Agenda, decisions and draft minutes

Ni chafwyd unrhyw ymddiheuriadau.

Ni chafwyd unrhyw ymddiheuriadau.

Yr Aelodau i ddatgan unrhyw gysylltiad personol neu gysylltiad sy’n rhagfarnu ag unrhyw fater a nodwyd i’w ystyried yn y cyfarfod hwn.

Ni ddatganwyd unrhyw gysylltiad.

Ni ddatganwyd unrhyw gysylltiad.

Hysbysiad o eitemau y dylid, ym marn y Cadeirydd, eu hystyried yn y cyfarfod fel materion brys yn unol ag Adran 100B(4) Deddf Llywodraeth Leol 1972.

Ni chodwyd unrhyw faterion brys.

Ni chodwyd unrhyw faterion brys.

Derbyn cofnodion cyfarfod y Pwyllgor Trwyddedu a gynhaliwyd ar 11 Medi 2024 (copi ynghlwm).

PENDERFYNWYD derbyn cofnodion y cyfarfod a gynhaliwyd ar 11 Medi 2024 a chadarnhau eu bod yn gywir.

Cyflwynwyd cofnodion cyfarfod y Pwyllgor Trwyddedu a gynhaliwyd ar 11 Medi 2024.

PENDERFYNWYD derbyn cofnodion y cyfarfod a gynhaliwyd ar 11 Medi 2024 a chadarnhau eu bod yn gywir.

Ystyried rhaglen waith y Pwyllgor Trwyddedu (copi ynghlwm).

PENDERFYNWYD derbyn a chymeradwyo’r rhaglen waith i’r dyfodol.

Cyflwynodd y Rheolwr Gwarchod y Cyhoedd, Adfywio a Datblygu Economaidd (PPREDM) raglen waith y Pwyllgor i’w hystyried. 

Mae’r rhaglen waith yn cyfeirio at flaenoriaethau’r Pwyllgor Trwyddedu, polisïau perthnasol a dyddiadau adolygu ynghyd ag unrhyw newidiadau deddfwriaethol.  Tynnwyd sylw’r aelodau at yr eitem sefydlog ar gyfer pob cyfarfod ar Weithdrefnau Arbennig a oedd yn dilyn cyflwyniad y cynllun trwyddedu gweithdrefnau arbennig gorfodol newydd ddaeth i rym ar 29 Tachwedd 2024.   Tra bod hyfforddiant cychwynnol wedi cael ei ddarparu i aelodau yn y cyswllt hynny byddai hyfforddiant pellach yn cael ei ddarparu yn y dyfodol agos cyn i unrhyw eitemau gweithdrefnau arbennig gael eu cyflwyno i’r Pwyllgor. 

Ymatebodd y PPREDM i gwestiynau aelodau yn cadarnhau fod Gweithdrefnau Arbennig wedi cynnwys gweithdrefnau fel tatŵio a thyllu’r corff a bod angen gweld trwydded yr eiddo a’r ymarferwyr.  O ran adnoddau roedd pwysau gweinyddol cychwynnol i drosglwyddo ymarferwyr cofrestredig presennol i’r cynllun newydd ond roedden nhw eisoes wedi bod yn destun arolwg ac roedd adnoddau ar gael i barhau gyda’r gwaith wrth symud ymlaen i fusnes fel arfer.   Cadarnhawyd hefyd fod y rhan fwyaf o swyddogaethau o dan y ddeddfwriaeth newydd wedi cael eu dirprwyo i swyddogion ac mai dim ond mewn achosion penodol fel gwrthod trwydded posib neu ddiddymu trwydded y dylai’r mater gael ei gyflwyno o flaen y Pwyllgor cyn gwneud penderfyniad arno.

Atgoffodd y Cadeirydd yr aelodau fod yr hyfforddiant trwyddedu mewn perthynas â phwyllgorau, trwyddedau tacsis a’r Ddeddf Drwyddedu 2003 wedi cael ei drefnu ar gyfer y prynhawn hwnnw.

PENDERFYNWYD derbyn a chymeradwyo’r rhaglen waith.

PENDERFYNWYD gwahardd y Wasg a’r Cyhoedd o’r cyfarfod ar gyfer yr eitemau canlynol, dan ddarpariaethau Adran 100A Deddf Llywodraeth Leol 1972, ar y sail y byddai gwybodaeth eithriedig yn debygol o gael ei datgelu fel y’i diffinnir ym mharagraffau 12 a 13 Rhan 4 Atodlen 12A y Ddeddf.

Ystyried adroddiad cyfrinachol gan Bennaeth Cynllunio, Gwarchod y Cyhoedd a Gwasanaethau Cefn Gwlad (copi ynghlwm) yn gofyn i aelodau wneud penderfyniad ynglŷn â chais gan Ymgeisydd Rhif 578447 am drwydded i yrru cerbyd hacni a cherbydau hurio preifat.

PENDERFYNWYD bod Ymgeisydd Rhif 578447 yn unigolyn cymwys ac addas i feddu at Drwydded Yrru Cerbyd Hacni a Cherbydau Hurio Preifat a chymeradwyo’r cais ar yr amod bod yr awdurdod lleol yn derbyn Tystysgrif GDG gyfredol a boddhaol.

