Eitem ar yr agenda
CAIS RHIF 40/2016/0256/PC – CAEAU I’R DE-ORLLEWIN O GROESFFORDD BORTH, ABERGELE
Ystyried cais i
gadw a newid defnydd adeilad amaethyddol i brosesu coed a defnyddio’r iard i
storio coed (ôl-gais) ar gaeau i’r de-orllewin o Groesffordd Borth, Abergele
(copi ynghlwm).
Cofnodion:
Cafodd cais ei gyflwyno i gadw a newid defnydd
adeilad amaethyddol i brosesu coed a defnyddio’r iard i storio coed (ôl-gais)
ar gaeau i’r de-orllewin o Groesffordd Borth, Abergele.
Siaradwr Cyhoeddus-
Mr B Owen (O blaid) – eglurodd weithrediad y
busnes a manteision o ran cyflogaeth leol a’r economi wledig. Ymatebodd i (1) bryderon sŵn gan ddadlau’r effaith lleiaf a bod
Swyddogion Rheoli Llygredd yn derbyn hyn, a (2) pryderon priffyrdd yn dadlau y
byddai defnydd amaethyddol yn cynhyrchu mwy o ddefnydd gan gerbydau ac y byddai
mesurau lleddfu yn cael eu gweithredu i fynd i’r afael â phryderon.
Trafodaeth Gyffredinol – Tynnodd y Rheolwr Datblygu sylw at
wybodaeth ychwanegol fel y manylwyd yn y papurau atodol a ddosbarthwyd yn y
cyfarfod a oedd yn manylu hanes cynllunio ar gyfer y safle hyd eithaf gwybodaeth y swyddogion. Eglurodd mai’r mater dan ystyriaeth oedd pa un a oedd y defnydd o’r
adeilad, mynediad i gerbydau a’r safle yn addas ac yn dderbyniol ar gyfer busnes prosesu coed. Er gwaethaf pryderon sŵn roedd y Swyddog Rheoli Llygredd yn ystyried
na fyddai'r sŵn o'r prosesu coed ei hun yn cyfiawnhau gwrthod gan y gellir
rheoli'r lefelau drwy amodau. Er mai’r defnydd amaethyddol oedd y
sefyllfa ar gyfer syrthio yn ôl arno, roedd swyddogion yn meddwl y byddai’r
defnydd ar gyfer prosesu coed yn cynyddu’r effaith annerbyniol ar ddiogelwch
priffordd a fanylwyd o fewn yr adroddiad.
Dywedodd y Cynghorydd Arwel Roberts am yr ymweliad
safle a gynhaliwyd ar 12 Medi 2016.
Cyfeiriodd at amrywiol ddamweiniau ar y ffordd gerbydau ac roedd yn
meddwl bod y mynediad i’r safle/ffordd allan yn beryglus iawn. Credai y byddai caniatáu’r cais yn
gwaethygu’r sefyllfa a chytunodd gyda’r swyddogion y dylid gwrthod y cais ar
sail diogelwch priffordd. O ganlyniad cynigiodd y Cynghorydd Roberts i wrthod y cais yn unol ag
argymhellion y swyddog.
Ymhelaethodd y Cynghorydd Alice Jones (Aelod
Lleol) ynglŷn â hanes cynllunio’r safle o 2004 ac amlygodd ddiystyrwch y
perchennog o ran rheoliadau a gweithdrefnau cynllunio ers hynny heb unrhyw
ddefnydd difrifol o'r safle at ddibenion amaethyddol. Hefyd mynegodd bryder am y cais cynllunio ôl-weithredol ac roedd yn cynnig
newid defnydd o amaeth i brosesu/gweithgynhyrchu coed ac amlygodd y
gwrthwynebiad gan drigolion cyfagos. Roedd y Cynghorydd Jones yn cefnogi
argymhelliad y swyddog i wrthod ar sail priffordd a theimlodd nad oedd yna sail
i ddadl yr ymgeisydd y byddai defnydd amaethyddol yn golygu nifer uwch o
gerbydau o ystyried na fu llawer neu ddim defnydd amaethyddol yn y gorffennol
ac yn annhebygol o fod yn y dyfodol. Fodd bynnag, gofynnodd iddynt ystyried
sŵn ac amwynder preswyl a cholli tir amaethyddol fel rhesymau cynllunio
dilys dros wrthod y cais. Dywedodd y Cadeirydd bod y rhesymau dros
beidio â chynnwys y seiliau cynllunio hynny wedi eu manylu o fewn yr adroddiad. O ganlyniad eiliodd y Cynghorydd Alice
Jones y cynnig gan y Cynghorydd Arwel Roberts i wrthod y cais yn unol ag
argymhellion y swyddog.
Trafododd yr aelodau'r ystyriaethau cynllunio materol ymhellach gyda
swyddogion a gofynnwyd am eglurhad ynglŷn â nifer o faterion. O ran priffyrdd,
gofynnwyd mwy o gwestiynau ynglŷn â dadl yr ymgeisydd y gall y defnydd
syrthio yn ôl ar gyfer y safle at ddibenion amaethyddol arwain at fwy o
symudiadau cerbydau a pha un a oedd tystiolaeth i gefnogi’r sail diogelwch
priffyrdd o ran damweiniau a gofnodwyd, yn arbennig o ystyried ei fod yn gais
ôl-syllol. Gofynnwyd cwestiynau
ynglŷn â’r polisïau cynllunio sy’n ymwneud â newid defnydd o amaeth i
waith cynhyrchu, diffiniad o’r gwaith prosesu coed a pha un a ellid ei ystyried
fel prosiect arallgyfeirio ar ffarm.
Ymatebodd y Swyddogion i sylwadau a chwestiynau
fel a ganlyn-
·
ymhelaethwyd
ar y polisïau cynllunio o ran newid posibl i ddefnydd amaethyddol gan gynghori
bod defnydd masnachol o adeiladau gwag yn cael ei ganiatáu o ran polisi
cynllunio cyn belled â bod tystiolaeth yn cael ei chyflwyno – nad oedd
tystiolaeth wedi’i chyflwyno a bod y busnes prosesu coed wedi dechrau heb
ganiatâd cynllunio, a dyna pam y cyflwynwyd y cais ôl-syllol.
cyfeiriwyd at yr asesiad priffyrdd, gan gynnwys dadansoddiad ysgubo llwybr, a’r casgliadau y byddai yna effaith andwyol ar ddiogelwch priffordd gan arwain at yr argymhelliad i’r cais gael ei wrthod. Roedd yna chwech o ddamweiniau wedi eu cofnodi ers i’r busnes prosesu coed ddechrau ond derbyniwyd na adroddwyd am bob damwain. Roedd y swyddogion hefyd yn ystyried na fyddai dychwelyd i ddefnydd amaeth o’r safle yn effeithio lawer oherwydd maint y cae tra y byddai gweithredu’r busnes prosesu coed yn arwain at gynnydd mewn traffig ac effaith andwyol ar ddiogelwch priffordd.
·tynnwyd sylw’r aelodau at yr achos busnes ar gyfer
datblygu fel y manylwyd o fewn yr adroddiad ynglŷn â gweithredu’r busnes a
natur y defnydd prosesu coed o ran y cais dan sylw.
·
ymhelaethwyd
ymhellach ar yr hanes cynllunio blaenorol ac eglurwyd y rhesymau dros wrthod y
cais cynllunio ym mis Tachwedd 2015.
Cynnig – Cynigiodd y Cynghorydd Arwel Roberts
argymhelliad y swyddog i gymeradwyo’r cais, ac eiliwyd gan y Cynghorydd Alice
Jones.
PLEIDLAIS:
CYMERADWYO - 6
GWRTHOD - 16
YMATAL - 0
PENDERFYNWYD y dylid GWRTHOD y cais yn unol ag argymhellion y swyddog a nodwyd yn yr
adroddiad.
Dogfennau ategol:
- ITEM 8 - FIELDS BORTH CROSSROADS, Eitem 8. PDF 35 KB
- ITEM 8 - FIELDS BORTH CROSSROADS - APPENDIX, Eitem 8. PDF 667 KB