Eitem ar yr agenda
YSGOL GATHOLIG NEWYDD ARFAETHEDIG 3 - 16 YN Y RHYL
Ystyried
adroddiad (copi’n amgaeedig) ar ganfyddiadau’r ymgynghoriad ffurfiol ar y
cynnig a cheisio cymeradwyaeth i gyhoeddi’r hysbysiad statudol i gau Ysgol Mair
ac Ysgol Uwchradd Gatholig y Bendigaid Edward Jones 31 Awst 2019, ac i
Esgobaeth Wrecsam sefydlu Ysgol Gatholig 3 – 16 newydd ar y safle presennol o 1
Medi 2019.
Penderfyniad:
PENDERFYNWYD bod y Cabinet yn
-
(a) nodi canfyddiadau'r ymgynghoriad ffurfiol ar gyfer cau Ysgol Gynradd
Gatholig Santes Fair (Ysgol Mair) ac Ysgol Uwchradd Gatholig y Bendigaid Edward
Jones ac agor Ysgol Gatholig i ddisgyblion 3 – 16 oed newydd;
(b) cymeradwyo cyhoeddi hysbysiad statudol i Gyngor Sir Ddinbych gau Ysgol
Gynradd Gatholig y Santes Fair (Ysgol Mair) ac Ysgol Uwchradd Gatholig y
Bendigaid Edward Jones ar 31 Awst 2019; ac Esgobaeth Wrecsam i sefydlu Ysgol
Gatholig newydd 3-16 mlwydd oed ar y safle presennol o 1 Medi 2019 ac yn
(c) cadarnhau ei fod wedi darllen, deall ac ystyried yr Asesiad o Effaith ar
Les fel rhan o’i ystyriaethau.
Cofnodion:
Cyflwynodd
y Cynghorydd Huw Hilditch-Roberts yr adroddiad ar ganfyddiadau ymgynghori
ffurfiol y cynnig, gan geisio cymeradwyaeth cyhoeddi hysbysiad statudol i gau
Ysgol Gynradd
Gatholig y Santes Fair (Ysgol Mair) ac Ysgol Uwchradd Gatholig y Bendigaid
Edward Jones ar 31 Awst 2019; ac i Esgobaeth Wrecsam sefydlu Ysgol Gatholig
newydd 3-16 oed ar y safle presennol o 1 Medi 2019.
Cyflwynodd
y Cynghorydd Hilditch-Roberts y Gwir Barchedig Peter Brignall, Esgob Wrecsam,
gan ddiolch iddo am ei gefnogaeth gyda’r broses. Roedd
manylion yr ymgynghori ffurfiol a gynhaliwyd gan y Cyngor mewn partneriaeth ag
Esgobaeth Wrecsam wedi cael eu cynnwys yn yr adroddiad, ac roedd y Cynghorydd
Hilditch-Roberts yn falch o adrodd ar yr ymateb cadarnhaol gan yr holl sectorau
gydag ymateb aruthrol o blaid y cynnig. Cymerodd y cyfle hefyd i
amlygu buddion y cynnig o ran model newydd cyflwyno’r cwricwlwm. Ar ôl ystyried
canfyddiadau’r ymgynghoriad, argymhellwyd bod y Cabinet yn parhau â'r camau
nesaf, a oedd yn cynnwys cyhoeddi hysbysiad statudol yn seiliedig ar y cynnig
presennol.
Ar
wahoddiad yr Arweinydd, cyfarchodd y Gwir Barchedig, Peter Brignall, y Cabinet
gan fynegi cefnogaeth am y cynnig ar ran Esgobaeth Wrecsam. Cyflwynodd y cynnig i’r
Cabinet fel prosiect cyffrous, gan dynnu sylw at y cyfleoedd y byddai'r ysgol
newydd yn ei darparu ar gyfer y rhai sy'n dymuno cael addysg ffydd yn yr ardal,
ac edrychodd ymlaen at ei chynnydd.
