Agenda, decisions and draft minutes

Cyflwynodd y Cadeirydd Mr Nashwan Fazlani a’i groesawu i’r cyfarfod fel Ymgynghorydd Cyfreithiol y Pwyllgor Trwyddedu.

 

 

Cynghorwyr Ellie Chard, Brian Jones, ac Andrea Tomlin

 

 

Y Cynghorwyr Ellie Chard, Brian Jones, ac Andrea Tomlin

 

 

Aelodau i ddatgan unrhyw gysylltiad personol neu sy’n rhagfarnu ag unrhyw fusnes a nodwyd i’w ystyried yn y cyfarfod hwn.

 

Ni ddatganwyd unrhyw gysylltiad.

 

 

Ni ddatganwyd unrhyw gysylltiad.

 

 

Hysbysiad o eitemau y dylid, ym marn y Cadeirydd, gael eu hystyried yn y cyfarfod fel materion brys yn unol ag Adran 100B(4) o Ddeddf Llywodraeth Leol 1972.

 

Ni nodwyd unrhyw faterion brys.

 

 

Ni nodwyd unrhyw faterion brys.

 

 

Derbyn cofnodion cyfarfod y Pwyllgor Trwyddedu a gynhaliwyd ar 5 Mehefin 2024 (copi ynghlwm).

 

PENDERFYNWYD derbyn cofnodion y cyfarfod a gynhaliwyd ar 5 Mehefin 2024 a chadarnhau eu bod yn gywir.

 

 

Cyflwynwyd cofnodion cyfarfod y Pwyllgor Trwyddedu a gynhaliwyd ar 5 Mehefin 2024.

 

PENDERFYNWYD derbyn cofnodion y cyfarfod a gynhaliwyd ar 5 Mehefin 2024 a chadarnhau eu bod yn gywir.

 

 

Ystyried adroddiad gan Bennaeth Cynllunio, Gwarchod y Cyhoedd a Gwasanaethau Cefn Gwlad (copi ynghlwm) ar flaenoriaethau’r Adain Drwyddedu ynghyd â’r rhaglen waith ddiwygiedig.

 

PENDERFYNWYD –

                    

(a)      nodi cynnwys yr adroddiad, a

 

(b)      chymeradwyo’r rhaglen waith ar gyfer 2024/25 fel y manylir yn Atodiad A yr adroddiad.

 

 

Cyflwynodd yr Uwch Swyddog Trwyddedu adroddiad (dosbarthwyd ymlaen llaw) ar flaenoriaethau’r Adain Drwyddedu, ynghyd â diweddariad i’r rhaglen waith ar gyfer 2024/25.

 

Yr oedd blaenoriaethau’r Adain Drwyddedu yn adlewyrchu’r ddyletswydd a roddir ar yr Awdurdod mewn perthynas â’i gyfrifoldebau o ran ei swyddogaeth drwyddedu, a rheoleiddio, rheoli a gorfodi deiliaid trwyddedau yn effeithiol, yn ogystal ag ymrwymiad yr Awdurdod i greu cymunedau mwy diogel a datblygu’r economi. Roedd y rhaglen waith wedi'i drafftio gan ystyried polisïau perthnasol a dyddiadau adolygu, ynghyd ag unrhyw newidiadau deddfwriaethol posibl a gynigiwyd.

 

Roedd nifer o eitemau ar y rhaglen waith wedi cael eu haildrefnu neu eu dileu a chafodd rhaglen waith ddiwygiedig ei chyflwyno i’w hystyried.

 

Rhoddwyd y wybodaeth ddiweddaraf am yr eitemau hynny a gafodd eu haildrefnu / a gafodd eu dileu a oedd yn ymwneud â –

 

·       Tariff Cerbydau Hacni - yn eu cyfarfod diwethaf, roedd yr aelodau wedi cytuno i gadw’r ffioedd presennol ac adolygu’r sefyllfa mewn 12 mis (Mehefin 2025)

·       Gweithdrefnau Arbennig - ni chafwyd diweddariad pellach ar yr eitem hon

·       Cerbydau Hygyrch i Gadeiriau Olwyn - symudwyd yr eitem hon i fis Mawrth 2025 fel bod aelodau’n gallu ystyried canlyniadau’r ymgynghoriad ar yr adolygiad o ofynion trwyddedu.

 

Nododd yr aelodau’r diwygiadau arfaethedig i’r rhaglen waith.

 

PENDERFYNWYD –

                    

(a)      nodi cynnwys yr adroddiad, a

 

(b)      chymeradwyo’r rhaglen waith ar gyfer 2024/25 fel y manylir yn Atodiad A yr adroddiad.

