Agenda, decisions and draft minutes

Ni chafwyd unrhyw ymddiheuriadau.

Ni chafwyd unrhyw ymddiheuriadau.

Aelodau i ddatgan unrhyw gysylltiad personol neu sy’n rhagfarnu ag unrhyw fusnes a nodwyd i’w ystyried yn y cyfarfod hwn.  

Ni chafodd unrhyw gysylltiad ei ddatgan.

Ni chafodd unrhyw gysylltiad ei ddatgan.

Hysbysiad o eitemau y dylid, ym marn y Cadeirydd, eu hystyried yn y cyfarfod fel materion brys yn unol ag Adran 100B(4) Deddf Llywodraeth Leol 1972.  

Ni chodwyd unrhyw faterion brys.

Ni chodwyd unrhyw faterion brys.

Derbyn cofnodion cyfarfod y Cabinet a gynhaliwyd ar 21 Tachwedd 2023 (copi ynghlwm). 

PENDERFYNWYD derbyn cofnodion y cyfarfod a gynhaliwyd ar 21 Tachwedd 2023 a chadarnhau eu bod yn gywir.

Cyflwynwyd cofnodion cyfarfod y Cabinet a gynhaliwyd ar 21 Tachwedd 2023 i’w cymeradwyo.

PENDERFYNWYD derbyn cofnodion y cyfarfod a gynhaliwyd ar 21 Tachwedd 2023 a chadarnhau eu bod yn gywir.

Ystyried adroddiad gan y Cynghorydd Emrys Wynne, Aelod Arweiniol y Gymraeg, Treftadaeth a Diwylliant (copi ynghlwm) yn amlinellu sut ellir cyflawni arbedion trwy leihau gwasanaethau llyfrgell/siop un alwad.

PENDERFYNWYD bod y Cabinet yn –

(a)      nodi’r adroddiad ac yn cymeradwyo’r cynnig i leihau oriau agor Llyfrgelloedd / Siopau Un Alwad o oddeutu 40%, ynghyd ag arbedion cysylltiedig mewn rhannau eraill o’r gwasanaeth, i roi arbediad disgwyliedig o £360,000, a

(b)      chadarnhau ei fod wedi darllen, deall ac ystyried yr Asesiad o Effaith ar Les (Atodiad 1 yr adroddiad) fel rhan o’i ystyriaethau.

Cyflwynodd y Cynghorydd Emrys Wynne yr adroddiad a oedd yn amlinellu sut y gellid cyflawni arbedion trwy leihau Gwasanaethau Llyfrgelloedd/Siopau Un Alwad.

Roedd y cynnig wedi’i gyflwyno oherwydd yr heriau ariannol digynsail a oedd yn wynebu’r Cyngor a’r gofyniad i bob gwasanaeth ddarparu arbedion sylweddol.  Roedd yr adroddiad yn egluro’r arbedion posibl o’r Gwasanaeth Llyfrgelloedd/Siopau Un Alwad; effaith bosibl yr arbedion; ystyriaethau penodol i’r Cabinet a’r Tîm Gweithredol Corfforaethol i lywio trafodaethau’r dyfodol, ac roedd yn argymell bod y Cabinet yn cymeradwyo'r cynnig i leihau oriau agor Llyfrgelloedd/Siopau Un Alwad o tua 40%, ynghyd ag arbedion cysylltiedig mewn meysydd gwasanaeth eraill, er mwyn cyflawni arbediad disgwyliedig o £360,000.