Croesawodd
yr Arweinydd yr adroddiad a oedd yn dangos ymrwymiad parhaus y Cyngor i
fuddsoddi mewn addysg yn y sir, a thalodd deyrnged i'r gwaith caled sy'n rhan o
ddatblygu'r cynnig hyd yma. Atseiniodd
y Cabinet y farn honno ac roedd yn falch o gefnogi dilyniant y cynnig i’r cam
nesaf. Nodwyd
mai amcangyfrif o’r gyllideb bresennol ar gyfer y prosiect oedd £23.8m ac roedd
elfen fach o risg o ystyried ei bod yn rhaid i’r Cyngor ddarparu’r costau
cychwynnol i ddatblygu'r achos busnes cyn y byddai Llywodraeth Cymru yn ymrwymo
i'w siâr ariannu.
Canolbwyntiodd
trafodaeth bellach ar y canlynol -
·
ceisiwyd eglurhad ar
deilyngdod y model 3 – 16 newydd fel cynnig cadarnhaol.
·
Cyfeiriodd swyddogion at ethos
ac ysbryd cyfan addysg ffydd o ran meithriniad a chynhwysiant, gan gynghori y
gellid cyflunio addysg ar gyfer yr holl ddysgwyr fel y gellid cyflwyno'r
cwricwlwm yn briodol o ran gofynion oedran, tra bod gwerthoedd yr ysgol yn
parhau yr holl ffordd i fyny fel bod y cyfnod pontio rhwng darpariaeth gynradd
ac uwchradd yn llyfn. Byddai un tîm arwain yn rheoli’r cwricwlwm a darpariaeth weithredol yr
ysgol, a oedd yn ffafriol i ysbryd y cwricwlwm newydd. Byddai’r model newydd hefyd yn
cefnogi darpariaeth addysgu a dysgu o safon, ac yn gwella cyfleoedd a
hyfforddiant mewnol. Roedd
model 3 – 18 yn gweithredu’n llwyddiannus yn Ysgol St. Brigid’s,
Dinbych, ac roedd y model 3 – 16 yn gweithredu’n llwyddiannus mewn ardaloedd
eraill
·
er bod canlyniad yr Asesiad o
Effaith ar Les yn gadarnhaol, canolbwyntiodd yn bennaf ar yr amgylchedd ffisegol
o ran gwytnwch, gan roi llai o bwyslais ar unigolion yn y gymuned ac o fewn yr
ysgol. Dywedodd
Swyddogion y byddai'r model ei hun yn cryfhau gwytnwch drwy gefnogi datblygiad
sgiliau a chyflawni cymwysterau, a fyddai o fudd llawer gwell i ddisgyblion o ystyried
yr amgylchedd a oedd yn cael ei greu. Cadarnhaodd y Cynghorydd
Hilditch-Roberts y byddai Asesiadau o Effaith ar Les yn y dyfodol yn cynnwys
mwy o fanylion am yr effaith ar bobl, yn ogystal â'r amgylchedd ffisegol.
Croesawodd y
Cynghorydd Joan Butterfield y prosiect yn ogystal, y teimlai oedd yn gyfannol i
adfywiad Y Rhyl, a diolchodd i bawb a gymerodd ran am eu hymrwymiad a’u
dyfalbarhad wrth fynd â’r cynnig yn ei flaen.
PENDERFYNWYD bod y Cabinet yn
-
(a) nodi
canfyddiadau'r ymgynghoriad ffurfiol ar gyfer cau Ysgol Gynradd Gatholig Santes
Fair (Ysgol Mair) ac Ysgol Uwchradd Gatholig y Bendigaid Edward Jones ac agor
Ysgol Gatholig i ddisgyblion 3 – 16 oed newydd;
(b) cymeradwyo
cyhoeddi hysbysiad statudol i Gyngor Sir Ddinbych gau Ysgol Gynradd Gatholig y
Santes Fair (Ysgol Mair) ac Ysgol Uwchradd Gatholig y Bendigaid Edward Jones ar
31 Awst 2019; ac Esgobaeth Wrecsam i sefydlu Ysgol Gatholig newydd 3-16 mlwydd
oed ar y safle presennol o 1 Medi 2019 ac yn
(c) cadarnhau ei fod
wedi darllen, deall ac ystyried yr Asesiad o Effaith ar Les fel rhan o’i
ystyriaethau.
Dogfennau ategol:
- PROPOSED NEW CATHOLIC SCHOOL IN RHYL, Eitem 5. PDF 390 KB
- PROPOSED NEW CATHOLIC SCHOOL - APP 1, Eitem 5. PDF 959 KB
- PROPOSED NEW CATHOLIC SCHOOL - APP 2, Eitem 5. PDF 444 KB