Eitem ar yr agenda
STRATEGAETH CYNNAL A CHADW PONTYDD
- Meeting of Pwyllgor Craffu Perfformiad, Dydd Iau, 26 Ionawr 2017 9.30 am (Item 6.)
- View the declarations of interest for item 6.
I ystyried
adroddiad gan yr Uwch Beiriannydd – Gwasanaethau Priffyrdd a’r Amgylchedd (copi
ynghlwm) i helpu i ddeall y risgiau yn sgil cyflwr presennol isadeiledd
Adeiledd Priffyrdd y Sir, ac i allu archwilio strategaeth arfaethedig y Cyngor
i reoli’r risgiau a nodwyd.
11am – 11.45am
Cofnodion:
Cyflwynodd Aelod
Arweiniol y Parth Cyhoeddus yr adroddiad (a ddosbarthwyd yn flaenorol) yn
amlinellu’r dull y mae'r Cyngor yn rheoli asedau ei strwythur priffyrdd ac
eglurodd sut y bwriedir rheoli ei ôl-groniad presennol o waith mewn perthynas
â’r asedau strwythurol hynny.
Drwy
gyflwyniad PowerPoint, rhoddodd Uwch Beiriannydd – o adran Priffyrdd a
Gwasanaethau Amgylcheddol, drosolwg o ddull y Sir i reoli ei Strwythurau
Priffyrdd. Amlinellodd y
diffiniadau ar gyfer y gwahanol adeileddau priffyrdd a oedd yn ffurfio ystâd
Strwythurau Priffyrdd y Cyngor, ynghyd â nifer o strwythurau ym mhob categori:
·
150 o bontydd priffyrdd
(53 ohonynt yn rhestredig a 6 arall yn gofrestredig);
·
258 o gylfatiau;
·
mwy na 300 o waliau
cynnal; a
·
mwy na 300 yn bontydd o
Hawl Dramwy Gyhoeddus
Pe bai’n rhaid i’r Cyngor newid pob un o'r uchod, byddai’n costio tua
£313m. Yn ogystal â Ddeddf Priffyrdd 1980, roedd gan y Cyngor ddyletswydd hefyd
i gynnal a chadw'r holl henebion cofrestredig neu restredig (gan gynnwys
pontydd).
Bu i’r Uwch Beiriannydd:
·
amlinellu’r Broses Rheoli
Asedau ar ôl y Cyngor a'r myrdd o Nodiadau Cyngor a safonau diogelwch BSEN yr
oedd yn rhaid cydymffurfio â hwy;
·
Cynllun Rheoli Asedau
Priffyrdd manwl Sir Ddinbych sy'n nodi'r safonau lleol a'r dull sy'n seiliedig
ar risg a fabwysiadwyd i amlder arolygu – roedd y dull hwn, a fabwysiadwyd
hefyd gan Awdurdodau Priffyrdd y Sir eraill ac Asiantaeth Cefnffyrdd Gogledd a
Chanolbarth Cymru, wedi arbed swm sylweddol o arian i’r awdurdod o gymharu â
chydymffurfio â'r Safonau Cenedlaethol heb gyfaddawdu diogelwch defnyddwyr
asedau;
·
amlinellu’r symiau o arian
a ddyrannwyd o fewn Refeniw a Chyllideb Cyfalaf bloc yr adran Priffyrdd a
Gwasanaethau Amgylcheddol ar gyfer 2016/17 ar gyfer rheoli strwythur priffyrdd,
a dywedodd fod hyn yn cyfateb i £445k;
·
darparu data ar y nifer o
strwythurau a oedd wedi cael eu hasesu fel strwythurau gwan, rhai ohonynt
eisoes wedi cael eu rhoi dan orchmynion cyfyngiad pwysau. Manylwyd ar yr amrywiol gyfyngiadau pwysau a gymhwysir fel arfer ar
strwythurau, a'r mathau o gerbydau a fyddai'n cael eu heffeithio gan wahanol
gyfyngiadau.
