Rhaglen

Yr Aelodau i ddatgan unrhyw fuddiannau personol neu fuddiannau sy’n rhagfarnu unrhyw fusnes sydd i’w ystyried yn y cyfarfod hwn.

Hysbysiad o eitemau y dylid, ym marn y Cadeirydd, eu hystyried yn y cyfarfod fel materion brys dan Adran 100B(4) Deddf Llywodraeth Leol 1972.

Derbyn cofnodion cyfarfod y Cabinet a gynhaliwyd ar 20fed Mawrth 2012 [copi’n amgaeëdig].

Ystyried adroddiad gan y Cynghorydd J Thompson-Hill, Aelod Arweiniol Cyllid ac Effeithlonrwydd (copi’n amgaeëdig) sy’n nodi rhagolygon diwedd y flwyddyn ar gyfer cyllideb refeniw a pherfformiad mewn perthynas â strategaeth y gyllideb ar gyfer 2011/12.

Ystyried adroddiad gan y Cynghorydd H.H. Evans, Arweinydd (copi’n amgaeëdig) sy’n rhoi gwybodaeth ar nifer o gronfeydd ymddiriedolaeth segur neu aneffeithiol a’u hasedau cysylltiedig a weinyddir gan y Cyngor, ac argymell ffordd ymlaen i ryddhau’r arian o’r cronfeydd hyn.

Ystyried adroddiad gan y Cynghorydd P.A. Dobb, Aelod Arweiniol Iechyd, Gofal Cymdeithasol a Lles (copi’n amgaeëdig) sy’n manylu’r llwyddiannau a’r hyn a ddysgwyd gan Fwrdd Pobl a Lleoedd.

Derbyn y Rhaglen amgaeëdig o Waith y Cabinet i’r Dyfodol a chydnabod y cynnwys.

Argymhellir yn unol ag Adran 100A (4) Deddf Llywodraeth Leol 1972, y dylid gwahardd y Wasg a’r Cyhoedd o’r cyfarfod wrth ystyried yr eitem fusnes ganlynol oherwydd ei bod yn debygol y byddai gwybodaeth eithriedig (fel y diffinnir ym mharagraffau 13 a 14 o Ran 4 o Atodlen 12A i’r Ddeddf) yn cael ei datgelu.

Ystyried adroddiad cyfrinachol gan y Cynghorydd P.J. Marfleet, Aelod Arweiniol Moderneiddio’r Cyngor (copi’n amgaeëdig) ar ddefnyddio trefniadau Pryniant Gorfodol i brynu’r eiddo a elwir 25/26 Rhodfa’r Gorllewin, y Rhyl i bwrpas ailddatblygu.

Ystyried adroddiad brys, cyfrinachol gan y Cynghorydd P.J. Marfleet, Aelod Arweiniol Moderneiddio’r Cyngor (copi ynghlwm) yn gofyn i’r Cabinet gymeradwyo penodi Partner Datblygu’r Cyngor ar gyfer ailddatblygu 21-24 Rhodfa'r Gorllewin (a elwid yr Honey Club), y modurdy y tu ôl i 27-28 Rhodfa’r Gorllewin a 25-26 Rhodfa’r Gorllewin (yn amodol ar ei brynu), y Rhyl.