Agenda and draft minutes

Ar y pwynt hwn, cadarnhawyd bod rôl Sian Williams o fewn CNC wedi newid ac nid oedd bellach yn gallu Cadeirio BGC.   Mae Martin Cox wedi cymryd lle Sian fel cynrychiolydd CNC.  Cytunodd yr Is-Gadeirydd, Iwan Davies, i gadeirio’r cyfarfod.

Cafwyd ymddiheuriadau gan Gerwyn Evans Llywodraeth Cymru, a’r Arweinydd y Cynghorydd Hugh Evans CSDd.

Cymeradwyo cofnodion y cyfarfod diwethaf a gynhaliwyd ar 15 Medi 2021 (copi ynghlwm).

Cyflwynwyd cofnodion cyfarfod Bwrdd Gwasanaethau Cyhoeddus Conwy a Sir Ddinbych a gynhaliwyd ar 15 Medi 2021.

PENDERFYNWYD y dylid derbyn a chymeradwyo cofnodion y cyfarfod a gynhaliwyd ar 15 Medi 2021 fel cofnod cywir.

Bydd y Cadeirydd yn arwain ar yr eitem hon (copi ynghlwm).

Cyflwynodd Hannah Edwards yr adroddiad olrhain camau gweithredu.

PENDERFYNWYD nodi adroddiad Olrhain camau gweithredu’r Cyfarfod.

Bydd y Cadeirydd yn arwain ar yr eitem lafar hon

Dim materion yn codi i’w trafod.

Bydd y Cadeirydd yn arwain ar yr eitem lafar hon

10.05 a.m. – 10.10 a.m.

Roedd rôl Sian Williams wedi newid o fewn CNC ac ni allai barhau fel Cadeirydd y BGC mwyach.  Martin Cox oedd cynrychiolydd CNC bellach.   Enwebwyd Iwan Davies, Is-Gadeirydd a chytunodd yn unfrydol i Gadeirio’r Bwrdd am weddill y tymor.

Mynegodd y Bwrdd eu diolch i Sian Williams, CNC, am Gadeirio BGC dros y ddwy flynedd ddiwethaf.  Cytunodd Iwan Davies i anfon nodyn o ddiolch iddi.

Cynigiodd Iwan Davies Helen MacArthur yn Is-Gadeirydd am weddill y tymor.  Cytunodd bob un a oedd yn bresennol.

PENDERFYNWYD penodi Iwan Davies yn Gadeirydd a Helen MacArthur yn Is-Gadeirydd am weddill y tymor.

Fran Lewis i roi trosolwg i'r aelodau o'r ymatebion i adroddiad y Pwyllgor Cyfrifon Cyhoeddus sy'n Cyflawni ar gyfer Cenedlaethau'r Dyfodol (copi ynghlwm).

10.10 a.m. – 10.20 a.m.

Cyflwynodd Fran Lewis yr Ymatebion i Adroddiad y Pwyllgor Cyfrifon Cyhoeddus i Gyflwyno Cenedlaethau'r Dyfodol – adroddiad o’r stori hyd yn hyn

Ym mis Mawrth 2021, cyhoeddodd Pwyllgor Cyfrifon Cyhoeddus Senedd Cymru eu casgliadau yn dilyn ymchwiliad i rwystrau gweithredu Deddf Llesiant Cenedlaethau’r Dyfodol a sut y gellid ei weithredu’n llwyddiannus yn y dyfodol.

Roedd y Pwyllgor Cyfrifon Cyhoeddus wedi cyflwyno argymhellion ac roedd ymatebion wedi'u cynnwys yn Atodiad A yr adroddiad.

Roedd y pwyntiau allweddol fel a ganlyn - 

·         Cyfrifoldeb ariannol tymor hwy i gyrff cyhoeddus.  Posibiliadau ariannu yn y dyfodol ar gyfer BGCau.  Ni fyddai unrhyw gyllid ychwanegol gan Lywodraeth Cymru ar gyfer BGCau.

