Agenda, decisions and draft minutes

Nid oedd yna ymddiheuriadau.

Aelodau i ddatgan unrhyw fuddiannau personol neu niweidiol mewn unrhyw fusnes a nodwyd i’w ystyried yn y cyfarfod hwn. 

Gwahoddwyd Aelodau i ddatgan unrhyw fuddiannau personol neu niweidiol mewn unrhyw fusnes a oedd wedi ei nodi i’w ystyried yn y cyfarfod.

Gwahoddwyd Aelodau i ddatgan unrhyw fuddiannau personol neu niweidiol mewn unrhyw fusnes sydd wedi ei nodi i’w ystyried yn y cyfarfod. 

PENDERFYNWYD bod y Cabinet yn nodi nad oedd yna unrhyw ddatganiadau o fuddiant.

Hysbysiad o eitemau y dylid, ym marn y Cadeirydd, eu hystyried yn y cyfarfod fel mater o frys yn unol ag Adran 100B(4) Deddf Llywodraeth Leol 1972. 

Ni chodwyd unrhyw eitemau y dylid, ym marn y Cadeirydd, eu hystyried yn y cyfarfod fel mater o frys yn unol ag Adran 100B(4) Deddf Llywodraeth Leol, 1972.

Ni chodwyd unrhyw eitemau y dylid, ym marn y Cadeirydd, eu hystyried yn y cyfarfod fel mater o frys yn unol ag Adran 100B(4) Deddf Llywodraeth Leol, 1972.

I dderbyn cofnodion cyfarfod y Cabinet a gynhaliwyd ar Ionawr 15^fed, 2013 [copi’n amgaeedig]. 

Cyflwynwyd Cofnodion cyfarfod y Cabinet a gynhaliwyd ar Fawrth 20^fed 2012.  

PENDERFYNWYD:- cymeradwyo Cofnodion y cyfarfod a gynhaliwyd ar Ionawr 1^tfed 2013 yn gofnod cywir a’u harwyddo gan yr Arweinydd.

Cyflwynwyd Cofnodion cyfarfod y Cabinet a gynhaliwyd ar Fawrth 20^fed 2012.  

PENDERFYNWYD:-  cymeradwyo Cofnodion y cyfarfod a gynhaliwyd ar Ionawr 15^fed 2013 yn gofnod cywir a’u harwyddo gan yr Arweinydd.

I ystyried adroddiad gan y Cynghorydd Julian Thompson-Hill, Aelod Arweiniol dros Gyllid ac Asedau (copi’n amgaeedig) yn nodi’r sefyllfa ariannol ddiweddaraf a chynnydd yn erbyn strategaeth y gyllideb a gytunwyd.

Cyflwynodd y Cynghorydd J. Thompson Hill yr adroddiad a oedd yn manylu ar gyllideb refeniw a chynilion y Cyngor fel y’u cytunwyd ar gyfer 2012/13, fel ag ar ddiwedd Ionawr 2013.  Roedd yn darparu diweddariad cryno o’r Cynllun Cyfalaf,  safle ariannol cyfredol y Cyngor a cheisiai gymeradwyaeth i argymhellion a wnaethpwyd gan y Grŵp Buddsoddi Strategol.

PENDERFYNWYD – bod y Cabinet:-

(a)          Yn nodi’r cyllidebau a’r targedau arbedion am y flwyddyn, fel y’u nodir yn yr adroddiad, a’r cynnydd yn erbyn strategaeth y gyllideb a gytunwyd

(b)          Yn cytuno i’r ariannu gwaith dichonolrwydd o ran Ysgol Uwchradd y Rhyl ac Ysgol Gymunedol Bodnant, Prestatyn hyd y swm o £1.8 miliwn

Cyflwynodd y Cynghorydd J. Thompson-Hill yr adroddiad a oedd yn manylu ar gyllideb refeniw a chynilion y Cyngor fel y’u cytunwyd ar gyfer 2012/13, fel ag ar ddiwedd Ionawr 2013.  Roedd yn darparu diweddariad cryno o’r Cynllun Cyfalaf, safle ariannol presennol y Cyngor a cheisiai gymeradwyaeth i argymhellion a wnaethpwyd gan y Grŵp Buddsoddi Strategol.

Esboniodd bod rhagolygon diweddaraf y gyllideb refeniw wedi eu cynnwys fel Atodiad 1 ac roedden nhw’n dynodi tanwariant ar draws cyllidebau gwasanaeth a chorfforaethol o £631k (£435k y mis diwethaf), sy’n cynrychioli amrywiant o 0.55% ar draws cyfanswm y gyllideb net.  Ynglŷn â safle ysgolion, y rhagolygon ydi symudiad net positif ar weddillion o £286k ar gyllidebau dirprwyedig a £161k ar gyllidebau ysgol annirprwyedig.  Roedd crynodeb o’r Cyfrif Refeniw Tai wedi ei gynnwys yn Atodiad 1 er gwybodaeth ond roedd hon yn gronfa ar wahân ac nid yn rhan o brif gyllideb refeniw’r Cyngor.     

            Roedd Atodiad 2 yn rhoi diweddariad ar gynnydd yn erbyn yr arbedion a’r pwysau a gytunwyd yn rhan o broses gosod cyllideb ar gyfer 2012/13.  Efo’i gilydd, fe gytunwyd ar arbedion net o £3.443m ac mae £3.102m (90%) wedi eu cyflawni gyda £316k (9%) wedi ei ddosbarthu i fod ar y gweill ac roedd £25k (1%) wedi ei ohirio tan y flwyddyn nesaf.  Roedd y gohiriad yn ymwneud ag arbedion oherwydd rhesymoliad printiwr.  Fe ystyrid fod  pob un o’r eitemau a oedd ar ôl ac a oedd wedi eu dosbarthu i fod ‘ar y gweill’ yn gyraeddadwy, ond gyda’r rhan fwyaf roedd angen dadansoddiad o weithgaredd blwyddyn gyfan i asesu’n briodol a oedd y mesur arbed a restrwyd wedi ei gyflawni mewn gwirionedd.

