Eitem ar yr agenda
CAIS AM DRWYDDED I YRRU CERBYD HACNI A CHERBYDAU HURIO PREIFAT – YMGEISYDD RHIF 517116
Ystyried
adroddiad cyfrinachol gan Bennaeth Cynllunio a Gwarchod y Cyhoedd (copi wedi’i
amgáu) yn gofyn i aelodau benderfynu ar gais gan Ymgeisydd Rhif 517116.
Penderfyniad:
PENDERFYNWYD
gwrthod y cais am drwydded i yrru cerbydau hacni a cherbydau hurio
preifat gan ymgeisydd rhif 517116.
Cofnodion:
Cyflwynwyd adroddiad cyfrinachol gan Bennaeth
Cynllunio a Gwarchod y Cyhoedd (a ddosbarthwyd yn flaenorol) ynglŷn â –
(i)
chais
a dderbyniwyd gan Ymgeisydd Rhif
517116 am drwydded i yrru cerbyd hacni a cherbydau hurio preifat;
(ii)
swyddogion
heb fod mewn sefyllfa i ganiatáu'r cais yng ngoleuni'r collfarnau a
ddatguddiwyd yn dilyn datgeliad manwl i'r Gwasanaeth Datgelu a Gwahardd (DBS),
yn ymwneud â throseddau a gyflawnwyd ym 1998 o dan Ddeddf Traffig Ffyrdd 1988,
a oedd heb eu datgelu gan yr Ymgeisydd, a’r croniad o 14 pwynt cosb ar ei
Drwydded Gyrru DVLA a oedd yn ymwneud â throseddau traffig a gyflawnwyd rhwng
2014 a 2015, gydag un ohonynt heb eu datgelu gan yr Ymgeisydd;
(iii)
dogfennaeth
berthnasol yn ymwneud â’r achos, yn cynnwys manylion cyfweliad ffurfiol yr
Ymgeisydd yn amgaeedig gyda’r adroddiad;
(iv)
polisi'r Cyngor mewn perthynas â pherthnasedd
euogfarnau, ac
(v)
estyn
gwahoddiad i’r Gyrrwr ddod i'r cyfarfod i gefnogi ei gais ac i ateb
cwestiynau'r aelodau ar hynny.
Cadarnhaodd yr Ymgeisydd ei fod wedi cael yr adroddiad a
gweithdrefnau’r pwyllgor.
Cyflwynodd
y Swyddog Gorfodi Traffig (TB) yr achos.
Rhoddodd
yr Ymgeisydd rhywfaint o wybodaeth gefndir am ei amgylchiadau personol a hanes
cyflogaeth, a’i uchelgais i fod yn yrrwr tacsi.
Esboniodd
ei amgylchiadau o amgylch y broses ymgeisio, yn cynnwys trafodaethau gyda staff
trwyddedu am ei droseddau, a rhoddodd ei resymau dros hepgor manylion penodol
troseddau ar y ffurflen gais, ac amseriad cyflwyno ei gais yn seiliedig ar eu
cyngor nhw. Cyfeiriwyd hefyd at y cyfweliad ar dâp ac ymhelaethodd ar
y cyngor a roddwyd ar y staff trwyddedu, a galwodd ar dyst a oedd yn bresennol
i roi sylwadau ar ei ddatganiad. Rhoddodd y tyst eirda i’r
Ymgeisydd hefyd. Yn olaf, fe sicrhaodd yr Ymgeisydd ei
fod yn addas i ddal trwydded, a ddangoswyd yn ei swydd flaenorol a chyfredol
rhan-amser, a rhoddodd esboniad o’i droseddau a’i amgylchiadau ar yr adeg
honno.
Yn
ystod y cwestiynu, adroddodd yr Ymgeisydd ar yr ymchwil roedd wedi’i wneud o
ran perthnasoldeb ei euogfarnau a’i gred, ar wahân i’r 3 phwynt cosb, bod y
pwyntiau cosb a oedd yn weddill, fel y dywedwyd yn yr adroddiad, wedi darfod. Fodd bynnag, fe addefodd ei fod wedi dibynnu'n ormodol o
bosibl ar y cyngor a roddwyd gan y staff trwyddedu yn ystod y broses ymgeisio.
