Eitem ar yr agenda
DARPARIAETH YR ADRAN GWAITH A PHENSIYNAU/PEOPLE PLUS YN SIR DDINBYCH
1.
Trafod gweledigaethau'r ddau
sefydliad ar gyfer trigolion Sir Ddinbych, sut maen nhw’n bwriadu darparu eu
gweledigaethau i wella deilliannau i ddefnyddwyr gwasanaethau, y rhesymau dros
y penderfyniad i ail-leoli gwasanaethau'r Adran Gwaith a Phensiynau i'r Fflint
a chanlyniad yr asesiadau effaith a wnaed i gael gwybodaeth i benderfynu.
2.
Trafod gyda'r Adran Gwaith a
Phensiynau y Rhaglen Gwaith ac Iechyd newydd a sut y gall y Cyngor fod yn
gysylltiedig â'r rhaglen hon er budd trigolion y Sir
Cofnodion:
Cyflwynodd Rheolwr Tîm Cynllunio Strategol ei
hadroddiad (a ddosbarthwyd yn flaenorol) oedd yn hysbysu’r Pwyllgor ynglŷn
â’r cefndir ar gyfer adleoli gwasanaethau a gomisiynir gan yr Adran Gwaith a
Phensiynau i gynorthwyo pobl ddi-waith i dderbyn gwaith o'r Rhyl i’r Fflint.
Eglurodd bod yr Adran Gwaith a Phensiynau wedi comisiynu Rehab Jobfit i
ddarparu’r gwasanaethau hyn ar eu rhan, ac roeddent hwythau wedi
is-gontractio’r gwaith i PeoplePlus. Roedd y contract ar gyfer darparu’r rhaglen bresennol o wasanaethau yn dod
i ben ddiwedd mis Mawrth 2017. O fis Ebrill 2017 roedd yr Adran Gwaith a
Phensiynau yn bwriadu darparu Rhaglen Waith ac Iechyd newydd, ac nid oedd y
contract ar gyfer y Rhaglen wedi’i ddyfarnu eto.
Croesawodd y Cadeirydd y canlynol i’r cyfarfod; Mr
John Bisby (Rheolwr Rhanbarthol, Gogledd a Chanolbarth Cymru ar gyfer yr Adran
Gwaith a Phensiynau), a Mr Joel Payne (Rheolwr Rhanbarthol, Gogledd a De Cymru,
PeoplePlus) a Mr Brett Smith (Rheolwr PeoplePlus, y Fflint). Eglurodd
Rheolwr Rhanbarthol PeoplePlus, gyda chymorth cyflwyniad PowerPoint, y rhesymau
dros benderfyniad y sefydliad i adleoli rhan o’i waith o’r Rhyl i’r Fflint. Pwysleisiodd eu bod yn parhau i weithredu gwasanaeth allgymorth yn y Rhyl
at ddibenion darparu cymorth cyflogaeth a hyfforddiant sgiliau.
Mae llwyddiant gwasanaethau PeoplePlus i gael mwy o
bobl i dderbyn gwaith yn golygu bod llai o unigolion yn cael eu hatgyfeirio i’r
ganolfan yn y Rhyl. Roedd unrhyw un yn yr ardal sy’n cael eu
hatgyfeirio yn cael eu hatgyfeirio i swyddfa’r Fflint, lle'r oedd mwy o
wasanaethau ar gael. Byddai’r rhai sy’n cael eu hatgyfeirio i’r Fflint
yn derbyn eu costau teithio a byddai staff yn gweithio gyda nhw mewn ymgais i’w
cynorthwyo i dderbyn mynediad at wasanaethau a'r farchnad swyddi.
Eglurodd y Rheolwr Rhanbarthol bod sawl ‘chwedl’
wedi codi yn dilyn cyhoeddiad y penderfyniad i adleoli’r gwasanaethau o’r Rhyl
i’r Fflint, gan bwysleisio y byddai pobl nad oeddent yn gallu teithio i’r
Fflint yn cael eu gweld yn swyddfa allgymorth y Rhyl, a oedd wedi’i leoli yng
nghanol y dref yn awr, wrth ymyl 'Canolfan y Rhyl’. Hysbyswyd yr Aelodau hefyd, er y bu'n rhaid i'r sefydliad adael eu heiddo
blaenorol yn y Rhyl yn gynharach na’r disgwyl roeddent wedi ymgynghori’n
helaeth gyda’r landlord a’r staff ynglŷn ag adleoli i safle arall yn y
dref am gyfnod sylweddol gan eu bod yn teimlo nad oedd yr eiddo yn ‘addas i
bwrpas’.