Er bod cyfyngiadau pwysau yn cael eu cymhwyso ar sail
diogelwch, gallent o bosibl gael effaith andwyol ar drigolion, busnes, bywyd
cymunedol a mynediad cerbydau brys i ardaloedd ac eiddo;
·
arddangos tystiolaeth
ffotograffig o wahanol strwythurau priffyrdd a'r gwahanol fathau o erydiad /
dirywiad deunydd a gafwyd, a gwaith atgyweirio a wnaed neu sy'n ofynnol ar y
nifer o strwythurau ar draws y sir;
·
cynghori bod yr atodiad
i'r adroddiad yn rhoi manylion y costau refeniw a chyfalaf sy'n gysylltiedig
â’r strwythurau yn y Prosiect Ôl-groniad Strwythurau Priffyrdd arfaethedig. Cost amcangyfrifedig y prosiect hwn fyddai tua £6m dros gyfnod o 10 mlynedd
a byddai'n cael ei ariannu ar y cyd gan y Gyllideb Cyfalaf Bloc y Briffordd, a
oedd wedi cynyddu tua £320K y flwyddyn.
Ymgymryd â'r prosiect dros gyfnod o 10 mlynedd a fyddai'n sicrhau na fyddai
prosiectau eraill a ariennir o fewn Cyllideb Gyfalaf y Bloc Priffyrdd yn cael
ei effeithio'n andwyol o achos dargyfeirio cyllid oddi wrthynt i'r prosiect
strwythurau. Yn ystod y gwaith hwn, byddai pontydd a waliau cynnal yn cael eu cyfyngu
er mwyn lleihau cyfradd y dirywiad a sicrhau nad fyddant yn disgyn. Cynigiwyd hefyd i gynyddu'r gyllideb refeniw i gefnogi'r rhaglen ôl-groniad
ac i gynnal rhaglen cynnal a chadw ataliol wedi’i chynllunio. Mae nifer o fesurau effeithlonrwydd, gan gynnwys cyflogi staff arbenigol yn
hytrach na phrynu gwasanaethau gan arbenigwyr allanol, yn cael eu harchwilio er
mwyn gwireddu gwerth am arian yn ystod cwrs y prosiect. Byddai gweddill y gofyniad cyllideb arfaethedig yn destun cais cyfalaf
ychwanegol maes o law;
Wrth ymateb i gwestiynau'r aelodau, cynghorodd yr Aelod Arweiniol, yr Uwch
Beiriannydd a Rheolwyr y Gwasanaeth Priffyrdd y canlynol:
·
bod y rhestr flaenoriaethu
ar gyfer gwaith cynnal a chadw ar strwythurau yn hyblyg ac yn amodol i newid yn
rheolaidd o ganlyniad i newidiadau sydyn yn eu cyflyrau materol, h.y. difrod
tywydd / llifogydd difrifol; difrod strwythurol a achosir gan gerbydau ac ati;
·
mae angen gweithio drwy
faterion megis perchnogaeth trydydd parti a mynediad i strwythurau ar gyfer
gwaith cynnal a chadw;
·
cynhaliwyd asesiadau
strwythurol ar y cyfan gan ddefnyddio dulliau modelu mathemategol;
·
dim ond wrth asesu
strwythurau y gellid cadarnhau maint gwirioneddol y difrod/erydiad. Yn ystod asesiadau o’r fath y bu modd i beirianwyr hefyd sefydlu p’un a
gafodd strwythurau eu hadeiladu mewn gwirionedd ar strwythurau llawer cynharach
ar draws afon ac ati;
·
ychydig iawn o gynghorau a
gyrhaeddodd y Safonau Cenedlaethol ar gyfer Strwythurau Priffyrdd, cynhaliodd y
mwyafrif ddull yn seiliedig ar risg tuag at reoli asedau;
·
roedd sgwrio yn broblem
fawr gan ei fod yn tanseilio sylfaen nifer o strwythurau;
·
cafodd fformat llwytho
cerbydau amaethyddol ei ‘rannu’ yn fwy cyfartal o gymharu â Cherbydau Nwyddau
Trwm (HGVs) ac, o ganlyniad, priodolwyd llai o ddifrod strwythur priffyrdd
iddynt;
·
cynhaliwyd rhaglen reolaidd o
gynnal a chadw ar bont fwyaf y sir, y bont sy'n croesi afon Clwyd ar y ffordd
osgoi i Ruddlan.
