Eitem ar yr agenda
LANSIO YMGYNGHORIAD AR ASESIAD LLES BGC CONWY A SIR DDINBYCH.
Ystyried
adroddiad gan y Rheolwr Tîm Cynllunio Rhanbarthol (copi ynghlwm) ar gyfer
lansio ymgynghoriad ar Asesiad Lles Bwrdd Gwasanaethau Cyhoeddus Conwy/ Sir
Ddinbych, a luniwyd yn unol â’r Ddeddf Lles Cenedlaethau’r Dyfodol (Cymru)
2015.
11.10 a.m. – 12.00 p.m.
Cofnodion:
Cyflwynodd yr
Arweinydd, y Cynghorydd Hugh Evans, yr adroddiad (a ddosbarthwyd yn flaenorol)
gan fod arweiniad statudol yn datgan bod rhaid gwneud ymgynghoriad ar ei gynnwys
a bod Pwyllgor Archwilio’r Awdurdod Lleol yn ymgynghorai statudol.
Disgrifiodd yr
Arweinydd y broses a gyflawnwyd i lunio’r adroddiad, ei strwythur a’i
argaeledd, ynghyd â’r broses barhaus ar gyfer cynnal a chadw. Pwysleisiodd
hefyd bwysigrwydd yr Asesiad Lles a’r pwyslais cynyddol ar “les” a gofynion
Deddf Llesiant Cenedlaethau’r Dyfodol (Cymru) 2015 yn lleol ac yn genedlaethol.
Rhoddodd Reolwr Tîm Cynllunio Strategol y Cyngor drosolwg o sut casglwyd y
wybodaeth ynghyd ag arddangosiad o’r Asesiad Lles seiliedig ar y we.
Roedd hyn yn cynnwys y data yn yr asesiad ar lefel gymunedol, sirol ac
ardal y Bwrdd Gwasanaeth Cyhoeddus. Rhoddodd wybod, yn y dyfodol, y byddai
disgwyl i bob awdurdod cyhoeddus yn ardal y Bwrdd Gwasanaeth Cyhoeddus ddefnyddio’r
wybodaeth yn yr asesiad lles wrth osod eu hamcanion lles ac wrth lunio
cynlluniau a strategaethau ar gyfer gwasanaethau ac ar gyfer yr ardal. Roedd y
swyddogion wrthi’n datblygu strategaeth gyfathrebu i lunio’r Asesiad a’i
bwysigrwydd i sylw’r holl bobl a rhanddeiliaid perthnasol. Byddai’r Asesiad yn
datblygu’n gyson ac yn cael ei ddiweddaru’n rheolaidd, ond o’r herwydd, ni
fyddai’n benthyg ei hun yn dda i gael ei gyhoeddi fel dogfen copi caled. Fodd
bynnag, petai aelod eisiau manylder penodol o fewn yr Asesiad, gallai adrannau
penodol gael eu hargraffu at y diben hwnnw, gyda chafeat eu bod yn destun
newidiadau cyson.
Mewn ymateb i gwestiynau’r aelodau, rhoddodd yr Arweinydd, y Prif
Weithredwr a’r Rheolwr Tîm Cynllunio Strategol wybod:
· Y byddai’r Bwrdd Gwasanaeth Cyhoeddus yn cyfarfod ar 27 Mawrth 2017 i
drafod ymatebion yr ymgynghoriad, ac felly bydden nhw’n gwerthfawrogi cael
arsylwadau’r aelodau ar yr Asesiad Lles erbyn 24 Mawrth 2017;
· Yn y dyfodol, byddai’r Asesiad Lles yn ffurfio sail y Cyngor a gweithgareddau
cynllunio strategol ei bartneriaid ac y byddai’n cael ei ddefnyddio i gefnogi
datblygiad eu cynlluniau. Byddai’n gofyn am newid diwylliannol yn y ffordd yr
oedd yr holl bartneriaid yn gweithio ac yn cydweithio at y diben o wneud y sir
ac ardal y Bwrdd Gwasanaeth Cyhoeddus yn lle gwell, gyda darparwyr gwasanaeth
yn anelu at gyflawni gwell canlyniadau i ddinasyddion;
· O ganlyniad i’r uchod, roedd hi’n hanfodol i’r holl wasanaethau a grwpiau o
fewn y Cyngor fod yn ymwybodol o fodolaeth yr Asesiad Lles ac yn cytuno ei
egwyddorion;
· Wedi cadarnhau bod angen rhagor o waith o ran proffiliau cymunedol unigol
ar wefan yr Asesiad. Byddai’r maes hwn yn cael ei boblogi fel rhan o waith
cynnal a chadw parhaus y wefan;
· Byddai angen i’r Cyngor hefyd herio a monitro ymrwymiad sefydliadau partner
eraill y Bwrdd Gwasanaeth Cyhoeddus i ddefnyddio’r wybodaeth yn yr Asesiad Lles
wrth lunio’u cynlluniau strategol ac ati.
