Agenda and draft minutes
Lleoliad: Ystafell Bwyllgora 1a, Neuadd y Sir, Rhuthun
Rhif | Eitem |
---|---|
CROESO Croesawodd yr
Arweinydd, y Cynghorydd Hugh Evans bawb i’r cyfarfod ac fe estynnodd groeso
arbennig o gynnes i’r Cyfarwyddwr Corfforaethol Rebecca Maxwell a oedd newydd
ei phenodi, i’w chyfarfod Cabinet cyntaf. |
|
YMDDIHEURIADAU Cofnodion: Ni chafwyd unrhyw ymddiheuriadau. |
|
DATGANIADAU O FUDDIANT Dylai’r aelodau ddatgan unrhyw ddiddordebau personol neu
ragfarn ar unrhyw fater a gaiff ei ystyried yn y cyfarfod. Cofnodion: Ni chafwyd unrhyw ddatganiad o
fuddiant personol neu niweidiol. |
|
MATERION BRYS Hysbysiad o eitemau, yn ôl barn y Cadeirydd, a ddylai cael
eu hystyried fel materion o frys gan ddilyn Rhan 100B(4) o Ddeddf Llywodraeth
Leol 1972. Cofnodion: Ni chodwyd unrhyw faterion brys |
|
Dylid derbyn cofnodion cyfarfod y Cabinet a gynhaliwyd ar 4
Medi 2012 [copi yn amgaeedig]. Cofnodion: Cyflwynwyd cofnodion cyfarfod y Cabinet a
gynhaliwyd ar Fedi 4, 2012. Materion yn Codi – Tudalen 6 - Eitem
Rhif 3: Materion Brys - Mewn ymateb i gwestiwn gan y Cynghorydd Eryl Williams,
dywedodd Pennaeth y Gwasanaethau Cyfreithiol a Democrataidd y byddai’n
ysgrifennu at aelodau’r Cyngor blaenorol i gydnabod y gwaith yr oedden nhw wedi
ei wneud a’u cyfraniad i welliant parhaus a chyflawniad yr awdurdod fel cyngor
sy’n perfformio’n dda.. Tudalen 7/8 -
Eitem Rhif 5: Adroddiad Diweddaru Ariannol - rhoddodd y Cynghorydd Julian
Thompson-Hill ddiweddariad i aelodau ar y safle diweddaraf ynglŷn â
dymchwel yr Honey Club yn y Rhyl.
Dywedodd fod llythyr gan Lywodraeth Cymru (mewn ymateb i atgoffâd gan y
Prif Weithredwr) wedi ei gylchlythyru i gynghorwyr yn dweud fod penderfyniad ar
y cais i ddymchwel i’w ddisgwyl o fewn pythefnos. Ychwanegodd yr Arweinydd ei fod wedi codi’r
mater mewn cyfarfod diweddar efo’r Gweinidog dros Dai, Adfywio a Threftadaeth a
chytunai’r Cabinet ag awgrym yr Arweinydd i e-bostio’r Gweinidog â manylion
pellach. Tudalen 12 -
Eitem Rhif 9: Newidiadau i’r Rhaglen Cefnogi Pobl - adroddodd y Cynghorydd
Bobby Feeley ar gyfarfod cyntaf y Pwyllgor Cydweithredol Rhanbarthol a fyddai’n
parhau i gyfarfod yn fisol yn y chwe mis nesaf.
Cadarnhaodd Cyfarwyddwr Corfforaethol Moderneiddio a Lles y byddai’r
Pwyllgor Craffu Cymunedau’n craffu effaith trefniadau newydd cefnogi pobl ar
gyflenwad a chyllid y gwasanaethau hynny yn Sir Ddinbych. PENDERFYNWYD cymeradwyo cofnodion y cyfarfod a gynhaliwyd ar Fedi 4, 2012 yn gofnod
cywir a’u harwyddo gan yr Arweinydd.