Darparodd y Rheolwr Rhanbarthol fanylion:
·
ynglŷn â sylfaen
cwsmeriaid y sefydliad yn ardal y Rhyl (gan gynnwys eu hadborth ynglŷn â’r
newidiadau ar ôl adleoli mwyafrif y gwasanaethau i’r Fflint, a oedd yn
gadarnhaol yn gyffredinol); ac
·
ynglŷn ag
ystadegau cyfanswm y cyfraddau trawsnewid swyddi a pherfformiad yn erbyn y
targedau a osodwyd (roedd y mwyafrif ohonynt wedi'u diwallu neu eu rhagori)
Yna amlinellodd Rheolwr Rhanbarthol yr Adran Gwaith
a Phensiynau’r trawsnewidiad yn ei wasanaeth ar hyn o bryd fel rhan o gyflwyno
'Rhaglen newydd Iechyd a Gwaith’, a fyddai'n weithredol ym mis Ebrill 2017.
Roedd gan y rhaglen hon ymagwedd llai cyfyngol a byddai'n canolbwyntio ar
anghenion yr unigolyn a’r cyflogwr.
Byddai'r gwasanaeth newydd yn canolbwyntio ar gynorthwyo a chefnogi pobl i
dderbyn gwaith, gan weithio gyda nhw a'u cyflogwyr a'r sgiliau sydd eu hangen
mewn marchnad swyddi sy'n newid yn barhaus. Eglurodd o ddiwedd mis Mawrth 2017 byddai’r Adran Gwaith a Phensiynau yn
rhoi’r gorau i atgyfeirio pobl at PeoplePlus ar gyfer gwasanaethau rhaglenni
gwaith, ond byddai’n parhau i gefnogi cwsmeriaid presennol i dderbyn gwasanaethau PeoplePlus.
Mewn ymateb i gwestiynau’r aelodau, ymatebodd
cynrychiolwyr y ddau sefydliad:
- drwy bwysleisio eu bod bob amser yn fodlon gwrando a
chynorthwyo unigolion sy’n cysylltu â nhw;
- Roedd PeoplePlus yn cynorthwyo unigolion i dderbyn
hyfforddiant, cymwysterau, gwybodaeth a chefnogaeth i sefydlu mentrau
cymdeithasol ac ati. Roeddent hefyd yn
gweithio gyda gwasanaethau cyhoeddus eraill megis Meddygon Teulu ac ati ar
broblemau megis gordewdra, asiantaethau eraill i gynorthwyo pobl i dderbyn
gwaith e.e. dulliau arloesol o gyflwyno cais am swydd, arian ar gyfer
dillad gwaith ac ati, a sicrhau cyfleoedd gwaith cynaliadwy ar gyfer pobl;
- Cytunodd PeoplePlus y byddent yn darparu ystadegau
ynglŷn â’r gostyngiad yn nifer yr unigolion oedd angen eu
gwasanaethau yn awr, gan gynnwys gwybodaeth ynglŷn â’r mathau o
gyflogaeth a dderbyniwyd. Fe wnaethant
hefyd gynnig darparu Newyddlen fisol i'r aelodau yn nodi'r prosiectau ac
ystadegau presennol, ac fe dderbyniodd y Pwyllgor hynny;
- Darparwyd trosolwg o'r gwaith y mae'r Adran Gwaith a
Phensiynau yn rhan ohono mewn perthynas â phrosiect Ynys Ynni Môn, drwy
Fwrdd Uchelgais Economaidd Gogledd Cymru, gyda'r nod o wneud y mwyaf o'r
buddiannau ar gyfer ardal gyfan Gogledd Cymru o orsaf bŵer niwclear
arfaethedig Wylfa B drwy ddatblygu cyfleoedd gyrfa hirdymor yn y diwydiant
pŵer a’r diwydiannau cyflenwi ategol;
- Cadarnhawyd bod trafodaethau ar y gweill rhwng yr
Adran Gwaith a Phensiynau a swyddogion Cyngor Sir Ddinbych gyda’r nod o
ddatblygu ymagwedd debyg i ymagwedd Wylfa B ar gyfer cyfleoedd sgiliau a
gyrfa ar gyfer cwmnïau sydd wedi’u lleoli yn Sir Ddinbych; ac
- roedd gwasanaethau ar gael drwy gyfrwng y Gymraeg ar
draws Gogledd Cymru.
Ar ddiwedd y drafodaeth diolchodd y Cadeirydd i
gynrychiolwyr y sefydliadau am fynychu’r cyfarfod ac am egluro eu sefyllfaoedd;
am egluro’r camsyniadau yn y gymuned ynglŷn ag effaith adleoli
gwasanaethau o'r Rhyl i'r Fflint ac am gadarnhau i’r Cyngor a’r preswylwyr fod
eu gwasanaethau ar gael i’r holl drigolion sydd eu hangen ac eisiau eu derbyn. Awgrymodd hefyd i’r ddau sefydliad, os nad oedd y wasg yn adrodd ffeithiau
llawn unrhyw benderfyniadau yn y dyfodol, efallai y dylent gysylltu â’r Cyngor
gyda’r nod o sicrhau fod preswylwyr yn derbyn y ffeithiau cyfan.
PENDERFYNWYD – bod y Pwyllgor yn derbyn y cyflwyniad ac yn
seiliedig ar y wybodaeth uchod dylid cyflwyno datganiad i’r wasg i egluro
unrhyw gamsyniadau yn y gymuned.
Dogfennau ategol: