Agenda, decisions and draft minutes
Lleoliad: Ystafell Bwyllgora 1a, Neuadd y Sir, Rhuthun
Rhif | Eitem |
---|---|
YMDDIHEURIADAU Penderfyniad: Y Cynghorydd Hugh Irving. Cofnodion: Y Cynghorydd Hugh Irving. |
|
DATGANIAD O FUDDIANNAU Aelodau i ddatgan unrhyw fuddiant personol neu niweidiol
mewn unrhyw fusnes a nodwyd i’w ystyried yn y cyfarfod hwn. Penderfyniad: Ni wnaed unrhyw ddatganiad o fuddiannau personol neu
ragfarnus. Cofnodion: Ni ddangoswyd unrhyw ddatganiad budd personol nac un a allai
achosi rhagfarn. |
|
MATERION BRYS Hysbysiad o eitemau y dylid eu hystyried, ym marn y
Cadeirydd, fel mater o frys yn unol ag Adran 100B(4) Deddf Llywodraeth Leol
1972. Penderfyniad: Ni chodwyd unrhyw faterion brys. Cofnodion: Ni chodwyd unrhyw fater brys. |
|
I dderbyn cofnodion cyfarfod y Cabinet a gynhaliwyd ar
Hydref 23, 2012 (copi’n amgaeedig). Penderfyniad: PENDERFYNWYD cymeradwyo
cofnodion y cyfarfod a gynhaliwyd ar 23 Hydref 2012 fel cofnod cywir a’u
llofnodi gan yr Arweinwydd. Cofnodion: Cyflwynwyd
cofnodion cyfarfod y Cabinet a gynhaliwyd ar 23 Hydref 2012. PENDERFYNWYD cymeradwyo
cofnodion y cyfarfod a gynhaliwyd ar 23 Hydref 2012 fel cofnod cywir a’u
harwyddo gan yr Arweinydd. |
|
DARPARIAETH UWCHRADD YN SEILIEDIG AR FFYDD PDF 87 KB I ystyried adroddiad gan y Cynghorydd Eryl Williams, yr
Aelod Arweiniol dros Addysg (copi’n amgaeedig) yn ceisio cymeradwyaeth y
Cabinet i gychwyn ymgynghoriad anffurfiol ar yr achos am newid ar gyfer
darpariaeth uwchradd sy’n seiliedig ar ffydd. Dogfennau ychwanegol:
Penderfyniad: PENDERFYNWYD cymeradwyo
cychwyn ymgynghoriad anffurfiol ym mis Rhagfyr 2012 ar yr achos dros newid ar
gyfer Addysg Uwchradd Ffydd. Cofnodion: Cyflwynodd y Cynghorydd Eryl Williams yr
adroddiad yn gofyn am gymeradwyaeth y Cabinet i ddechrau ymgynghoriad
anffurfiol ar y newid mewn darpariaeth addysg uwchradd ar sail ffydd yn y sir. Cyflwynodd y Cynghorydd
Williams rywfaint o gefndir y sefyllfa gan gyfeirio at ymrwymiad Sir Ddinbych i
gyflenwi gwelliannau sylweddol i ysgolion a chyfleusterau ysgolion er mwyn
cefnogi addysg. Cyfeiriodd at ymagwedd
systematig at adolygiadau addysgol o fewn y sir gan amlygu’r rhai a gynhaliwyd
yn barod fel rhan o’r broses honno. O
safbwynt datblygu darpariaeth ar sail ffydd, dywedwyd wrth yr aelodau fod yr
Awdurdodau Catholig a’r Eglwys yng Nghymru, ynghyd â’r Esgobion ac
Ymddiriedolwyr St. Brigid’s wedi gweithio gyda’r Cyngor i ystyried y
weledigaeth dymor hir ar gyfer addysg ar sail ffydd a’r potensial i symud tuag
at un ysgol a fyddai’n gallu cyflenwi darpariaeth Gatholig ac Anglicanaidd. Y cam nesaf oedd
ymgynghori i gael barn rhieni a budd-ddeiliaid am ddarpariaeth y dyfodol ac i
sicrhau a oedden nhw o’r un farn y byddai darpariaeth ar y cyd yn atgyfnerthu
addysg. Ail-adroddodd y Cynghorydd