|
|
GWASANAETHAU BWS A GOSTYNGIADAU PDF 107 KB Dylid ystyried adroddiad gan y Cynghorydd David Smith, Prif
Swyddog ar gyfer Tir y Cyhoedd (copi yn amgaeedig) gan ymgynghori’r Cabinet am
oblygiadau gostyngiad cyllid Llywodraeth Cymru a’r effeithiau fyddai hynny yn
ei gael ar wasanaeth bws. Nodir yn yr adroddiad fod angen cymeradwyaeth y
Cabinet ar y cynlluniau ynglŷn â gostyngiadau’r gwasanaeth bws yn 2012/13
a 2013/14. Dogfennau ychwanegol:
Cofnodion: Cyflwynodd y Cynghorydd David Smith yr
adroddiad yn hysbysu’r Cabinet o oblygiadau gostyngiadau yng nghyllid
Llywodraeth Cymru, yr ymgynghoriad dilynol ar leihad yn y gwasanaethau bws a
thoriadau arfaethedig yn y gwasanaethau bws yn 2012/13 a 2013/14. Dywedwyd wrth
Aelodau am y cefndir i’r cynigion presennol a oedd yn codi o doriadau mewn
cyllid grant a delir tuag at wasanaethau bws lleol ynghyd ag effaith potensial adolygiad gweinidogol ar
y ffordd y byddai grantiau yn y dyfodol yn cael eu rheoli. Fe gychwynnodd y
Pwyllgor Craffu Cymunedau broses ymgynghori â theithwyr a chymunedau ar gyfres
o doriadau posibl a gafodd eu hadolygu wedyn gan Weithgor Gostyngiadau yn y
Gwasanaeth Bws (Atodiad 1 i’r adroddiad).
Roedd cynigion y Gweithgor ar gyfer 2012/13 wedi eu nodi yn yr adroddiad
ynghyd â chynigion ar gyfer 2013/14 (Atodiad 2 i’r adroddiad). Roedd asesiad o effaith ar gydraddoldeb o ran
y gostyngiadau potensial wedi ei gynnwys hefyd (Atodiad 3 i’r adroddiad). Roedd y Cynghorydd Smith yn awyddus i amlygu’r
gwaith caled a’r ymdrech a wnaethpwyd i gyrraedd yr argymhellion a gynhwysir o
fewn yr adroddiad. Cyfeiriodd y
Cynghorydd Huw Jones at nifer o lwybrau a cheisiodd eglurder ar gynigion
potensial yn y dyfodol ar gyfer yr ardaloedd hynny gan fod angen sicrhau na
fyddai amserlennu gwasanaethau’n gorffen yn rhy fuan ac y byddai cymaint o bobl
ag sydd bosib yn cael eu cynnwys os byddai newidiadau’n ofynnol. Fe sicrhaodd Rheolwr Adran: Cludiant Teithwyr
(RhA:CT) y Cabinet fod nifer o newidiadau i’r amserlen wedi eu hystyried er
mwyn cyflawni’r ateb gorau posib gan ystyried yr angen am arbedion. O ran y gwasanaethau penodol y cyfeiriwyd
atyn nhw gan y Cynghorydd Jones, dywedodd y RhA:CT) - ·
Gwasanaeth X5 (Corwen - Rhuthun/Dinbych) -
roedd sawl ymateb i ymgynghoriad yn cael eu hystyried. Nid oedd y gwasanaeth yn perfformio’n dda ac
roedd 1640 a 1740 yn cael eu harchwilio. Roedd y 1640 yn brysurach ond 1740
oedd y bws olaf felly canlyniad posib fyddai newid amser y gwasanaeth i 1710 i
allu cymryd cymaint o deithwyr ag sydd bosib. ·
Roedd
addasiadau a gynigir i wasanaethau 70/77 (Betws/Clawdd/Cyffylliog/Llanelidan i
Ruthun) wedi eu nodi yn Atodiad 4 i’r adroddiad. Roedd addasiadau a gynigiwyd wedi eu gwneud
hefyd i wasanaethau 91/95 (Betws/Carrog i Langollen neu Wrecsam) a byddai
hynny’n golygu rhai arbedion gweddol fach ond roedd angen ymgynghoriad ar y
cynigion gydag aelodau lleol cyn cylchredeg yn ehangach. Ceisiodd Aelodau
eglurhad ar yr argymhelliad arfaethedig a oedd yn ymwneud â chludiant cleifion
i Ysbyty Abergele. Esboniodd y RhA:CT
fod trafodaethau’n gyfredol â Bwrdd Iechyd Prifysgol Betsi Cadwaladr (BIPBC) i
ariannu peilot i allu delio â cheisiadau teithwyr i fynd i’r clinig llygaid
sydd wedi ei drosglwyddo (o Lanelwy i Abergele). Ond, pe byddai’r peilot yn aflwyddiannus
cynigiwyd bod y Cyngor yn cyflwyno rhywfaint o ddarpariaeth cludiant sylfaenol
ar gyfer cleifion. Teimlai’r Cynghorydd
Bobby Feeley y dylai BIPBC gymryd cyfrifoldeb am gludiant oherwydd y newidiadau
i wasanaethau cleifion yr oedden nhw wedi eu cyflwyno. Cytunai’r Cynghorydd Eryl Williams gan
ychwanegu fod y Cyngor â’i gyfrifoldebau ei hun o ran darpariaeth cludiant a
phe byddai’r Cyngor yn cymryd y cyfrifoldeb ychwanegol byddai hynny ar draul
gwasanaethau pwysig eraill. Cafwyd
trafodaeth faith ar hyn gan bwysleisio fod cludiant yn broblem sylweddol i
BIPBC ei ystyried o ran newidiadau i leoliad gwasanaethau cleifion a oedd yn
anochel dan y cynigion a oedd yn codi o Adolygiadau Gwasanaeth y |
|
CONTRACT CARTREF PLANT BRYN Y WAL PDF 122 KB Dylid ystyried adroddiad gan y Cynghorydd Bobby Feeley, Prif
Swyddog ar gyfer Gofal Cymdeithasol a Gwasanaethau Plant (copi yn amgaeedig).
