Eitem ar yr agenda
ADRODDIAD CYNNYDD TWRISTIAETH
Rhoi ystyriaeth i
adroddiad gan Arweinydd y Tîm: Twristiaeth, Marchnata a Digwyddiadau (copi
ynghlwm) gyda manylion ynghylch y cynnydd a gyflawnwyd hyd yma gyda mentrau
twristiaeth amrywiol a’u cyfraniad tuag at ddarparu uchelgais cyffredinol y
Cyngor mewn perthynas â datblygu economaidd a chael barn aelodau am hynny.
Cofnodion:
Yn absenoldeb yr Arweinydd, cyflwynodd yr
Arweinydd Twristiaeth: Twristiaeth, Marchnata a Digwyddiadau yr adroddiad (a
ddosbarthwyd yn flaenorol) yn manylu ar y cynnydd a gyflawnwyd mewn perthynas â
mentrau twristiaeth amrywiol a’u cyfraniad tuag at gyflawni uchelgais
gyffredinol y Cyngor mewn perthynas â datblygu economaidd.
Yn ystod ei gyflwyniad, tynnodd yr Arweinydd
Twristiaeth sylw at lwyddiant Partneriaethau Twristiaeth Gogledd Ddwyrain Cymru
a Gogledd Cymru, yn enwedig yr olaf sydd wedi derbyn £140k gan Lywodraeth Cymru
at ddibenion hyrwyddo cynnig twristiaeth yr ardal ar gyfer y gaeaf, a fyddai’n
cefnogi’r weledigaeth o farchnata’r ardal fel cyrchfan i dwristiaid drwy gydol
y flwyddyn. Y nod oedd cynyddu nifer y twristiaid a oedd yn ymweld â’r ardal,
ond wrth wneud hynny, sicrhau budd economaidd cynaliadwy drwy gydol y flwyddyn
yn hytrach na thwristiaeth tymhorol a oedd o fudd i’r economi am gyfnod
cyfyngedig yn unig.
Wrth ymateb i gwestiynau'r Aelodau, dywedodd y
Cyfarwyddwr Corfforaethol:
Economi a’r Parth Cyhoeddus
a’r Arweinydd Twristiaeth -
·
bod
staff Twristiaeth, Marchnata a Digwyddiadau’r Cyngor yn fodlon gweithio’n agos
â grwpiau twristiaeth a digwyddiadau lleol pan yr oeddent yn trefnu
digwyddiadau yn eu hardaloedd lleol. Gyda’r bwriad o
symleiddio’r broses a hyrwyddo digwyddiadau lleol i’r eithaf, symleiddiwyd y
broses Hyrwyddo Digwyddiadau. Roedd y ffurflen Hysbysu Digwyddiadau bellach
wedi’i chrynhoi i ddwy ochr o dudalen A4. Ar ôl derbyn ffurflen wedi’i chwblhau
byddai’n cael ei rhannu â’r holl wasanaethau a’r swyddogion a fyddai angen
gwybod am y digwyddiad. Yn ychwanegol, byddai’r dyddiad arfaethedig ar gyfer y
digwyddiad yn cael ei wirio yn erbyn digwyddiadau hysbys eraill a oedd yn cael
eu cynnal ar y diwrnod hwnnw ac os teimlwyd y byddai digwyddiadau eraill yn yr
ardal leol yn effeithio ar y digwyddiad byddai’r trefnwyr yn cael gwybod. Nid
oedd hyn o reidrwydd yn golygu y byddai’n rhaid newid y dyddiad, roedd y drefn
hon ar waith er mwyn codi ymwybyddiaeth a chefnogi llwyddiant yr holl
ddigwyddiadau lleol.
·
fel
rhan o’r gwaith i gyflawni’r flaenoriaeth gorfforaethol ‘Cymunedau
Cysylltiedig’, trefnwyd adroddiad i’w gyflwyno i’r “Bwrdd Cymunedau a’r Amgylchedd”
yn ei gyfarfod ym mis Hydref ar sut y gellid gwella isadeiledd yn y sir i
gefnogi cynnal mathau gwahanol o ddigwyddiadau cymunedol a digwyddiadau sy’n
canolbwyntio ar dwristiaid.