Roedd y Cynghorydd Wynne yn glir nad oedd yn gyfforddus â’r cynnig, ond o ystyried y cyd-destun ariannol, roedd angen gwneud llawer o benderfyniadau anodd ac eglurodd y rhesymeg sy’n sail i’r dewis i leihau oriau agor ar draws pob llyfrgell yn hytrach na chau llyfrgelloedd unigol yn llwyr fel ffordd fwy teg o gyflawni arbedion.  Roedd newidiadau wedi’u gwneud i’r cynnig gwreiddiol i ymateb i adborth o’r ymgynghoriad.  Roedd y cynnig presennol yn seiliedig ar leihau oriau agor o 40% yn hytrach na 50% gan arwain at agor llyfrgelloedd am 30 awr ychwanegol yr wythnos yn gyffredinol a oedd yn darparu tua £90,000 yn llai o arbedion ond a oedd hefyd yn galluogi grwpiau defnyddwyr trydydd parti i ddefnyddio adeiladau’r llyfrgell y tu allan i oriau agor arferol llyfrgelloedd.  Roedd y Cynghorydd Wynne o’r farn fod y cynnig presennol yn fwy cytbwys ac yn well i ddefnyddwyr y llyfrgell a staff na’r cynnig blaenorol.  Roedd y cynnig yn diogelu llyfrgelloedd i’r graddau yr oedd hynny’n bosibl ar hyn o bryd, a byddai’n sicrhau nad oedd rhaid i unrhyw lyfrgell gau.  Gyda thristwch mawr, argymhellodd y Cynghorydd Wynne y cynnig, ond roedd yn credu mai hwn oedd y trefniant gorau posibl i lyfrgelloedd yn y sefyllfa ariannol bresennol.

Eglurodd y Cyfarwyddwr Corfforaethol: yr Amgylchedd a’r Economi y broses a arweiniodd at y cynnig presennol fel rhan o’r broses ehangach o osod y gyllideb er mwyn sicrhau bod y Cyngor yn gosod cyllideb gytbwys, gyda’r cynnig yn newid dros amser i ymateb i adborth o’r ymgynghoriad.  Ystyriwyd bod y cynnig yn gymesur a realistig o ystyried y sefyllfa ariannol a lefel yr arbedion gofynnol.  Dywedodd y Pennaeth Tai a Chymunedau fod y toriad arfaethedig i’r gyllideb tua 21% o gyllideb y gwasanaeth ac roedd yn cynnwys lleihau oriau agor llyfrgelloedd a rhai arbedion cysylltiedig mewn rhannau eraill o’r gwasanaeth hefyd, yr oeddent yr un mor werthfawr.  Tynnodd sylw at Atodiad 2 a oedd yn egluro’r model gwasanaeth 40% arfaethedig a oedd wedi’i ddatblygu trwy ymgynghori ag undebau a staff.  Pe bai’r Cabinet yn cymeradwyo’r cynnig, byddai ymgynghoriad staff ffurfiol a allai arwain at fân adolygiadau gweithredol, ond y model hwn yn fras fyddai’r un a fyddai’n cael ei weithredu.

Diolchodd y Cabinet i’r Aelod Arweiniol am ei waith wrth gyflwyno cynnig mor anodd ond cytbwys gan roi ystyriaeth i’r holl ffactorau.  Mynegodd y Cynghorydd Julie Matthews ei rhwystredigaeth dros y toriadau sydd wedi cael eu gwneud gan Lywodraeth y DU dros yr 13 mlynedd diwethaf ac effaith gronnus y cynni ar arian Llywodraeth Leol sydd wedi arwain at y sefyllfa ariannol enbyd bresennol.  Er nad oedd neb o blaid toriadau i’r gwasanaeth llyfrgelloedd, derbyniwyd y byddai angen i bob gwasanaeth wneud arbedion er mwyn darparu cyllideb gytbwys, o ystyried y sefyllfa ariannol enbyd, ac yn y cyd-destun hwnnw, roedd y Cabinet yn ystyried bod y cynnig yn deg a chymesur.  Fodd bynnag, roedd y Cabinet yn awyddus i osgoi unrhyw doriadau pellach i’r  ...  view the full Cofnodion text for item 5.

Ystyried adroddiad gan y Cynghorydd Rhys Thomas, Aelod Arweiniol Tai a Chymunedau (copi ynghlwm) yn ceisio cymeradwyaeth y Cabinet ar gyfer cynnydd rhent blynyddol ar gyfer Tai Sir Ddinbych, Cyllidebau Cyfalaf a Refeniw y Cyfrif Refeniw Tai ar gyfer 2024/25 a Chynllun Busnes y Stoc Dai.