Mae’n gofyn am gymeradwyaeth y Cabinet dros drefniadau’r contract ar gyfer
Cartref Preswyl Plant yn Rhuddlan ar ôl Ebrill 2013, a’r cynigion eraill i
ddefnyddio’r cyfleusterau. Cofnodion: Cyflwynodd y Cynghorydd Bobby Feeley yr
adroddiad gan geisio cytundeb y Cabinet i gynigon o ran trefniadau contractiol
sy’n ymwneud â Chartref Preswyl pedwar/pum gwely yn Rhuddlan ar ôl Ebrill 2013
a’r defnydd gwahanol o adnoddau. Roedd yr
adroddiad yn canolbwyntio ar drefniant contractiol gyda Gweithredu dros Blant a
oedd yn berchen ar Gartref Plant Bryn y Wal ac yn ei redeg. Oherwydd galw cyfyngedig nid oedd y Cyngor
wedi defnyddio’r cyfleuster yn llawn.
Felly cafwyd trafodaethau cyfredol i sicrhau a ellid rhannu adnoddau a
chostau â dau neu dri o awdurdodau lleol eraill. Os nad oedd hynny’n bosib fe ganiateid i’r
contract ddarfod ar ddiwedd Mawrth 2013.
Byddai’r ddau opsiwn yn cyflawni arbediad cyllideb a byddai’n galluogi
ail-fuddsoddi mewn meysydd blaenoriaeth.
Roedd costau manwl y cynigion wedi eu cynnwys yn yr adroddiad. Roedd y cynigion yn canolbwyntio ar y
canlynol - ·
cadw
gyfran o gyllideb bresennol Bryn y Wal (£215k) i brynu cyfran yn yr adnodd
preswyl diwygiedig pe byddid yn cytuno ar hynny, neu, fel arall, i wneud
trefniadau lleoli gwahanol; byddai hefyd yn ariannu’r costau ychwanegol o
ddarparu trefniadau gofal maeth brys, a ·
fe
ddefnyddid y gweddill wedyn i hyrwyddo dau ddatblygiad (1) Gofal Maeth â
Chymorth, a (2) cryfhau Gwasanaethau Cymorth i Deuluoedd, y ddau yma wedi eu
targedu tuag at leihau’r nifer sydd angen eu lletya neu leihau’r angen i
ddefnyddio gofal preswyl. Yn ystod
ystyriaeth o’r opsiynau a gynigiwyd ar gyfer trefniadau yn y dyfodol
ychwanegodd y Cynghorydd Feeley na chafwyd unrhyw ymateb gan awdurdodau
cymdogol hyd yma o ran rhannu cyfleusterau.