Hugh Evans bwysigrwydd darparu’r addysg a’r cyfleusterau gorau posibl a
gobeithiai y byddai darganfyddiadau’r ymgynghoriad yn esgor ar y deilliant
hwnnw. Nododd y farn y byddai gweithio
ar y cyd yn arwain at fuddion addysg clir i ddisgyblion a cheisiodd gadarnhad
bod pob parti’n cytuno. Dywedodd y Pennaeth Addysg fod trafodaethau wedi bod ar
y gweill gyda’r esgobaethau a’r ysgolion a bod pob partner wedi ymrwymo i
gyflenwi’r addysg orau ac yn derbyn yr angen am adolygiad. Gofynnodd y Cynghorydd Barbara Smith a oedd
cynnal ymgynghoriad yn ystod cyfnod y Nadolig yn effeithlon a dywedodd y
Pennaeth Cwsmeriaid a Chefnogaeth Addysg fod y cyfnod ymgynghori wedi’i ymestyn
oherwydd hyn ond y gellid ei ymestyn ymhellach os byddai angen. Cynigiodd
y Cynghorydd Williams yr argymhelliad oedd yn yr adroddiad a – PHENDERFYNWYD cymeradwyo dechrau’r
ymgynghoriad anffurfiol ym mis Rhagfyr 2012 ar yr achos am newid mewn Addysg
Uwchraddyn seiliedig ar Ffydd. |
|
ADOLYGIAD O DDARPARIAETH GYNRADD YN ARDAL RHUTHUN PDF 103 KB I ystyried adroddiad gan y Cynghorydd Eryl Williams, yr
Aelod Arweiniol dros Addysg (copi’n amgaeedig) yn ceisio cymeradwyaeth y
Cabinet i adolygiad darpariaeth ysgolion cynradd yn ardal Rhuthun a chychwyn
ymgynghoriad cyhoeddus anffurfiol. Dogfennau ychwanegol: Penderfyniad: PENDERFYNWYD cymeradwyo
adolygiad o ddarpariaeth gynradd yn ardal Rhuthun a chychwyn ymgynghoriad
cyhoeddus anffurfiol ym mis Chwefror 2013. Cofnodion: Cyflwynodd y Cynghorydd
Eryl Williams yr adroddiad yn gofyn am gymeradwyaeth y Cabinet i’r arolwg o
ddarpariaeth ysgolion cynradd yn ardal Rhuthun a dechrau ymgynghoriad
gwybodaeth. Ailadroddodd y Cynghorydd Williams
ei sylwadau blaenorol am adolygiad systematig o ddarpariaeth addysgol o fewn y
sir a’r angen am ddarparu’r addysg orau bosibl.
Eglurodd ymhellach rai o’r adolygiadau blaenorol a gynhaliwyd a’r
penderfyniadau anodd a wnaed i sicrhau darpariaeth addysg safonol. Eglurwyd hefyd cyd-destun adolygu ysgolion a
darpariaeth addysg ac amlygwyd bod rhai elfennau ariannu yn ddibynnol ar
gynghorau’n rheoli’r broses yn effeithiol ac yn mynd i’r afael â phroblemau fel
gormod o leoedd. Roedd manylion y prif
broblemau sy’n wynebu ysgolion cynradd yn ardal Rhuthun o fewn yr adroddiad a
chynigiwyd y byddai’r adolygiad yn edrych yn fanwl i ddechrau ar un ar ddeg o
ysgolion cynradd (rhestr yn yr adroddiad) ac yn ystyried pob opsiwn ar gyfer
darpariaeth yn y dyfodol. Roedd y
Cynghorydd Williams yn awyddus i bwysleisio nad oedd unrhyw benderfyniad nac
argymhelliad wedi’i wneud hyd yn hyn heblaw i gymeradwyo dechrau’r broses
adolygu ac ymgynghori. Croesawodd
Cynghorwyr Rhuthun David Smith a Bobby Feeley yr adolygiad i fynd i’r
afael â’r problemau oedd yn wynebu ysgolion Rhuthun ac i sicrhau addysg a
chyfleusterau safonol i ddisgyblion.
