Agenda, decisions and draft minutes

Siaradodd yr Arweinydd am y pedwar a fu farw’n ddiweddar mewn tân tŷ ym Mhrestatyn, sef Lee-Anne Shiers, ei mab Charlie, ei nai Bailey Allen a’i nith Skye Allen.  Roedd yr Arweinydd am anfon cydymdeimlad at y teulu oll. Cafwyd munud o dawelwch er parch at y bywydau a gollwyd.    

Ni chafwyd unrhyw ymddiheuriadau.

Yr Aelodau i ddatgan unrhyw fuddiannau personol neu fuddiannau sy’n rhagfarnu unrhyw fusnes i’w ystyried yn y cyfarfod hwn.

Ni ddatganwyd unrhyw fuddiant personol na buddiant sy’n rhagfarnu.                    

Hysbysiad o eitemau y dylid, ym marn y Cadeirydd, eu hystyried yn y cyfarfod fel materion brys dan Adran 100B(4) Deddf Llywodraeth Leol 1972.

Ni chodwyd unrhyw faterion brys. 

Derbyn cofnodion cyfarfod y Cabinet a gynhaliwyd ar ddydd Mawrth, 25ain Medi 2012 [copi ynghlwm]. 

PENDERFYNWYD cymeradwyo cofnodion y cyfarfod a gynhaliwyd ar 25ain Medi, 2012 fel cofnod cywir a’u llofnodi gan yr Arweinydd.

Materion yn Codi – Tudalen 7. Nododd y Cynghorydd David Smith fod dyddiad cyfarfod gyda TAITH am gael ei drefnu ac y byddai’r Cynghorydd Smith yn rhoi gwybod i’r Cabinet pan fyddai’r dyddiad wedi’i gadarnhau.

PENDERFYNWYD cymeradwyo bod cofnodion y cyfarfod a gynhaliwyd ar 25 Medi 2012 yn gofnod cywir a’u llofnodi gan yr Arweinydd.                       

Ystyried adroddiad gan Reolwr y Prosiect (copi ynghlwm.  Atodiad 1 copi I ddilyn) yn diweddaru’r aelodau ar gynnydd ac yn amlinellu argymhellion i’r Cabinet ar gyfeiriad y cydweithredu yn y dyfodol.

PENDERFYNWYD bod y Cabinet yn cytuno:

(i)                 oherwydd nad yw'r Achos Busnes yn gwneud achos clir o blaid Gwasanaeth Priffyrdd a Seilwaith sydd wedi ei integreiddio’n llawn, nad yw Conwy a Sir Ddinbych yn symud ymlaen â’r opsiwn hwn.

(ii)               Bod Conwy a Sir Ddinbych yn parhau i ystyried cyfleoedd pellach i resymoli rheolaeth, lleihau costau a gwella gwasanaethau i’n trigolion trwy:

Ø      Gryfhau’r meysydd is-wasanaeth hynny sydd dan reolaeth sengl

Ø      Ystyried meysydd is-wasanaeth Priffyrdd a Seilwaith lle gallai cydweithredu ddod â manteision i’n trigolion

Ø      Ystyried cyfleoedd lleol (Awdurdod benodol) i gydweithredu a chael trefniadau cyd-reoli rhwng gwasanaethau presennol

Ø      Cynnal a datblygu ein hymrwymiad i’r datblygiadau rhanbarthol ar gludiant a all, os cânt eu cyflawni yn dda, sicrhau manteision ychwanegol. Bydd angen seilio penderfyniadau ar achos busnes cadarn dros newid mewn perthynas ag elfennau o’r fath, a

(iii)             Bod y Cyfarwyddwyr Corfforaethol yn adrodd yn ôl i’r Cabinet ym mis Rhagfyr 2012 ar y gwaith sydd ymhlyg yn Argymhelliad (ii)

Cyflwynodd y Cynghorydd David Smith yr adroddiad i’w ystyried am argymhellion Bwrdd Rhaglen Cydweithio Priffyrdd a Seilwaith Conwy a Sir Ddinbych ar ôl ystyried “Cyd-wasanaeth Priffyrdd a Seilwaith Cwbl Integredig CBS Conwy a Chyngor Sir Ddinbych: Adroddiad am y Cynllun Gwasanaeth Drafft (Medi 2012)’ ar 12 Medi 2012.