PENDERFYNWYD –

(a)      Mabwysiadu Cyllideb y Cyfrif Refeniw Tai ar gyfer 2024/25 (Atodiad 1 yr adroddiad) a Chynllun Busnes y Stoc Dai (Atodiad 2 yr adroddiad);

(b)      cynyddu rhenti anheddau’r Cyngor yn unol â Pholisi Llywodraeth Cymru ar gyfer Rhenti Tai Cymdeithasol i rent wythnosol cyfartalog o £109.34, i’w weithredu o ddydd Llun, 1 Ebrill 2024;

(c)      nodi’r adroddiad ychwanegol (Atodiad 3 yr adroddiad) ar yr ystyriaethau y rhoddir sylw iddynt wrth benderfynu ar yr argymhelliad hwn, a

(d)      bod y Cabinet yn cadarnhau ei fod wedi darllen, deall ac ystyried yr Asesiad o Effaith ar Les (Atodiad 4 yr adroddiad) fel rhan o’i ystyriaethau.

Cyflwynodd y Cynghorydd Rhys Thomas yr adroddiad a oedd yn gofyn am gymeradwyaeth y Cabinet ar gyfer y cynnydd rhent blynyddol ar gyfer Tai Sir Ddinbych, Cyllidebau Cyfalaf a Refeniw'r Cyfrif Refeniw Tai ar gyfer 2024/25 a Chynllun Busnes y Stoc Dai.

Roedd yr adroddiad yn cynnwys y sefyllfa derfynol ddiweddaraf a ragwelwyd ar gyfer y Cyfrif Refeniw Tai a’r gyllideb arfaethedig ar gyfer 2024/25 a oedd wedi’i chyfrifo i alluogi darparu gwasanaethau refeniw, y rhaglen buddsoddi cyfalaf ac i ddatblygu’r rhaglen adeiladu newydd.  O ran y cynnydd rhent blynyddol, roedd Llywodraeth Cymru wedi gosod uchafswm cynnydd rhent o 6.7% a chynigiwyd cynyddu rhenti wythnosol o hynny oherwydd y pwysau ar y Cyfrif Refeniw Tai i fuddsoddi mewn cartrefi er mwyn cyflawni Safon Ansawdd Tai Cymru a cheisio cyrraedd targed y Cynllun Corfforaethol ar gyfer cartrefi newydd.

Dywedodd y Cynghorydd Thomas fod 72% o denantiaid y Cyngor wedi cael cefnogaeth gyda’u taliadau rhent; byddai’r Cyngor yn cefnogi’r 28% arall o denantiaid pe baent mewn anhawster ariannol; cytunodd 85% o ymatebion i’r arolwg tenantiaid fod eu rhenti’n cynnig gwerth am arian ac ni wnaeth y Cyngor na Llywodraeth Cymru droi tenantiaid allan oherwydd caledi ariannol.  Roedd y Pwyllgor Craffu Cymunedau wedi rhoi ystyriaeth i’r adroddiad a chymeradwyo’r cynnwys.

Eglurodd Pennaeth Tai a Chymunedau fod oedran y stoc tai presennol yn golygu bod angen buddsoddi’n gyson ynddo a bod bodloni Safonau Ansawdd Tai Cymru newydd yn creu pwysau ychwanegol.  Roedd pwysau i ariannu rhaglenni adeiladu newydd hefyd gyda chyfnodau heriol o’n blaenau.  Cynigiwyd cynyddu rhent i’r uchafswm a osodwyd ond roedd ffydd bod y rhent yn fforddiadwy i denantiaid.  Rhoddodd y Swyddog Arweiniol – Tai Cymunedol drosolwg o’r asesiad fforddiadwyedd ac eglurodd sut oedd y rhent wedi’i gyfrifo gan ddefnyddio model rhent byw Sefydliad Joseph Rowntree sy’n seiliedig ar y 30% o incymau isaf Sir Ddinbych, gyda rhenti nad ydynt yn uwch na 28% o incwm wythnosol yr enillion hynny.  Roedd y gwaith hwnnw wedi dangos bod rhenti’n fforddiadwy, a byddai’r holl incwm o renti yn cael ei ail-fuddsoddi yn y stoc tai.