Trafododd y Cabinet gymhlethdodau’r broses a chyflwynodd y Cynghorydd
Williams enghreifftiau o ddatblygiadau a mentrau mewn ysgolion eraill gan
amlygu’r ddibyniaeth ar ariannu cyfatebol i barhau â’r gwaith hwnnw a’r pwysau
gan Lywodraeth Cymru i fynd i’r afael â phroblemau arbennig er mwyn cael
arian. Manteisiodd y Cabinet ac aelodau
lleyg ar y cyfle i godi cwestiynau a thrafod nifer o faterion gyda’r Cynghorydd
Williams a’r swyddogion fel a ganlyn - ·
Mewn ymateb i gwestiwn gan y Cynghorydd Huw Jones,
dywedodd y Pennaeth Cwsmeriaid a Chefnogaeth Addysg (H:C&ES) am wersi a
ddysgwyd o arolygon blaenorol o safbwynt sut cynhaliwyd yr arolwg; ei weithredu
a’r deilliannau i ddisgyblion. ·
Cadarnhaodd yr H:C&EC fod ei thîm yn gweithio’n
agos gyda swyddogion sy’n gweithio ar y Cynllun Datblygu Lleol er mwyn rhagweld
unrhyw dwf yn nifer y disgyblion o ganlyniad i ddatblygiadau tai. ·
Cyfeiriodd y Cynghorydd Cefyn Williams at gau’r ysgol
yn dilyn arolwg o ardal Edeyrnion a gofynnodd am sicrwydd mai hyn fyddai’r cam
eithaf mewn arolygon y dyfodol, yn arbennig o gofio’r effaith ar gymunedau.
Rhoddodd y Cynghorydd Eryl Williams sicrwydd y byddai pob opsiwn yn cael ei
ystyried yn ofalus ac eglurodd arolwg Edeyrnion a’r penderfyniad anodd a wnaed
i gau’r ysgol er budd darparu’r addysg orau bosibl i’r disgyblion. ·
Mynegodd y Cynghorydd Alice Jones ei phryderon am yr
effaith gwael yr oedd cau ysgolion yn ei gael ar gymunedau gwledig a
rhybuddiodd yn erbyn canoli ysgolion yn Rhuthun. Yn lle hynny, awgrymodd y
gellid cludo disgyblion o Ruthun i ysgolion gwledig. Awgrymodd fod cynllun ar gael yn barod am gau
ysgolion beth bynnag yr ymgynghoriad. Rhoddodd y Cynghorwyr Hugh Evans a Eryl
Williams sicrwydd nad oedd unrhyw gynllun wedi’i baratoi ac y byddai’r
ymatebion i’r ymgynghoriad yn hysbysu camau’r dyfodol. Ychwanegodd y Cynghorydd Williams y byddai’r
broses yn dryloyw ac y bydden nhw’n ymateb i bob sylw ac yn gwneud penderfyniad
cytbwys. Nid oedd yr adolygiad yn
ymwneud â chau ysgolion ond yn sicrhau’r nifer cywir o ysgolion yn y lle cywir
gyda chynaladwyedd ar gyfer y dyfodol.
Ni fyddai’n briodol ymateb i’r sylw am gludo disgyblion oherwydd y
gallai ragfarnu argymhelliad posibl. Cynigiodd y Cynghorydd Williams ei
argymhelliad yn unol â’r manylion
yn yr adroddiad– PENDERFYNWYD cymeradwyo’r arolwg o ddarpariaeth
ysgolion cynradd yn ardal Rhuthun
a dechrau ymgynghoriad cyhoeddus anffurfiol ym mis Chwefror
2013.