Rhoddodd y Cynghorydd Thompson-Hill grynodeb o’r Cyllidebau Gwasanaeth canlynol a oedd wedi eu nodi yn yr adroddiad:-

·                     Cynllunio Busnes a Pherfformiad

·                     Gwasanaethau Oedolion a Busnes

·                     Gwasanaethau Priffyrdd ac Amgylchedd

·                     Gwasanaethau Plant a Theuluoedd

·                     Cysylltiadau, Marchnata a Hamdden

·                     Cymorth Cwsmeriaid ac Addysg

·                     Gwella Ysgolion a Chynhwysiant

·                     Ysgolion

·                     Cyllidebau Corfforaethol

Esboniodd bod costau ychwanegol yr ymateb ar unwaith i ddigwyddiadau’r llifogydd diweddar wedi dod dan drothwy’r Cynllun Cymorth Ariannol Brys, ac roedd yna dybiaeth y byddai’r Cyngor yn ariannu’r gost.  Cadarnhaodd y Pennaeth Cyllid ac Asedau fod hawliad am bob costau cymwys wedi ei gyflwyno i Lywodraeth Cymru ar gyfer cyllid disgresiynol.  Roedd yna gostau cyfredol yn ymwneud ag eithriadau rhag Treth Gyngor ac roedd pwysau pellach a oedd yn ymddangos wedi codi o ddirwyn y ‘Mutual Municipal Insurance Company’ i ben yn 1992, gan y byddai Aelodau’r Awdurdod Lleol yn gyfrifol am atebolrwydd a oedd yn dal i godi o ran digwyddiadau cyn  1992.  Esboniodd y Pennaeth Cyllid ac Asedau y byddai Sir Ddinbych yn talu cyfran o’r hawliadau atebolrwydd, yn seiliedig ar ffigurau poblogaeth a fyddai’n  oddeutu 20% o’r costau.  Dywedodd wrth Aelodau y byddai cronfa wrth gefn yn cael ei hadeiladu i mewn i’r gyllideb a byddai manylion y costau’n cael eu cynnwys yn yr adroddiad cyllid nesaf i’r Cabinet. 

Roedd yna atebolrwydd potensial o ran cyn Gyngor Bwrdeistref Rhuddlan, ac roedd atebolrwydd ychwanegol yn awr yn codi o ran cyn Gyngor Sir Clwyd.  Roedd swm atebolrwydd potensial Clwyd yn ansicr ac roedd cyfanswm amlygiad y Cyngor i hawliadau Clwyd oddeutu £2.5m, ond roedd yn annhebygol y byddai’r atebolrwydd yn cael ei sbarduno ar y lefel yma.

            Roedd cyfraddau casglu Treth Gyngor yn well na’r rhagdybiaethau ac fe dybiwyd y byddai unrhyw fantais yn cael ei ddefnyddio i gyfrannu tuag at ariannu blaenoriaethau buddsoddi strategol y Cyngor yn rhan o’r Cynllun Corfforaethol. Cadarnhaodd y Cynghorydd J. Thompson-Hill y byddai’r manylion llawn yn cael eu cynnwys yn yr adroddiad diwedd blwyddyn.  Roedd gwariant hyd at ddiwedd  ...  view the full Cofnodion text for item 5.

I ystyried adroddiad gan y Cynghorydd Hugh Irving, Aelod Arweiniol dros Gwsmeriaid a Chymunedau (copi’n amgaeedig) ar y Cyfrif Refeniw Tai Blynyddol a’r Cynnydd yn Rhenti Tai.

Cyflwynodd y Cynghorydd H.C. Irving yr adroddiad a oedd yn ceisio cymeradwyaeth i’r Cyllidebau Cyfrif Refeniw Tai a Chyfalaf ar gyfer 2013/14.

PENDERFYNWYD:-

(a)   Mabwysiadu Cyllideb y Cyfrif Refeniw Tai ar gyfer 2013/14, Atodiad 1, a Chynllun Busnes y Stoc Tai, Atodiad 2.

(b)   Cynyddu rhenti aneddiadau’r Cyngor yn unol â’r canllaw Polisi Gosod Rhent gan Lywodraeth Cymru a hynny’n weithredol o ddydd Llun, Ebrill 1af 2013

(c)    Cynyddu rhenti garejis y Cyngor a Thaliadau Gwresogi’n unol â Rhenti Canllaw a hynny’n weithredol o ddydd Llun Ebrill 1^af 2013.

Cyflwynodd y Cynghorydd H.C. Irving yr adroddiad a oedd yn ceisio cymeradwyaeth i’r Cyfrif Refeniw Tai a’r Cyllidebau Cyfalaf ar gyfer 2013/14.

Mynegodd y Cynghorydd M.Ll. Davies fudd personol gan ei fod yn rhentu garej gan y Cyngor.

Cyflwynodd y Cynghorydd Irving yr adroddiad ac esboniodd y byddai angen sefydlu’r gyllideb ar gyfer 2013/14 i gydymffurfio â’r Cynllun Busnes Stoc Tai a sefydlwyd pan benderfynodd y Cyngor i gadw ei stoc tai ac ariannu gwelliannau i gyrraedd Safon Ansawdd Tai Cymru erbyn diwedd 2013 a’i gynnal tan 2014.  Roedd y rhagolygon alldro diweddaraf  wedi eu nodi yn Atodiad 1 ac roedd gweddillion ar ddiwedd blwyddyn wedi eu darogan i fod yn £857,000, gwelliant o £17k o’i gymharu  â rhagolygon yr alldro ar gyfer Rhagfyr 2012.  Roedd y gyllideb arfaethedig ar gyfer 2013/14 wedi ei nodi yn Atodiad 1.

Fe grynhodd y Prif Gyfrifydd y broses o gyfrifo’r gyllideb, a amlinellwyd yn yr adroddiad, ac roedd Penderfyniadau Cymhorthdal Terfynol y Cyfrif Refeniw Tai ar ddigwydd.  Roedd y Penderfyniad yn rheoli’r cymhorthdal negyddol a delid i Lywodraeth Cymru’n flynyddol ac fe dybiwyd fod yna godi “Rhenti Awgrymedig”, bod costau “Rheoli a Chynnal” yn benodedig a bod yna ad-dalu cyfalaf â chymorth hŷn.  Roedd cyfrif “tybiannol” y Cyfrif Refeniw Tai a gynhyrchwyd o’r cyfrifiad â gwarged ac yn cael ei dalu i Lywodraeth Cymru ac yna i’r Trysorlys fel cymhorthdal negyddol.  Roedd yn annhebygol y byddai yna unrhyw newid arwyddocaol i System Gymorthdaliadau’r Cyfrif Refeniw Tai tan 2014.  Roedd Llywodraeth Cymru wedi dynodi y byddai’n gohirio’r polisi cydgyfeirio rhenti am flwyddyn arall ac yn lleihau’r Rhent Awgrymedig i 1% yn uwch na ffigwr chwyddiant Medi 2012 a chanlyniad hyn oedd yr argymhellion canlynol gan Lywodraeth Cymru:-

·         Lwfansau Rheoli a Chynnal i’w codi o 6.6% i £2,610 o’i gymharu â £2,267 yr annedd yn 2012/13.

