Eitem ar yr agenda

Ystyried cais ar gyfer dymchwel annedd bresennol a’r cytiau y tu allan, adeiladu 133 o anheddau, adeiladu ffordd ddynesu, ffyrdd mewnol y stad, carthffosydd, systemau draenio trefol cynaliadwy a mannau agored, gwaith tirlunio strategol a chaled/meddal, a gwaith ategol ar Mindale Farm, oddi ar Ffordd Hendre a Ffordd Gwilym, Gallt Melyd, Prestatyn (amgaeir copi).

 

 

Cyflwynwyd cais ar gyfer dymchwel annedd bresennol a’r tai allan, adeiladu 133 o anheddau, adeiladu ffordd ddynesu, ffyrdd mewnol y stad, carthffosydd, systemau draenio trefol cynaliadwy a mannau agored, gwaith tirlunio strategol a chaled/meddal, a gwaith ategol yn Mindale Farm, oddi ar Ffordd Hendre a Ffordd Gwilym, Gallt Melyd, Prestatyn.

 

Siaradwyr Cyhoeddus -

 

Mr B. Paterson (Yn erbyn) – cododd bryderon sylweddol yn ymwneud â’r Asesiad Traffig a materion y briffordd, gan gynnwys diffyg mewn cysylltiadau i gerddwyr a phellteroedd cerdded, tirwedd y fynedfa/allanfa, diogelwch ar y ffyrdd, digonolrwydd rhwydwaith a chysylltiadau’r ffordd, tagfeydd a’r effaith gyffredinol ar seilwaith y briffordd.

 

Ms. N. Roberts (Penrhyn Homes) (O blaid) – amlygodd y byddai’r datblygiad yn darparu tai o ansawdd a buddiannau o ran cynllunio.  Cydymffurfwyd â gofynion technegol a darparwyd dogfennaeth briodol mewn perthynas â'r asesiad a'r strategaeth berthnasol, gan gynnwys mesurau i fynd i'r afael â phryderon.

 

Dadl Gyffredinol – Rhoddodd y Cynghorydd Peter Evans (LM) rywfaint o hanes cefndir i'r safle dadleuol a oedd wedi’i gynnwys yn y CDLl ar ôl dyraniad gan yr Arolygydd Cynllunio.  Nododd yr Arolygydd hefyd y gellid gwrthod caniatâd cynllunio os nad oedd y seilwaith ar waith.  Dadleuodd y Cynghorydd Evans nad oedd y seilwaith lleol presennol yn ddigonol i ymdopi â graddfa’r datblygiad, yn benodol o ran priffyrdd a draenio/llifogydd, fel a ganlyn -

 

·          Materion yn ymwneud â’r Briffordd – codwyd pryderon ynghylch y fynedfa newydd arfaethedig, anghydfod ynghylch perchnogaeth tir, tynnu gwrychoedd a choed ar y safle heb awdurdod, dyluniad gwael i’r briffordd sy’n cynyddu problemau o ran diogelwch ar y priffyrdd, cysylltiadau gwael i gerddwyr a phryderon ynghylch llwybrau diogel i'r ysgol, cynnydd yn nifer y traffig a’r effaith ar y gymuned o ganlyniad. Defnyddiodd y Cynghorydd Evans sleidiau’r cyflwyniad yn y cyfarfod i amlygu meysydd penodol o bryder o ran rhwydwaith y ffordd a’r cynllun arfaethedig, gan dynnu sylw at y problemau presennol a fyddai’n cael eu hehangu gan y datblygiad.  Codwyd pryderon penodol am ddigonolrwydd ffyrdd dynesu a chyffyrdd sy’n dod at yr A547 ar raddiant serth, y posibilrwydd o gerbydau’n gwrthdaro a thagfeydd yng nghyffordd A547 The Grove a Ffordd Tŷ Newydd, ynghyd â phryderon am yr effaith ddilynol ar rwydwaith ehangach y ffordd. 

·          

·         Materion yn ymwneud â Draenio/Llifogydd – amlygwyd problemau gyda’r seilwaith presennol, na fyddai’n gallu cymryd datblygiad ychwanegol, yn ogystal â phryderon am ddigonolrwydd y system ddraenio bosibl a dŵr wyneb a’i reolaeth yn achosi mwy o bryderon llifogydd.