Soniodd y Cynghorydd Huw Williams, Cadeirydd y Pwyllgor Craffu Cymunedau am drafodaethau’r Pwyllgor Craffu yn dilyn ystyried yr adroddiad ar 7 Rhagfyr 2023.  Talodd y Cynghorydd Williams deyrnged i waith y Tîm Tai Cymunedol gan ddiolch iddynt am eu holl waith caled a’u cyflawniadau, a dywedodd fod yr adborth o’r Pwyllgor Craffu wedi bod yn hynod o gadarnhaol a bod argymhelliad yr adroddiad wedi’i gymeradwyo.  Roedd un maes pryder yn ymwneud â gwres ffynhonnell aer a’r angen i edrych ar wresogi eilaidd i sicrhau nad oedd tenantiaid heb wres am unrhyw gyfnod.  Cadarnhaodd Pennaeth Tai a Chymunedau fod y mater yn cael ystyriaeth bellach a bod asesiadau risg yn cael eu cynnal.  Diolchodd yr Arweinydd i’r Cynghorydd Williams am ei adborth ar ôl y Pwyllgor Craffu a chroesawodd fwy o’r dull hwnnw wrth symud ymlaen.

Roedd prif feysydd y drafodaeth yn canolbwyntio ar y canlynol –

·       Eglurwyd bod y Cyfrif Refeniw Tai wedi’i glustnodi a’i fod i gyd ar wahân i gyllideb y Cyngor a’r broses o osod y gyllideb

·       rhoddodd Aelodau longyfarchiadau i’r Tîm Tai Cymunedol am y cyflawniadau o ran tai cymdeithasol, o ran gwella darpariaeth bresennol a chreu tai cymdeithasol newydd, er budd tenantiaid a phreswylwyr y sir

·       eglurodd swyddogion y gwelliant i’r stoc tai Cyngor presennol trwy’r rhaglen ôl-osod gyda chyllid grant yn cael ei ddarparu i gyflawni gwelliannau fel paneli solar, toeau newydd ac inswleiddio waliau allanol ynghyd â gwelliannau a gynlluniwyd sy’n codi o Safon Ansawdd Tai Cymru newydd o ran ‘gwres fforddiadwy’ a gwelliannau ynni trwy bympiau gwres yr awyr, paneli solar  ...  view the full Cofnodion text for item 6.

Ystyried adroddiad gan y Cynghorydd Rhys Thomas, Aelod Arweiniol Tai a Chymunedau (copi ynghlwm) yn nodi cynigion ar gyfer prosiect cefnogi holistaidd newydd mewn perthynas â thai a cheisio cymeradwyaeth y Cabinet i ddechrau caffael y gwasanaeth hwn.

PENDERFYNWYD bod y Cabinet yn –

(a)      cymeradwyo cychwyn y broses gaffael fel sydd wedi’i nodi ar y Ffurflen Gomisiynu yn Atodiad 1 yr adroddiad, a

(b)      chadarnhau ei fod wedi darllen ac ystyried yr Asesiad o Effaith ar Les (Atodiad 3 yr adroddiad).

Cyflwynodd y Cynghorydd Rhys Thomas yr adroddiad a oedd yn nodi cynigion ar gyfer prosiect cefnogi holistaidd newydd mewn perthynas â thai a cheisio cymeradwyaeth y Cabinet i ddechrau caffael y gwasanaeth.

Dyluniwyd y prosiect i gefnogi pobl sy’n byw yn Sir Ddinbych i gynnal eu llety ac atal digartrefedd ac roedd yn rhan o broses ailgomisiynu gwasanaethau cefnogi mewn perthynas â thai er mwyn alinio â’r trosglwyddo i Ailgartrefu Cyflym.  Byddai’r contract yn cael ei ariannu’n llawn gan y Grant Cymorth Tai a ddyrannwyd gan Lywodraeth Cymru a byddai am gyfnod o dair blynedd a bydd dewis i’w ymestyn am ddwy flynedd arall, yn amodol ar berfformiad boddhaol, cyllid parhaus a pherthnasedd strategol. Byddai’r gwasanaeth yn disodli tri gwasanaeth cymorth yn ôl yr angen presennol sy’n cael eu darparu gan dri sefydliad ar wahân.  Roedd manylion am y caffael wedi’u nodi ar y Ffurflen Gomisiynu a oedd wedi’i hatodi i’r adroddiad.