 

 

PENDERFYNWYD o dan Adran 100A Deddf Llywodraeth Leol 1972, y dylid gwahardd y Wasg a'r Cyhoedd o'r cyfarfod ar gyfer yr eitemau busnes a ganlyn ar y sail ei fod yn ymwneud â datgelu gwybodaeth eithriedig fel y'i diffinnir ym Mharagraff 12 Rhan 4 Atodlen 12A y Ddeddf.

 

 

Ystyried adroddiad cyfrinachol gan y Pennaeth Cynllunio, Gwarchod y Cyhoedd a Gwasanaethau Cefn Gwlad (copi ynghlwm) yn gofyn i aelodau adolygu trwydded cerbyd hacni a cherbyd hurio preifat mewn perthynas â Gyrrwr rhif 507343.

9.45 am – 10.30 am

 

PENDERFYNWYD fod Gyrrwr Rhif 507343 yn unigolyn cymwys ac addas i feddu ar Drwydded Gyrrwr Cerbyd Hacni a Hurio Preifat a bod rhybudd ysgrifenedig yn cael ei roi mewn cysylltiad â’r euogfarnau yr oedd ganddynt.

 

 

Cyflwynwyd adroddiad cyfrinachol gan y Pennaeth Cynllunio, Gwarchod y Cyhoedd a Gwasanaethau Cefn Gwlad (a ddosbarthwyd ymlaen llaw) ynglŷn â’r canlynol –

 

(i)             pa mor addas oedd Gyrrwr Rhif 507343 i feddu ar drwydded i yrru cerbydau hacni a cherbydau hurio preifat yn dilyn euogfarnau a gafwyd ym mis Gorffennaf 2024 am fod yn berchen ar gerbyd sy’n cael ei ddefnyddio fel cerbyd hurio preifat heb drwydded a defnyddio cerbyd ar ffordd neu mewn lle cyhoeddus heb yswiriant trydydd parti;  

 

(ii)            penderfyniad swyddogion i atgyfeirio'r mater at y Pwyllgor Trwyddedu i benderfynu arno oherwydd amgylchiadau penodol yr achos;

 

(iii)          gwybodaeth gefndir a dogfennau cysylltiedig a ddarparwyd yn cynnwys manylion crynodeb o’r achos a’r ddirwy/pwyntiau cosb a gafwyd ynghyd â datganiadau ysgrifenedig gan y Gyrrwr yn cynnwys datganiad ategol a geirdaon ar sail cymeriad;

 

(iv)          polisi’r Cyngor mewn perthynas â pherthnasedd euogfarnau ac addasrwydd yr ymgeiswyr a thrwyddedau; a

 

(v)           gwahoddwyd y Gyrrwr i fynychu’r cyfarfod i gefnogi’r adolygiad o’r drwydded ac i ateb cwestiynau’r aelodau wedi hynny.

 

Roedd y Gyrrwr yn bresennol i gefnogi’r adolygiad o’i drwydded.

 

Cyflwynodd y Swyddog Gorfodi Trwyddedu (NS) yr adroddiad a ffeithiau’r achos.

 

Cyfeiriodd y Gyrrwr at ei ddatganiad ysgrifenedig oedd yn rhan o’r adroddiad a dangosodd edifeirwch mawr am ei weithredoedd, tynnodd sylw at ei ymddygiad da yn flaenorol a rhoddodd sicrwydd am ei ymddygiad yn y dyfodol a’r gwersi a ddysgodd. Wrth ymateb i gwestiynau, ymhelaethodd y Gyrrwr am amgylchiadau'r euogfarnau a’r rhesymau am ei weithredoedd, gan gydnabod canlyniadau’r gweithredoedd hynny a’i benderfyniadau gwael, a chyfeiriodd at y camau yr oedd wedi eu cymryd ers hynny i sicrhau ail gerbyd trwyddedig os bydd rhywbeth tebyg yn digwydd yn y dyfodol.

 

O ran datganiad terfynol, cadarnhaodd y Gyrrwr nad oedd ganddo unrhyw beth i’w ychwanegu.

 

Gohiriwyd y Pwyllgor er mwyn ystyried y cais a –

 

PENDERFYNWYD bod Gyrrwr Rhif 507343 yn unigolyn cymwys ac addas i feddu ar Drwydded Gyrrwr Cerbyd Hacni a Hurio Preifat a bod rhybudd ysgrifenedig yn cael ei roi mewn cysylltiad â’r euogfarnau a gafodd.