Fe ymhelaethodd y Pennaeth Gwasanaethau Plant a Theuluoedd (P:GP&Th)
ar y buddsoddiad mewn darpariaeth sy’n seiliedig ar faethu i ddelio ag ystod o
wahanol anghenion. Gan fod Bryn y Wal yn
darparu math arbennig o ddarpariaeth ni fyddai’n ymarferol cynnal y contract
dan drefniadau presennol. Fe drafododd y
Cabinet yr ailfuddsoddiad mewn meysydd blaenoriaeth â’r swyddogion a nodwyd mai
dim ond nifer bychan o blant oedd yn cyrchu gofal preswyl yn Sir Ddinbych ac
roedd yna fwy o angen am ddarpariaeth arbenigol nad oedd i’w gael ym Mryn y
Wal. Byddai trefniadau prynu yn ôl y
galw ar gyfer plant penodol ar amseroedd penodol yn parhau a byddai rhai plant
yn cael eu lleoli y tu allan i’r sir er mwyn cyfarfod â’u hanghenion
unigol. Cyfeiriwyd hefyd at y risgiau
sy’n gysylltiedig â’r trefniadau a’r mesurau i’w lleihau. Fe adroddodd Cyfarwyddwr Corfforaethol Moderneiddio
a Lles ar beth o’r gwaith rhanbarthol a oedd yn cael ei wneud i asesu amrediad
y ddarpariaeth breswyl a’r cyfleusterau yng Ngogledd Cymru er mwyn cyfarfod ag
anghenion plant. Teimlai’r
Cynghorydd Dewi Owens y dylid cadw’r adnodd a rennir fel cyfleuster dim ond os
byddai’n cael ei ddefnyddio’n llawn a holodd am ddefnydd gan awdurdodau
cymdogol. Adroddodd y P:GP&Th fod
Cyngor Bwrdeistref Sirol Wrecsam wedi defnyddio gwely’n gyson ar gyfer dau o
blant fel pryniant yn ôl y galw heb ymwneud â’r contract. Cytunai’r Cabinet
na fyddai’n briodol parhau i ariannu’n gyfan gwbl adnodd nad oedd yn cael ei
ddefnyddio’n llawn. Ond, roedd aelodau o
blaid dull cydweithredol ag awdurdodau cymdogol er mwyn cynnal y cyfleuster o
fewn y sir a gobeithient y byddai ymdrechion i’r perwyl hwnnw’n
llwyddiannus. PENDERFYNWYD bod y Cabinet yn cadarnhau – (a) y
trefniadau contractiol arfaethedig ar ôl Ebrill 2013 fel y’u nodir o fewn yr
adroddiad; (b) datblygiad
gwasanaeth cymorth i deuluoedd oriau effro saith diwrnod fel y’i nodir yn yr
adroddiad (c) datblygiad
gofal maeth â chymorth fel y’i nodir yn yr adroddiad. |
|
ADRODDIAD BLYNYDDOL RHEOLAETH GYLLIDOL 2011/12 PDF 66 KB Dylid ystyried adroddiad gan y Cynghorydd Julian
Thompson-Hill, Prif Swyddog ar gyfer Cyllid ac Asedau (copi yn amgaeedig) sy’n
diweddaru’r Cabinet ar berfformiad y rheolaeth gyllidol a hefyd yn cydymffurfio
gyda chyfyngiadau dangosyddion Prudential yn ystod 2011/12. Dogfennau ychwanegol: Cofnodion: Cyflwynodd y Cynghorydd Julian Thompson-Hill yr
adroddiad a oedd yn rhoi manylion gweithgareddau rheoli trysorlys y Cyngor a
throsolwg o’r cefndir economaidd am y flwyddyn.
Roedd yn adrodd hefyd ar oblygiadau risg penderfyniadau a thrafodion y
trysorlys a chadarnhaodd gydymffurfiad â chyfyngiadau’r trysorlys a
Dangosyddion Darbodus. Wrth grynhoi’r adroddiad esboniodd y Cynghorydd
Thompson-Hill fod hon yn ddogfen hanesyddol ac amlygodd y prif bwyntiau o ran gweithgareddau benthyca a buddsoddi yn
ystod 2011/12 ac fe ymhelaethodd hefyd ar nifer o ddangosyddion darbodus
allweddol. Ychwanegodd y Pennaeth Cyllid
ac Asedau (P:C&A) fod y Pwyllgor Llywodraethu Corfforaethol wedi trafod yr
adroddiad yn helaeth; roedd adolygiad Archwilio Mewnol diweddar wedi rhoi cyfraddiad
sicrwydd uchel ar weithgareddau rheolaeth y trysorlys; ac roedd Swyddfa
Archwilio Cymru hefyd yn fodlon â’r gwasanaeth.
