Agenda, decisions and draft minutes

Y Cynghorwyr Win Mullen-James a Pat Jones

Y Cynghorwyr Win Mullen-James a Pat Jones

Dylai’r Aelodau ddatgan unrhyw gysylltiad personol neu gysylltiad sy'n rhagfarnu mewn unrhyw fater a nodwyd i'w ystyried yn y cyfarfod hwn.

Ni ddatganwyd unrhyw gysylltiad personol na chysylltiad sy'n rhagfarnu.

Ni ddatganwyd unrhyw gysylltiad personol na chysylltiad sy'n rhagfarnu.

Rhybudd o eitemau y dylid, ym marn y Cadeirydd, eu hystyried yn y cyfarfod fel materion brys yn unol ag Adran 100B (4) Deddf Llywodraeth Leol, 1972.

Ni chafwyd unrhyw faterion brys.

Ni chafwyd unrhyw faterion brys.

PENDERFYNWYD dan ddarpariaethau Adran 100A Deddf Llywodraeth Leol 1972, gwahardd y Wasg a’r Cyhoedd o’r cyfarfod ar gyfer yr eitemau canlynol ar y sail y byddai gwybodaeth eithriedig yn debygol o gael ei datgelu fel y’i diffinnir ym Mharagraffau 12 ac 14 Rhan 4 Atodlen 12A y Ddeddf.

Ystyried adroddiad cyfrinachol gan y Pennaeth Cynllunio a Diogelu’r Cyhoedd (copi ynghlwm) yn gofyn i aelodau adolygu trwydded i yrru cerbydau hacni a cherbydau hurio preifat o ran Gyrrwr Rhif 047857.

PENDERFYNWYD rhoi rhybudd ffurfiol i Yrrwr Rhif 047857 ynglŷn â difrifoldeb y digwyddiad a’i ymddygiad yn y dyfodol.

[Dygwyd yr eitem hon yn ei blaen o fewn trefn y rhaglen gyda chydsyniad y Cadeirydd]

Cyflwynwyd adroddiad cyfrinachol gan y Pennaeth Cynllunio a Gwarchod y Cyhoedd (a ddosbarthwyd yn flaenorol) ynglŷn ag –

(i)           addasrwydd Gyrrwr Rhif 047857 i ddal trwydded i yrru cerbydau hacni a cherbydau hurio preifat;

(ii)          honiad o ymosodiad wedi cael ei wneud yn erbyn Gyrrwr Rhif 047857 ar 11 Awst 2014, yr ymchwiliwyd iddo gan Swyddogion Gorfodaeth Trwyddedu (mae crynodeb o’r ffeithiau ynghyd â datganiadau tystion a dogfennau cysylltiedig wedi eu hatodi i’r adroddiad);

(iii)         y Pwyllgor Trwyddedu ar 3 Rhagfyr 2014 wedi gohirio ystyried addasrwydd y Gyrrwr, wrth aros am ganlyniad achos troseddol yn yr achos hwn (manylion a oedd wedi’u hatodi fel adroddiad atodol), a

(iv)         bod y Gyrrwr wedi cael ei wahodd i fod yn bresennol yn y cyfarfod tra adolygir ei drwydded er mwyn gallu ateb cwestiynau’r aelodau ynglŷn â hynny.

Roedd y Gyrrwr yn bresennol yn y cyfarfod yng nghwmni ei gynrychiolydd cyfreithiol a'i gyflogwr.  Yn dilyn cyflwyniadau, cadarnhaodd y Gyrrwr ei fod wedi cael yr adroddiad a gweithdrefnau’r pwyllgor.  Cyflwynodd y Swyddog Gorfodi Trwyddedu'r (HB) adroddiad a manylodd ar ffeithiau’r achos.  Dangoswyd recordiad TCC o'r digwyddiad a oedd yn destun yr adroddiad i'r Pwyllgor Trwyddedu, ac fe gafodd ei ailchwarae nifer o weithiau trwy gydol y gwrandawiad ar gais yr aelodau.