 

Dyma resymau’r Pwyllgor Trwyddedu dros y penderfyniad –

 

Roedd yr aelodau wedi ystyried y dystiolaeth yn ofalus wrth wneud eu penderfyniad. Er nad oedd posib i’r Pwyllgor ailedrych ar ddarganfyddiadau’r euogfarn, roedd yn bosib iddynt ystyried yr amgylchiadau cyffredinol y tu ôl iddi wrth ystyried a oedd y Gyrrwr yn unigolyn cymwys ac addas i feddu ar drwydded yrru a/neu unrhyw gamau ffurfiol i’w cymryd.

 

Yn unol â chanllawiau polisi perthnasol ac oherwydd bod diogelwch y cyhoedd yn ystyriaeth hollbwysig i awdurdod trwyddedu o ran trwyddedau gyrwyr, roedd yr aelodau’n cymryd yr euogfarn o ddifri gan ei bod yn ymwneud ag yswiriant cerbyd. Roedd yr aelodau’n hynod o bryderus am y mater hwn, gan nodi bod y Gyrrwr wedi gwneud penderfyniadau gwael iawn. Roeddent yn ystyried nad oedd ei ymddygiad yn cyrraedd y safon uchel oedd yn ofynnol gan yrwyr trwyddedig.

 

Wrth wneud eu penderfyniad, roedd yr aelodau wedi rhoi llawer o bwysau ar hanes blaenorol y Gyrrwr, oedd yn rhagorol. Roedd yn galonogol bod y Gyrrwr wedi cydweithredu’n llawn â’r Awdurdodau Trwyddedu oedd yn rhan o’r achos. Cawsant eu calonogi hefyd gan gyfaddefiad llawn a didwyll y Gyrrwr i’r Swyddogion Trwyddedu a rhoddwyd pwysau mawr ar hynny wrth wneud eu penderfyniad bod y Gyrrwr yn parhau yn unigolyn cymwys ac addas i feddu ar drwydded.

 

Cafodd yr aelodau eu calonogi hefyd gan y ffaith bod y Gyrrwr wedi cymryd camau ers yr euogfarn i sicrhau ail gerbyd trwyddedig y gellid ei ddefnyddio pe bai’r Gyrrwr yn yr un sefyllfa eto. Roedd yr aelodau’n fodlon â’r camau adferol a gymerwyd.

 

Wedi ystyried yr amgylchiadau  ...  view the full Cofnodion text for item 6.

Ystyried adroddiad cyfrinachol gan y Pennaeth Cynllunio, Gwarchod y Cyhoedd a Gwasanaethau Cefn Gwlad (copi ynghlwm) yn gofyn i aelodau benderfynu ar gais am drwydded cerbyd hacni a cherbyd hurio preifat gan Ymgeisydd Rhif 577925.

10.30 am – 11.30 am

 

PENDERFYNWYD fod Ymgeisydd Rhif 577925 yn unigolyn cymwys ac addas i feddu ar Drwydded Gyrrwr Cerbyd Hacni a Hurio Preifat a bod y cais yn cael ei gymeradwyo yn amodol ar gwblhau’r holl wiriadau arferol sy’n gysylltiedig â’r math yma o gais yn llwyddiannus, a chwblhau’r Prawf Gwybodaeth i’r safon gofynnol.

 

 

Cyflwynwyd adroddiad cyfrinachol gan y Pennaeth Cynllunio, Gwarchod y Cyhoedd a Gwasanaethau Cefn Gwlad (a ddosbarthwyd ymlaen llaw) ynglŷn â’r canlynol –

 

(i)             cais a dderbyniwyd am drwydded i yrru cerbyd hacni a cherbydau hurio preifat gan Ymgeisydd Rhif 577925;

 

(ii)            penderfyniad swyddogion i atgyfeirio'r cais at y Pwyllgor Trwyddedu i benderfynu arno oherwydd amgylchiadau penodol yr achos;

 

(iii)          roedd yr Ymgeisydd wedi cael euogfarn ym mis Tachwedd 2011 am gynllwynio/cynhyrchu cyffur rheoledig canabis Dosbarth B, ynghyd ag euogfarnau moduro a gafwyd rhwng Gorffennaf 2021 a Rhagfyr 2022 am oryrru (mae ganddo chwe phwynt cosb dilys ar ei drwydded yrru DVLA ar hyn o bryd);

 

(iv)          darparwyd gwybodaeth gefndir a dogfennau cysylltiedig yn ymwneud â’r achos yn cynnwys manylion yr euogfarnau a gafwyd ac eglurhad yr Ymgeisydd o’r digwyddiadau, datganiad personol a geirda o ran cymeriad gan ei gyflogwr presennol; 

 

(v)           polisi’r Cyngor mewn perthynas â pherthnasedd euogfarnau ac addasrwydd yr ymgeiswyr a thrwyddedau; a

 

(vi)          gwahoddwyd yr Ymgeisydd i fynychu’r cyfarfod i gefnogi’r cais ac i ateb cwestiynau’r Aelodau wedi hynny.