 

Daeth Aelodau Prestatyn i gytundeb â’r sylwadau a wnaed gan yr Aelod Lleol, gan ymhelaethu ar y materion hynny a’u pryderon ynghylch effaith y datblygiad ar y pentref a'i seilwaith.  Rhannodd y pwyllgor y pryderon hynny ar y cyfan, gyda phryderon tebyg yn codi gan aelodau a oedd wedi bod i gyfarfod y Panel Archwilio Safle ar 6 Ebrill.  Cyfeiriodd y prif bryderon at -

 

·          Raddfa’r Datblygiad – pryderon yn ymwneud â graddfa’r datblygiad arfaethedig a’r effaith ar y gymuned leol, dros gryfhad y safle yng nghyd-destun lleoliad y pentref ac ar fan gwyrdd gwledig

 

·          Priffyrdd – effaith negyddol annerbyniol y datblygiad ar seilwaith priffordd bresennol, pryderon diogelwch ar y ffyrdd gan gynnwys llwybrau diogel i ysgolion a diogelwch cerddwyr, pryderon ynghylch y fynedfa/allanfa i'r safle o ystyried y graddiant serth a'r effaith ar rwydwaith ehangach y ffordd. Gofynnodd y Cynghorydd Rhys Hughes a ellid defnyddio cytundeb A.106 i adeiladu ffordd fynediad newydd ar gyfer y safle yn unol â chaniatâd diweddar a roddwyd yn Llangollen

 

·         Draenio/Llifogydd – tynnu sylw at broblemau presennol gyda draenio/llifogydd yn yr ardal, diffyg manylion o ran sut y byddai’r materion hynny’n cael eu rheoli’n effeithiol, pryderon y byddai’r datblygiad arfaethedig yn tynnu mwy o sylw at y problemau hynny

 

·         Addysg – effaith negyddol ar ysgolion lleol gyda phroblemau cynhwysedd presennol

 

·         Effaith ecolegol – torri coed a gwrychoedd heb awdurdod yn ddiweddar, colli coed/ llystyfiant, effaith niweidiol ar gynefin naturiol a rhywogaethau bywyd gwyllt

 

Ymatebodd y Swyddogion i’r materion a godwyd fel a ganlyn -

 

·          Draenio/Llifogydd – yr ymgyngoreion allweddol oedd Cyfoeth Naturiol Cymru a Rheolwr Perygl Llifogydd y Cyngor, y mae eu hymatebion yn yr adroddiad. Roedd y ddau wedi bod yn ymwybodol o’r cyflyrau lleol ond ni chafwyd unrhyw wrthwynebiad a’u barn oedd (1) bod gwybodaeth a gyflwynwyd gyda'r cais yn ddigonol i wneud penderfyniad, a (2) byddent yn ceisio rhoi amodau ar waith ar y cam manylion.  O ganlyniad, ystyriwyd bod y datblygiad yn dderbyniol mewn egwyddor ac y gellid cwmpasu materion technegol gan amod addas ac, felly, nid oeddent yn sail cryf i wrthod.

·          

·         Addysg – ystyriwyd yr effaith ar Ysgol Melyd ac roedd y datblygwr wedi cytuno i gyfrannu £192k tuag at estyniad a allai letya'r nifer o blant a fyddai'n debygol o ddod yno yn sgil y datblygiad.

 

·         Effaith ecolegol – roedd y datblygiad yn cynnwys tynnu rhywfaint o wrychoedd ac roedd angen ystyried a oedd yr effaith yn afresymol o ystyried graddfa'r datblygiad. {0>Natural Resources Wales had raised no objection and had put a forward a condition in that regard which suggested that the development itself would not have an unreasonable impact on the area.<}0{>Ni chododd Cyfoeth Naturiol Cymru unrhyw wrthwynebiad ac roeddent wedi cyflwyno amod yn hynny o beth a oedd yn awgrymu na fyddai’r datblygiad ei hun yn cael effaith afresymol ar yr ardal.