Bu’r Cynghorydd David Smith yn diolch yn ffurfiol i Danielle Edwards, y Rheolwr Prosiect Rhanbarthol, Cyngor Bwrdeistref Sirol Conwy, am ei gwaith caled yn paratoi’r Adroddiad. Cadarnhaodd y Cynghorydd Smith ei fod ef a Chynghorydd Conwy Mike Priestley wedi cael eu holi ac wedi cael pob gwybodaeth drwy gydol y prosiect.  

Roedd Prif Weithredwyr Conwy a Sir Ddinbych wedi comisiynu gweithgor i ystyried y dewisiadau a oedd ar gael. Roedd y grŵp yn cynnwys dau Gyfarwyddwr Corfforaethol – Sasha Davies (Cyngor Bwrdeistref Sirol Conwy) a Hywyn Williams (Cyngor Sir Ddinbych) gyda chymorth Danielle Edwards (Rheolwr Prosiect), Swyddogion A151 a Phenaethiaid Gwasanaeth AD. Dyma oedd y dewisiadau i’w hystyried:-                  

Ø      Arbed yn ariannol i’r ddau gyngor heb golli gwasanaethau pwysig i’r preswylwyr              

Ø      Cryfhau’r cydweithio y mae’r ddau Awdurdod Lleol wedi ymrwymo iddo ar lefel iswasanaeth, h.y. cludiant ysgol a goleuadau stryd                             

Ø      Ystyried dewisiadau rhwng awdurdodau yn ogystal â dewisiadau mewn awdurdodau ar gyfer modelau darparu gwasanaeth

Ø      Sicrhau bod y dewisiadau i’w hystyried yn gyson â datblygiadau rhanbarthol.       

Byddai adroddiad y Cyfarwyddwyr Corfforaethol yn cael ei gyflwyno i’r Cabinet ar 18 Rhagfyr 2012.

Bu Danielle Edwards, Rheolwr y Prosiect, yn cydnabod gwaith ei chydweithwyr yn llunio’r adroddiad. Am y ddwy flynedd flaenorol, bu tîm prosiect o staff Cyngor Bwrdeistref Sirol Conwy a Chyngor Sir Ddinbych yn gweithio ar y prosiect. Tasg yr adroddiad oedd astudio un maes cydweithio, sef Priffyrdd a Seilwaith. O ran yr adroddiad ei hun, cydnabuwyd nad oedd unrhyw weledigaeth glir na set glir o fuddion. Felly, tua dechrau mis Ebrill, bu Rheolwyr Priffyrdd a Seilwaith yn gwneud gwaith a gynhyrchodd weledigaeth gyffredin. Gwasanaethau oedd y pethau cyntaf i’w hastudio. Datblygwyd gweithdy dylunio a oedd yn cynnwys Penaethiaid Gwasanaeth a chydweithwyr Uwch Dimau Rheoli Conwy a Sir Ddinbych. Aethpwyd â’r modelau wedyn i’r Rheolwyr Priffyrdd a Seilwaith yng Nghonwy a Sir Ddinbych i holi eu barn am ba adran o’r model a oedd yn gweithio ai peidio. Ar ôl cytuno ar sut fyddai’r gwasanaeth yn edrych, ystyriwyd y strwythur staff ac o’r diwedd ble fyddai’r gwasanaeth yn cael ei leoli. Byddai tri dewis yn cael eu hystyried:-                                                                                                                                                                           

Ø      Dewis 1 – Symud staff swyddfa’r Heath i safle Caledfryn

Ø      Dewis 2 - Cadw safleoedd Caledfryn a’r Heath, gan ad-drefnu’r staff yn ôl meysydd gwasanaeth / iswasanaeth lle’n briodol               

Ø      Dewis 3 – Gosod staff o’r Heath a Chaledfryn mewn adeilad a ddefnyddid yn flaenorol yn lle swyddfa (Parc Busnes Llanelwy).           

Diystyrwyd symud staff i adeilad yr Heath am fod yr adeilad yn anaddas. Diystyrwyd adeilad newydd hefyd oherwydd byddai hyn yn afresymol o ran cost.              

Byddai symud staff yn cynnwys goblygiadau TGCh. Roedd Adran 10 o’r adroddiad yn cyfeirio at y model ariannol, a oedd yn dangos costau arfaethedig y 3 dewis. 

Dyma fyddai’r costau llety ar gyfer pob un o’r tri dewis:-                          

Ø      Dewis 1 – Byddai mân gostau llety wrth symud i Galedfryn             

Ø      Dewis 2 – nid oedd unrhyw gostau ychwanegol disgwyliedig          

Ø      Dewis 3 – byddai costau ar gyfer prydlesu adeilad.           