·         Roedd Swyddfa Cenedlaethau'r Dyfodol wedi dyrannu pwyntiau cyswllt ar gyfer pob corff cyhoeddus yng Nghymru. Byddai hyn yn rhoi cyfleoedd ychwanegol i wella cyfathrebu, darparu cyngor a chymorth a helpu i gyfeirio at gydweithwyr eraill yn fewnol ac ar draws Cymru

·         Llywodraeth Cymru i gynnal adolygiad o’r cyrff cyhoeddus sy’n destun Deddf Llesiant Cenedlaethau’r Dyfodol erbyn haf 2022

·         Rhaid i Lywodraeth Cymru beidio â chreu unrhyw strwythurau partneriaeth neu gydweithredol newydd i gyflawni unrhyw swyddogaethau.

·         Cyfrifoldeb y Senedd oedd argymhellion 13 ac 14 o’r adroddiad.

PENDERFYNWYD bod aelodau yn nodi’r ymatebion a gafwyd i’r argymhellion a'r goblygiadau i’r BGC.

Graham Boase i ddarparu manylion yr ymgynghoriad ar Asesiad Lles Bwrdd Gwasanaethau Cyhoeddus Conwy a Sir Ddinbych 2021 (copi ynghlwm).

10.20 a.m. – 10.40 a.m.

Cyflwynodd Nicola Kneale yr adroddiad Asesiad Lles – Cymeradwyaeth ar gyfer Ymgynghori i ddarparu manylion yr ymgynghoriad ar Asesiad Lles Bwrdd Gwasanaethau Cyhoeddus Conwy a Sir Ddinbych 2021.

Roedd yr adroddiad yn disgrifio’r broses yr ymgymerwyd â hi i adfywio’r Asesiad o Les ers ei lansiad cychwynnol yn 2017, a’r camau nesaf ar gyfer lansio’r ymgynghoriad.

Yn unol â therfynau amser statudol bwriadwyd cynnal yr ymgynghoriad ar yr Asesiad o Les rhwng mis Ionawr 2022 a mis Mawrth 2022 am wyth wythnos. Unwaith y byddai unrhyw adborth gan y cyhoedd wedi’i ystyried, a newidiadau wedi’u gweithredu yn unol â hynny, byddai’r asesiad terfynol yn cael ei gyflwyno’n ôl i gyfarfod y BGC ar 23 Mawrth 2022. Byddai hyn yn caniatáu digon o amser i fodloni’r terfyn amser statudol ar gyfer cyhoeddi’r Asesiad Lles ar 5 Mai 2022.

Roedd cynllun cyfathrebu wedi’i ddatblygu er mwyn sicrhau y byddai datganiad i’r wasg yn cael ei gyhoeddi, cyhoeddi’r ymgynghoriad ar wefannau ein sefydliadau; yn ei bostio yn y cyfryngau cymdeithasol; e-bostio i bob budd-ddeiliad; hysbysu papurau newydd llafar a sefydlu arolwg ar-lein (a sicrhau bod copïau papur ar gael).  Roedd gwybodaeth bellach wedi’i chynnwys yn Atodiad B.  

Parhaodd effeithiau newid yn yr hinsawdd i fod yn fater brys, yn yr un modd â covid 19. 

Roedd seilwaith digidol yn bwysig i gynaliadwyedd cymunedau.

Yn dilyn y drafodaeth: 

PENDERFYNWYD:

·         Bod y BGC yn ystyried ac yn cymeradwyo lansiad yr ymgynghoriad ar Asesiad o Les Bwrdd Gwasanaethau Cyhoeddus Conwy a Sir Ddinbych;

·         Bod y BGC yn deall ac yn cytuno ar y dull o lansio’r ymgynghoriad cyhoeddus ar yr Asesiad o Les;

·         Bod y Bwrdd Gwasanaethau Cyhoeddus hefyd yn ystyried yr adborth a gafwyd gan Gomisiynydd Cenedlaethau’r Dyfodol ar yr asesiad o les blaenorol a oedd yn gofyn i ni fod yn fwy penodol yn ein hymateb i’r Asesiad o Les.

Bethan Jones i ddarparu diweddariad llafar ar gynhyrchu Cynllun Llesiant newydd.

10.40 a.m. – 11.00 a.m.

Dechreuodd Bethan Jones gyflwyno adroddiad llafar Cynhyrchu Cynllun Llesiant Newydd yr oedd angen ei gyhoeddi erbyn 5 Mai 2023.