|
|
DIWEDDARIAD AR GYNLLUN DATBLYGU LLEOL SIR DDINBYCH PDF 100 KB I ystyried adroddiad gan y Cynghorydd Eryl Williams, yr
Aelod Arweiniol dros Addysg (copi’n amgaeedig) yn diweddaru’r Cabinet ar y
Cynllun Datblygu Lleol ac atebion i’r ymgynghoriad cyhoeddus ar safleoedd tai
ychwanegol a pholisi drafft o gyflwyno graddol. Dogfennau ychwanegol:
Penderfyniad: PENDERFYNWYD bod y Cabinet - (a) yn
cadarnhau’r angen i gael Cynllun Datblygu Lleol diweddar wedi ei fabwysiadu ar
gyfer Sir Ddinbych; (b) yn
cefnogi’r polisi fesul cyfnod sydd ynghlwm yn Atodiad 1 i’r adroddiad a’r
bwriad i’w ddefnyddio mewn perthynas ag unrhyw safleoedd tai ychwanegol a
gyflwynir gan y Cyngor i’r Arolygwyr Cynllunio; (c) yn
cydnabod yr adroddiad a’r sylwadau a dderbyniwyd mewn ymateb i ymgynghoriad y
Cyngor ar safleoedd tai ychwanegol arfaethedig a’r polisi drafft fesul cyfnod,
ac yn argymell eu bod yn cael eu hystyried gan y Cyngor llawn, a (d) yn
cytunio i gynnwys unrhyw sylwadau hwyr ar gyfer ymgynghoriad gan y Cyngor
llawn. Cofnodion: Cyflwynodd y Cynghorydd
Eryl Williams yr adroddiad oedd yn rhoi diweddariad ar y Cynllun Datblygu Lleol
( Roedd yr adroddiad yn
cynnig rhywfaint o hanes cefndir oedd yn arwain at y sefyllfa bresennol gan
gynnwys crynodeb o’r prif gamau ers i’r gwaith ddechrau ar yr Eglurodd y Cynghorydd y
cynnydd gyda’r Trafododd y Cabinet yr
adroddiad a mynegodd siom am yr angen am gael hyd i safleoedd tai ychwanegol yng
ngoleuni’r broses anferth oedd wedi’i chynnal yn barod. Roedd gan rai aelodau bryderon am y safleoedd
unigol a gynigiwyd a dywedodd yr Arweinydd y dylid codi unrhyw gwestiynau
penodol safle yn y Cyngor llawn.
Cadarnhawyd y bydden nhw’n pleidleisio ar bob un o’r 21 safle yn unigol. Manteisiodd yr aelodau ar
y cyfle i ofyn cwestiynau a thrafod nifer o broblemau gyda’r Aelod Arweiniol a
swyddogion yn codi o’r adroddiad oedd yn ymateb fel a ganlyn - ·
Byddai unrhyw safleoedd tai ychwanegol y cytunwyd arnyn
nhw gan y Cyngor llawn yn cael eu cyflwyno i’r Arolygwyr ac y byddai sesiynau
gwrando’n cael eu cynnal ym mis Ionawr lle byddai gwrthwynebwyr yn cael cyfle i
siarad; byddai gwrthwynebwyr yn cael eu
hannog i ethol siaradwr ond roedd ganddyn nhw’r hawl i ymddangos yn unigol. ·
Byddai’r Arolygwyr yn cyhoeddi adroddiad yn dilyn
cau’r sesiynau gwrando a byddai’n rhaid i’r Cyngor lynu at eu hargymhellion. ·
Cefnogodd yr Arolygwyr y targed tai newydd o 7500 ond
nid oedden nhw’n credu bod digon o dir wedi’i ddarparu i sicrhau’r nifer hwn
cyn 2021. Felly, gofynnodd yr Arolygwyr
am fwy o safleoedd i gyfateb i 1000 o dai gael eu cynnwys yn y cynllun;
byddai’r 21 safle presennol yn darparu 980 o dai. ·
Roedd y swyddogion yn adrodd ar ystod o ffactorau oedd
wedi’u hystyried i gyrraedd y ffigwr o’r angen am 7500 o dai. ·
Credai’r
swyddogion y byddai derbyn y polisi fesul cam yn diogelu’r safleoedd hynny
oherwydd dim ond mewn amgylchiadau penodol y bydden nhw’n cael eu rhyddhau ar