Dangoswyd costau colli gwaith ar gyfer blwyddyn 1. Byddai 9 swydd newydd yn cael ei chreu. Roedd y swyddi newydd hyn wedi’u cyfateb i swyddi cyfredol gan leihau’r swyddi a gollir felly i 8.59 FTE (cyflogaeth amser llawn). 

Diolchodd yr Arweinydd hefyd i’r Rheolwr Prosiect am yr adroddiad a soniodd nad oedd  ...  view the full Cofnodion text for item 5.

Ystyried adroddiad gan y Cynghorydd Julian Thompson-Hill, Aelod Arweiniol Cyllid ac Asedau (copi I ddilyn), yn manylu’r sefyllfa ariannol ddiweddaraf a’r cynnydd mewn perthynas â’r strategaeth gyllidebol a gytunwyd.

PENDERFYNWYD bod yr Aelodau’n cydnabod y cyllidebau a’r targedau arbed ar gyfer y flwyddyn a’r cynnydd mewn perthynas â’r strategaeth gyllidebol a gytunwyd.

Cyflwynodd y Cynghorydd Julian Thompson-Hill yr Adroddiad Cyllid gan roi manylion arbedion a chyllideb refeniw’r Cyngor fel y cytunwyd arnynt ar gyfer 2012/13 fel ar ddiwedd mis Medi 2012.  Roedd yr adroddiad hefyd yn diweddaru’n gryno’r Cynllun Cyfalaf, y Cyfrif Refeniw Tai a’r Cynllun Cyfalaf Tai.        

Cafodd pob eitem a ddosbarthwyd fel un “ar y gweill” ei hadolygu yn ystod y broses herio gwasanaeth a chadarnhawyd y byddai’r rhain yn cael eu cyflenwi drwy gydol y flwyddyn ariannol.

Roedd ysgolion wedi dangos tanwariant bach wedi’i ragamcanu. Roedd llawer o waith i’w wneud ynghylch yr ysgolion hynny mewn anhawster ariannol. Roedd gan yr ysgolion hynny gynlluniau adfer yn eu lle ac roeddent wrthi’n gweithio tuag at y targedau a osodwyd yn y cynlluniau hynny.

Wrth baratoi cyllideb 2012/2013, bu’n rhaid gwneud nifer o dybiaethau ynghylch pwysau y byddai’r Cyngor yn eu hwynebu a rhoddwyd cyllidebau priodol yn eu lle. Dwy enghraifft o bwysau mawr oedd tebygolrwydd codiad cyflog i staff a chostau ynni’n cynyddu’n sylweddol. Fel y cyfryw, cyllidodd y Cyngor tua £1.5miliwn i dalu’r costau hynny. Ni ddigwyddodd y codiad cyflog a gyllidwyd i staff. Cadarnhawyd bod cyflogau’n cael eu rhewi ar ôl gosod y gyllideb ac felly roedd gan y Cyngor gyllideb ar gyfer codiad cyflog na fyddai’n digwydd.                

Cyllidwyd y cynnydd mewn prisiau ynni yn wreiddiol yn 20% ond roedd yn agosach at 10% ac felly nid oedd y gyllideb ychwanegol yn ofynnol.                       

Roedd £1.7miliwn o arian ar gael i Gyngor Sir Ddinbych ac, yng ngoleuni trafodaethau a gafwyd am y Cynllun Corfforaethol newydd ac i ddarparu ar gyfer blaenoriaethau datblygol, cytunwyd y byddai buddsoddiad mawr yn digwydd dros y 5/6 mlynedd nesaf. Byddai’r £1.7miliwn yn cael ei drosglwyddo i gronfeydd wrth gefn.

Cymeradwyodd Swyddfa Archwilio Cymru gyfrifon blynyddol y Cyngor. Bu’r Cynghorydd Julian Thompson-Hill yn diolch yn ffurfiol i Paul McGrady, Richard Weigh a’r holl staff a fu’n paratoi’r cyfrifon.                                    

Ychwanegwyd cyfalaf wrth gefn at brosiect Pont Cerddwyr a Beicio Harbwr y Rhyl, ynghyd â chyfraniad pellach o £250,000 gan SUSTRANS.