Gwnaeth y Rheolwr Gwasanaeth – Cymorth Busnes a Chymunedau amlygu’r angen i gynyddu lefel y cymorth i bobl mewn tenantiaethau a pharhau â’r cymorth hwnnw er mwyn sicrhau bod y tenantiaethau hynny’n cael eu cynnal er mwyn osgoi achosion mynych o ddigartrefedd.  Roedd cyflenwyr presennol yn cael eu hannog i gydweithio i ddarparu gwasanaeth amddisgyblaethol.  Er nad oedd arwydd o werth y contract wedi’i roi, rhagwelwyd y byddai’r prosiect yn arwain at arbediad a fyddai’n mynd i’r afael â phwysau mewn rhannau eraill o’r gwasanaeth.  Cyfeiriodd y Cynghorydd Julie Matthews at yr Asesiad o Effaith ar Les a chroesawodd y symudiad at ganlyniadau sy’n canolbwyntio ar unigolion a gofynnodd ragor o gwestiynau yn hynny o beth.  Eglurodd swyddogion y broses bresennol a’r bwriad i sicrhau’r ddarpariaeth cymorth gywir wedi’i theilwra i’r unigolyn/aelwyd er mwyn diwallu eu hanghenion a chynnal eu tenantiaeth trwy gydol y cyfnod a byddai’r dull hwnnw’n cael ei drosglwyddo i bob darparwr ar gyfer y prosiect newydd.

PENDERFYNWYD bod y Cabinet yn –

(a)      cymeradwyo cychwyn y broses gaffael fel sydd wedi’i nodi ar y Ffurflen Gomisiynu yn Atodiad 1 yr adroddiad, a

(b)      cadarnhau ei fod wedi darllen ac ystyried yr Asesiad o Effaith ar Les (Atodiad 3 yr adroddiad).

Ystyried adroddiad (sy’n cynnwys atodiad cyfrinachol) gan y Cynghorydd Barry Mellor, Aelod Arweiniol yr Amgylchedd a Chludiant (copi ynghlwm) ynglŷn â chontract y Cyngor ar gyfer prosesu deunydd Ailgylchu Cymysg Sych (ailgylchu bin glas) a cheisio cymeradwyaeth y Cabinet i ymestyn y contract presennol.

PENDERFYNWYD bod y Cabinet –

(a)      wedi rhoi ystyriaeth i gynnwys yr Adroddiad Amrywio Contract sy’n cyd-fynd (Atodiad 1 yr adroddiad), a

(b)      yn cymeradwyo estyniad i’r contract am y rhesymau a nodir yn yr adroddiad, h.y. byrdra ac ansicrwydd cyfnod y contract, defnydd gorau o adnoddau a lefel yr hyder fod y telerau a gynigiwyd gan y cyflenwr yn cynnig gwerth am arian.

Cyflwynodd y Cynghorydd Barry Mellor yr adroddiad am gontract y Cyngor ar gyfer prosesu Deunydd Ailgylchu Cymysg Sych (ailgylchu bin glas) a gofynnodd am gymeradwyaeth y Cabinet i ymestyn y contract presennol yn unol â’r Adroddiad Amrywio Contract.

Eglurwyd rhywfaint o gefndir i’r sefyllfa bresennol o ystyried bod contract y Cyngor ar gyfer prosesu Deunydd Ailgylchu Cymysg Sych wedi dod i ben, ond nid oedd disgwyl i’r gwasanaeth casglu deunydd ailgylchu ddechrau tan Chwarter 1 blwyddyn ariannol 2024/25, a fyddai’n golygu bod angen i’r Cyngor wneud trefniadau dros dro tan i’r gwasanaeth newydd ddechrau.  Roedd yr adroddiad yn egluro’r rhesymeg a oedd yn sail i’r argymhelliad i ymestyn y contract presennol gyda Shotton Mill gan gynnwys sicrwydd o ran costau/lefelau gwasanaeth; galw anghymesur ar adnoddau presennol sy’n deillio o ymarfer caffael llawn, ac ystyriaethau o ran gwerth am arian.