·         Cynnydd yn y Rhent Awgrymedig i £69.45 yr annedd yr wythnos sy’n cyfartalu i gynnydd wythnosol o £3.37 neu 5.18%.

·         Byddai Rhenti Meincnod (RSL) yn codi i £75.21 o £72.95, cynnydd o £2.26 sy’n cyfartalu i godiad o 3.10%.

Byddai taliad Cymhorthdal amcangyfrifiedig y Cyfrif Refeniw Tai i Lywodraeth Cymru ar gyfer 2013/14 yn gyfanswm o £3,243,000, cynnydd o 5.3% o’i gymharu â 2012/13.  Roedd manylion y gwaith a wnaethpwyd gan y Gwasanaethau Tai ar rychwantu effaith y diwygio lles a datblygu strategaethau i reoli a lliniaru’r risgiau sy’n gysylltiedig ag o, wedi eu crynhoi yn yr adroddiad.  Cadarnhaodd y Cyfarwyddwr Corfforaethol: Moderneiddio a Lles y byddai pob tenant a oedd wedi ei effeithio’n cael eu cynorthwyo â chyngor ar opsiynau tai ac roedd y gwasanaeth wedi ei ailstrwythuro i greu swyddogaeth reoli incwm bwrpasol i ddatblygu dull mwy rhagweithiol ac ymyraethol o reoli a lliniaru risgiau o ôl-ddyledion cynyddol o ganlyniad i ddiwygiadau lles ehangach.  Fe gymeradwywyd fod pob tenant yn talu’r Rhent Awgrymedig uwch ar gyfer 2013/14 ac roedd crynodeb o’r taliadau sy’n cael eu cymhwyso i’r stoc wedi ei roi yn yr adroddiad.

Esboniodd y Rheolwr Tai Cymunedol y byddai Cynllun Busnes y Stoc Tai’n cael ei fonitro ac y byddid yn cynnal ymarferiad Diwydrwydd Dyladwy yn flynyddol.  Roedd yr adolygiad diweddaraf yn cadarnhau fod llawer o’r rhagdybiaethau gwreiddiol yn dal heb eu haltro a’r casgliad oedd bod y Cynllun Busnes yn hyfyw ac yn gadarn ac y byddai’r cynllun yn hyfyw am y 30 mlynedd nesaf.

Esboniodd y Rheolwr Tai Cymunedol bod arolwg cyflwr stoc 2012 wedi nodi angen am wariant ychwanegol sylweddol yn y 30 mlynedd nesaf a hynny’n amrywio o £50miliwn i £33 miliwn.  Byddai’r cynllun yn hyfyw dros y cyfnod o 30 mlynedd gyda gweddillion yn codi o £43 miliwn o  ...  view the full Cofnodion text for item 6.

I ystyried adroddiad gan y Cynghorydd Hugh Irving, Aelod Arweiniol dros Gwsmeriaid a Chymunedau (copi’n amgaeedig) yn manylu ar ddull amcanion cyfathrebu ac egwyddorion y Cyngor yn y tair blynedd i ddod.

Cyflwynodd y Cynghorydd H.C. Irving yr adroddiad a oedd yn mynegi amcanion Cyfathrebu’r Awdurdod am y tair blynedd nesaf, gydag adrannau allweddol yn ymwneud â chysylltiadau ac ymgysylltu mewnol, cysylltiadau Aelodau, gwella enw da’r Cyngor a gwella’r brand corfforaethol.

PENDERFYNWYD:-bod y Cabinet yn cymeradwyo’r Strategaeth Gyfathrebu Gorfforaethol a’r Cynllun Gweithredu cysylltiedig ar gyfer 2013.

Cyflwynodd y Cynghorydd H.C. Irving yr adroddiad a oedd yn mynegi amcanion Cyfathrebu’r Awdurdod am y tair blynedd nesaf, gydag adrannau allweddol yn ymwneud â chysylltiadau ac ymgysylltu mewnol, cysylltiadau Aelodau, gwella enw da’r Cyngor a gwella’r brand corfforaethol.

Roedd y Cyngor yn ailstrwythuro ei swyddogaethau Cyfathrebu a Marchnata i fodloni’r gofynion a ddiffinnir yn y Cynllun Corfforaethol.  Byddai’r Cyngor yn mabwysiadu dull gweithredu rhagweithiol gyda marchnata a chyfathrebu ac yn parhau ag adolygiadau cyson o’r ffordd y mae’n cyfathrebu i gyfarfod ag anghenion preswylwyr ac ymwelwyr.  Y ffocws allweddol ar gyfer yr adran newydd fyddai creu Strategaeth Farchnata i Sir Ddinbych, a fyddai’n cydnabod yr angen am Strategaeth Gyfathrebu Gorfforaethol i danategu pob gweithgaredd cyfathrebu o fewn yr Awdurdod.  Roedd manylion gyrwyr eraill ar gyfer y Strategaeth wedi eu hamlinellu yn yr adroddiad ac fe gyfeiriwyd at:-

•           Ddogfen y Prif Weithredwr, ‘Cyngor Ardderchog yn Nes at y Gymuned’ sy’n amlinellu’r angen i ddod yn nes at y gymuned.

•           Yr angen i Aelodau ddod yn genhadon i’r Cyngor.

•           Y safle ariannol sydd angen ffordd gallach o gyflenwi a’r angen am gyfathrebu mwy effeithiol.

•           Adborth gan breswylwyr.

•           Angen i gryfhau gweithgaredd cyfathrebu mewnol yn fewnol a chyda chynulleidfaoedd allanol.