Cafwyd yr wybodaeth ddiweddaraf am y Rhyl yn Symud Ymlaen. Roedd Caniatâd Ardal Gadwraeth wedi’i roi gan Lywodraeth Cymru i ddymchwel The Honey Club yn y Rhyl. Fodd bynnag, roedd gofyn i’r Cyngor ganiatáu ar gyfer chwe wythnos o gyfnod apelio.

Roedd y crynodeb o gyllid a ddygwyd ymlaen yn nodi £200,000 a oedd heb ei ddyrannu eto.  Y cydweithwyr a fyddai’n penderfynu ble i roi hwn yn y cronfeydd wrth gefn.

Gofynnodd y Cynghorydd Eryl Williams am wybodaeth am y gwariant ar briffyrdd ar gyfer y flwyddyn hon. Cytunodd y Cydbennaeth Priffyrdd a Seilwaith i roi’r wybodaeth hon.                                                          

Roedd Tŵr Awyr y Rhyl yn ôl o dan reolaeth Cyngor Sir Ddinbych. Roedd Rheolwr y Rhyl yn Symud Ymlaen a’i dîm yn gweithio ar y portffolio eiddo a’r costau refeniw.                                         

Bu’r Cyfarwyddwr Corfforaethol, Moderneiddio a Lles, yn rhoi’r wybodaeth ddiweddaraf yn fras am Wasanaethau Oedolion. Roedd darn o waith yn digwydd ar draws Awdurdodau Lleol yn edrych ar gynllun gwariant 3 blynedd. Nid oedd rhagor o fanylion ar gael am y prosiect ar y pryd.           

Cadarnhaodd y Cyfarwyddwr Corfforaethol: Uchelgais Economaidd a Chymunedol, fod trafodaethau helaeth yn digwydd am Gyfnod 3 Gwaith Amddiffyn yr Arfordir. Cafwyd materion ynghylch llifogydd ac roedd trafodaethau pellach yn parhau gyda Grŵp Scarborough.

Dywedodd y Cynghorydd Bobby Feeley wrth yr Aelodau fod llifogydd, yn ôl rhagfynegiadau’r adroddiad newyddion, yn mynd i gynyddu yn y dyfodol. Roedd angen i Awdurdodau Lleol wybod am hyn a derbyn y ffaith y byddai angen cyllid ychwanegol i ymdrin â’r peth. Cadarnhaodd y Cynghorydd David Smith fod cynllun llifogydd ar gael a nododd  ...  view the full Cofnodion text for item 6.

Ystyried adroddiad gan y Cynghorydd Hugh Irving, Aelod Arweiniol Cwsmeriaid a Chymunedau (copi ynghlwm) i’r Cabinet gymryd penderfyniad mewn perthynas ag eiddo REEMA yng Ngallt Melyd, posibiliadau dymchwel a blaenoriaethau adleoli.

PENDERFYNWYD bod y Cabinet yn cytuno:

(i)                 Bod y Cyngor yn dymchwel yr eiddo REEMA ac yn diogelu’r safle nes ei ailddatblygu.

(ii)               Bod y Cyngor yn parhau gyda’i drafodaethau â Llywodraeth Cymru i ystyried y potensial i gael cymhorthdal tai i ddatblygu Tai Cyngor newydd ar y safle.

(iii)             Bod y Cyngor yn gweithio gyda thrigolion a all ddymuno dychwelyd i safle wedi ei ailddatblygu i sicrhau bod eu hanghenion yn cael eu trin fel rhan o unrhyw ddatblygiad newydd.

(iv)             Bod y Cyngor yn cydnabod darpariaethau Polisi Adleoli Tenantiaid REEMA.

Cyflwynodd y Cynghorydd Hugh Irving yr adroddiad yn rhoi gwybod i’r Cabinet am yr eiddo REEMA ar Ffordd Tŷ Newydd a Rhodfa Hendre yn Galltmelyd sy’n methu ar hyn o bryd â chyrraedd Safon Ansawdd Tai Cymru (SATC).

Gwnaethpwyd eiddo REEMA o adeiladwaith parod heb fod yn draddodiadol. Y broblem gydag ailwampio posibl oedd na fyddai’n mynd i’r afael â phroblemau dylunio’r eiddo. Roeddent wedi’u hadeiladu’r ffordd anghywir ac ar waelod llethr heb unrhyw leoedd parcio.                                        

Daethpwyd â’r adroddiad i’r Cabinet am fod y tenantiaid yn gofyn am yr wybodaeth ddiweddaraf am bosibilrwydd dymchwel/ailwampio eu cartrefi.          