Atgoffodd y Cynghorydd Mellor yr Aelodau fod y Cyngor yn arfer cael taliad o £25 fesul tunnell am ddeunydd ailgylchu, ond bod rhaid talu swm sylweddol i gael gwared arno ar hyn o bryd.  Fodd bynnag, roedd yn falch o gyhoeddi bod Cyfoeth Naturiol Cymru wedi cyhoeddi trwydded ar gyfer yr Orsaf Trosglwyddo Gwastraff newydd a rhoddodd deyrnged i waith caled pawb a fu’n rhan o’r prosiect, a fu’n dasg enfawr a oedd yn dod i’w therfyn, a byddai o fudd i’r Cyngor wrth symud ymlaen.  Ychwanegodd yr Arweinydd ei ddiolch i bawb a fu’n rhan o’r prosiect am eu gwaith caled.

PENDERFYNWYD bod y Cabinet –

(a)      wedi rhoi ystyriaeth i gynnwys yr Adroddiad Amrywio Contract sy’n cyd-fynd (Atodiad 1 yr adroddiad), a

(b)      yn cymeradwyo estyniad i’r contract am y rhesymau a nodir yn yr adroddiad, h.y. byrdra ac ansicrwydd cyfnod y contract, defnydd gorau o adnoddau a lefel yr hyder fod y telerau a gynigiwyd gan y cyflenwr yn cynnig gwerth am arian.

Ystyried adroddiad gan y Cynghorydd Gwyneth Ellis, Aelod Arweiniol Cyllid, Perfformiad ac Asedau Strategol (copi ynghlwm), ynglŷn â'r sefyllfa ariannol ddiweddaraf a’r cynnydd a wnaed o ran y strategaeth y cytunwyd arni ar gyfer y gyllideb.

PENDERFYNWYD bod y Cabinet yn –

(a)      nodi’r cyllidebau a bennwyd ar gyfer 2023/24 a’r cynnydd yn ôl y strategaeth y cytunwyd arni;

(b)      cymeradwyo Sylfaen y Dreth Gyngor i osod cyllideb 2024/25 fel y manylir yn Atodiad 5 yr adroddiad;

(c)      cymeradwyo achos busnes Ysgol Bro Cinmeirch i’w gyflwyno i Raglen Gyfalaf Llywodraeth Cymru fel y manylir yn Adran 6.9 ac Atodiad 6 yr adroddiad, a

(d)      cymeradwyo achos busnes Ysgol y Llys i’w gyflwyno i Raglen Gyfalaf Llywodraeth Cymru fel y manylir yn Adran 6.9 ac Atodiad 7 yr adroddiad.

Cyflwynodd y Cynghorydd Gwyneth Ellis yr adroddiad a oedd yn manylu ar y sefyllfa ariannol ddiweddaraf a’r cynnydd a wnaed o ran y strategaeth y cytunwyd arni ar gyfer y gyllideb.

Rhoddwyd crynodeb o sefyllfa ariannol y Cyngor fel a ganlyn –

·       y gyllideb refeniw net ar gyfer 2023/24 oedd £250.793 miliwn (£233.696 miliwn yn 2022/23)

·       rhagwelwyd gorwariant o £3.325 miliwn yn y cyllidebau gwasanaeth a chorfforaethol

·       amlygwyd y risgiau ar hyn o bryd a’r rhagdybiaethau yn ymwneud â chyllidebau corfforaethol a meysydd gwasanaeth unigol

·       rhoddwyd manylion arbedion ac arbedion effeithlonrwydd a chynnydd mewn ffioedd a chostau (£8.172 miliwn)

·       rhoddwyd diweddariad cyffredinol ar y Cyfrif Refeniw Tai, Rheoli’r Trysorlys a’r Cynllun Cyfalaf a phrosiectau mawr.