Cyflwynodd cynrychiolydd cyfreithiol y Gyrrwr nifer o eirdaon ysgrifenedig yn cadarnhau cymeriad da ei chleient, a dywedodd ei fod wedi bod yn gweithio fel gyrrwr tacsi heb ddigwyddiadau blaenorol.  Esboniodd yr amgylchiadau ynghylch ple ei chleient yn Llys yr Ynadon, a'i barodrwydd i dderbyn ei ran yn y digwyddiad a chymryd cyfrifoldeb am ei weithredoedd.  Mewn camau lliniaru pellach, fe fanylodd ar fersiwn ei chleient o’r digwyddiadau yn arwain at y digwyddiad, ac yn ystod y digwyddiad a oedd ar y TCC, ynghyd â'i edifeirwch gwirioneddol.  Wrth ystyried y dystiolaeth a gyflwynwyd, tynnodd sylw at nifer o anghysondebau yn natganiadau’r tystion a roddwyd, gan ddadlau yn erbyn hygrededd y tystion hynny na ellid dibynnu arnynt.  O ganlyniad, roedd hi'n dadlau, o ystyried amgylchiadau'r achos, bod ymateb ei chleient yn ddealladwy, er bod hynny’n groes i’w gymeriad yn llwyr, a’i fod yn berson addas a phriodol i ddal trwydded tacsi.

Holodd Aelodau gwestiynau i'r Gyrrwr ynghylch ei fersiwn ef o ddigwyddiadau, gan gynnwys ei farn am y digwyddiad a chanlyniad yr achos troseddol yn yr achos hwn.  Fe wnaeth y Gyrrwr gydnabod bod ei ymddygiad wedi bod yn annerbyniol, gan fynegi ei ofid dwfn am y digwyddiad ac ymddiheurodd yn llaes.  Roedd gan y Gyrrwr gefnogaeth lawn ei gyflogwr a siaradodd ar ei ran ac ymatebodd i gwestiynau ynghylch ei gyflogaeth, a chadarnhau ei fod yn weithiwr gwerthfawr.  Cyfeiriodd hefyd at ei rwystredigaeth ynghylch elfennau o fasnach tacsis y Rhyl yn gyffredinol, sy’n peri tensiwn ac i yrwyr trwyddedig anghytuno â’i gilydd.

Gwnaeth y cynrychiolydd cyfreithiol ddatganiad terfynol yn crynhoi ei chyflwyniadau cynharach a oedd yn tystio i gymeriad da ei chleient, gan dynnu sylw at y sefyllfa eithafol a wynebodd, a’i ofid diffuant a’i barodrwydd i gymryd cyfrifoldeb am ei weithredoedd.  Fe apeliodd i’r pwyllgor i beidio â thynnu ei drwydded oddi arno, gan ddadlau nad oedd unrhyw sail gyfreithiol i atal neu ddirymu yn yr achos hwn.

Ar y pwynt hwn torrodd y pwyllgor i ystyried yr achos a -

PHENDERFYNWYD rhoi rhybudd ffurfiol i Yrrwr Rhif 047857 ynglŷn â difrifoldeb y digwyddiad a’i ymddygiad yn y dyfodol.

Dyma oedd y rhesymau am benderfyniad y Pwyllgor Trwyddedu –

Yn ystod trafodaethau, ystyriodd yr aelodau ddifrifoldeb y digwyddiad ac er bod pryderon difrifol dros  ...  view the full Cofnodion text for item 4.

Ystyried adroddiad cyfrinachol gan y Pennaeth Cynllunio a Diogelu’r Cyhoedd (copi ynghlwm) yn gofyn i aelodau adolygu trwydded i yrru cerbydau hacni a cherbydau hurio preifat o ran Gyrrwr Rhif 047689.

PENDERFYNWYD bod Gyrrwr Rhif 047689 yn cael ei rybuddio ynghylch difrifoldeb y digwyddiad ac y caiff rhybudd ysgrifenedig terfynol ei gyhoeddi ynghylch ei ymddygiad yn y dyfodol.

Cyflwynwyd adroddiad cyfrinachol gan y Pennaeth Cynllunio a Gwarchod y Cyhoedd (a ddosbarthwyd yn flaenorol) ynglŷn ag –

(i)           addasrwydd Gyrrwr Rhif 047689 i ddal trwydded i yrru cerbydau hacni a cherbydau hurio preifat;

(ii)          honiad o ymosodiad wedi cael ei wneud yn erbyn Gyrrwr Rhif 047689 ar 11 Awst 2014, yr ymchwiliwyd iddo gan Swyddogion Gorfodaeth Trwyddedu (roedd crynodeb o’r ffeithiau ynghyd â datganiadau tystion a dogfennau cysylltiedig wedi eu hatodi i’r adroddiad);

(iii)         y Pwyllgor Trwyddedu ar 3 Rhagfyr 2014 wedi gohirio ystyried addasrwydd y Gyrrwr, wrth aros am ganlyniad achos troseddol yn yr achos hwn (manylion a oedd wedi’u hatodi fel adroddiad atodol), a

(iv)         gofynnwyd i’r Gyrrwr fod yn bresennol mewn cyfarfod i gefnogi ei adolygiad trwydded ac ymateb i gwestiynau aelodau ar hynny.