·
byddai
bob amser angen am lety dros nos ychwanegol i ymwelwyr yn Sir Ddinbych. Roedd
hi’n ymddangos mai dim ond nifer gyfyngedig o leoedd oedd yn cynnig llety dros
nos i dwristiaid yn rhan ganolog y Sir. Roedd llawer o westai
i’w cael yn Ne Sir Ddinbych ac roedd llawer o safleoedd i garafannau sefydlog a
theithiol yng ngogledd y sir. Er hynny, roedd gan Sir Ddinbych nifer sylweddol
o letyau hunanarlwyo o safon ac roedd sawl un wedi ennill statws 5*.
·
roedd
gan Croeso Cymru gyllid ar gael i fusnesau llety gwyliau a oedd yn awyddus i
ennill statws 4* neu 5* er mwyn eu helpu i gyflawni’r nod hwn.
·
roedd
sylw ar gyfryngau cymdeithasol yn sicr wedi cynyddu nifer yr ymwelwyr posibl a
oedd wedi ceisio gwybodaeth am yr ardal leol yn ystod y blynyddoedd diwethaf,
gwelwyd hyn yn yr atodiadau amrywiol ynghlwm wrth yr adroddiad, yn cynnwys
Atodiad 13 a oedd yn cynnwys gwybodaeth am Fonitor Gweithgaredd Economaidd
Scarborough (STEAM). Roedd STEAM yn mesur effaith ymwelwyr sy’n aros ac
ymwelwyr dydd ar yr economi leol.
·
defnyddiwyd
y cyfryngau cymdeithasol i godi proffil yr ardal a dangos yr hyn oedd gan Sir
Ddinbych i’w gynnig i dwristiaid, ond roedd y cyfryngau cymdeithasol yn un o
sawl llwyfan codi proffil a ddefnyddiwyd at y diben hwn. Ymddangoswyd i nifer
yr ymweliadau â gwefannau cyfryngau cymdeithasol gyrraedd uchafbwynt pan
gynhaliwyd ymgyrchoedd codi ymwybyddiaeth penodol.
·
roedd gwaith yn mynd rhagddo i
leihau nifer y llwyfannau cyfryngau cymdeithasol yr oedd Gwasanaeth
Twristiaeth, Marchnata a Digwyddiadau'r Cyngor yn eu defnyddio i hyrwyddo’r
cynnig lleol, gyda’r bwriad o ddarparu deunydd marchnata a gwybodaeth fwy
penodol.
·
roedd
y ‘Blogiau’ (dolenni atynt wedi’u cynnwys yn yr atodiadau) wedi’u hysgrifennu
gan unigolion annibynnol. Talodd Croeso Cymru i’r unigolion hyn lunio’r
‘Blogiau’, ac er bod rhannau o’u naratifau wedi’u golygu i sicrhau cywirdeb
ffeithiol, gwnaed pob ymdrech i sicrhau bod personoliaeth pob ‘blogiwr’ yn
amlwg yn ei waith/ ei gwaith.
·
bod
yr holl wybodaeth gyhoeddus a gynhyrchwyd gan y Cyngor a’i bartneriaid
cyhoeddus yn cael ei chyhoeddi’n ddwyieithog.
·
nid
oedd y Cyngor wedi cau unrhyw un o’i Fannau Gwybodaeth i Dwristiaid, roedd sawl
un o’r cyfleusterau hyn ar draws y sir mewn adeiladau cyhoeddus e.e.
llyfrgelloedd ac fe agorwyd un yn ddiweddar ar Ystâd Rhug, Corwen. Roedd trafodaethau ar y gweill gyda gweithwyr y Premier Inn newydd yn Y
Rhyl er mwyn archwilio’r posibilrwydd o osod Man Gwybodaeth i Dwristiaid yno.
Ar hyn o bryd roedd y Cyngor yn gweithredu dwy Ganolfan Groeso, un yn y Rhyl
a’r llall yn Llangollen.
·
nid oedd
unrhyw gynllun i leihau lefel y gwasanaeth a oedd yn cael ei gynnig yng
Nghanolfannau Croeso’r sir. Roedd Canolfannau Croeso hefyd yn gallu cynhyrchu
incwm drwy archebion a gwerthiant llyfrau ac ati. Byddai gwybodaeth mewn
perthynas â nifer yr ymweliadau â Chanolfannau Croeso bob blwyddyn yn cael ei
darparu i aelodau.
