Eitem ar yr agenda
ASESIADAU ATHRAWON A CHANLYNIADAU ARHOLIADAU DROS DRO
- Meeting of Pwyllgor Craffu Perfformiad, Dydd Iau, 29 Medi 2016 9.30 am (Item 5.)
- View the declarations of interest for item 5.
Ystyried adroddiad ar y cyd (copi ynghlwm) gan y
Prif Reolwr Addysg ac Uwch Ymgynghorydd Her GwE sy'n gofyn i’r Pwyllgor adolygu
perfformiad ysgolion yn erbyn perfformiad blaenorol a meincnodau allanol sydd
ar gael ar hyn o bryd, a nodi unrhyw feysydd posibl ar gyfer gwella.
9.40am – 10.10am
Cofnodion:
Cyflwynodd y
Pennaeth Addysg yr adroddiad (a ddosbarthwyd yn flaenorol) i roi gwybodaeth i’r
Pwyllgor Archwilio Perfformiad ynglŷn â pherfformiad ysgolion Sir
Ddinbych mewn asesiadau athrawon ac
arholiadau allanol yn ddiweddar.
Roedd yr Uwch
Ymgynghorydd Herio, GwE (canolbwynt Conwy a Sir Ddinbych), wedi crynhoi’r
adroddiad a oedd yn manylu ar ganlyniad asesiadau athrawon terfynol ar gyfer
2015/16 a’r canlyniadau arholiadau allanol dros dro ar gyfer yr un cyfnod.
Yn ystod y
cyflwyniad:
·
rhoddodd
y manylion yn yr adroddiad.
·
cadarnhaodd
y dylai’r ffigur + / - ar gyfer Ysgol Brynhyfryd yn y tabl canlyniadau arholiadau
allanol heb eu gwirio ddarllen + ac nid - 4.8%;
·
dywedodd
bod canlyniadau Sir Ddinbych yn dangos gwelliant cyffredinol ar ganlyniadau'r
flwyddyn flaenorol, er hynny nid oedd y rhan fwyaf o ysgolion wedi cyrraedd y
targedau uchelgeisiol iawn yr oeddent wedi eu gosod i’w hunain;
·
roedd
perfformiad mewn sgiliau iaith Gymraeg wedi dirywio ym mhob cam o'r asesiadau
athrawon ac oherwydd hyn, byddai GwE yn monitro’r maes hwn yn agos iawn ar
gyfer y dyfodol hyd y gellir ei ragweld.
Cafwyd trafodaeth
ac mewn ymateb i bryderon a chwestiynau'r Aelodau, roedd yr Uwch Ymgynghorydd
GwE, Aelod Arweiniol dros Addysg, ac uwch swyddogion eraill yn:
dweud fod nifer y disgyblion nad oeddent yn cyflawni Dangosydd Pwnc Craidd (DPC) ym mhob cam ac nad oeddent wedi eu nodi gydag Anghenion Dysgu Ychwanegol (ADY) yn gostwng. Roedd hyn oherwydd bod y Sir wedi rhoi manylion data ar bob disgybl ac roeddent yn gallu ymyrryd yn ystod camau cynnar yn eu haddysg. Rhoddodd hyn y gefnogaeth sydd ei hangen er mwyn sicrhau eu bod yn cyflawni'r DPC;
cadarnhawyd bod ganddynt bryderon mewn perthynas â’r potensial i golli nifer o ddisgyblion o’r sector cyfrwng Cymraeg i’r sector cyfrwng Saesneg yn ystod y cyfnod pontio o addysg gynradd i addysg uwchradd, ac yn ystod camau cynnar eu haddysg uwchradd. Byddai swyddogion yn cefnogi disgyblion a nodwyd eu bod “mewn perygl” yn ystod y cam hwn. Soniodd yr Aelod Arweiniol dros Addysg am lwyddiant ffrwd cyfrwng Cymraeg Ysgol Dinas Brân wrth gefnogi disgyblion i gyflawni gwell canlyniadau;
