phobl Ifanc, sy’n gofyn
am fwy o fewnbwn gan bartneriaid allanol ac nad ydynt o dan reolaeth
uniongyrchol y Cyngor. Mae’r tair blaenoriaeth arall - Tai, Cymunedau
Wedi'u Cysylltu â’r Amgylchedd yn parhau i fod ar lefel dderbyniol. Roedd cynnydd ar draws y blaenoriaethau wedi’i
asesu fel bod yn dda a rhoddwyd manylion y prosiectau a reolir gan y ddau Fwrdd
Rhaglen gan amlygu'r gwahanol gamau y maent wedi'u cyrraedd. Roedd un prosiect wedi’i
wrthod a’i gau oherwydd nad oedd y Bwrdd yn ystyried y byddai’n cyflawni ei
amcanion, sy'n dangos cadernid y broses asesu.
Arweiniodd Rheolwr y Tîm Cynllunio Strategol yr aelodau drwy’r meysydd
blaenoriaeth yn yr adroddiad a thynnodd sylw at sawl maes o arfer da gan
ymhelaethu ar ddatblygiadau’r prosiect mewn meysydd allweddol. Ychwanegodd y Cynghorydd
Thompson-Hill y caiff adroddiadau rheolaidd eu cyflwyno i’r Pwyllgor Craffu fel
rhan o’r broses fonitro er mwyn iddynt ystyried a oes angen ymchwilio ymhellach
i rai meysydd.
Wrth
ystyried yr adroddiad, trafododd yr Aelodau’r materion canlynol –
·
o ran y prosiect i ddod a 500 o dai gwag yn ôl
i ddefnydd, ystyriwyd bod 500 yn darged y byddai modd ei gyrraedd ond ei fod er
hynny yn heriol o ystyried lefelau newidiol tai gwag - nodwyd fod cynnydd yn
unol â’r targed.
·
soniodd yr Arweinydd am
bwysigrwydd Cynllun Corfforaethol uchelgeisiol ac roedd yn falch fod y Cyngor
wedi dal gafael ar ei uchelgais ac wedi cynnal momentwm a’r ymrwymiad i
drigolion i lwyddo er gwaethaf yr hinsawdd ariannol – ar ôl gosod y
blaenoriaethau roedd cynnydd da’n cael ei wneud o ran eu cyflawni.
·
nodwyd ymgysylltiad aelodau'r
Cabinet â’r
Byrddau Rhaglen a sefydlwyd i ganolbwyntio ar flaenoriaethau a darpariaeth
prosiectau, ynghyd â'r
crynodeb allweddol o brosiectau ar gyfer gwneud gwelliannau a oedd wedi’u
cynnwys fel atodiad i'r adroddiad - bu peth trafodaeth ar rinweddau cryfhau
cysylltiadau gyda’r rhai nad ydynt yn aelodau o’r cabinet yn ychwanegol at y
monitro rheolaidd gan y Pwyllgor Craffu a’r Adroddiad Gwelliant Blynyddol i’r
Cabinet. Cytunodd
y Prif Weithredwr y byddai’n trafod gyda’r Aelod Arweiniol a fyddai lledaenu
neu ddosbarthu gwybodaeth ymhellach yn ychwanegu gwerth at y broses bresennol.
·
Pwysleisiodd y Cynghorydd Mark Young bwysigrwydd sicrhau
parhad yn y gwaith cynnal a chadw ar y systemau amddiffyn rhag llifogydd
presennol, a rhoddwyd sicrwydd bod yr elfen hon yn cael ei hystyried fel busnes
arferol, a bod rhaglen o waith cynnal a chadw wedi'i sefydlu - nod y Cynllun
Corfforaethol yw gwella’r ddarpariaeth bresennol yn hytrach na delio â materion
cynnal a chadw bob dydd. Mewn
perthynas â chynlluniau ac astudiaethau amddiffyn rhag llifogydd, nodwyd bod y
gwaith yn parhau gyda phartneriaid. Mewn ymateb i gwestiwn gan y
Cynghorydd Jeanette Chamberlain-Jones mewn perthynas â’r adroddiad annibynnol
i’r llifogydd yn Ffordd Derwen, Y Rhyl, cadarnhaodd y Cynghorydd Brian Jones
bod llythyr ar fin cael ei anfon allan i’r trigolion.
·
mewn ymateb i gwestiynau a godwyd ynglŷn
â’r tan ar Fynydd Llandysilio, dywedodd yr Arweinydd y byddai adroddiad yn cael
ei gyflwyno i’r Pwyllgor Craffu Cymunedau ym mis Chwefror 2019 yn ystyried yr
effeithiau a’r gwersi a ddysgwyd yn dilyn y digwyddiad ac y byddai rhagor o
fanylion ar gael bryd hynny.
·
Rhoddodd y Cynghorydd Richard Mainon fwy o wybodaeth am y rhesymau
y tu ôl i wrthod a chau’r prosiect Pwyntiau Mynediad Digidol; gan na fyddai’r
prosiect yn cyflawni’r nod o wneud gwahaniaeth sylweddol gan gyfiawnhau’r gost,
ystyriwyd y byddai'n ddoethach cyfeirio’r adnoddau ariannol tuag at ddod o hyd
i ateb go iawn ar sail fwy parhaol.
Cytunodd Rheolwr y Tîm Cynllunio Strategol i ddosbarthu'r adroddiad cau
i'r aelodau er gwybodaeth.
PENDERFYNWYD bod
y Cabinet yn derbyn yr adroddiad ac yn nodi'r cynnydd o ran cyflawni’r Cynllun
Corfforaethol ar ddiwedd chwarter 2
2018/19.
Dogfennau ategol:
- CORPORATE PLAN PERFORMANCE REPORT (Q2), Eitem 5. PDF 350 KB
- CORPORATE PLAN PERFORMANCE - APP 1, Eitem 5. PDF 973 KB
- CORPORATE PLAN PERFORMANCE - APP 2, Eitem 5. PDF 338 KB
- CORPORATE PLAN PERFORMANCE - APP 3, Eitem 5. PDF 553 KB
- CORPORATE PLAN PERFORMANCE - APP 4, Eitem 5. PDF 497 KB