·
roedd
busnesau lleol eisoes yn cydweithio â Chanolfannau Croeso mewn perthynas ag
archebion, nwyddau, pecynnau gweithgareddau ac ati, ond roedd darparwyr llety a
oedd yn rhan o gadwyn yn dueddol o ddewis peidio â rhyngweithio’n rheolaidd â
gwasanaethau archebu Canolfannau Croeso. <0} Byddai lle a chyfle bob amser i wella’r
gwasanaethau a oedd yn cael eu cynnig.
·
roedd
gan Ganolfannau Croeso a Mannau Gwybodaeth i Dwristiaid y sir gyfoeth o wybodaeth
am bwyntiau o ddiddordeb a hanes y sir. Roedd staff y
Gwasanaeth Llyfrgell yn gyfarwydd iawn â’u hardaloedd lleol ac roeddent bob
amser yn barod i rannu gwybodaeth ag ymwelwyr er mwyn eu helpu i wneud y mwyaf
o’u hamser a mwynhau eu profiad yn ymweld â’r ardal.
·
nid
oedd tystiolaeth bod busnesau llety lleol yn codi eu prisiau pan yr oedd
digwyddiadau maer ‘arbennig’ yn cael eu cynnal yn y sir. Fodd bynnag, gan eu
bod yn fusnesau annibynnol, roedd ganddynt yr hawl i godi eu prisiau os oeddent
yn dymuno gwneud hynny, roedd busnesau preifat yn cael eu llywio gan bwysau
marchnad yn hynny o beth.
·
cafwyd
cryn dipyn o gyllid ar gyfer prosiectau twristiaeth gan yr Undeb Ewropeaidd. O
ganlyniad, roedd Croeso Cymru yn ceisio sicrwydd gan Lywodraethau Cymru a’r DU
o ran cyllid ar gyfer y dyfodol yn dilyn ymadawiad y DU â'r Undeb Ewropeaidd.
Roedd sicrwydd cyllid y dyfodol ar gyfer twristiaeth, yn debyg i sawl maes
arall, yn anhysbys.
·
byddai’r
profiad drwy gydol y flwyddyn i ymwelwyr yn Sir Ddinbych a’r ardaloedd cyfagos
yn targedu ymwelwyr dydd a nos o drefi cyfagos megis Lerpwl a Manceinion yn
ogystal ag unigolion a grwpiau sydd eisiau treulio penwythnosau tawel neu
benwythnosau yn mwynhau gweithgareddau awyr agored yn yr ardal. Cymysgedd o
brofiadau gwariant uchel ac isel i ymwelwyr, ac
·
roedd
Gogledd Cymru bellach yn dechrau datblygu ei hunaniaeth ei hun o ran
twristiaeth, yn debyg iawn i Ardal y Llynnoedd. Prosiect twristiaeth y gaeaf oedd y tro cyntaf i’r rhanbarth cyfan
gydweithio ar un prosiect penodol, felly roedd y prosiect hwn yn cael ei
ystyried fel ‘glasbrint’ posibl ar gyfer y dyfodol.
Yn dilyn trafodaeth fanwl -
PENDERFYNWYD, yn
amodol ar y sylwadau uchod ac ar ddarparu’r wybodaeth ychwanegol y gofynnwyd
amdani, derbyn y data a’r wybodaeth a ddarparwyd yn yr adroddiad a’r atodiadau
cysylltiedig.
Dogfennau ategol:
- TOURISM REPORT, Eitem 6. PDF 208 KB
- Tourism Report 251018 - App 1, Eitem 6. PDF 107 KB
- Tourism Report 251018 - App 2, Eitem 6. PDF 813 KB
- Tourism Report 251018 - App 3, Eitem 6. PDF 337 KB
- Tourism Report 251018 - App 4, Eitem 6. PDF 480 KB
- Tourism Report 251018 - App 5, Eitem 6. PDF 371 KB
- Tourism Report 251018 - App 6, Eitem 6. PDF 289 KB
- Tourism Report 251018 - App 7, Eitem 6. PDF 314 KB
- Tourism Report 251018 - App 8, Eitem 6. PDF 469 KB
- Tourism Report 251018 - App 9, Eitem 6. PDF 286 KB
- Tourism Report 251018 - App 10, Eitem 6. PDF 207 KB
- Tourism Report 251018 - App 11, Eitem 6. PDF 159 KB
- Tourism Report 251018 - App 12, Eitem 6. PDF 156 KB
- Tourism Report 251018 - App 13, Eitem 6. PDF 489 KB