Eitem ar yr agenda
EITEMAU O’R PWYLLGORAU CRAFFU
Ystyried unrhyw
faterion a godwyd gan y Pwyllgor Craffu at sylw’r Cabinet.
Penderfyniad:
PENDERFYNWYD bod y Cabinet –
(a)
yn cydnabod
casgliadau ac argymhellion y Pwyllgor Craffu Cymunedau yn sgil ei adolygiad o
benderfyniadau’r Cabinet ar 25 Medi;
(b) ar ôl ystyried
argymhellion y Pwyllgor Craffu Cymunedau a’r wybodaeth ychwanegol a ddarparwyd
yn y cyfarfod, yn cadarnhau’r penderfyniadau a wnaethpwyd ar 25 Medi 2018, sef
–
(i)
cymeradwyo cynnal ymgynghoriad
cyn cynllunio a cheisiadau cynllunio llawn dilynol (gan ystyried canlyniadau’r
ymarfer cyn cynllunio) ar gyfer safleoedd preswyl a theithiol Sipsiwn a
Theithwyr ar y safle 'Green-gates Farm East' yn y lleoliadau a nodwyd yn
Atodiad 1 yr adroddiad, a
(ii)
cymeradwyo cyflwyno ceisiadau
cyllid i Lywodraeth Cymru mewn perthynas â chynigion ar gyfer safleoedd preswyl
a/neu Sipsiwn a Theithwyr yn amodol ar roi caniatâd cynllunio yn unol â’r
rhaglen a amlinellwyd ym mharagraff 4.11 o’r adroddiad.”
(c) bod yr Aelod
Arweiniol yn meithrin cyswllt â’r Aelodau Lleol i gytuno ar y dull mwyaf
priodol o ymgynghori â’r gymuned yn y cyfnod cyn cynllunio, ac
(d) o ran pob mater
a ddaw gerbron y Cabinet er penderfyniad, bod yr Aelodau Arweiniol yn awr ac yn
y dyfodol yn ystyried yr angen i friffio’r Aelodau eraill ac ymgysylltu â hwy,
ac y gallai’r ffordd fwyaf priodol a chymesur o wneud hynny gynnwys Briffio’r
Cyngor, Pwyllgor Craffu neu weithdai/sesiynau hyfforddiant.
Cofnodion:
Cyflwynodd y Cynghorydd Graham Timms, Is -Gadeirydd y Pwyllgor Craffu Perfformiad,
yr adroddiad yn nodi casgliadau'r Pwyllgor Craffu yn dilyn ystyriaeth o alw i
mewn penderfyniadau'r Cabinet ar 25 Medi 2018 mewn perthynas â darpariaeth
Safle i Sipsiwn a Theithwyr.
Yn
gryno, er y cydnabuwyd bod y Cabinet wedi derbyn a thrafod gwybodaeth bellach
trwy sesiynau Briffio’r Cabinet, roedd y Pwyllgor Craffu o’r farn na ddarparwyd
digon o wybodaeth er cymhariaeth yn yr adroddiad i’r Cabinet ar 25 Medi 2018 i
alluogi’r Cabinet i wneud penderfyniad gwybodus ynglŷn â’r safle fwyaf
addas. O
ganlyniad, gofynnwyd i’r Cabinet ailymweld â’i benderfyniad gan ystyried
yr wybodaeth ychwanegol yn cynnwys data cymharol ar gyfer bob safle a’r
rhesymau pam fod lleoliadau, a oedd wedi’u cynnwys ar restr gynharach o
safleoedd posibl, wedi’u diystyru. Hefyd, roedd y Pwyllgor Craffu
o’r farn y dylai’r Cabinet fod wedi cyfeirio'r mater at sesiwn Briffio’r Cyngor
fel y gallasai mwy o aelodau gyfrannu cyn gwneud penderfyniad ffurfiol ac
argymhellwyd bod yr arfer hwn yn cael ei ddilyn wrth ystyried penderfyniadau a
allai fod yn ddadleuol yn y dyfodol. Mynegodd y Cynghorydd Timms ei
farn ar amseriad adolygiad y Cabinet o’r penderfyniad ac roedd yn credu’n gryf,
oherwydd y byr rybudd ac argaeledd yr wybodaeth ychwanegol a geisiwyd gan y
Pwyllgor Craffu yn yr achos hwn, nad oedd digon o amser i'r holl gynghorwyr
brosesu’r wybodaeth a gwneud trefniadau i fynychu a gofyn cwestiynau yn ystod
cyfarfod y Cabinet. Felly,
anogodd y Cabinet i ailystyried ei benderfyniad ar y mater hwn yn ystod ei
gyfarfod nesaf ar 30 Hydref 2018 a fyddai’n dangos bod y Cabinet wedi llwyr
ystyried argymhellion y Pwyllgor Craffu.