•           Gwella cysylltiadau â Chynghorau Tref a Chymuned.

Byddai Cynllun Gweithredu cydlynol yn delio â sialensiau cyfathrebu’r Awdurdod yn y dyfodol.  Byddai’n cynnwys marchnata gwasanaethau’r cyngor, marchnata cyrchfannau, digwyddiadau mawr, cyfryngau cymdeithasol a datblygu’r we.  Mewn ymateb i gwestiynau gan yr Arweinydd fe gadarnhaodd y Rheolwr Cysylltiadau Corfforaethol a Marchnata y byddid yn delio â datblygiad polisi’r iaith Gymraeg a chyflwyniad safonau newydd a osodwyd gan Gomisiynydd yr Iaith Gymraeg drwy ailsefydlu fforymau dwyieithog Aelodau.  Esboniodd y Pennaeth Cymunedau, Marchnata a Hamdden fod Sir Ddinbych wedi bod yn rhagweithiol yn cyfarfod â gofynion Safonau’r Iaith Gymraeg a oedd yn ymddangos.  Ynglŷn â delio â Mesurau Llywodraeth Leol o ran cynorthwyo a gwella cysylltiadau Aelodau yn y gymuned, cyfeiriodd y Pennaeth Cyfathrebu, Marchnata a Hamdden at y gwaith a wnaethpwyd o fewn y Cynllun Cysylltiadau, Grwpiau Ardal Aelodau, Clystyrau Trefol, Cymunedol a Strategaeth Gwsmeriaid y Cyngor.

Roedd yr adroddiad yn darparu gwybodaeth ar y ffordd y byddai’r penderfyniad yn cyfrannu tuag at y Blaenoriaethau Corfforaethol, effaith costau ar wasanaethau eraill, costau’n codi o weithgareddau cyfathrebu, ymgynghoriadau a gynhelir a risgiau posib a’r dulliau i'w lleihau.

Yn ateb i bryderon a fynegwyd gan y Cynghorydd W.L. Cowie ynglŷn ag amseroedd ymateb Rheolaeth Cysylltiadau Cwsmeriaid, esboniodd y Cynghorydd H.C. Irving bod y mater yma wedi ei godi â’r Pennaeth Cwsmeriaid a Chymorth Addysg, a chytunodd i gysylltu â’r Cynghorydd Cowie ar y mater yma.  Hysbyswyd y Cynghorydd M.Ll. Davies y byddai cwynion a dderbynnir yn Gymraeg yn cael eu hateb yn Gymraeg.

Fe atebodd y Cyfarwyddwr Corfforaethol: Cwsmeriaid fater a godwyd gan y cynghorydd B.A. Smith a chytunodd i ddarparu manylion yn ymwneud â’r diffyg ymateb a gafwyd i Siarter y Cynghorau Tref a Chymuned.  Cytunodd Cyfarwyddwr Corfforaethol: Moderneiddio a Lles i gyfleu pryderon a fynegwyd gan Aelodau ynglŷn â gweithrediad i-Pads.

Yn ystod y drafodaeth ddilynol, fe amlinellodd y Cynghorydd  H.C. Irving yr argymhellion yn yr adroddiad a dywedodd wrth Aelodau y byddai eu pryderon ynglŷn â Gwasanaethau Cwsmeriaid a Chysylltiadau’n cael eu cyfleu i’r Pennaeth Cwsmeriaid a Chymorth Addysg.

PENDERFYNWYD:- bod y Cabinet yn cymeradwyo’r Strategaeth Gyfathrebu Gorfforaethol a’r Cynllun Gweithredu cysylltiedig ar gyfer 2013.

I ystyried adroddiad gan y Cynghorydd Bobby Feeley, yr Aelod Arweiniol dros Ofal Cymdeithasol a Gwasanaethau Plant (copi’n amgaeedig) ar weithrediad y Mesur Strategaethau Gofalwyr (Cymru) 2010 newydd fel y’i mynegir yn Strategaeth Gwybodaeth ac Ymgynghori Gofalwyr 2012 – 2015.

Cyflwynodd y Cynghorydd R.L. Feeley yr adroddiad a oedd yn manylu ar weithrediad Mesur newydd y Strategaethau Gofalwyr (Cymru) 2010 (y Mesur Gofalwyr) fel y’i mynegir yn y Strategaeth Gwybodaeth ac Ymgynghori ar gyfer Gofalwyr Gogledd Cymru 2012 – 2015.

PENDERFYNWYD:- bod y Cabinet yn cymeradwyo Strategaeth Gwybodaeth ac Ymgynghori ar gyfer Gofalwyr, 2012-2015, a’r dull partneriaeth â Bwrdd Iechyd Prifysgol Betsi Cadwaladr a’r trydydd sector o ran ei gweithrediad. 

Cyflwynodd y Cynghorydd R.L. Feeley yr adroddiad a oedd yn nodi gweithrediad Mesur newydd Strategaethau Gofalwyr (Cymru) 2010 (y Mesur Gofalwyr) fel y’i mynegir yn Strategaeth Gwybodaeth ac Ymgynghori Gofalwyr Gogledd Cymru 2012 - 2015.  Mae copi o’r Strategaeth Ranbarthol wedi ei gynnwys fel Atodiad 1 i’r adroddiad. 

Roedd y Strategaeth Ranbarthol wedi ei chymeradwyo gan Lywodraeth Cymru ac roedd angen i bob un o’r chwe Awdurdod Lleol yng Ngogledd Cymru graffu a chymeradwyo’r Strategaeth Ranbarthol.  Fe amlinellodd yr adroddiad y ffordd y byddai’r Strategaeth Ranbarthol yn delio â gofynion y Mesur Gofalwyr ac roedd y Pwyllgor Craffu Partneriaethau wedi mynegi eu cefnogaeth i weithrediad y Strategaeth. 

Roedd y Mesur, y Rheoliadau a’r Cyfarwyddyd ar weithredu’r Mesur wedi eu rhoi i bob Bwrdd Iechyd Lleol a phob Ymddiriedolaeth, ac i’r Gwasanaethau Cymdeithasol (yr ‘awdurdodau dynodedig’) yn Ionawr 2012, a dyma’r tro cyntaf i ddyletswyddau statudol gael eu rhoi ar Awdurdodau Iechyd yng Nghymru.