gyfer datblygu. · Eglurodd y swyddogion y ... view the full Cofnodion text for item 7. |
|
STRATEGAETH ATAL BAEDDU PDF 89 KB I ystyried adroddiad gan y Cynghorydd David Smith, yr Aelod
Arweiniol dros Dir y Cyhoedd (copi’n amgaeedig) yn ceisio cymeradwyaeth y
Cabinet i’r Strategaeth Atal Baeddu a’r camau nesaf fel y’u disgrifir yn y
Cynllun Gweithredu. Dogfennau ychwanegol:
Penderfyniad: PENDERFYNWYD bod y Cabinet - (a) yn
cymeradwyo’r Strategaeth Atal Baeddu a chytuno'r camau nesaf fel y disgrifiwyd
yn y Cynllun Gweithredu (ynghlwm fel Atodiadau 1 a 2 i’r adroddiad, yn eu tro),
a (b) gofyn
i swyddogion ymgymryd ag astudiaeth i addasrwydd ac effeithiolrwydd Gorchmynion
Rheoli Cŵn. Cofnodion: Cyflwynodd y Cynghorydd
David Smith yr adroddiad yn gofyn am gymeradwyaeth y Cabinet i’r Strategaeth
Atal Baeddu a’r camau nesaf fel y’u disgrifir yn y Cynllun Gweithredu. Roedd y Strategaeth Atal Baeddu (Atodiad 1)
a’r Cynllun Gweithredu (Atodiad 2) ynghyd â chwestiynau allweddol yr aelodau
(Atodiad 3) oedd yn codi o seminar diweddar, wedi’u hatodi i’r adroddiad. Atgoffwyd yr aelodau fod cŵn yn baeddu’n broblem fawr i drigolion a bod y Strategaeth wedi’i pharatoi
mewn ymateb i’r broblem. Eglurodd y Cynghorydd
Smith y tri phrif faes a nodwyd yn y Strategaeth oedd wedi cael Pennaeth
Gwasanaeth arbennig - ·
Cyfathrebu
a Marchnata– Jamie Groves ·
Trefniadau
Casglu – Steve Parker ·
Gorfodi –
Graham Boase Roedd gan bob maes gynllun
gweithredu i sicrhau cyflenwi effeithlon o fewn amserlenni priodol ac y byddai
effaith y Strategaeth yn cael ei fesur yn erbyn dangosyddion i werthuso
effeithiolrwydd. Cyfeiriwyd hefyd at XFOR,
y cwmni â’r contract i weithredu gorfodaeth amgylcheddol gan gynnwys cwn yn
baeddu. Mynegodd y Cynghorydd
Bobby Feeley bryder bod gweddillion baw cŵn yn cael eu gadael er
gwaethaf gwaredu gofalus a gofynnodd a ellid ystyried gwahardd cŵn o rai mannau penodol fel meysydd chwarae.
Ymatebodd y Cynghorydd David Smith gan ddweud bod Gorchmynion Rheoli Cŵn yn cael eu hystyried fel mater ar wahân i’r Strategaeth. Nid oedd y Cynghorydd Julian Thompson-Hill yn
cefnogi gweithredu mannau rheoli cŵn oherwydd bod gan
berchnogion cŵn ddyletswydd i ymarfer eu cŵn ac mai dim ond mewn rhai mannau y gallen nhw wneud hyn yn ddiogel. Yn ystod trafodaeth fer, dywedodd y Pennaeth
Cynllunio a Diogelu’r Cyhoedd (H:P&P) am gyfreithlondeb Gorchmynion Rheoli
Cŵn ac amlygodd yr angen am adolygiad ac ymgynghoriad
cynhwysfawr er mwyn penderfynu ar fesurau rheoli o fewn y sir. Croesawodd y Cabinet y
Strategaeth fel modd o ddelio â’r broblem o gŵn yn baeddu o fewn y sir a chymeradwyodd y fenter. Gobeithiai’r Arweinydd am fwy o fanylion
penodol o fewn y ddogfen honno a theimlai efallai y byddai seminar arall i
aelodau’n ddefnyddiol. Amlygodd y
Cynghorydd Joan Butterfield brif ardaloedd y problemau sef Brickfield Pond a
Marine Lake a gofynnodd am sicrhau y byddai XFOR yn canolbwyntio nid yn unig ar
dargedau hawdd ond ar fannau problemau anodd.