Cyflwynwyd adroddiad cyfrinachol gan y Pennaeth Cynllunio, Gwarchod y Cyhoedd a Gwasanaethau Cefn Gwlad (a ddosbarthwyd ymlaen llaw) ynglŷn â’r canlynol –

(i)             cais a dderbyniwyd am drwydded i yrru cerbyd hacni a cherbydau hurio preifat gan Ymgeisydd Rhif 578447;

(ii)            penderfyniad swyddogion i atgyfeirio'r cais at y Pwyllgor Trwyddedu i benderfynu arno oherwydd amgylchiadau penodol yr achos;

(iii)          mae’r Ymgeisydd wedi derbyn euogfarn ym mis Hydref 2019 ar gyfer ymosodiad cyffredin a heb ddatgan trosedd yrru fechan ar ei gais (bod yna ddim pwyntiau cosb ar ei drwydded yrru gan y DVLA);

(iv)          darparwyd gwybodaeth gefndir a dogfennau cysylltiedig yn ymwneud â’r achos yn cynnwys manylion yr euogfarnau a gafwyd ac eglurhad yr Ymgeisydd o’r digwyddiadau, datganiad personol, a geirda o ran cymeriad gan ei gyflogwr presennol; 

(v)           polisi’r Cyngor mewn perthynas â pherthnasedd euogfarnau ac addasrwydd yr ymgeiswyr a thrwyddedau; a

(vi)          gwahoddwyd yr Ymgeisydd i fynychu’r cyfarfod i gefnogi’r cais ac i ateb cwestiynau’r Aelodau wedi hynny.

Roedd yr ymgeisydd yn bresennol er mwyn cefnogi ei gais.

Cyflwynodd y Swyddog Gorfodi Trwyddedu (NS) yr adroddiad a ffeithiau’r achos.

Cynghorwyd Aelodau o’r gofyniad i’r Ymgeisydd gyflwyno Tystysgrif Gwasanaeth Datgelu a Gwahardd diweddar (o ystyried fod y ddogfen wreiddiol yn fwy na thri mis oed) a disgwylir y dystysgrif yn fuan.  Mae’r Ymgeisydd wedi sicrhau fod yna ddim newidiadau i’r Dystysgrif y Gwasanaeth Datgelu a Gwahardd.

Mae’r Ymgeisydd wedi egluro’r amgylchiadau ynghylch yr euogfarn, heb unrhyw drais neu fwriad, ac wedi mynegi edifeirwch am y digwyddiad.   Mynegodd ei fod yn ddyn teulu a ddim o natur dreisgar.

Gofynnwyd am eglurhad ar y dolenni polisi i droseddau yn cynnwys trais yn yr achos hwn ac fe eglurodd y Swyddog Gorfodi Trwyddedu y diffiniad cyfreithiol a graddfa symudol gydag ymosodiad cyffredinol ar y lefel isaf heb achosi unrhyw anafiadau yn yr achos penodol hwn.  Darparodd polisi’r Cyngor grynodeb cyffredinol o droseddau o’r fath ac roedd gwaith yn cael ei wneud yn genedlaethol er mwyn adlewyrchu’r natur fanwl o droseddau o’r fath mewn polisi’r dyfodol wrth symud ymlaen.  Wrth ymateb i gwestiynau fe eglurodd yr Ymgeisydd sut yr oedd y llysoedd wedi cael gwared ar y drosedd a chynghorodd nad oedd wedi cael unrhyw euogfarnau eraill cyn nac ar ôl y drosedd.   Cadarnhaodd ei alwedigaeth bresennol a oedd yn cynnwys gyrru a dyma’r rheswm y tu ôl i’w gais a’i fwriad am gyflogaeth yn y dyfodol.   Darparodd eglurhad ynghylch y drosedd yrru fychan a’i fethiant i’w ddatgelu ar y cais.

O ran datganiad terfynol yr Ymgeisydd fe gadarnhaodd nad oedd ganddo unrhyw beth i’w ychwanegu.

Gohiriwyd y Pwyllgor er mwyn ystyried y cais a –

PENDERFYNWYD bod Ymgeisydd Rhif 578447 yn unigolyn cymwys ac addas i feddu at Drwydded Yrru Cerbyd Hacni a Cherbydau Hurio Preifat a chymeradwyo’r cais ar yr amod bod yr awdurdod lleol yn derbyn Tystysgrif GDG gyfredol a boddhaol.

[Ni bleidleisiodd y Cynghorydd Paul Keddie ar y mater am nad oedd yn bresennol ar gyfer yr holl eitem.]

Dyma resymau’r Pwyllgor Trwyddedu dros y penderfyniad –

Roedd yr aelodau wedi ystyried y dystiolaeth yn ofalus wrth wneud eu penderfyniad.

Ystyriodd y Pwyllgor bod yr Ymgeisydd wedi ei gael yn euog am drosedd yn ymwneud â thrais, a rhoddwyd cryn bwysau i’r euogfarn honno gan mai nod cyffredinol yr awdurdod trwyddedu wrth wneud ei waith yn ymwneud â thrwyddedu gyrwyr oedd gwarchod y cyhoedd.   Gwelodd hefyd ei fod yn fater difrifol yn unol â’u canllawiau polisi ynghylch troseddau yn ymwneud  â thrais.

Ystyriodd yr aelodau’r canllawiau polisi oedd yn nodi na ddylid rhoi trwydded am 10 mlynedd wedi i’r ddedfryd am drosedd yn ymwneud â thrais ddod i  ...  view the full Cofnodion text for item 6.