Mewn ymateb i’r pwynt olaf rhoddodd y Cydlynydd Archwilio wybod fod
Llywodraeth Cymru wedi comisiynu sefydliad allanol i ddatblygu arweiniad ar sut
i archwilio cyflawniad y Byrddau Gwasanaeth Cyhoeddus o ofynion nodau lles
Deddf Llesiant Cenedlaethau’r Dyfodol (Cymru) 2015 yn effeithiol. Roedd disgwyl
i’r arweiniad drafft gael ei gylchredeg i Swyddogion Archwilio yng Nghymru am
ymgynghoriad yn y dyfodol agos. Roedd disgwyl i Swyddogion Archwilio Gogledd
Cymru gyfarfod ar ddiwedd mis Mawrth i ystyried yr arweiniad drafft a darparu
eu harsylwadau ar ei gynnwys.
Gofynnodd yr Arweinydd fod y Pwyllgor, fel y pwyllgor dynodedig ar gyfer
Archwilio’r Bwrdd Gwasanaeth Cyhoeddus, yn monitro’n agos ymrwymiad partneriaid
y Bwrdd Gwasanaeth Cyhoeddus i ddefnyddio’r Asesiad Lles ar gyfer eu gwaith
cynllunio strategol.
Cyn cloi’r drafodaeth, gofynnodd yr Aelodau bod sesiwn hyfforddiant yn cael
ei chynnal i bob cynghorydd ar ofynion Deddf Llesiant Cenedlaethau’r Dyfodol
(Cymru) 2015, gan gynnwys yr Asesiad Llesiant, yn gynnar yn ystod tymor y
Cyngor Sir newydd, ar ôl etholiadau Awdurdod Lleol mis Mai, gyda hyfforddiant
ychwanegol ar y ddau’n cael eu darparu’n gyfnodol yn ystod tymor y Cyngor.
Teimlwyd bod angen hyn er mwyn ymgorffori diwylliant ac egwyddorion newydd y
Ddeddf yn gadarn yn yr Awdurdod.
Gwnaeth y Pwyllgor:
BENDERFYNU bod yr arsylwadau uchod a’r argymhellion canlynol yn cael eu hadrodd i’r
Bwrdd Gwasanaeth Cyhoeddus mewn ymateb i’r ymgynghoriad ar yr Asesiad Llesiant:
(i) yn amodol ar yr arsylwadau uchod, cymeradwyo’r
dull a gymerwyd wrth ddatblygu’r Asesiad Llesiant a’r syniadau ar gyfer ei
ddefnydd yn y dyfodol;
(ii) bod y data
sydd wedi’i gynnwys yn yr Asesiad Lles yn cael ei ddiweddaru’n gyson, a bod
argymhelliad yn cael ei roi i bob sefydliad partner y Bwrdd Gwasanaeth Lleol
ddefnyddio’r wybodaeth yn yr Asesiad Lles fel sail ar gyfer eu gweithgareddau
cynllunio strategol i’r dyfodol;
(iii) wedi cadarnhau bod yr aelodau wedi darllen, deall
ac ystyried yr Asesiad Effaith ar Les (Atodiad 1) fel rhan o’u hystyriaeth; a
(iv) bod Crynodeb Gweithredol o’r Asesiad Lles yn cael ei ysgrifennu er mwyn
rhoi trosolwg o’i ddiben a’i gynnwys a bod rhaglen o ddigwyddiadau a deunyddiau
hyfforddiant ar egwyddorion a gofynion Deddf Llesiant Cenedlaethau’r Dyfodol
(Cymru) 2015, gan gynnwys diben a phwysigrwydd yr Asesiad Lles, yn cael ei
drefnu a’i gyflwyno i’r holl Gynghorwyr ar ôl etholiadau Awdurdod Lleol mis Mai
2017.
Dogfennau ategol:
- Well-being Needs Assessment Report W 020317, Eitem 7. PDF 246 KB
- Well-being Assessment Report - App 1, Eitem 7. PDF 428 KB