Agenda, decisions and draft minutes

Dim.

Dim.

Dylai’r Aelodau ddatgan unrhyw gysylltiad personol neu gysylltiad sy'n rhagfarnu ag unrhyw fater a nodwyd fel un i'w ystyried yn y cyfarfod hwn.  

Datganodd yr aelodau canlynol gysylltiad personol ag eitem 6 ar y rhaglen -

Y Cynghorydd Mabon ap Gwynfor – Llywodraethwr Ysgol Bro Dyfrdwy

Y Cynghorydd Meirick Davies - Llywodraethwr Ysgol Cefn Meiriadog ac Ysgol Trefnant

Datganodd yr aelodau canlynol gysylltiad personol ag eitem 6 ar y rhaglen –

Y Cynghorydd Mabon ap Gwynfor – Llywodraethwr Ysgol Bro Dyfrdwy

Y Cynghorydd Meirick Davies – Llywodraethwr Ysgol Cefn Meiriadog ac Ysgol Trefnant

Rhybudd o eitemau y dylid, ym marn y Cadeirydd, eu hystyried yn y cyfarfod fel materion brys yn unol ag Adran 100B(4) Deddf Llywodraeth Leol 1972.  

Dim.

Dim.

Derbyn cofnodion cyfarfod y Cabinet a gynhaliwyd ar 26 Medi 2017 (copi ynghlwm).  

PENDERFYNWYD y dylid cymeradwyo cofnodion y cyfarfod a gynhaliwyd ar 26 Medi 2017 fel cofnod cywir ac y dylai’r Arweinydd eu llofnodi.

Cyflwynwyd cofnodion cyfarfod y Cabinet a gynhaliwyd ar 26 Medi 2017.

PENDERFYNWYD y dylid cymeradwyo cofnodion y cyfarfod a gynhaliwyd ar 26 Medi 2017 fel cofnod cywir ac y dylai’r Arweinydd eu llofnodi.

Ystyried adroddiad, gan gynnwys atodiad cyfrinachol, gan y Cyng. Bobby Feeley, Aelod Arweiniol Lles ac Annibyniaeth (copi ynghlwm) yn gofyn am gymeradwyaeth i estyn 18 Contract Byw yn y Gymuned ar gyfer pobl ag Anableddau Dysgu am gyfnod o ddwy flynedd hyd nes cymeradwyir trefniadau caffael ar gyfer y gwasanaethau hynny.

PENDERFYNWYD bod y Cabinet yn cymeradwyo estyniad o ddwy flynedd i bob gwasanaeth a nodir yn Atodiad 1 i’r adroddiad.

Cyflwynodd y Cynghorydd Bobby Feeley adroddiad yn gofyn am gymeradwyaeth i estyn 18 Contract Byw yn y Gymuned ar gyfer pobl ag Anableddau Dysgu am gyfnod o ddwy flynedd arall hyd nes cymeradwyir trefniadau caffael ar gyfer y gwasanaethau hynny.

Mae’r adroddiad yn manylu ar drefniadau’r contractau i gefnogi unigolion gydag anableddau dysgu sy’n derbyn gwasanaethau byw â chymorth, ynghyd â gofynion deddfwriaethol caffael gwasanaethau o’r fath.

Mae’r cynlluniau comisiynu yn cynnwys dwy ffrwd waith -

·         Lleol – y posibilrwydd o gynnig cyllidebau cefnogi i alluogi dinasyddion i dderbyn cefnogaeth yn uniongyrchol gan eu dewis ddarparwr

·         Rhanbarthol – mae’r Gwasanaethau Cymorth Cymunedol yn gweithio gydag Awdurdodau Lleol eraill gogledd Cymru a Bwrdd Iechyd Prifysgol Betsi Cadwaladr i ddechrau proses i dendro ar gyfer Fframwaith Rhanbarthol ar gyfer darparu gofal cartref a gwasanaethau eraill fesul cam

Byddai’r fframwaith rhanbarthol newydd yn darparu system well a chadarn, ac felly cynigir ymestyn y contractau presennol ddwy flynedd er mwyn rhoi digon o amser i ddatblygu'r broses gaffael ranbarthol. Ers ysgrifennu’r adroddiad mae gofal cartref plant hefyd wedi ei gynnwys yn y broses dendro, sydd fel a ganlyn: Cam 1 – Gofal Cartref Sylfaenol, Cam 2 – Gofal Cartref Plant, Cam 3 – Gofal Cartref Lefel Uwch, a Cham 4 – Lleoliadau Byw â Chymorth (testun yr adroddiad). Rhagwelir y cedwir at y graddfeydd amser o ganlyniad i’r ychwanegiad a’r posibilrwydd o derfynu’r contractau byw yn y gymuned cyn diwedd yr estyniad o ddwy flynedd os caiff y broses ei chwblhau’n gynt na’r disgwyl. Cadarnhaodd y Swyddog Contractau bod yr holl gontractau yn cael eu trefnu’n allanol a bod BIPBC yn gefnogol ac yn rhan o’r broses. Mae’r cam tendro cyntaf wedi dod i ben ac mae’r materion yn datblygu o fewn y graddfeydd amser.