 

Roedd yr ymgeisydd yn bresennol i gefnogi ei gais.

 

Cyflwynodd y Swyddog Gorfodi Trwyddedu (NS) yr adroddiad a ffeithiau’r achos.

 

Cyfeiriodd yr Ymgeisydd at ei ddatganiad ysgrifenedig oedd yn rhan o’r adroddiad a darllenodd ddatganiad ysgrifenedig a baratowyd ymlaen llaw i gefnogi ei gais. Rhoddodd rywfaint o gyd-destun i’r euogfarnau a gafwyd, a’i amgylchiadau personol yn cynnwys hanes ei yrfa hyd yma a’i rinweddau personol, gyda’r bwriad o ddangos ei fod yn unigolyn cymwys ac addas i feddu ar drwydded.

 

Ymatebodd yr Ymgeisydd i gwestiynau am ei gyflogaeth ar hyn o bryd, oedd hefyd yn ymwneud â chludo teithwyr yn ogystal â gwaith gyrru arall a wnaed, y cymhelliad y tu ôl i’w gais a manylion pellach am ei euogfarnau, mesurau lliniaru, adferiad ac ymddygiad a chymeriad da wedi hynny.

 

Ymatebodd y Swyddogion i gwestiynau hefyd, gan gadarnhau y byddai’r euogfarn a gafwyd ym mis Tachwedd 2011 wedi’i disbyddu erbyn Tachwedd 2024.  Os oedd yr aelodau o blaid caniatáu'r cais, byddai’n amodol ar gwblhau’r prawf gwybodaeth a gwiriadau arferol yn foddhaol.

 

O ran datganiad terfynol, cadarnhaodd y Gyrrwr nad oedd ganddo unrhyw beth i’w ychwanegu.

 

Gohiriwyd y Pwyllgor er mwyn ystyried y cais a –

 

PENDERFYNWYD bod Ymgeisydd Rhif 577925 yn unigolyn cymwys ac addas i feddu ar Drwydded Gyrrwr Cerbyd Hacni a Hurio Preifat a bod y cais yn cael ei gymeradwyo yn amodol ar gwblhau’r holl wiriadau arferol sy’n gysylltiedig â’r math yma o gais yn llwyddiannus, a chwblhau’r Prawf Gwybodaeth i’r safon ofynnol.

 

Dyma resymau’r Pwyllgor Trwyddedu dros y penderfyniad –

 

Roedd yr aelodau wedi ystyried y dystiolaeth yn ofalus ac wedi trafod yn fanwl cyn gwneud eu penderfyniad yn y pen draw.

 

Ystyriodd y Pwyllgor bod yr Ymgeisydd wedi ei gael yn euog am drosedd ddifrifol yn ymwneud â chyffuriau, a rhoddwyd cryn bwysau i’r euogfarn honno gan mai nod cyffredinol yr awdurdod trwyddedu wrth wneud ei waith yn ymwneud â thrwyddedu gyrwyr oedd gwarchod y cyhoedd.   Ystyriodd hefyd bod hwn yn fater difrifol yn unol â’u canllawiau polisi’n ymwneud â throseddau’n gysylltiedig â chyffuriau.

 

Ystyriodd yr aelodau’r canllawiau polisi oedd yn nodi na ddylid rhoi trwydded am 10 mlynedd wedi i’r ddedfryd am drosedd yn ymwneud â chyffuriau ddod i ben. Fodd bynnag, penderfynodd yr aelodau wyro oddi wrth y canllawiau hyn oherwydd nad oes llawer o amser nes bydd y 10 mlynedd wedi mynd heibio. Ystyriodd yr aelodau bod llawer o amser wedi mynd heibio ers yr euogfarn a’r ddedfryd a bod yr Ymgeisydd wedi cymryd camau i’w adsefydlu ei hun, a chawsant eu calonogi nad oedd wedi cyflawni troseddau tebyg  ...  view the full Cofnodion text for item 7.