Arweiniodd y Pennaeth Cyllid ac Archwilio yr Aelodau drwy’r adroddiad.  Roedd cynnydd bach o ran y gorwariant a ragwelir ar gyllidebau gwasanaethau a’r gyllideb gorfforaethol ac roedd y prif feysydd gorwariant yn dal i fod o ganlyniad i wasgfeydd o fewn y Gwasanaethau Digartrefedd a Gofal Cymdeithasol i Oedolion, Gwasanaethau Plant a Gwasanaethau Priffyrdd ac Amgylcheddol.  Nid oedd newidiadau o ran y Cyfrif Refeniw Tai ac o ran ysgolion, roedd cynnydd bach yn y defnydd a ragwelir o gronfeydd wrth gefn y byddai angen i ysgolion eu defnyddio yn ystod y flwyddyn.  Roedd yr atodiadau arferol wedi’u cynnwys ar y Cynllun Cyfalaf a Phrosiectau Mawr.

Gofynnwyd i’r Cabinet gymeradwyo sylfaen Treth y Cyngor ar gyfer gosod cyllideb 2024/25 hefyd ynghyd ag achosion busnes cyfalaf sy’n ymwneud ag Ysgol Bro Cinmeirch ac Ysgol y Llys.  Byddai’r ddau brosiect ysgol yn ceisio tynnu 100% o’r costau ariannu o Raglen Grant Cyfalaf berthnasol Llywodraeth Cymru.

Ymatebodd y Cyfarwyddwr Corfforaethol: yr Amgylchedd a’r Economi i gwestiwn gan y Cynghorydd Terry Mendies ynghylch gosodiadau mewnol datblygiad Marchnad y Frenhines.  Eglurodd fod y cam adeiladu’n tynnu at ei derfyn a’r bwriad oedd cytuno ar natur y gosodiadau terfynol gyda gweithredwr y cyfleuster.  Oherwydd nad oedd y bartneriaeth arfaethedig gyda Mikhael Hotel and Leisure Group wedi’i datblygu, byddai gwaith yn cael ei wneud o fewn y cyllid a oedd ar gael i roi gosodiadau yn y cyfleuster fel sy’n briodol er mwyn galluogi agor y cyfleuster.  Cytunwyd y byddai’r Cynghorydd Mendies yn codi cwestiynau pellach sy’n ymwneud ag agweddau eraill ar ddatblygiad Marchnad y Frenhines y tu allan i’r cyfarfod oherwydd nad oeddent yn ymwneud ag adroddiad cyllid y Cabinet a oedd yn cael ei ystyried ar hyn o bryd.

PENDERFYNWYD bod y Cabinet yn –

(a)      nodi’r cyllidebau a bennwyd ar gyfer 2023/24 a’r cynnydd yn ôl y strategaeth y cytunwyd arni;

(b)      cymeradwyo Sylfaen y Dreth Gyngor i osod cyllideb 2024/25 fel y manylir yn Atodiad 5 yr adroddiad;

(c)      cymeradwyo achos busnes Ysgol Bro Cinmeirch i’w gyflwyno i Raglen Gyfalaf Llywodraeth Cymru fel y manylir yn Adran 6.9 ac Atodiad 6 yr adroddiad, a

(d)      cymeradwyo achos busnes Ysgol y Llys i’w gyflwyno i Raglen Gyfalaf Llywodraeth Cymru fel y manylir yn Adran 6.9 ac Atodiad 7 yr adroddiad.

Derbyn Rhaglen Gwaith i’r Dyfodol y Cabinet sydd ynghlwm a nodi’r cynnwys. 

PENDERFYNWYD nodi rhaglen gwaith i’r dyfodol y Cabinet.

Cyflwynwyd rhaglen gwaith i'r dyfodol y Cabinet i’w hystyried, a nododd yr aelodau’r diwygiadau canlynol –

·       Pennu Ffioedd Cartrefi Gofal 2024/25 – wedi’i symud o fis Ionawr i fis Mawrth

·       Cael gwared ar Fferm Peronne, Dinbych – wedi’i ychwanegu at fis Ionawr

PENDERFYNWYD nodi rhaglen gwaith i’r dyfodol y Cabinet.

O dan ddarpariaethau Adran 100A Deddf Llywodraeth Leol 1972, PENDERFYNWYD gwahardd y Cyhoedd a’r Wasg o’r cyfarfod ar gyfer yr eitem ganlynol, gan y byddai’n debygol y byddai gwybodaeth wedi'i heithrio fel y’i diffinnir ym Mharagraff 14 Rhan 4 Atodlen 12A y Ddeddf yn cael ei datgelu.