Cafwyd tri chyfarfod â’r tenantiaid ynghylch y polisi trosglwyddo dros dro. Byddai’r tenantiaid yn cael eu rhoi’n awtomatig ar frig y rhestr dai am eiddo dros dro. Yn anffodus, dim ond 12 eiddo addas a oedd wedi dod yn wag yn ystod y 12 mis diwethaf. Felly, roedd yn bosibl y gallai gymryd hyd at 2 flynedd i ddod o hyd i ddewisiadau tai addas i drosglwyddo tenantiaid dros dro.                            

Cynigiwyd aros nes bod pob eiddo ar y safle’n wag ac yna byddai’r dymchwel yn digwydd.                               

Gofynnodd y Cynghorydd Meirick Lloyd Davies am gynllun o’r ystâd er cyfeirio’n rhwydd ato.       

PENDERFYNWYD bod y Cabinet yn cytuno:-

(i)                 I’r Cyngor ddymchwel yr eiddo REEMA a sicrhau’r safle gan ddisgwyl ailddatblygu.    

(ii)               I’r Cyngor barhau â’i drafodaethau gyda Llywodraeth Cymru i archwilio’r posibilrwydd am gymhorthdal tai i ddatblygu Tai Cyngor wedi’u hadeiladu o’r newydd ar y safle.

(iii)             I’r Cyngor weithio gyda phreswylwyr a allai ddymuno dychwelyd i safle ar ei newydd wedd i sicrhau y darperir ar gyfer eu hanghenion yn rhan o unrhyw ddatblygiad newydd.

(iv)             I’r Cyngor nodi darpariaethau Polisi Trosglwyddo tenantiaid REEMA Dros Dro.             

Yn y man hwn (11.30 a.m.) cafwyd egwyl.      

Ailddechreuodd y cyfarfod am 11.45 a.m.

Ystyried adroddiad gan y Cynghorydd Hugh Evans, Arweinydd y Cyngor (copi ynghlwm.  Atodiad 1 i ddilyn) i’r Cabinet benderfynu pa gyrff allanol y mae’r Cyngor i benodi aelodau iddynt fel cynrychiolwyr Cyngor Sir Ddinbych. Hefyd cymeradwyo penodiadau i’r cyrff.

PENDERFYNWYD ar ôl i’r Cabinet ystyried Rhestr 1 (cyrff allanol lle’r ystyrir bod cynrychiolaeth Sir Ddinbych yn hanfodol neu’n gorfforaethol-fanteisiol) a Rhestr 2 (cyrff eraill y gellid penodi cynrychiolwyr Sir Ddinbych iddynt), cytunwyd :-

(a)               Cymeradwyo’r penodiadau a argymhellwyd a ddangoswyd yn Rhestr 1

(b)               Cymeradwyo’r cyrff yn Rhestr 2 fel rhai â chynrychiolwyr o’r Cyngor ac eithrio Awdurdodau Lleol Di-Niwcliar, a oedd yn destun ystyriaeth bellach.

(c)                Penodi’r Cynghorwyr perthnasol i’r cyrff a gymeradwywyd gan y Cabinet o Restr 2.

Cyflwynodd y Cynghorydd Hugh Evans (yr Arweinydd) adroddiad yn cynnig enwebiadau Aelodau i gynrychioli Cyngor Sir Ddinbych ar nifer o gyrff allanol. Roedd penderfyniad yn ofynnol gan y Cabinet ynghylch pa gyrff allanol y byddai Cyngor Sir Ddinbych yn enwebu Aelodau i gynrychioli’r Cyngor arnynt.                                 

Dywedodd yr Arweinydd fod adolygiad wedi digwydd ym mis Mai 2012 a bod rhestr o’r holl sefydliadau allanol â chynrychiolwyr o Gyngor Sir Ddinbych wedi’i llunio.                           

Ymgynghorwyd â’r Arweinydd, yr Uwch Dîm Arwain a Grwpiau Gwleidyddol ynghylch y sefydliadau allanol a’r enwebiadau arfaethedig.                           