Nododd y Cabinet y rheswm dros yr argymhelliad i estyn y contractau presennol yn hytrach nag ail-gaffael, sef i arbed cost cynnal dwy broses dendro wahanol ar gyfer yr un ddarpariaeth ac i osgoi’r dryswch tebygol yn sgil cael darparwyr gwahanol. Nodwyd y byddai’r fframwaith arfaethedig yn creu arbedion effeithlonrwydd o ran amser staff yn tendro am wasanaethau ac yn sicrhau ansawdd a gwerth am arian wrth ddyfarnu contractau. Yn seiliedig ar hynny, roedd y Cabinet yn fodlon â’r dull i estyn y contractau i gyd-fynd â graddfa amser y fframwaith rhanbarthol newydd, a chytunodd yr aelodau â’r trefniadau dros dro.

Gofynnodd y Cynghorydd Joan Butterfield gwestiynau am y gwasanaethau plant. Eglurodd y Swyddog Contractau bod yr ail gam yn ymwneud â gofal cartref plant a bod yr elfen byw yn y gymuned yn rhan o gam 4, gan ymhelaethu ar y graddfeydd amser disgwyliedig ar gyfer darparu’r gwasanaeth. Bu iddi hefyd gadarnhau y byddai’r contract gorffenedig a'r fanyleb gwasanaeth ar gael i’r aelodau.

PENDERFYNWYD bod y Cabinet yn cymeradwyo estyniad o ddwy flynedd i bob gwasanaeth a nodir yn Atodiad 1 i’r adroddiad.

Ystyried adroddiad gan y Cyng. Julian Thompson-Hill, Aelod Arweiniol Cyllid, y Cynllun Corfforaethol a Pherfformiad (copi ynghlwm) yn manylu ar y sefyllfa ariannol ddiweddaraf a’r cynnydd o ran y strategaeth gyllidebol y cytunwyd arni.

PENDERFYNWYD bod y Cabinet yn -

(a)       nodi'r cyllidebau a bennwyd ar gyfer 2017/18 a'r cynnydd yn erbyn y strategaeth y cytunwyd arni ar gyfer y gyllideb;

(b)       cymeradwyo trosglwyddo tanwariant y Gwasanaeth Gwella Busnes a Moderneiddio (£35,000) i gronfa wrth gefn y System Rheoli Dogfennau a Chofnodion Electronig er mwyn cynorthwyo ag estyn y prosiect digideiddio;

(c)        cefnogi cyflwyno Achos Busnes Llawn ar gyfer adeilad ysgol a chyfleusterau newydd Ysgol Llanfair i Lywodraeth Cymru fel y nodir yn Atodiad 4 i’r adroddiad. 

Cyflwynodd y Cynghorydd Julian Thompson-Hill adroddiad gyda manylion ynglŷn â'r sefyllfa ariannol ddiweddaraf a'r cynnydd a wnaed yn erbyn y strategaeth gyllidol y cytunwyd arni. Darparodd y crynodeb canlynol o sefyllfa ariannol y Cyngor –

·        Rhagwelir y bydd gorwariant net o £0.002 miliwn ar gyllidebau gwasanaeth a chorfforaethol

·        Mae gwerth £0.902 miliwn o arbedion effeithlonrwydd gwasanaethau eisoes wedi eu cytuno arnynt fel rhan o'r gyllideb, gyda'r rhagdybiaeth y bydd pob un yn cael ei ddarparu – bydd unrhyw eithriad yn cael ei adrodd wrth y Cabinet

·        Amlygwyd y risgiau presennol a’r amrywiadau o fewn meysydd gwasanaeth unigol, a phwysleisiwyd y gorwariant mewn perthynas â chyllidebau gofal cymdeithasol – mae’r mater hwn yn cael ei fonitro'n ofalus ac yn cael ei ystyried fel rhan o broses gyllidol 2018/19

·        Darparodd ddiweddariad cyffredinol ar y Cyfrif Refeniw Tai, y Cynllun Cyfalaf Tai a'r Cynllun Cyfalaf (gan gynnwys yr elfen Cynllun Corfforaethol)

Gofynnwyd i’r Cabinet gymeradwyo trosglwyddo £35 mil i i’r gronfa EDRMS i helpu i ymestyn y prosiect digidol a chefnogi cyflwyno achos busnes llawn ar gyfer adeilad ysgol newydd Ysgol Llanfair i Lywodraeth Cymru.