Adroddodd yr H:P&PP am waith y XFOR wrth fynd i’r afael â’r broblem
o gŵn yn baeddu gan gadarnhau eu bod wedi’u cyfarwyddo
i fod yn weledol ym mhob cymuned ac nid mewn ardaloedd hawdd yn unig. Pwysleisiodd y Cynghorydd Arwel Roberts yr
angen am orfodi’r Gorchmynion Rheoli Cŵn oedd yn cael eu torri
yng Nghaeau Chwarae Rhuddlan. O safbwynt
cyfathrebu, amlygodd y Cynghorydd Roberts yr angen am gyfieithiadau cywir a
chyswllt priodol gyda Chynghorau Tref a Chymuned. Gofynnodd y Cynghorydd
David Smith i aelodau ei hysbysu am unrhyw ardal broblem arbennig oedd angen ei
thargedu. Cynigiodd yr argymhellion o
fewn yr adroddiad a chynigiodd gwelliant y dylid hefyd cynnal astudiaeth i mewn
i Orchmynion Rheoli Cwn. PENDERFYNWYD
bod y Cabinet
– (a) yn cymeradwyo’r Strategaeth
Atal Baeddu ac yn cytuno ar y camau nesaf fel y disgrifiwyd yn y Cynllun
Gweithredu (atodedig fel Atodiad 1 a 2 i’r adroddiad), a’u bod yn (b) gofyn i swyddogion gynnal
astudiaeth i addasrwydd ac effeithlonrwydd Gorchmynion Rheoli Cŵn. |
|
ADRODDIAD CYLLID 2012/13 PDF 321 KB I ystyried adroddiad gan y Cynghorydd Julian Thompson-Hill,
Aelod Arweiniol dros Gyllid ac Asedau (copi’n amgaeedig) yn nodi’r safle
ariannol diweddaraf a chynnydd yn erbyn y strategaeth gyllid a gytunwyd. Dogfennau ychwanegol:
Penderfyniad: PENDERFYNWYD cydnabod y sefyllfa ariannol ddiweddaraf a’r cynnydd
mewn perthynas â’r strategaeth gyllidebol a gytunwyd. Cofnodion: Cyflwynodd y Cynghorydd
Julian Thompson-Hill yr adroddiad gyda manylion y sefyllfa ariannol ddiweddaraf
a’r cynnydd yn erbyn y strategaeth gyllideb gytunedig. Rhoddodd grynodeb byr o sefyllfa ariannol y
Cyngor fel a ganlyn - ·
Rhagfynegwyd tanwariant o £210k ar draws cyllidebau
gwasanaethau a chorfforaethol gyda’r rhagfynegiant i ysgolion yn symudiad
positif ar falansau o £169k ·
Roedd £2.423m (70%) o’r arbedion y cytunwyd arnyn nhw
wedi’u cyflawni gyda £995k (29%) yn cael eu symud ymlaen a £25k (1%), yn
ymwneud â rhesymoli argraffwyr, yn cael ei ohirio i’r flwyddyn nesaf ·
Amlygwyd amrywioldebau allweddol o dargedau cyllidebau neu arbedion a manylion gwasanaethau unigol ·
Diweddariad cyffredinol o’r Cynllun Cyfalaf a’r Cyfrif Refeniw
Tai. Eglurodd y Cynghorydd
Thompson-Hill nifer o faterion oedd yn codi o’r adroddiad mewn ymateb i
gwestiynau gan yr aelodau. Dywedodd y
Cynghorydd Hugh Evans y byddai’n ddefnyddiol bod adroddiadau’r dyfodol yn nodi
canran yr arbedion gwasanaethau er mwyn darparu darlun cliriach o wasanaethau
sy’n arbed dyraniadau, er bod arbedion gwasanaethau unigol wedi’u nodi.
Dywedodd y Cynghorydd Thompson-Hill y gellid darparu’r canran o arbedion dros y
tair blynedd nesaf ar gyfer gwasanaethau unigol ond ei bod yn bwysig darparu
rhywfaint o gyd-destun gyda’r ffigyrau hynny.
Nid oedd targedau gwasanaethau penodol wedi’u gosod hyd yn hyn ac roedd
methodolegau ar gyfer gosod targedau’r dyfodol yn cael eu hystyried. Amlygodd y Cynghorydd Bobby Feeley fod
Gwasanaethau Oedolion yn statudol a bod angen iddyn nhw ymateb i nifer o bwysau
yn y dyfodol gyda goblygiadau cost.