Eglurodd
Pennaeth y Gwasanaethau Cyfreithiol, Adnoddau Dynol a Democrataidd sut yr oedd
darpariaethau’r ddeddfwriaeth hysbysiad cyhoeddus o dan Ddeddf Llywodraeth Leol
1972 wedi’u cyflawni a nododd
fanylion am reolau galw i mewn y Cyfansoddiad. Yn dilyn ystyried argymhellion
y Pwyllgor Craffu, efallai y bydd y Cabinet yn ystyried adolygu’r penderfyniad
yn ystod y cyfarfod hwn neu gyfarfod yn y dyfodol. Darparodd yr Aelod Arweiniol,
Y Cynghorydd Tony Thomas, wybodaeth gefndirol bellach gan ddweud bod y prosiect
wedi bod yn mynd rhagddo ers peth amser ac nid oedd erioed wedi’i alw i'r
Pwyllgor Craffu er i aelodau’r Cabinet gadarnhau bod yn well ganddynt safle ym
mis Ebrill 2018. Ar ôl ystyried y materion a godwyd gan y Pwyllgor Craffu ac o
ystyried bod yr wybodaeth yr oeddent wedi’i cheisio wedi’i darparu, cynigodd y
Cynghorydd Thomas bod y Cabinet yn adolygu ei benderfyniad heb oedi, eiliwyd
hyn gan y Cynghorydd Julian Thompson-Hill. Ar sail hynny, ceisiodd yr
Arweinydd gadarnhad bod y Cabinet yn fodlon bod modd iddo wneud penderfyniad ar
sail gwybodaeth ac yn dilyn pleidlais PENDERFNWYD YN UNOL Â HYNNY. Fe ymatalodd y Cynghorydd
Richard Mainon rhag pleidleisio ar y cynnig hwnnw.
Cyn
adolygu’r penderfyniad, cyfeiriodd y Cynghorydd Huw Hilditch-Roberts at
argymhelliad 3.3 y Pwyllgor Craffu, sef i'r holl gynghorwyr gael eu briffio ar
benderfyniadau a allai fod yn ddadleuol yn ystod sesiynau Briffio’r Cyngor,
cefnogodd y Cabinet ei gynnig am ddiwygiad i gynnwys dulliau briffio eraill fel
y bo’n briodol, yn cynnwys y Pwyllgor Craffu, Grwpiau Ardal Yr Aelodau neu
weithdai/ digwyddiadau hyfforddiant.
GW GWAHARDD Y
WASG A'R CYHOEDD
Er
mwyn ailymweld â’r
penderfyniad a wnaed gan y Cabinet ar 25 Medi 2018 ac ystyried manylion yr
atodiadau cyfrinachol -
PENDERFYNWYD dan ddarpariaethau Adran 100A Deddf Llywodraeth Leol
1972, gwahardd y Wasg a’r Cyhoedd o’r cyfarfod ar y sail y byddai gwybodaeth
eithriedig yn debygol o gael ei datgelu fel y’i diffinnir ym Mharagraff 14 Rhan
4 Atodlen 12A y Ddeddf.
Atgoffodd y
Swyddog Arweiniol - Eiddo Corfforaethol a Stoc Dai y Cabinet o gyfrifoldebau
statudol y Cyngor i ddiwallu’r anghenion a nodwyd ar gyfer darparu Safleoedd
Sipsiwn a Theithwyr a manylodd ar y broses hirfaith a chynhwysfawr i ddewis ac
asesu safle gan arwain at y sefyllfa bresennol.
Tynnwyd sylw’r Cabinet at yr wybodaeth ychwanegol a geisiwyd gan y
Pwyllgor Craffu a manylodd y Swyddog Arweiniol ar y manteision a’r anfanteision
o bob safle a'r rhesymeg y tu ôl i’r cynnig ar gyfer y safle Greengates yn
hytrach na’r safleoedd posib eraill a nodwyd i ddechrau a rhoddwyd y cyfle i
aelodau ofyn cwestiynau wedi hynny.
Diolchodd y Cynghorydd Peter Scott (Aelod Lleol Llanelwy) i’r Pwyllgor
Craffu am eu gwaith ond roedd wedi’i siomi nad oedd yr ystyriaeth ar gyfer y
penderfyniad wedi’i gohirio tan gyfarfod nesaf y Cabinet yn unol â chais y
Cynghorydd Timms. Roedd y Cynghorydd Scott hefyd o’r farn bod
peth o’r wybodaeth o fewn y tabl manteision ac anfanteision yn oddrychol ac
roedd hefyd yn pryderu nad oedd ymgynghoriad â’r cyhoedd a rhanddeiliaid wedi’i gynnal ymlaen
llaw. Ceisiodd sicrwydd y byddai unrhyw
broses yn y dyfodol yn cynnwys proses ymgynghori helaeth a chadarn. Ymatebodd y Swyddogion, o ystyried yr elfen o
gyfrinachedd a’r broses i’w dilyn ni fyddai’n briodol ymgynghori ar ystod o
safleoedd posibl yn ystod y broses ddethol.