Codwyd y materion canlynol wrth drafod –

·        Eglurwyd bod elfen o'r costau ariannu wedi ei chadw drwy'r contract ar gyfer Datblygiad Harbwr y Rhyl ac Ysgol Newydd y Rhyl, a fyddai'n cael ei rhyddhau yn dilyn cwblhau'r elfennau problemus

·        O ran y pwysau a’r diffyg a ragwelir yn incwm y Tîm Prosiectau Mawr (Priffyrdd a’r Amgylchedd), dywedodd y Cynghorydd Brian Jones bod yna gyfleoedd posibl yn y dyfodol y gall y tîm eu harchwilio. Bydd adroddiad ar y Strategaeth Cynnal a Chadw Priffyrdd yn cael ei gyflwyno i’r Pwyllgor Archwilio Perfformiad ym mis Rhagfyr

·        Roedd ar y Cynghorydd Emrys Wynne eisiau eglurhad a sicrwydd ynghylch darpariaeth pob tywydd yr ysgolion newydd ar safle Glasdir. Cytunodd y Cynghorydd Huw Hilditch-Roberts i edrych i mewn i’r mater ac adrodd yn ôl wrth y Cynghorydd Wynne. Bu iddo hefyd sicrhau nad oes unrhyw newid wedi ei wneud i’r cynllun gwreiddiol o ran y ddarpariaeth honno er mwyn arbed arian

·        Holodd y Cynghorydd Mabon ap Gwynfor ynghylch y gwariant cyfalaf o £33 mil ar gyfer Ysgol Bro Dyfrdwy, fel y nodir yn y Cynllun Corfforaethol, a chytunodd y Cynghorydd Julian Thompson-Hill i edrych i mewn i’r mater ac adrodd yn ôl wrtho

·         O ran y buddsoddiad mewn ysgolion, byddai prosiectau yn y dyfodol yn cael eu cynnal drwy gyllid Band B Rhaglen Ysgolion yr 21ain ganrif ac fel rhan o gyllideb cynnal a chadw cyffredinol yr ysgolion - eglurwyd y broses ar gyfer dyraniadau bloc cyllid y cynllun cyfalaf ynghyd â threfniadau categoreiddio a blaenoriaethu yn seiliedig ar y gwaith sydd ei angen

·        Cyfeiriwyd at y pwysau sylweddau at Wasanaethau Plant o ystyried natur anghyson costau lleoliadau ac eglurwyd bod cyllidebau ar wahân ar gyfer Gwasanaethau Plant ac Addysg. Bu cynnydd sylweddol yn nifer y diwrnodau o leoliadau a ddarparwyd yn ystod y flwyddyn bresennol a bu cynnydd hefyd y flwyddyn flaenorol. Cyn hynny roedd y gyllideb yn cael ei thanwario a dyna pam y penderfynwyd gwneud arbediad cyllidebol bach a chreu cronfa wrth gefn ar gyfer lleoliadau, sydd wedi ei defnyddio yn ystod y flwyddyn bresennol gyda chyfraniad ariannol pellach i leihau'r baich ariannol. Cynigiwyd y dylid cynyddu'r gyllideb sylfaenol yn y maes hwn, a fyddai’n cael ei drafod ymhellach fel rhan o broses gyllidol 2018/19. Dywedodd Cyfarwyddwr Corfforaethol Cymunedau fod lleoliadau arbenigol wedi eu craffu arnynt yn unigol gan y Panel Rhianta Corfforaethol, ac atgoffodd yr aelodau am eu cyfrifoldebau rhianta corfforaethol a’r cyfle i fynychu cyfarfodydd y panel

Cafwyd trafodaeth faith ar sefyllfa ariannol ysgolion a gofynnwyd cwestiynau  ...  view the full Cofnodion text for item 6.

Derbyn Rhaglen Gwaith i’r Dyfodol y Cabinet sydd wedi’i hamgáu, a nodi'r cynnwys.  

PENDERFYNWYD nodi Rhaglen Gwaith i'r Dyfodol y Cabinet.

Cyflwynwyd Rhaglen Gwaith i’r Dyfodol y Cabinet i’w hystyried a nododd yr aelodau’r ychwanegiadau canlynol -

Cynigion Cyllideb 2018/19 – Ionawr

Cynllun Cyfalaf 2018/19 – Ionawr

Prosiect Llety Sipsiwn a Theithwyr – i'w gadarnhau

PENDERFYNWYD nodi Rhaglen Gwaith i'r Dyfodol y Cabinet.

Daeth y cyfarfod i ben am 11.05 a.m.