Gofynnodd y Prif Weithredwr am fwy o fanylion y pwysau yn y gyllideb
Priffyrdd a’r Seilwaith gael eu darparu’n gyson gyda chyllidebau gwasanaethau
eraill. PENDERFYNWYD nodi’r sefyllfa ariannol ddiweddaraf a’r cynnydd yn erbyn y strategaeth gyllideb y cytunwyd arni. |
|
BLAENRAGLEN WAITH Y CABINET PDF 42 KB I dderbyn Blaenraglen Waith y Cabinet sy’n amgaeedig a
nodi’r cynnwys. Penderfyniad: PENDERFYNWYD cydnabod
Blaenraglen Waith y Cabinet. Cofnodion: Cyflwynodd y Cynghorydd Hugh Evans y
Flaenraglen Waith y Cabinet I’w hystyried a – PHENDERFYNWYD nodi
Blaenraglen Waith y Cabinet. |
|
GWAHARDD Y WASG A'R CYHOEDD PENDERFYNWYD o fewn Adran 100A Deddf Llywodraeth Leol 1972 gwahardd
y Wasg a’r Cyhoedd o’r cyfarfod ar gyfer yr eitemau busnes canlynol oherwydd ei
fod yn golygu y gellid datgelu gwybodaeth eithriadol fel y’i diffiniwyd ym
Mharagraff 14 Rhan 4 Trefnlen 12A Deddf Llywodraeth Leol 1972. |
|
PENDERFYNIAD DYFARNU AR GYFER CYTUNDEB FFRAMWAITH CYMRU GYFAN AC AGMA I DDARPARU DEFNYDDIAU GOLEUO PRIFFYRDD
I ystyried adroddiad cyfrinachol gan y Cynghorydd David
Smith (copi’n amgaeedig) yn ceisio cymeradwyaeth y Cabinet i ddefnyddio
Cytundeb Fframwaith Cymru Gyfan ac AGMA ar gyfer Darpariaeth Defnyddiau Goleuo
Priffyrdd. Dogfennau ychwanegol:
Penderfyniad: PENDERFYNWYD bod y Cabinet
yn awdurdodi’r Rheolwr Goleuadau Stryd i ddefnyddio Cytundeb Fframwaith Cymru
Gyfan ac AGMA a ddatblygwyd yn ddiweddar, ar gyfer Darparu Defnyddiau Goleuo
Priffyrdd. Cofnodion: Cyflwynodd y Cynghorydd David Smith yr
adroddiad cyfrinachol (dosbarthwyd ynghynt) yn gofyn am gymeradwyaeth y Cabinet
i ddefnyddio Cytundeb Fframwaith Cymru Gyfan a Chymdeithas Awdurdodau
Manceinion Fawr (AGMA) a ddatblygwyd yn ddiweddar ar gyfer Darparu Deunyddiau
Goleuo Priffyrdd. Talodd y Cynghorydd
deyrnged i waith caled Andy Clark, Rheolwr Adran: Goleuo Strydoedd a Stuart
Andrews, Uwch Swyddog Caffael wrth ddatblygu’r fframwaith ar y cyd. Gobeithiai y byddai’r model yn gallu cael ei
ailadrodd mewn mannau eraill o fewn yr awdurdodau ar gyfer prosiectau
eraill. Cyfeiriwyd hefyd at
lwyddiannau’r Tîm Goleuo Strydoedd oedd yn flaenorol wedi ennill y categori
Perfformiwr Gorau Rhwydweithiau Perfformiad yn y wobr Rhagoriaeth Cymdeithas
Gwasanaethau Cyhoeddus ac ar y rhestr fer eto ar gyfer gwobr eleni. Cafwyd mwy o fanylion gan
y swyddogion am y ddarpariaeth gaffael a’r cytundeb fframwaith ar y cyd ac
amlygodd yr arbedion posibl i’r Cyngor a sefydliadau eraill o ganlyniad i’r
prosiect. Mewn ymateb i gwestiynau,
dywedodd y Rheolwr Adran: Goleuo Strydoedd ar opsiynau buddsoddi i ddarparu
effeithlonrwydd tymor hir a chadarnhaodd bod busnesau lleol yn cael eu
defnyddio ar gyfer nwyddau llai pan oedd hynny’n bosibl. Cydnabu’r aelodau ymroddiad y swyddogion a’r
gwaith caled oedd ynghlwm wrth ddatblygu’r cytundeb fframwaith a diolchodd
iddyn nhw am eu hymdrechion. PENDERFYNWYD bod y Cabinet yn rhoi
awdurdod i’r Rheolwr Goleuo Strydoedd ddefnyddio’r Cytundeb Fframwaith Cymru
gyfan ac AGMA a ddatblygwyd yn ddiweddar i ddarparu Deunyddiau Goleuo
Priffyrdd. Daeth y cyfarfod i ben am
12.45 p.m. |