Fodd bynnag, roedd y Cabinet o’r farn y byddai gwerth mewn ymestyn y
gofynion ymgynghori cyn cynllunio statudol, o ystyried natur y cynnig ac fe
gytunodd i gynnwys yr elfen hon yn ei benderfyniad. Awgrymodd y Cynghorydd Richard Mainon y dylid
cynnal prosesau tebyg yn fwy gwrthrychol yn y dyfodol, gyda meini prawf
allweddol a mecanweithiau sgorio yn seiliedig ar ffaith er mwyn cael gwared ar
yr elfen oddrychol a godwyd yn yr achos hwn.
Roedd y Cynghorydd Glenn Swingler yn bryderus, er bod gwybodaeth ychwanegol
wedi’i darparu o ran y manteision a’r anfanteision ar gyfer bob safle, roedd
sawl enghraifft lle nad oeddent wedi’u cymhwyso’n gyson i bob safle ar sail
gymharol.
Nododd y Cabinet
y broses faith a ddilynwyd i gyrraedd y cam hwn ac ystyriodd bod yr wybodaeth
yn darparu rhesymau clir o ran pam yr oedd safleoedd wedi’u barnu’n anaddas a’u
diystyru. Ar ôl ystyried casgliadau’r
Pwyllgor Craffu a’r wybodaeth ychwanegol a ddarparwyd, roedd y Cabinet yn
fodlon bod modd gwneud penderfyniad ar sail gwybodaeth ac felly -
PENDERFYNWYD bod y Cabinet –
(a) yn cydnabod
casgliadau ac argymhellion y Pwyllgor Craffu Cymunedau yn sgil ei adolygiad o
benderfyniadau’r Cabinet ar 25 Medi 2018;
(b) ar ôl ystyried
argymhellion y Pwyllgor Craffu Cymunedau a’r wybodaeth ychwanegol a ddarparwyd
yn y cyfarfod, yn cadarnhau’r penderfyniadau a wnaethpwyd ar 25 Medi 2018, sef
–
(i)
cymeradwyo cynnal ymgynghoriad
cyn cynllunio a cheisiadau cynllunio llawn dilynol (gan ystyried canlyniadau’r
ymarfer cyn cynllunio) ar gyfer safleoedd preswyl a theithiol Sipsiwn a
Theithwyr ar y safle 'Green-gates Farm East' yn y lleoliadau a nodwyd yn
Atodiad 1 yr adroddiad, a
(ii)
cymeradwyo cyflwyno ceisiadau
cyllid i Lywodraeth Cymru mewn perthynas â chynigion ar gyfer safleoedd preswyl
a/neu Sipsiwn a Theithwyr yn amodol ar roi caniatâd cynllunio yn unol â’r
rhaglen a amlinellwyd ym mharagraff 4.11 o’r adroddiad.”
(c) bod yr Aelod
Arweiniol yn meithrin cyswllt â’r Aelodau Lleol i gytuno ar y dull mwyaf
priodol o ymgynghori â’r gymuned yn y cyfnod cyn cynllunio, ac
(d) o ran pob mater
a ddaw gerbron y Cabinet er penderfyniad, bod yr Aelodau Arweiniol yn awr ac yn
y dyfodol yn ystyried yr angen i friffio’r Aelodau eraill ac ymgysylltu â hwy,
ac y gallai’r ffordd fwyaf priodol a chymesur o wneud hynny gynnwys Briffio’r
Cyngor, Pwyllgor Craffu neu weithdai/sesiynau hyfforddiant.
Pleidleisiodd y Cynghorydd Richard Mainon yn erbyn
penderfyniad (b) uchod.
Daeth y cyfarfod i ben am 6.10pm.
Dogfennau ategol:
- G&T SITE PROVISION REPORT, Eitem 5. PDF 287 KB
- Restricted enclosure Gweler y rhesymau pam fod dogfen 5./2 yn gyfyngedig
- Restricted enclosure Gweler y rhesymau pam fod dogfen 5./3 yn gyfyngedig
- Restricted enclosure Gweler y rhesymau pam fod dogfen 5./4 yn gyfyngedig
- Restricted enclosure Gweler y rhesymau pam fod dogfen 5./5 yn gyfyngedig
- Restricted enclosure Gweler y rhesymau pam fod dogfen 5./6 yn gyfyngedig