Bu’r Pennaeth Gwasanaethau Cyfreithiol a Democratig yn egluro’r 3 gwahanol restr a roddwyd i’r Cabinet, fel a ganlyn:-                        

Ø      Rhestr 1 – Sefydliadau yr ystyriwyd ei bod yn gorfforaethol fanteisiol i Gyngor Sir Ddinbych gael cynrychiolydd enwebedig arnynt. Cafwyd adborth gan Arweinwyr Grŵp a oedd yn credu bod y sefydliadau hyn yn dal yn berthnasol ac enwebwyd y cynrychiolwyr fel yr oeddent ar y rhestr.                                                   

Ø      Rhestr 2 – Roedd yn cynnwys sefydliadau yr oedd gofyn i’r Cabinet benderfynu a fyddent yn aros ar y rhestr. Cytunwyd y byddai’r sefydliadau’n aros ar y rhestr ac eithrio Awdurdodau Lleol Di-niwclear yr oedd gofyn eu trafod ymhellach.                                                          

Ø      Rhestr 3 – Nid oedd gofyn enwebu aelodau i’r sefydliadau a enwyd ar Restr 3, ond pe byddai gan aelod ddiddordeb personol yn y sefydliad, gallai fynychu’n bersonol. Roedd nifer o’r sefydliadau ar y rhestr yn anweithredol erbyn hyn.                                                               

Ø      Cynigiodd y Pennaeth Gwasanaethau Cyfreithiol a Democratig gyflwyno adroddiad ar Gyrff Allanol i’r Pwyllgor Llywodraethu Corfforaethol.      

PENDERFYNWYD ar ôl i’r Cabinet ystyried Rhestr 1 (cyrff allanol yr ystyrir ei bod yn hanfodol neu’n gorfforaethol fanteisiol cynrychioli Sir Ddinbych arnynt) a Rhestr 2 (sefydliadau eraill y gellid penodi cynrychiolwyr y Cyngor iddynt), cytuno:-

(a)               I gymeradwyo’r penodiadau a argymhellwyd a ddangosir yn Rhestr 1

(b)               I gymeradwyo’r sefydliadau yn Rhestr 2 fel rhai sydd â chynrychiolaeth y Cyngor ac eithrio Awdurdodau Lleol Di-niwclear a fyddai’n destun ystyriaeth bellach.                         

(c)                I benodi’r Cynghorwyr perthnasol i’r sefydliadau a gymeradwywyd gan y Cabinet o Restr 2.

Derbyn Blaenraglen Waith y Cabinet, sy’n amgaeëdig, a chydnabod y cynnwys.

PENDERFYNWYD cydnabod Blaen-raglen waith y Cabinet.

Cyflwynodd y Cynghorydd Hugh Evans Flaenraglen Waith y Cabinet i’w hystyried.                       

PENDERFYNWYD nodi Blaenraglen Waith y Cabinet.                  

I ystyried adroddiad gan y Cynghorydd Hugh Irving, Aelod Arweiniol Cwsmeriaid a Chymunedau (copi ynghlwm) ar gyfer Cabinetau cymeradwyaeth I ddyfarnu Contract yn ffurfiol 8 o gwblhau’r Rhaglen Gwella Tai yn dilyn y broses dendro drwy’r cytundeb fframwaith presennol.

PENDERFYNWYD bod y Cabinet yn cytuno gyda’r argymhelliad i ddyfarnu’r contract, ar ôl archwiliadau dilysu boddhaol o gyflwyniad tendr y contractwr. Roedd amrediad prisiau tendr yn dangos bod tendr cystadleuol wedi ei geisio sy’n bona fide ac yn addas ar gyfer contract o’r fath. Y contract hwn yw’r contract terfynol o fewn y cytundeb fframwaith a bydd yn sicrhau bod pob eiddo yn cydymffurfio’n llawn â Safon Ansawdd Tai Cymru.

Cyflwynodd y Cynghorydd Hugh Irving yr adroddiad cyfrinachol i ofyn am gymeradwyaeth y Cabinet i ddyfarnu Contract 8 o’r Rhaglen Gwella Tai yn ffurfiol.            

PENDERFYNWYD bod y Cabinet yn cytuno i’r argymhelliad i ddyfarnu’r contract ar ôl gwneud gwiriadau dilysu boddhaol o gyflwyniad tendr y contractwr. Mae lledaeniad prisiau tendr yn arddangos bod tendr cystadleuol wedi’i gael sy’n ddilys ac yn addas i gontract o’r math hwn. Y contract hwn yw’r contract terfynol yn y cytundeb fframwaith a bydd yn sicrhau bod pob eiddo’n cydymffurfio’n llawn â Safon Ansawdd Tai Cymru.                                                      

Daeth y cyfarfod i ben am 12.20 p.m.