 <0}

·         Priffyrdd – tra’n sylweddoli'r pryderon a godwyd yn lleol, cafodd Asesiad Trafnidiaeth ei gynnal ynghyd â negodi helaeth gyda’r ymgeiswyr a’r asiantau er mwyn sicrhau bod digon o wybodaeth ar gael i asesu’r effaith ar rwydwaith y briffordd yn gywir.  Roedd manylion pob un o’r materion a godwyd yn yr adroddiad, ynghyd ag ymateb Swyddog y Priffyrdd o ran (1) Ffordd Tŷ Newydd, (2) A547/Cyffordd Ffordd Tŷ Newydd, (3) Ysgol Melyd, (4) caniatadau cynllunio gerllaw, (5) A547/Cyffordd The Grove, (6) Maes Meurig a Chefn y Gwrych, (7) Ffordd Penrhwylfa rhwng y cyffyrdd â Ffordd Talargoch a Chroesffyrdd Penrhwylfa, a (8) Gofynion Parcio.  Darparwyd sicrwydd pellach o ran y modelu yn A547/Cyffordd The Grove a Ffordd Penrhwylfa rhwng cyffyrdd sy’n dangos y byddant yn gweithredu o fewn cynhwysedd ac o ystyried y graddiant yng nghyffordd The Grove.  Roedd yr Asesiad Traffig yn seiliedig ar gyfnodau prysur am/pm a mis Ionawr oedd un o’r misoedd prysuraf o ran traffig.  Gan ystyried yr holl wybodaeth, ystyriwyd bod y cynigion yn dangos y gallai'r datblygiad fynd yn ei flaen yn destun amodau ac felly byddai’n anodd gwrthod y cais ar sail y briffordd.  I ateb cwestiwn cynharach yn ymwneud â'r defnydd posibl o gytundeb A.106 ar gyfer ffordd fynediad i’r safle, cynghorwyd aelodau nad oedd cynnig ar gyfer ffordd fynediad newydd a bod mynediad i’r safle fel y cynnig yn y cais gan ddefnyddio rhwydwaith y ffordd bresennol.

 

Cynnig – Cynigiodd y Cynghorydd Peter Evans, ac eiliwyd gan y Cynghorydd Anton Sampson i wrthod y cais, yn groes i argymhellion y swyddog, ar sail effaith negyddol y datblygiad ar seilwaith y briffordd bresennol, graddfa'r datblygiad o dai mewn cyd-destun y pentref, yr effaith negyddol ar ansawdd bywyd preswylwyr presennol, a phryderon ynghylch draenio a pherygl llifogydd.  Pe caed y datblygiad ei wrthod, byddai’r union eiriau’n cael eu cytuno gyda’r Aelod Lleol.  Galwodd y Cynghorydd Peter Evans am bleidlais wedi’i chofnodi, a gafodd gymeradwyaeth un rhan o chwech o’r aelodau'n bresennol.

 

PLEIDLAIS:

 

CYMERADWYO - 1

Y Cynghorydd Meirick Davies

 

GWRTHOD - 23

Y Cynghorwyr Brian Blakeley, Joan Butterfield, Jeanette Chamberlain-Jones, Bill Cowie, Stuart Davies, Peter Evans, Huw Hilditch-Roberts, Hugh Irving, Alan James, Alice Jones, Barry Mellor, Bob Murray, Merfyn Parry, Pete Prendergast, Arwel Roberts, Anton Sampson, Gareth Sandilands, David Simmons, Julian Thompson-Hill, Joe Welch, Cefyn Williams, Huw Williams, Mark Young

 

YMATAL - 1

Y Cynghorydd Rhys Hughes

 

PENDERFYNWYD GWRTHOD caniatâd, yn groes i argymhellion y swyddog, ar sail effaith negyddol y datblygiad ar seilwaith y briffordd bresennol, graddfa'r datblygiad o dai mewn cyd-destun y pentref, yr effaith negyddol ar ansawdd bywyd preswylwyr presennol, a phryderon ynghylch draenio a pherygl llifogydd.

 

Ar y pwynt hwn (11.30am) cymerodd y cyfarfod egwyl am luniaeth.