Roedd y Pwyllgor Craffu Partneriaethau wedi ystyried adroddiad a oedd yn amlinellu gofynion Mesur Strategaethau Gofalwyr (Cymru) 2010, a’r gofyniad yn arbennig i gyhoeddi a gweithredu Strategaeth Wybodaeth ac Ymgynghori ranbarthol i Ofalwyr. 

Fe esboniodd y Pennaeth Gwasanaethau Oedolion a Busnes bod y Byrddau Iechyd Lleol wedi eu dynodi’n ‘awdurdod arweiniol’ yng ngweithrediad Rheoliadau’r Mesur Gofalwyr a bod Grŵp Strategol Arweinwyr Gofalwyr Gogledd Cymru wedi ei sefydlu yn 2011 i ddatblygu’r Strategaeth Ranbarthol.  Yn ogystal, roedd BIPBC wedi sefydlu Bwrdd Prosiect Mesur Strategaethau Gofalwyr (Cymru) i graffu gwaith Grŵp Strategol Arweinwyr Gofalwyr Gogledd Cymru a darparu cyngor a sicrwydd i’r Bwrdd Iechyd ei fod yn cyfarfod â’i gyfrifoldebau o ran y Mesur Gofalwyr.

Roedd Llywodraeth Cymru wedi casglu bod y Strategaeth yn rhagweithiol ac yn arddangos gweithio cryf mewn partneriaeth rhwng y Bwrdd Iechyd, y chwe Awdurdod Lleol a sefydliadau’r Trydydd Sector.  Roedd rhai meysydd i’w gwella wedi eu nodi ac roedd y rhain yn cynnwys yr angen am bennod ar wahân ar ofalwyr ifanc, cryfhau rhai o’r Camau Allweddol ar gyfer Blwyddyn 3, yn enwedig y rheiny ar hyfforddiant staff a gofalwyr, a mynegi sut y byddai’r Strategaeth yn berthnasol i gymunedau Pobl Dduon a Lleiafrifoedd Ethnig a grwpiau eraill sydd â nodweddion a ddiogelir.  Roedd angen cryfhau elfen iechyd meddwl y Strategaeth hefyd ac roedd Llywodraeth Cymru’n edrych ar ffyrdd o ddarparu cymorth i’r Byrddau Iechyd. 

Roedd amcanion allweddol y Strategaeth Ranbarthol yn cynnwys:-

o        Bydd holl weithwyr proffesiynol y GIG a’r awdurdod lleol yn cael eu hysbysu o’u cyfrifoldebau o ran y Mesur Gofalwyr drwy godi ymwybyddiaeth oportiwnistig a hyfforddiant staff.

o        Fe gaiff gofalwyr eu nodi gyn gynted ag sydd bosib.

o        Fe roddir gwybodaeth amserol ddigonol i ofalwyr yn ôl eu hanghenion.

o        Pan fydd cydsyniad claf yn cael ei atal, fe ddarperir gofalwyr â chymaint o wybodaeth ag sy’n bosib ei rhannu heb dorri cyfrinachedd y claf, i’w galluogi i ymgymryd â’u rôl o ofalu’n ddiogel.

o        Fe hysbysir pob gofalwr o’u hawl i asesiad annibynnol o’u hanghenion cymorth fel gofalwr

o        Bydd gofalwyr yn cael eu cynnwys yn naturiol yn yr holl brosesau penderfynu ynghylch rheolaeth gofal.

o        Mae staff y GIG yn gallu cyfeirio gofalwyr a fydd wedi eu nodi at sefydliadau cymorth i ofalwyr.

Er mwyn bodloni’r amcanion hyn, mae’r Strategaeth Ranbarthol yn mynegi’r camau allweddol o ran:

o        Nodi a Chyfeirio Gofalwyr

o        Asesiadau o Anghenion Gofalwyr

o        Darpariaeth gwybodaeth

o        Cyfathrebu ac ymgynghori â Gofalwyr

o        Hyfforddiant Staff a Hyfforddiant Gofalwyr

o        Monitro effaith y Mesur Gofalwyr

Roedd yr adroddiad yn cynnwys manylion y ffordd yr oedd y penderfyniad yn cyfrannu tuag at y Blaenoriaethau Corfforaethol, effaith y costau ar wasanaethau eraill, y costau  ...  view the full Cofnodion text for item 8.

I ystyried adroddiad gan y Cynghorydd Huw Jones, Aelod Arweiniol dros Dwristiaeth, Marchnata a Hamdden (copi’n amgaeedig) yn nodi digwyddiad seiclo ffyrdd caeedig Etape Cymru sydd i ddigwydd yn y Sir ym Medi, 2013.

Cyflwynodd y Cynghorydd H.Ll. Jones yr adroddiad a oedd yn rhoi manylion ar ddigwyddiad seiclo ffyrdd caeedig Etape Cymru a oedd i ddigwydd yn y Sir ym Medi, 2013.

PENDERFYNWYD – bod y Cabinet

(a)   yn nodi’r trefniadau i ddelio â’r pryderon a fynegwyd gan y Pwyllgor Craffu Cymunedau, fel y’u hamlinellir yn 9.1 i 9.9 yn yr adroddiad.

(b)   yn cadarnhau’r cau ffyrdd ac yn cefnogi cynnal y digwyddiad

(c)    yn gofyn i’r trefnwyr ddiweddaru Aelodau Lleol ar y cynnydd o ran y pryderon a fynegwyd gan y Pwyllgor Craffu Cymunedau a’r Grŵp Ymgynghorol Diogelwch bob tri mis.

Cyflwynodd y Cynghorydd H.Ll. Jones yr adroddiad a oedd yn darparu manylion digwyddiad seiclo ffyrdd caeedig Etape Cymru  sydd i’w gynnal yn y Sir ym Medi, 2013.

Roedd y Pwyllgor Craffu Cymunedau wedi rhoi cefnogaeth ddiamod i’r digwyddiad yn amodol ar ddelio â rhai pryderon a phenderfyniad gan y Cabinet ar Orchmynion Cau Ffyrdd arfaethedig.  Roedd manylion digwyddiad Etape Cymru, ei lwyddiant blaenorol a’r manteision i’r ardal, wedi eu crynhoi yn yr adroddiad.