amlinellwyd y broses a ddilynir gan ysgolion wrth osod targedau, gan bwysleisio bod y targedau yn hynod uchelgeisiol ac yn annhebygol o gael eu bodloni. Os yw ysgol wedi cyflawni o fewn 5% o'r targed a osodwyd mae’n cael ei ystyried fel un sydd wedi cyflawni ei darged;
roedd y mwyafrif o ysgolion wedi cyflawni o fewn 5% o'r targed a osodwyd ganddynt eu hunain, gydag Ysgol Brynhyfryd yn rhagori ar ei darged a osodwyd sef 4.8%. Fodd bynnag, roedd tair ysgol wedi methu eu targed gan fwy na 5%. Y tair ysgol oedd:
ØYsgol
Ø
Uwchradd
Prestatyn
Ø
Ysgol
Uwchradd Dinbych ac
Ø
Ysgol
Uwchradd y Bendigaid Edward Jones
Roedd Ysgol Uwchradd y Bendigaid Edward Jones wedi methu eu targed, er
gwaethaf eu bod wedi dangos gwelliant o 15.4% mewn perfformiad ers y flwyddyn
flaenorol. Byddai GwE yn gweithio'n agos i gynorthwyo’r
ysgolion unigol hyn;
roedd Pennaeth newydd wedi'i benodi ar gyfer Ysgol Uwchradd Prestatyn yn ddiweddar. Roedd wedi bod yn gweithio ochr yn ochr â'r cyn Bennaeth am gyfnod o amser a byddai'n cymhwyso strategaethau addysgu tebyg i’r rhai yr oedd Pennaeth newydd Ysgol Brynhyfryd wedi bod yn eu defnyddio. Felly roedd yr Aelod Arweiniol a Swyddogion yn hyderus y byddai canlyniadau Ysgol Uwchradd Prestatyn yn gwella’n sylweddol yn y dyfodol;
·proses categoreiddio ysgolion GwE manwl, lle’r
oedd ysgolion wedi cael naill ai statws Coch, Ambr neu Wyrdd (RAG).
Roedd y Pennaeth
Addysg ac Aelodau yn mynegi eu pryderon am effaith niweidiol posibl y system
RAG. Roeddent yn teimlo bod ysgolion a ddyfarnwyd
statws “gwyrdd” iddynt mewn perygl o beidio â chyflawni eu targedau yn y
dyfodol gan y byddai’r holl gefnogaeth gan GwE yn cael ei sianelu i’r ysgolion
“coch" ac o bosibl y rhai "ambr". Roedd
yna deimlad cyfunol y dylai ysgolion gael elfen o gefnogaeth er mwyn cyflawni
gwelliant parhaus.
Cyn diwedd y
drafodaeth, roedd yr Aelodau yn canmol cyflawniad ardderchog Ysgol Brynhyfryd,
yn enwedig o gofio bod y Pennaeth newydd ond wedi bod yn ei swydd am ddau dymor
llawn.
Roedd hefyd
wedi’i nodi bod nifer o ddisgyblion ar draws y sir yn cael gwersi ychwanegol y
tu allan i oriau’r ysgol er mwyn cyrraedd eu graddau ardderchog.
Ar ddiwedd y
drafodaeth:
PENDERFYNWYD yn
amodol ar y sylwadau uchod:
(i)
llongyfarch disgyblion y sir ar eu
cyflawniadau addysgol eleni fel yr amlinellwyd yn yr adroddiad a’r sir ar ei
berfformiad yn erbyn meincnodau allanol; ac
(ii)
y dylai pob ysgol gael eu cefnogi yn unol
â hynny gyda golwg ar gyflawni'r canlyniadau gorau posibl ar gyfer eu
disgyblion.
Dogfennau ategol:
- Exams Report 290916, Eitem 5. PDF 270 KB
- Exams Report - App 1 290916, Eitem 5. PDF 256 KB
- Exams Report - App 2 290916.docx, Eitem 5. PDF 38 KB
- Exams Report - App 3 290916, Eitem 5. PDF 96 KB