Eitem ar yr agenda
STRATEGAETH RHEOLI RISG LLIFOGYDD
Dealltwriaeth o'r gweithgareddau y mae'r Cyngor
yn eu cyflawni i reoli risg llifogydd yn y sir a phenderfynu a yw'r rhain yn
ddigonol ac yn briodol i gyflawni amcanion y Strategaeth
Cofnodion:
Wrth gyflwyno adroddiad Swyddfa Archwilio Cymru ar
‘Reoli Risg Llifogydd Arfordirol ac Erydu yng Nghymru’ (a oedd ynghlwm fel
atodiad 1 i’r adroddiad a ddosbarthwyd yn flaenorol) pwysleisiodd Aelod
Arweiniol y Parth Cyhoeddus fod hwn yn adroddiad cenedlaethol. Tynnodd y Pennaeth Gwasanaethau Priffyrdd a’r Amgylchedd, fel dirprwy’r
Rheolwr Risg Llifogydd, sylw’r aelodau at baragraff 4.1 yr adroddiad eglurhaol
a oedd yn amlygu prif bwyntiau’r adroddiad cenedlaethol o safbwynt Sir
Ddinbych. Eglurodd hefyd fod diweddariad cynnydd o ran
gweithredu'r amcanion, canlyniadau a mesurau Strategaeth Rheoli Risg Llifogydd
y Cyngor ynghlwm i'r adroddiad fel atodiad 2 hefyd er gwybodaeth i’r Aelodau.
Yn ogystal â’r camau a nodwyd yn y Strategaeth at
ddibenion lliniaru risg llifogydd yn Sir Ddinbych, roedd mesurau eraill wedi’u
cymryd mewn ymgais i leihau’r risg, er enghraifft, mesurau gweithredol megis
arolygu ceuffosydd yn rheolaidd, gwagio rhigolau ac ati.
Gan ymateb i gwestiynau’r aelodau, eglurodd Aelod
Arweiniol y Parth Cyhoeddus, Pennaeth Gwasanaethau Priffyrdd a’r Amgylchedd a
Chyfarwyddwr Corfforaethol: yr Economi a'r Parth
Cyhoeddus:
- Roedd ‘glannau afon’ yng nghyd-destun yr adroddiadau
yn golygu tir ger afon. Cyfrifoldeb y
perchennog tir yw mesurau lliniaru llifogydd yn yr ardaloedd hyn fel
arfer;
- roeddent o dan yr argraff fod system mapio risg
llifogydd Cyfoeth Naturiol Cymru wedi’i ddiwygio i adlewyrchu unrhyw waith
lliniaru llifogydd a wnaed;
- er bod ‘ail-alinio arfordirol’ a 'cilio a reolir’ yn
dermau a ddefnyddiwyd yn adroddiad Swyddfa Archwilio Cymru fel dulliau o
reoli digwyddiadau dŵr dros ben a llifogydd yn y dyfodol, roedd nifer
o gwestiynau heb eu hateb mewn perthynas â chynigion o’r fath;
- er bod adroddiad Swyddfa Archwilio Cymru yn
canolbwyntio ar lifogydd arfordirol ac erydiad tir, roedd llifogydd
mewndirol ac erydiad tir hefyd yn broblem yn Sir Ddinbych ac felly roedd
mesurau lliniaru llifogydd wedi'u gweithredu h.y. yn ardal Corwen.
- roedd mapiau risg llifogydd wedi’u hystyried fel
rhan o’r broses gynllunio pan dderbynnir ceisiadau am ganiatâd cynllunio;
- Byddai’n rhaid i geisiadau cynllunio ar gyfer
datblygiadau mawr, megis y rhai yn y Cynllun Datblygu Lleol (CDLl), amlinellu
cynlluniau/strategaethau rheoli risg llifogydd a rheoli dŵr yn eu
ceisiadau manwl, ynghyd ag effaith ganlyniadol eu ceisiadau datblygu;
- roedd proses gynllunio'r awdurdod lleol yn ystyried
asesiadau llifogydd Cyfoeth Naturiol Cymru wrth benderfynu ar geisiadau
cynllunio. Gellir gwrthod caniatâd cynllunio ar sail risg llifogydd
perthnasol;
- mae'n rhy gynnar i benderfynu a fyddai colled
terfynol cyllid Ewropeaidd ar gyfer gwaith lliniaru llifogydd, o ganlyniad
i bleidlais Brexit, yn cael ei ddisodli gan gyllid Llywodraeth y DU neu
Lywodraeth Cymru (LlC) maes o law.
- roedd trafodaethau ar y gweill gydag arbenigwyr
cynnal a chadw pontydd ar lefel y gwaith sydd ei angen i gynnal safonau
diogelwch pontydd y sir;
- roedd pryderon
mewn perthynas â’r ffaith nad oedd afonydd yn cael eu carthu’n rheolaidd a
oedd yn cynyddu risg llifogydd ac roedd pwysau ychwanegol ar bontydd y sir
yn ystod cyfnodau o law trwm a llanw uchel.
Roedd Aelodau yn credu y byddai’n ddefnyddiol pe
gellir ffurfio partneriaeth rhwng y Cyngor, perchnogion tir lleol a Chyfoeth
Naturiol Cymru at ddibenion carthu a chynnal dyfrffyrdd i leihau risg
llifogydd. Felly teimla’r Pwyllgor y byddai’n ddefnyddiol
gwahodd Cyfoeth Naturiol Cymru i gyfarfod yn y dyfodol i drafod materion rheoli
dŵr.
Yn ystod y drafodaeth gofynnodd y Cadeirydd i’r
Aelodau oedd wedi codi materion mewn perthynas â phryderon llifogydd lleol
penodol iawn neu fesurau lliniaru gyda Rheolwr Risg Llifogydd ac i adrodd
unrhyw broblemau sy’n hysbys gyda cheuffosydd (gan gynnwys ceuffosydd wedi
gordyfu neu eu rhwystro) i’r Ganolfan Gwasanaethau Cwsmer er mwyn eu rhestru ar
system Rheoli Cyswllt Cwsmer ar unwaith a'u rhestru ar gyfer arolwg.
Byddai cwestiynau ychwanegol a godwyd yn ystod y
cyfarfod ar gynnwys yr adroddiad ac sydd angen gwybodaeth dechnegol neu
arbenigol yn cael eu hanfon ymlaen at y Rheolwr Risg Llifogydd ac arbenigwyr
eraill i gael ymatebion ysgrifenedig. Roedd y rhain yn cynnwys gwybodaeth ynglŷn â:
·
system AMX;
·
nifer yr offer
clirio/gwagio rhigolau yr oedd y Cyngor yn eu gweithredu a'u haddasrwydd i gael
mynediad i ardaloedd hygyrchedd cyfyngedig;
·
a oedd gan y Cyngor
raglen waith clirio rhigolau/ceuffosydd yn rheolaidd;
·
a oedd unrhyw
dystiolaeth fod cwmnïau yswiriant a/neu gwmnïau morgais yn cydnabod y gwaith a
wnaed gan awdurdodau lleol/Cyfoeth Naturiol Cymru mewn perthynas â lliniaru
llifogydd h.y. premiymau yswiriant is; caniatau cynigion morgais mewn ardaloedd
a oeddent yn cael eu hystyried fel risg uchel o lifogydd yn flaenorol ac ati;
·
a oedd digon o gapasiti
o fewn y CDLl ac ati i ddelio â dŵr wyneb a dŵr draenio sy’n dod o
safleoedd newydd er mwyn lliniaru risg llifogydd pellach yn bellach i lawr ac
ati;
·
a oedd gan y Cyngor
strategaeth rheoli dŵr cadarn neu gynlluniau rheoli dŵr sy’n fwy
lleol i ddelio â dŵr dros ben h.y. un broblem a nodwyd oedd Parc Busnes
Llanelwy;
·
a oedd gan yr Adran
Priffyrdd bolisi i wyro dŵr wyneb i ffosydd, gan fod hyn yna’n achosi
problemau pellach, yn enwedig pan nad oedd y ffosydd yn cael eu cynnal neu eu
carthu. Nodwyd problem hirsefydlog yn
ardal Bodelwyddan fel enghraifft.
Cyn diwedd y drafodaeth
cefnogodd y Pwyllgor yr awgrym y dylid gwahodd cynrychiolwyr o Gyfoeth Naturiol
Cymru i gyfarfod yn y dyfodol at ddibenion trafod materion rheoli dŵr, gan
gynnwys:
·
effaith rhwystrau/amddiffynfeydd
llifogydd arfordirol ar eiddo a thir isel e.e. yn Nyffryn Clwyd, yn enwedig gan
y byddent mewn perygl llifogydd yn ystod cyfnodau o law trwm beth bynnag;
·
a chanllawiau/cyngor
rheoli dŵr a roddwyd gan Gyfoeth Naturiol Cymru ar geisiadau cynllunio
domestig a busnes/diwydiannol, yn enwedig effaith bosibl y datblygiadau mawr ar
reoli dŵr y tu allan i'r ardal sy’n agos at y datblygiad.
Roedd yr Aelodau hefyd
yn awyddus i gael gwell dealltwriaeth o risgiau llifogydd arfordirol ac afonydd
yn Sir Ddinbych, ynghyd â chael gwybodaeth am waith rheoli dŵr presennol
ac arfaethedig (gan gynnwys 'cilio a reolir’) gyda’r partneriaid yn y sector
cyhoeddus a phreifat yn yr ardal.
Roedd y Pwyllgor o’r
farn y gallai Aelodau Etholedig, drwy eu rôl fel arweinwyr cymunedol, hwyluso’r
holl fudd-ddeiliaid, gan gynnwys cymunedau lleol, i weithio’n effeithiol gyda’i
gilydd i leihau a rheoli risg llifogydd yn eu hardaloedd lleol.
Ar ddiwedd y drafodaeth:
PENDERFYNWYD:
(i)
yn amodol ar y sylwadau uchod,
bod y Pwyllgor yn derbyn yr adroddiad a chefnogi ymagwedd y Cyngor i gyflawni
ei gyfrifoldebau fel Awdurdod Rheoli Risg Llifogydd ac Erydu Arfordirol ac i
gyflawni’r mesurau a’r amcanion a nodwyd yn y Strategaeth Rheoli Risg Llifogydd
Lleol; a
(ii)
Gwahodd cynrychiolwyr o Gyfoeth Naturiol Cymru i fynychu cyfarfod y
Pwyllgor yn y dyfodol i drafod materion rheoli dŵr/llifogydd gyda'r
aelodau ac i archwilio ardaloedd posibl lle y gallai'r aelodau etholedig a'r
awdurdod lleol weithio'n effeithiol gyda Chyfoeth Naturiol Cymru i leihau risg
llifogydd yn y cymunedau lleol.
Dogfennau ategol:
- Flood Risk Management Report 271016_v1.1, Eitem 7. PDF 196 KB
- WAO Report App 1, Eitem 7. PDF 3 MB
- Flood Risk Management Report 271016 - App 2, Eitem 7. PDF 111 KB
- Well-being Impact Assessment, Eitem 7. PDF 122 KB