Esboniodd y Cynghorydd Jones, er nad oedd Sir Ddinbych yn uniongyrchol gysylltiedig â chynllunio’r digwyddiad, roedd y trefnwyr wedi pwysleisio y byddai’n annhebygol o fynd yn ei flaen heb gefnogaeth Cynghorau Sir Ddinbych a Wrecsam.  Prif swyddogaeth Sir Ddinbych fyddai hwyluso trafodaethau ynghylch materion priffyrdd a diogelwch.  Roedd crynodeb o’r pryderon sy’n ymwneud ag agweddau arbennig ar y ras wedi eu cynnwys yn adran 9 yr adroddiad, ac roedd y trefnwyr yn delio â’r rhain.  Roedd Sir Ddinbych wedi parhau â’i chysylltiad rheolaidd â ‘Human Race’, trefnwyr Etape Cymru a Chyngor Bwrdeistref Sirol Wrecsam ynglŷn â digwyddiad 2012 ac roedd cynlluniau’n awr ar y gweill ar gyfer digwyddiad 2013.  Roedd y trefnwyr wedi cyfarfod â’r Grŵp Ymgynghorol Diogelwch ac Aelodau Lleol i adolygu digwyddiad 2012 ac roedden nhw wedi derbyn argymhellion y Grŵp i osgoi unrhyw broblemau yn 2013.

Roedd nifer o’r risgiau a’r pryderon a nodwyd gan y Pwyllgor Craffu Cymunedau wedi eu crynhoi yn yr adroddiad yn adrannau 9.1 i 9.9, ynghyd â rhai cynlluniau adferol sydd i’w gweithredu i liniaru’r risgiau wrth symud ymlaen.  Roedd y rhain yn cynnwys:-

·                     Cysylltiadau â phreswylwyr a pherchnogion tir sy’n byw ar hyd lwybr y ras.

·                     Atebolrwydd cyhoeddus.

·                    Canlyniadau unrhyw asesiadau risg a wnaethpwyd o ran materion atebolrwydd cyhoeddus.

·                     Stiwardio annigonol.

·                     Dilysrwydd ffigurau ar fudd economaidd.

·                     Dechrau’r digwyddiad yn gynharach yn y dydd.

·                     Ymglymiad Aelodau yn y Grŵp Ymgynghorol Diogelwch.

·                     Fforio cyfleoedd i farchnata Sir Ddinbych fel cyrchfan.

Roedd Sir Ddinbych a threfnwyr y digwyddiad wedi trafod trefniadau ar gyfer digwyddiad ychwanegol ym Mhafiliwn Llangollen i gyd-ddigwydd â’r broses gofrestru.  Y Gwasanaethau Hamdden fyddai’n ei drefnu a’i arwain gyda chefnogaeth cynrychiolwyr y gymuned leol, gyda’r nod o sicrhau cefnogaeth leol i’r ras ac i’r potensial o fantais economaidd o’r digwyddiad.

Roedd y trefnwyr wedi gweithio efo swyddogion Priffyrdd ac Adfywio i ddelio â phryderon a fynegwyd gan fusnesau.  Roedd deunydd i hyrwyddo a marchnata Sir Ddinbych fel cyrchfan wedi ymddangos ar wefan Etape Cymru’, ynghyd â gwybodaeth am westai, canolfannau croeso a thai bwyta lleol.  Byddid yn darparu pecynnau gwybodaeth yn y pwynt cofrestru a byddai’r Cyngor yn defnyddio pob cyfle i hyrwyddo’r digwyddiad.  Dywedwyd wrth yr Aelodau fod Sir Ddinbych yn hyderus bod y ffigurau a oedd yn ymwneud â mantais economaidd digwyddiad 2012 yn ddilys.

Esboniodd y Cynghorydd D.I. Smith ei fod yn llwyr gefnogi’r digwyddiad ond teimlai y dylai’r trefnwyr ddarparu sicrwydd y gellid cyflenwi’r digwyddiad yn unol ag unrhyw gytundebau ac addewidion a ddarparwyd.  Esboniodd yr Arweinydd y cafwyd problemau’n flaenorol yn y maes yma ac fe gynhaliwyd cyfarfodydd efo’r trefnwyr i ddelio â’r problemau hyn.  Pwysleisiodd bwysigrwydd ymgysylltu â’r gymuned leol a’r Aelodau Lleol priodol.  Roedd y Cabinet yn cefnogi’r farn a fynegwyd gan y Cynghorydd M.Ll. Davies bod y cytundeb gan y trefnwyr i ddelio â phryderon a fynegwyd gan y Pwyllgor Craffu Cymunedau, fel y’u hamlinellwyd yn 9.1 i 9.9 yr adroddiad, i’w cynnwys yn y penderfyniad.

Dywedodd y Pennaeth Cymunedau, Marchnata a Hamdden wrth y Cabinet fod calendr digwyddiadau wedi ei ddatblygu a byddai hwnnw’n darparu Sir Ddinbych â phroses glir ar gyfer rheoli digwyddiadau a byddai’n atgyfnerthu agwedd uchelgais economaidd y Cyngor.  Yn ateb i  ...  view the full Cofnodion text for item 9.

I ystyried adroddiad gan y Cynghorydd David Smith, yr Aelod Arweiniol dros Dir y Cyhoedd (copi’n amgaeedig) sy’n ceisio cymeradwyaeth i’r trefniadau rheolaeth diwygiedig sy’n angenrheidiol i gyflenwi’r cynllun ariannu bysiau newydd drwy TAITH, ac i newid i Gyfansoddiad Taith i ganiatáu cyflenwi’r cynllun newydd.

Cyflwynodd y Cynghorydd D.I. Smith yr adroddiad a oedd yn ceisio cymeradwyaeth i’r trefniadau rheoli diwygiedig sy’n ofynnol i gyflenwi’r cynllun newydd i ariannu bysiau drwy TAITH, y Consortiwm Cludiant Rhanbarthol, ac i newid i Gyfansoddiad TAITH i ganiatáu cyflenwi’r cynllun newydd.

PENDERFYNWYD – bod y Cabinet:-

(a)   yn nodi’r trefniadau newydd ar gyfer ariannu bysiau i’w gweithredu o Ebrill 1^af  2013 yn dilyn cymeradwyaeth i’r adroddiad ar ariannu bysiau gan y Gweinidog dros Lywodraeth Leol a Chymunedau.

