Eitem ar yr agenda
CAIS RHIF 43/2015/1241/PO – TIR GERLLAW LLYS YNADON, FFORDD FICTORIA, PRESTATYN
- Meeting of Pwyllgor Cynllunio, Dydd Mercher, 12 Gorffennaf 2017 9.30 am (Item 5.)
- View the declarations of interest for item 5.
Ystyried cais i
ddatblygu 0.51 hectar o dir er mwyn codi 3 uned manwerthu ac 20 o unedau
preswyl (cais amlinellol gan gadw pob mater yn ôl) ar dir ger Llys Ynadon,
Ffordd Fictoria, Prestatyn (copi wedi’i atodi).
Cofnodion:
[Datganodd y
Cynghorydd Emrys Wynne gysylltiad personol yn yr eitem hon gan ei fod yn Ynad
Heddwch yng Ngogledd Ddwyrain Cymru a gallai gael ei alw i'r fainc yn Sir
Ddinbych.]
Cyflwynwyd cais i ddatblygu 0.051 hectar o dir er
mwyn codi 3 uned manwerthu ac 20 o unedau preswyl (cais amlinellol gan gadw pob
mater yn ôl) ar dir ger Llys Ynadon, Ffordd Fictoria, Prestatyn.
Trafodaeth Gyffredinol – Cyfeiriodd y Cynghorydd Tony Flynn (Aelod
Lleol) at bryderon preswylwyr lleol a oedd yn canolbwyntio’n bennaf ar (1)
faterion priffordd – parcio a thagfeydd – yn enwedig ar Windermere Drive, a (2)
man agored – mae’r plant lleol yn defnyddio’r man gwyrdd presennol fel ardal
chwarae a byddai hyn yn cael ei golli. Cytunodd y Cynghorydd Paul Penlington (Aelod
Lleol), gan ychwanegu bod y pryderon o ran y briffordd yn rhai dilys ac y
byddai’r datblygiad yn achosi anawsterau mawr. Cyfeiriodd at yr adolygiadau traffig, a gynhaliwyd
y llynedd, a oedd wedi nodi materion i’w ystyried ymhellach. Codwyd pryderon ynghylch y cynnig i
adeiladu unedau manwerth a fyddai’n cael effaith niweidiol ar fusnesau lleol
presennol a chyflogaeth. Er nad oedd unrhyw wrthwynebiad mewn egwyddor i
ddatblygiad tai, mynegwyd pryder o ran nifer y tai a’r effaith ar y rhwydwaith
priffyrdd lleol a datblygiad unedau manwerthu. Gofynnodd i addasu’r cais a oedd yn cynnwys cael
gwared â’r elfen fanwerthu a sicrhau fod mwy o le rhwng y tai.
Ymhelaethodd y Rheolwr Datblygu ar y cyd-destun
cynllunio, gan egluro ei fod yn gais cynllunio amlinellol a oedd yn ymwneud ag
egwyddor y datblygiad ar gyfer tai ac unedau manwerthu aml ddefnydd. Nodwyd nad oedd manylion o ran cynllun a
maint yr eiddo a mannau agored yn faterion i’w hystyried ar hyn o bryd a
byddai’r rhain yn destun cais ar wahân. Roedd y polisi cynllunio yn cefnogi tai lleol yn
yr ardal ac roedd angen tai yn y sir, yn enwedig tai fforddiadwy. Roedd defnydd blaenorol a dwysedd y safle,
pan oedd yn gweithredu fel Gorsaf Heddlu, hefyd wedi cael effaith ar y cais
presennol. Y mater dan ystyriaeth gan yr aelodau oedd os oeddent yn cytuno â’r
datblygiad mewn egwyddor. Ail bwysleisiodd y Swyddog Priffyrdd fod y cais yn y cam amlinellol ac er
ei fod yn gwerthfawrogi’r pryderon ynghylch y rhwydwaith priffyrdd lleol,
byddai manylion y materion a gadwyd yn ôl (gan gynnwys priffyrdd) yn cael eu
cytuno arnynt ar ddyddiad diweddarach ag amodau priodol. Felly, roedd o’r farn nad oedd modd
gwrthod y cais ar sail y briffordd.
Ystyriwyd rhinweddau’r cais gan yr Aelodau a
gofynnodd y Cynghorydd Bob Murray am eglurder o ran elfen fanwerthu’r
datblygiad o ystyried yr effaith posib ar fusnesau lleol. Codwyd cwestiynau
pellach o ran yr amodau i’w gorfodi pe bai’r cais yn cael ei gymeradwyo. Mewn ymateb -
·
dywedodd
swyddogion nad oedd y gystadleuaeth a’r effaith ar fusnesau lleol presennol
ger y safle datblygu yn ystyriaeth gynllunio berthnasol ac nad
oedd yn bosib i’r pwyllgor wrthod y cais ar y sail honno nac ychwaith i gael
gwared ag elfen fanwerthu’r cais.
·
tynnwyd sylw at yr amod arfaethedig a oedd yn
cyfyngu’r arwynebedd llawr adwerthu (amod rhif 13) a osodwyd ar unedau
manwerthu y tu allan i ganol y dref er mwyn amddiffyn masnach canol tref – fodd
bynnag, cydnabuwyd os oedd gan yr aelodau unrhyw bryder o ran effaith negyddol
ar fywiogrwydd a hyfywedd canol y dref o ystyried cyn lleied o fanylion a oedd
ar gael am yr unedau manwerthu yn y cais amlinellol, bod hyn sail posib ar
gyfer gwrthod y cais.
·
nid
oedd y man gwyrdd y cyfeiriwyd ato gan y
Cynghorydd Flynn wedi’i neilltuo fel man agored yn y Cynllun Datblygu Lleol ac
roedd yn debygol o fod yn ardal agored anffurfiol o ystyried bod gan y plant
fynediad at y safle a’u bod wedi chwarae yno erioed. Byddai’n rhaid i’r datblygiad arfaethedig
gwrdd â pholisïau’r Cyngor a CCY mewn perthynas â'r ddarpariaeth ar gyfer
mannau agored a fyddai’n rhan o’r amodau cynllunio (amod rhif 8 fel y manylwyd yn yr adroddiad).
Cynnig – Cynigodd y Cynghorydd Merfyn Parry, ac
fe’i heiliwyd gan y Cynghorydd Tony Thomas, y dylid cymeradwyo’r cais yn unol
ag argymhellion y swyddog. Cynigodd y Cynghorydd Bob Murray, ac fe'i heiliwyd gan y Cynghorydd Ellie
Chard, y dylid gwrthod y cais, yn wahanol i argymhellion y swyddog, gan y
byddai'n effeithio’n negyddol ar fywiogrwydd a hyfywedd canol y dref.
PLEIDLAIS:
CYMERADWYO - 12
GWRTHOD - 5
YMATAL - 0
PENDERFYNWYD y dylid CYMERADWYO’r cais yn unol ag argymhelliad y swyddog fel y nodwyd
yn yr adroddiad a’r papurau ategol.
[Ni chymerodd y Cynghorydd Julian Thompson-Hill
unrhyw ran yn y drafodaeth na'r bleidlais ar y cais gan nad oedd yn bresennol
ar gyfer yr eitem.]
Dogfennau ategol:
- ITEM 5 - LAND ADJ MAGISTRATES COURT, PRESTATYN, Eitem 5. PDF 96 KB
- ITEM 5 - APPENDIX, Eitem 5. PDF 1 MB