Roedd y Gyrrwr yn bresennol yn y cyfarfod ac yn dilyn cyflwyniadau, cadarnhaodd ei fod wedi cael yr adroddiad a gweithdrefnau’r pwyllgor.  Cyflwynodd y Swyddog Gorfodi Trwyddedu'r (HB) adroddiad a manylodd ar ffeithiau’r achos.  Dangoswyd recordiad TCC o'r digwyddiad a oedd yn destun yr adroddiad i'r Pwyllgor Trwyddedu, ac fe gafodd ei ailchwarae nifer o weithiau trwy gydol y gwrandawiad ar gais yr aelodau.

Fel cam lliniaru, cyflwynodd y Gyrrwr ddatganiad ysgrifenedig gan ei Gyfreithwyr a oedd yn cynnwys cyfeiriad at ganlyniad yr achos troseddol yn yr achos hwn ac amgylchiadau'r drosedd.  O ystyried y manylion hynny, ynghyd â'r amser ers y digwyddiad pan oedd y gyrrwr wedi parhau i yrru tacsis, byddai dirymu trwydded y Gyrrwr yn anghyfiawn yn yr achos hwn.  Hefyd, eglurodd y Gyrrwr ei fersiwn ef o'r digwyddiadau yn arwain at y digwyddiad ac fe siaradodd am y recordiad TCC gyda’r aelodau, gan wadu'r honiad o ymosod a phwysleisio ei fod yn ddieuog o unrhyw drosedd.

Holodd yr Aelodau’r Gyrrwr ynghylch y dystiolaeth a gyflwynwyd a’i ymddygiad cyn, yn ystod ac ar ôl y digwyddiad.  Ymatebodd y Gyrrwr i gwestiynau'r aelodau a gwadodd yr honiad o ymosod ond mynegodd ofid dros wrthdaro â’r ymosodwr ac ymhelaethodd ymhellach ar ei fwriadau a’r gweithredoedd yn ystod y digwyddiad.  Wrth fynegi ei edifeirwch, fe wnaeth y Gyrrwr gydnabod sut y byddai'r digwyddiad yn cael ei ystyried gan y cyhoedd ac fe dderbyniodd hefyd y dylai wedi delio â’r sefyllfa'n wahanol.  Cyfeiriodd at ei awydd i barhau â'i broffesiwn fel gyrrwr tacsi a rhoddodd sicrwydd pendant ynghylch ei ymddygiad yn y dyfodol.

Yn ei ddatganiad terfynol, dywedodd y Gyrrwr ei fod yn mwynhau ei swydd ac yn dda yn ei swydd, ac apeliodd i'r pwyllgor i beidio â dirymu ei drwydded.

Ar y pwynt hwn torrodd y pwyllgor i ystyried yr achos a -

PENDERFYNWYD bod Gyrrwr Rhif 047689 yn cael ei rybuddio ynghylch difrifoldeb y digwyddiad ac y caiff rhybudd ysgrifenedig terfynol ei gyhoeddi ynghylch ei ymddygiad yn y dyfodol.

 [Roedd y Cynghorydd Stuart Davies am i nodyn gael ei wneud iddo bleidleisio yn erbyn y penderfyniad uchod.]

Dyma oedd y rhesymau am benderfyniad y Pwyllgor Trwyddedu –

Rhoddodd Aelodau ystyriaeth ofalus i’r holl dystiolaeth a gyflwynwyd a datganiadau'r Gyrrwr i gefnogi ei achos, a’i atebion i’r cwestiynau.  Ystyriwyd bod y Gyrrwr wedi achosi’r digwyddiad ac roedd aelodau yn feirniadol iawn o'i ymddygiad a oedd wedi dwyn anfri ar y Cyngor.  Codwyd pryderon hefyd fod y Gyrrwr wedi cael ei ddwyn gerbron y pwyllgor yn flaenorol, yn ymwneud â materion ymddygiad.  Wrth asesu addasrwydd y Gyrrwr fel gyrrwr trwyddedig, ystyriodd yr aelodau bod elfennau o'r recordiad TCC yn amhendant, ond roedd y Gyrrwr wedi cymryd rhywfaint o gyfrifoldeb am y digwyddiadau.  Cydnabuwyd hefyd ei fod wedi parhau i yrru ers hynny heb ddigwyddiad ac wedi mynegi edifeirwch am ei weithredoedd.  ...  view the full Cofnodion text for item 5.