Ystyried adroddiad cyfrinachol gan y Cynghorydd Julie Matthews, Aelod Arweiniol Polisi, Cydraddoldeb a Strategaeth Gorfforaethol (copi ynghlwm) yn cyflwyno canlyniad y broses gaffael ar gyfer Cam 3 o Fframwaith Adeiladu Gogledd Cymru a cheisio cymeradwyaeth y Cabinet ar gyfer penodi’r contractwyr llwyddiannus.

PENDERFYNWYD bod y Cabinet yn –

(a)      cymeradwyo penodi’r contractwyr llwyddiannus fel a nodir yn yr adroddiad, a

(b)      chadarnhau ei fod wedi darllen, deall ac ystyried yr Asesiad o Effaith ar Les (Atodiad 2 yr adroddiad) fel rhan o’i ystyriaethau.

Cyflwynodd y Cynghorydd Julie Matthews yr adroddiad cyfrinachol ar ganlyniad y broses gaffael ar gyfer Cam 3 Fframwaith Adeiladu Gogledd Cymru a cheisio cymeradwyaeth y Cabinet ar gyfer penodi’r contractwyr llwyddiannus.

Roedd y fframwaith yn gydweithrediad rhwng chwe Awdurdod gogledd Cymru, a Sir Ddinbych oedd yr Awdurdod cynnal, a’r prif nod oedd darparu gwerth am arian a buddion cymunedol ar draws y rhanbarth.  Roedd yr adroddiad yn egluro’r broses gaffael a’r strategaeth lotio ac roedd yn argymell penodi grŵp cymwys o gontractwyr y gallai pob Awdurdod yng ngogledd Cymru neu unrhyw gorff arall yn y sector cyhoeddus ei ddefnyddio, gan osgoi’r broses gaffael hirfaith ac arwain at arbedion sylweddol o ran amser a chost.

Tynnodd y Cynghorydd Mathews sylw at yr Asesiad o Effaith ar Les a’r canlyniadau cadarnhaol o ran nodau lles, creu buddsoddiad mawr yn y rhanbarth a mentrau hyfforddiant.  Amlinellodd y Pennaeth Gwasanaethau Cymorth Corfforaethol: Pobl yr adroddiad ac arweiniodd y Rheolwr Fframwaith a Chaffael Corfforaethol yr Aelodau trwy fanylion y fframwaith.  Gan ymateb i gwestiynau, ailadroddwyd yr ymrwymiad i weithio gyda chwmnïau lleol, gyda’r disgwyliad y byddai cyfran fawr o wariant yn lleol/rhanbarthol ac roedd ymrwymiad gan y cwmnïau mawr o’r tu allan i’r ardal i’r gadwyn gyflenwi leol hefyd a chyflogaeth leol.  Cynhyrchwyd adroddiad blynyddol i fesur dangosyddion perfformiad allweddol gan gynnwys gwariant lleol.  Roedd dwy fersiwn gyntaf y fframwaith wedi bod yn hynod o lwyddiannus o ran gwariant lleol a buddion cymunedol ac fe’u croesawyd yn fawr.  Roedd y Cynghorydd Gill German yn falch bod y gwerthoedd hynny eisoes wedi’u cynnwys yn Sir Ddinbych a bod Llywodraeth Cymru wedi arwain ar y maes hwn gyda Deddf Partneriaeth Gymdeithasol a Chaffael Cyhoeddus (Cymru).  Diolchwyd i swyddogion a’r Aelod Arweiniol am eu gwaith diwyd yn hynny o beth.

PENDERFYNWYD bod y Cabinet yn –

(a)      cymeradwyo penodi’r contractwyr llwyddiannus fel a nodir yn yr adroddiad, a

(b)      cadarnhau ei fod wedi darllen, deall ac ystyried yr Asesiad o Effaith ar Les (Atodiad 2 yr adroddiad) fel rhan o’i ystyriaethau.

Daeth y cyfarfod i ben am 12.40pm.