Yn anffodus, ar y pwynt hwn, collodd Bethan Jones gysylltiad rhyngrwyd â’r cyfarfod.

Parhaodd Fran Lewis â’r adroddiad llafar.  

Yr her ar gyfer y Cynllun Lles newydd fyddai gallu’r BGC i wneud gwahaniaeth, ond roedd yn ymwneud â chapasiti BGC a’r adnoddau wrth law.  

Byddai cyfle i wneud hyn pe bai’r BGC yn newid eu ffocws ac yn cymryd mwy o rôl arweiniol.  Ble gallai’r BGC arwain o ran mynd i’r afael â rhwystrau, a oedd yn faes rhagnodol iawn.   Roedd cydymffurfio â deddfwriaeth yn hollbwysig. 

Roedd trafodaethau'n cael eu cynnal ynghylch y ffordd ymlaen ar gyfer dull rhanbarthol o ymgysylltu a dadansoddi ymchwil.  

PENDERFYNWYD bod y Bwrdd Gwasanaethau Cyhoeddus yn nodi'r adroddiad llafar.

Tom Barnham i ddarparu diweddariad llafar.

11.00 a.m. – 11.10 a.m.

Cafwyd Cyflwyniad Ymwybyddiaeth Gwerth Cymdeithasol gan Tom Barnham.

Pwysleisiwyd bod y gwaith sy'n cael ei wneud yn cael ei gymryd yn llawer mwy difrifol o'i fesur a'i adrodd ar werth cymdeithasol.   Roedd yn bwysig mesur a chyflwyno ymyriadau cymdeithasol mewn ffordd effeithiol. 

Cadarnhawyd bod gan leiafrif o sefydliadau staff penodedig i fesur adroddiadau gwerth cymdeithasol. Yng Nghymru fel arfer, sefydliadau allanol oedd yn mynd i'r afael â gwerth cymdeithasol.

Cytunodd yr Aelodau y gellid cysylltu her newid hinsawdd â gwerth cymdeithasol.

Cadarnhaodd Wendy Jones, CGGC eu bod yn rhan o brosiect a ariannwyd gan y loteri a bod gan y rhan fwyaf o Gynghorau Gwasanaethau Gwirfoddol staff a allai wneud y gwaith.  Yn anffodus, roedd gwaith gwerth cymdeithasol yn llafurddwys iawn ond pwysleisiodd y gallai CGGC wneud y gwaith ar ran sefydliadau pe bai angen.

Ar y pwynt hwn, diolchodd Aelodau'r Bwrdd i Tom Barnham am ei gyflwyniad hynod ddiddorol a phryfoclyd.

PENDERFYNWYD bod aelodau'r Bwrdd Gwasanaethau Cyhoeddus yn nodi'r cyflwyniad gan Tom Barnham ynghylch Gwerth Cymdeithasol.

Gerwyn Evans i ddarparu diweddariad llafar.

11.10 a.m. – 11.25 a.m.

Roedd yr eitem hon wedi'i gohirio.

Bydd y Cadeirydd yn arwain ar yr eitem hon (copi ynghlwm).

11.25 a.m. – 11.30 a.m.

Cyflwynwyd copi o gynllun gwaith i'r dyfodol y BGC a thrafodwyd y materion canlynol -

31 Ionawr 2022 - Gweithdy - Trafodaethau pellach i'w cynnal ar y Cynllun Lles a hefyd ymgynghoriad yr Asesiad Lles.

Cynhelir y cyfarfod BGC nesaf ar 23 Mawrth 2022

Cadarnhaodd y Cadeirydd, Iwan Davies, bwysigrwydd cael eitem yn y dyfodol ar Gydbwyllgorau Corfforaethol a sut y byddent yn bwydo i mewn i dirwedd ranbarthol.

Dywedodd Sarah Schofield (ADRA) y byddai Helen Kirk yn cymryd drosodd gyda Chymdeithasau Tai yn y Flwyddyn Newydd.

PENDERFYNWYD, yn amodol ar yr uchod, y dylid cymeradwyo'r rhaglen gwaith i'r dyfodol.

Diolchodd y Cadeirydd i bawb am ddod i’r cyfarfod ac am eu cyfraniadau.

Daeth y cyfarfod i ben am 11.25 a.m.