Felly gallai’r asesiadau hynny roi sicrwydd pellach i’r Cabinet. Manteisiodd Aelodau ar y cyfle i ofyn
cwestiynau a thrafod nifer o faterion a oedd yn codi o’r adroddiad â’r Aelod
Arweiniol a’r P:C&A a’r ymateb oedd – ·
roedd
cyfyngiadau benthyca’r Cyngor yn cael eu gosod yn flynyddol gan y Cyngor Llawn ·
fe
ymhelaethwyd ar y defnydd o Fenthyca Mewnol lle defnyddid cronfeydd wrth gefn a
gweddillion y cyngor ei hun i ariannu gwariant cyfalaf fel dull mwy cost
effeithiol o fenthyca yng ngoleuni incwm buddsoddi isel ·
rhoddwyd
enghraifft o gyfraddau benthyca nodweddiadol a’r symiau a oedd yn daladwy dros
dymor o ddeng mlynedd gyda data hanesyddol i adlewyrchu’r ffordd yr oedd
cyfraddau llog wedi cwympo i’r iselfannau presennol o hyd at 10% yn y
1980au/1990au ·
adroddwyd ar ddyled etifeddol y Cyngor gan
awdurdodau blaenorol ynghyd â’r proffil aeddfedrwydd dyled ac yn arbennig dyled
sy’n aeddfedu yn ystod bywyd y Cyngor presennol sy’n rhyddhau cynilion o
oddeutu £700k ·
cadarnhawyd fod y Cyngor Llawn wedi cytuno i
eithriad am resymau gweithredol i ganiatáu defnydd parhaus o fanc y Cyngor ei
hun, Natwest, er ei fod yn un o’r banciau a effeithiwyd gan israddiad
credyd-raddio yn hydref 2011. Pan fyddai
pwyllgorau eraill wedi ystyried eitemau busnes cyn y Cabinet, teimlai’r
Cynghorydd Eryl Williams y byddai’n ddefnyddiol i’r Cabinet gael ei ddarparu â
pheth adborth ar hynny. Cadarnhaodd y
Cynghorydd Gwyneth Kensler, Is-gadeirydd y Pwyllgor Llywodraethu Corfforaethol
mai dim ond yn ddiweddar yr oedden nhw wedi ystyried materion rheoli’r
trysorlys ac nid oedd y cofnodion ar gael eto.
Fodd bynnag, roedd croeso i aelodau’r Cabinet ddod i’r cyfarfodydd pan
fyddid yn trafod materion felly. Nododd
y Cabinet fod y Pwyllgor Llywodraethu Corfforaethol wedi bod yn hapus â
chynnwys yr adroddiad a pherfformiad rheolaeth y trysorlys. O ystyried yr
hinsawdd economaidd presennol teimlai’r Cynghorydd Bobby Feeley y gallai’r
Cyngor fanteisio ar y cyfraddau llog isel sy’n daladwy am fenthyg i fuddsoddi
mewn prosiectau cyfalaf a byddai hynny’n fanteisiol hefyd i’r economi leol a
chymunedau. Oherwydd yr incwm buddsoddi isel teimlai’r Cynghorydd David Smith y
byddai yna rinwedd mewn defnyddio arian dros ben i wella capasiti adeiladu yn
hytrach nac i ddibenion buddsoddi.
Esboniodd y P:C&A fod safbwyntiau tebyg wedi eu mynegi gan
gynghorwyr yn ystod trafodaethau yn y sesiwn ddiweddar ar ariannu’r Cynllun
Corfforaethol pan gytunwyd ar raglen fuddsoddi sylweddol. Y ffactor gyfyngol oedd cost ad-dalu’r ddyled
o’r gyllideb refeniw. Roedd gwaith yn
gyfredol hefyd i archwilio a ellid defnyddio gweddillion yn fwy effeithiol a
byddid yn gwneud asesiadau risg gydag adroddiad yn ôl i’r Cyngor ar y
canfyddiadau. Yn unol â hynny - PENDERFYNWYD nodi Adroddiad Blynyddol Rheolaeth y Trysorlys ar gyfer 2011/12. |
|
BLAEN RAGLEN WAITH Y CABINET PDF 61 KB Derbyn Blaen Raglen Waith y Cabinet sydd yn amgaeedig gan
wneud sylw o’r cynnwys. Cofnodion: Cyflwynodd y Cynghorydd Hugh Evans Flaenraglen
Waith y Cabinet i’w ystyried. Adroddodd y Pennaeth Gwasanaethau Cyfreithiol a
Democrataidd ar nifer o ddiwygiadau fel a ganlyn – ·
byddai adroddiadau ar yr adolygiad o
Ddarpariaeth Addysg Ffydd ac Ysgolion Rhuthun yn cael eu gohirio o fis Hydref i
fis Tachwedd ·
byddai
adroddiad ar Gŵn yn Baeddu’n cael ei gyflwyno i gyfarfod mis Tachwedd ·
y
posibilrwydd o ohirio’r adroddiad ar y Marine Lake, y Rhyl o fis Hydref i fis
Tachwedd. Dywedodd y Cynghorydd Julian Thompson-Hill y
dylid trefnu adroddiad ar argymhellion y gyllideb ar gyfer mis Ionawr. Cododd Cyfarwyddwr Corfforaethol Cwsmeriaid y
posibilrwydd hefyd o gyflwyno adroddiad ar Arian Cymunedol i gyfarfod nesaf y
Cabinet ym mis Hydref. PENDERFYNWYD nodi Blaenraglen Waith y Cabinet, yn amodol
ar y diwygiadau a’r sylwadau uchod. Daeth y cyfarfod i ben am |