Cafodd pontydd modern fel yr un yma eu cynllunio i bara
120 o flynyddoedd, er hynny byddai’n rhaid eu cynnal a’u cadw’n rheolaidd yn
ystod eu hoes;
·
Roedd Cadw wedi darparu
cyfraniad ariannol tuag at y gwaith a wnaed ar bont yr afon Elwy ar waelod y Stryd
Fawr yn Llanelwy;
·
ni ystyrir bod yr hen bont
dros yr afon Clwyd yn Rhuddlan mewn perygl uniongyrchol rŵan ei bod wedi
ei chyfyngu i draffig un lôn, gan mai lledu'r dur 19eg ganrif allanol oedd yn
achosi pryder, nid y strwythur cerrig cynharach a gafodd ei restru;
·
roedd yn rhaid asesu
manteision carthu afonydd o dan bontydd ar sail pont wrth bont, oherwydd mewn
rhai achosion gallai hyn achosi mwy o broblemau yn yr hirdymor;
·
mae lefel uchel o
ymddiriedaeth rhwng swyddogion priffyrdd y Cyngor, swyddogion treftadaeth a
Cadw, sy'n helpu i wneud gwaith trwsio ac ati yn gyflym pan fo angen, fel y
digwyddodd pan ddioddefodd Pont Nantglyn ddifrod gan gerbyd. Sicrhaodd y lefel o ymddiriedaeth cydfuddiannol rhwng pob parti y cafodd y
bont ei thrwsio o fewn cyfnod byr o amser, gan leihau'r aflonyddwch i drigolion
a defnyddwyr lleol;
·
cynhaliwyd nifer o
gyfarfodydd rhwng swyddogion Cyllid a Phriffyrdd, gyda golwg ar lunio cynllun
gwaith ôl-groniad, yn seiliedig ar effeithlonrwydd y gwasanaeth a strategaeth
gwario i arbed hirdymor heb yr angen i wneud cais ar gyfer benthyca darbodus;
·
roedd swyddogion wedi
ystyried cynllun gwaith ôl-groniad o 5 mlynedd, ond byddai hyn wedi mynd i
gostau sylweddol uwch;
·
roedd swyddogion mewn
cysylltiad rheolaidd â siroedd cyfagos ynghylch amodau strwythurau sy'n
rhychwantu afonydd ar ffiniau'r sir ac a oedd yn gwasanaethu fel llwybrau
mynediad i’r sir ac oddi yno, e.e. Pont y Ddôl, yn ward Trefnant;
·
fe wnaeth y Cyngor hysbysu
sawl darparwr rhaglenni llywio lloeren unwaith y rhoddwyd cyfyngiadau pwysau ar
strwythurau neu pan gafodd unrhyw hysbysiadau cyfreithiol yn ymwneud â’r system
briffyrdd eu cyhoeddi.
Cyfrifoldeb y darparwr yw diweddaru ei raglenni ‘sat
nav’;
·
Mae gan berchnogion
pontydd trydydd parti yr un cyfrifoldebau â’r Cyngor i gynnal eu hasedau. Fodd
bynnag, mae Deddf Trafnidiaeth 1968 yn gosod rhai rhwymedigaethau ariannol ar
gynghorau i gryfhau rhai pontydd sy’n eiddo i drydydd parti; ac
·
mae’r Cyngor wedi codi
arwyddion cynghorol lle cafodd cyfyngiadau ac ati eu gosod.
Cadarnhaodd cynrychiolydd y Pwyllgor ar y Grŵp Buddsoddi Strategol
(SIG) fod SIG wedi cefnogi'r cynigion a gyflwynwyd ar gyfer y Prosiect
Ôl-groniad Strwythurau Priffyrdd, gan argymell y dylai’r Cyngor Sir eu
cymeradwyo.
Diolchodd yr Aelodau i'r swyddogion am gyflwyniad llawn gwybodaeth a
chydnabod y byddai angen swm syfrdanol o fuddsoddiad i godi'r holl strwythurau
i Safonau Cenedlaethol. Roeddent o'r
farn felly mai’r dull rheoli a awgrymwyd yn yr adroddiad oedd ffordd resymegol
o fynd i'r afael â'r ôl-groniad a'r risgiau a nodwyd. Penderfynodd y Pwyllgor:-
gefnogi ymagwedd y Gwasanaeth i reoli ôl-groniad y gwaith
mewn perthynas ag asedau strwythurau’r priffyrdd yn unol â’r Prosiect
Ôl-groniad Strwythurau Priffyrdd a awgrymir.
Dogfennau ategol:
- Bridges Report 260117, Eitem 6. PDF 106 KB
- Bridges Report 260117- App 1.docx, Eitem 6. PDF 86 KB
- Bridges Report 260117- App 2, Eitem 6. PDF 424 KB