(b)   yn cymeradwyo’r diwygiadau arfaethedig i Gyfansoddiad TAITH a fynegir yn Atodiad 1 i’r adroddiad

(c)    yn nodi y byddai gwaith pellach yn cael ei fwrw ymlaen i nodi’r trefniadau rheoli newydd ar gyfer cyflenwi’r cynllun newydd yn ystod y cyfnod gweithredu cychwynnol a’r cyfnod trosiannol ar gyfer Grant Gwasanaethau Cludiant Rhanbarthol.

Cyflwynodd y Cynghorydd D.I. Smith yr adroddiad a oedd yn ceisio cymeradwyaeth ar gyfer y trefniadau rheoli diwygiedig a oedd yn ofynnol i gyflenwi’r cynllun ariannu bysiau newydd drwy TAITH, y Consortiwm Cludiant Rhanbarthol, ac ar gyfer newid i Gyfansoddiad TAITH i ganiatáu cyflenwad y cynllun newydd.

Cyhoeddodd y Gweinidog dros Lywodraeth Leol a Chymunedau ei fwriad i newid y system grantiau a ddefnyddir i gynorthwyo teithio ar fysiau yng Nghymru.  Roedd yr amrywiadau’n awr wedi eu terfynu ac roedd yr adroddiad yn nodi’r newidiadau ac yn amlygu eu hoblygiadau.

Roedd Grant y Gweithredwyr Gwasanaethau Bws a ddarperir yn uniongyrchol i weithredwyr bws gan Lywodraeth Cymru, a Grant Gwasanaethau Cludiant Lleol, a ddarperir i gynorthwyo rhwydweithiau bysiau lleol, yn darparu cymorth ar hyn o bryd i wasanaethau bysiau gan Lywodraeth Cymru.  Cyfanswm gwerth cyfunol y grantiau yn 2011/12 oedd £33 miliwn.  Yn Ionawr 2012 cyhoeddodd y Gweinidog dros Lywodraeth Leol a Chymunedau ostyngiad arfaethedig o 25 i 27% yn y ddau gynllun.  Fe fyddai yna gyfnod ariannu trosiannol tra byddai’r grant yn cael ei gynnal, yn amodol ar adolygiad o ariannu gwasanaethau bws yn y dyfodol ledled Cymru.  Fe weithredwyd cyfnod cyntaf y gostyngiad o oddeutu 9.5% o Hydref 1^af 2012 gyda gostyngiadau lleol yn y llwybrau bws a gynhelir wedi eu cytuno gan y Cabinet ym Medi 2012.

Roedd yr adroddiad yn crynhoi’r trefniadau ariannu bysiau diwygiedig ac yn cadarnhau bod yr adroddiad gan y Grŵp Llywio, a sefydlwyd gan y Gweinidog dros Lywodraeth Leol a Chymunedau, yn awr wedi ei gymeradwyo gan y Gweinidog.  Roedd egwyddorion allweddol y trefniadau newydd a oeddid i’w sefydlu o Ebrill 1^af 2013 wedi eu cynnwys yn yr adroddiad, ynghyd ag amlinelliad o’r gwaith a oedd yn ofynnol i sicrhau bod y consortia, yr awdurdodau lleol a’r gweithredwyr yn barod i weithredu’r system newydd erbyn Ebrill 1^af.  Roedd cynlluniau ar gyfer rheoli a darparu adnoddau ar gyfer y cyfrifoldebau newydd yn cael eu datblygu’n lleol gan Grŵp Tasg a Gorffen o Reolwyr Cludiant Gogledd Cymru.

Esboniwyd y byddid yn gweithio i ddeall lefelau presennol y cymorth Grant Gweithredwyr Gwasanaethau Bws ar gyfer gwasanaethau masnachol a gwasanaethau a gynorthwyir, i bennu gwir lefelau’r ariannu ar gyfer elfen milltiredd masnachol y grant newydd a lefelau ariannu sydd ar gael i awdurdodau lleol ar gyfer gwasanaethau a gynhelir.  Roedd y Gweinidog wedi cytuno i gyflwyniad y system newydd ddigwydd yn gyfnodol.  Byddai rhanbartholiad y Grantiau Gwasanaethau Cludiant Lleol yn mynd yn eu blaen fel a gynlluniwyd ar Ebrill 1^af 2013 gyda newidiadau i Grant Gweithredwyr Gwasanaethau Bws i’w cyflwyno dros gyfnod o 12 mis.

Cadarnhaodd y Cynghorydd Smith fod yna berygl y gallai’r cynigion newydd effeithio ar rwydweithiau bws presennol yn ystod cyfnod y trawsnewid ac fe fyddai yna leihad anochel yn nifer y gwasanaethau masnachol a fyddai’n gweithredu yng Ngogledd Cymru a hynny’n rhoi pwysau ar y rhwydwaith a gynorthwyir.  Byddai lefel yr ariannu heb ei neilltuo a ddyrennir gan Awdurdodau Lleol yn dod dan bwysau wrth i’r newidiadau a’r gostyngiad yn y gyllideb effeithio ar rwydweithiau.  Esboniwyd y byddai perthynas weithio glos rhwng TAITH a’r Awdurdodau Lleol yn hanfodol i reoli’r newidiadau potensial.

Dywedodd y Cyfarwyddwr Corfforaethol: Uchelgais Economaidd a Chymunedol wrth Aelodau fod Cyfansoddiad presennol TAITH yn cyfyngu ei swyddogaeth i’r nodau a’r amcanion a fynegir ym mharagraffau 3.1 a 3.2 ei Gyfansoddiad.  Cynigiwyd diwygio’r Cyfansoddiad drwy ychwanegu'r amcan ychwanegol isod at baragraff 3.2 y ddogfen.  Roedd manylion y diwygiadau arfaethedig wedi eu mynegi’n llawn yn Atodiad 1.  Ni chynigiwyd unrhyw newidiadau pellach a byddai unrhyw newidiadau pellach i swyddogaeth TAITH angen cymeradwyaeth bellach yr Awdurdodau  ...  view the full Cofnodion text for item 10.

I dderbyn Blaenralgen Waith y Cabinet sy’n amgaeedig a nodi’r cynnwys

Cyflwynodd y Cynghorydd H.H. Evans Flaenraglen Waith y Cabinet.   