Cadarnhaodd
Swyddogion nifer o faterion ac ymatebwyd i gwestiynau fel a ganlyn -
·
rhoddwyd gwybodaeth am bwyntiau cosb ar wefan y DVLA – roedd pwyntiau’n
aros ar y drwydded am 3 blynedd, ac yn cael eu cadw ar gofnod am 4 blynedd yn y
mwyafrif o achosion. Roedd y
pwyntiau a gronnwyd gan yr Ymgeisydd yn berthnasol yn y broses ymgeisio ac yn
aros ar gofnod tan y dyddiadau a nodwyd ym mharagraff 4.9 o'r adroddiad
·
roedd y cais wedi'i
wneud a'i dderbyn 31 Mawrth ac roedd y dystysgrif DBS wedi'i chyflwyno ym Mai
2016
·
roedd polisi euogfarnau’r Cyngor yn manylu y gall gyrrwr gael ei gyfeirio
at y Pwyllgor Trwyddedu lle ceir mwy na dwy fân drosedd traffig
·
roedd pob pecyn cais yn cynnwys arweiniad i ymgeiswyr a pholisi
euogfarnau’r Cyngor, ac yn nodi’n glir sut y byddai euogfarnau’n cael eu
trin. Nid oedd amodau trwyddedu cerbydau
hacni/hurio preifat (llyfr glas) wedi’i gyhoeddi ar yr adeg honno ac yn ymwneud
ag amodau yn dilyn rhoi trwydded.
Wrth wneud ei ddatganiad terfynol, ailadroddodd yr
Ymgeisydd ei fod wedi trafod ei gais
gyda staff trwyddedu ac wedi datgelu ei euogfarnau, ac wedi ceisio cyngor ar
hynny, cyn cwblhau'r ffurflen gais a oedd wedi'i chyflwyno'n unol â'r cyngor hwnnw. Sicrhaodd aelodau ei fod yn addas i ddal trwydded ac nad
oedd yn risg i’r cyhoedd, yn seiliedig ar ei hanes o euogfarnau a gan ystyried
ei gymeriad da.
Gohiriwyd y pwyllgor i
ystyried y cais a -
PENDERFYNWYD gwrthod y cais am drwydded i yrru cerbydau hacni a
cherbydau hurio preifat gan Ymgeisydd Rhif 517116.
Dyma oedd y
rhesymau dros benderfyniad y Pwyllgor Trwyddedu –
Roedd Aelodau
wedi ystyried ffeithiau’r achos yn ofalus a’r esboniad gan yr Ymgeisydd o ran y
troseddau a’i resymau dros beidio â datgelu ei euogfarnau perthnasol. Roedd gan yr Ymgeisydd 14 pwynt cosb a
arhosodd ar gofnod, ac roedd wedi methu datgelu rhai ohonynt ar ei ffurflen
gais. Felly penderfynodd yr aelodau y
dylid gwrthod y cais ar y sail honno’n unol â pholisi euogfarnau’r Cyngor.
Nid oedd unrhyw fesurau lliniaru a gyflwynwyd gan yr Ymgeisydd wedi
perswadio’r aelodau y dylent wyro oddi wrth y polisi euogfarnau a chaniatáu’r
cais, ac ystyriwyd mai cyfrifoldeb yr Ymgeisydd oedd sicrhau bod yr wybodaeth
gywir ar y ffurflen gais. Fodd bynnag, roedd yr Ymgeisydd wedi cael ei
atgoffa ei fod yn gallu gwneud cais newydd yn y dyfodol, pan fydd y pwyntiau
cosb wedi darfod.
Cafodd
penderfyniad y pwyllgor a'r rhesymau eu cyfleu felly i'r Ymgeisydd, a chafodd
wybod am ei hawl i apelio yn erbyn y penderfyniad i Lys yr Ynadon o fewn 21
diwrnod.
Dogfennau ategol:
- Restricted enclosure Gweler y rhesymau pam fod dogfen 7./1 yn gyfyngedig
- Restricted enclosure Gweler y rhesymau pam fod dogfen 7./2 yn gyfyngedig
- Restricted enclosure Gweler y rhesymau pam fod dogfen 7./3 yn gyfyngedig
- Restricted enclosure Gweler y rhesymau pam fod dogfen 7./4 yn gyfyngedig