Cytunodd Aelodau i’r diwygiadau canlynol i’r Flaenraglen Waith o ran eitemau busnes a restrwyd yn y dyfodol:-

-               Adroddiad ar Gynllunio mewn Argyfwng i’w gynnwys i’w ystyried yn y cyfarfod ar Fawrth 19^eg, 2013.

-               Gohirio’r adroddiad ar Fabwysiad Grŵp Llywio’r Cynllun Datblygu Lleol o’r cyfarfod ar Fawrth 19^eg 2013.

-               Adroddiad Cynlluniau Tref ac Ardal i’w haildrefnu o Fai 14^eg 2013 i Ebrill 16^eg 2013.

-               Trefn rifo’r eitemau agenda ar gyfer y cyfarfod ym Mehefin 2013 i’w diwygio.

PENDERFYNWYD – yn amodol ar yr uchod, bod y Cabinet yn derbyn y Flaenraglen Waith.

Cyflwynodd y Cynghorydd H.H. Evans Flaenraglen Waith y Cabinet.   

Cadarnhaodd yr Aelodau’r diwygiadau canlynol i’r Flaenraglen Waith o ran eitemau busnes a oedd wedi eu trefnu ar gyfer y dyfodol:-

-               Adroddiad ar Gynllunio mewn Argyfwng i’w gynnwys i’w ystyried yn y cyfarfod ar Fawrth 19^eg 2013.

-               Yr adroddiad ar Fabwysiad Grŵp Llywio’r Cynllun Datblygu Lleol i’w ohirio o’r cyfarfod ar Fawrth 19^eg 2013.

-               Adroddiad ar y Cynlluniau Tref ac Ardal i’w aildrefnu o Fai 14^eg 2013 i Ebrill 16^eg 2013.

-               Rhifau’r eitemau agenda ar gyfer y cyfarfod ym Mehefin, 2013 i’w diwygio.

PENDERFYNWYD – yn amodol ar yr uchod, bod y Cabinet yn derbyn y Flaenraglen Waith.

GWAHARDD Y WASG A’R CYHOEDD

Cymeradwyir, yn unol ag Adran 100A (4) Deddf Llywodraeth Leol 1972, gwahardd y Wasg a’r Cyhoedd o’r cyfarfod yn ystod yr ystyriaeth o’r eitem fusnes ganlynol gan ei bod yn debygol y byddai gwybodaeth eithriedig (fel y’i diffinnir ym mharagraffau 13 1 14 Rhan 4 o Atodlen 12A y Ddeddf) yn cael ei datgelu.

I ystyried adroddiad gan y Cynghorydd David Smith, Aelod Arweiniol dros Dir y Cyhoedd (copi’n amgaeedig) sy’n darparu diweddariad ar Gontract Parc Ailgylchu Sir Ddinbych.

Cyflwynodd y Cynghorydd D.I. Smith yr adroddiad a oedd

yn manylu ar yr amrywiad i Gontract Parc Ailgylchu’r

Cyngor a’i estyniad, gydag Ailgylchu CAD.

PENDERFYNWYD:- bod y Cabinet yn cymeradwyo’r amrywiad i gymalau strwythur bonws y contract o gyfnod o 3 blynedd.

Daeth y cyfarfod i ben am 12.50 p.m.

Cyflwynodd y Cynghorydd D.I. Smith yr adroddiad a oedd yn nodi’r amrywiad i Gontract Parc Ailgylchu’r Cyngor ac estyniad iddo, gyda CAD Recycling.

Yn 2009 fe ddyfarnodd y Cyngor gontract saith mlynedd i  CAD Recycling ar gyfer gweithredu Parciau Ailgylchu’r Cyngor, gydag opsiwn i ymestyn y contract o 3 blynedd pellach.  Roedd y contract wedi bod yn eithriadol lwyddiannus yn cyflawni gwelliannau enfawr yn y safleoedd a hefyd roedd wedi llwyddo i leihau’n sylweddol swm y gwastraff sy’n mynd i dirlenwi

Roedd y strwythur bonws wedi galluogi’r contractwr i fod yn arloesol yn ei agwedd tuag at ailgylchu, ac roedd y taliadau bonws a oedd yn ddyledus wedi bod yn uwch nag a ragwelwyd yn wreiddiol ar ddechrau’r contract.  Er mwyn lleihau costau fe ofynnwyd i’r contractwr ail-drafod y cymalau taliadau bonws ac roedd wedi cytuno i’r newidiadau arfaethedig i’r strwythur bonws, a fyddai’n darparu arbedion o £100,000 y flwyddyn tan ddiwedd y contract ym Mawrth, 2016.  Wrth gytuno i’r amrywiad i’r cymalau taliadau bonws roedd y contractwr wedi gofyn am i’r opsiwn o’r estyniad o 3 blynedd ddod i rym.  O ystyried perfformiad eithriadol y contractwr hyd yma, ac y byddai’r amrywiad i’r contract yn parhau i symbylu gwelliant parhaus, cymeradwywyd caniatáu’r estyniad o 3 blynedd i’r contract.

Yn ateb i gwestiwn gan y Cynghorydd J. Thompson-Hill, teimlwyd y byddai’r amrywiad yn cyflenwi effeithlonrwydd cost wrth sicrhau y byddai’r contractwr yn dal i gael ei symbylu i wella gwasanaethau i gwsmeriaid y Parc Ailgylchu.  Roedd manylion costau, effeithiau ar wasanaethau eraill, ymgynghoriadau a gafwyd, unrhyw risgiau posib a’r dulliau o’u lleihau, wedi eu cynnwys yn yr adroddiad.  Roedd prif gasgliadau’r Asesiad o Effaith ar Gydraddoldeb wedi eu cynnwys yn Atodiad 1 i’r adroddiad.

Cyfeiriodd nifer o Aelodau at safon uchel y gwasanaeth a ddarparwyd gan Barciau Ailgylchu’r Cyngor ac effaith positif cynnal trefi glân yn y Sir.

PENDERFYNWYD:- bod y Cabinet yn cymeradwyo’r amrywiad i’r cymalau ar strwythur bonws y contract, ac estyniad y contract o gyfnod o 3 blynedd.

Daeth y cyfarfod i ben am 12.50 p.m.