Agenda and draft minutes
Lleoliad: Ystafell Bwyllgora 1a, Neuadd y Sir, Rhuthun
Rhif | Eitem |
---|---|
Ymddiheuriadau Cofnodion: Ni chafwyd
datganiad gan unrhyw Aelod o fuddiant personol neu ragfarnus mewn unrhyw fater
a nodwyd i’w hystyried yn y cyfarfod. |
|
DATGAN CYSYLLTIAD Dylai’r Aelodau
ddatgan unrhyw gysylltiad personol neu gysylltiad sy'n rhagfarnu mewn unrhyw
fater a nodwyd i'w ystyried yn y cyfarfod hwn. Cofnodion: Ni chafwyd
datganiad gan unrhyw Aelod o fuddiant personol neu ragfarnus mewn unrhyw fater
a nodwyd i’w hystyried yn y cyfarfod. |
|
MATERION BRYS FEL Y'U CYTUNWYD GAN Y CADEIRYDD Rhybudd o eitemau
y dylid, ym marn y Cadeirydd, eu hystyried yn y cyfarfod fel materion brys yn
unol ag Adran 100B(4) Deddf Llywodraeth Leol 1972. Cofnodion: Yn unol â gofynion Adran 100B(4) Deddf
Llywodraeth Leol 1972, dywedodd y Cadeirydd ei fod yn bwriadu cynnwys y mater
canlynol i’w drafod, fel mater sydd angen sylw brys o dan Ran II:- 1. Tynnu arwyddion heb eu
hawdurdodi oddi ar dir priffordd. Cyfeiriodd y Cynghorydd T.R. Hughes at achlysur pan oedd y Cyngor wedi
gwneud cais i symud arwydd tua wyth modfedd.
Esboniodd Pennaeth y Gwasanaethau Priffyrdd a’r Amgylchedd y gallai
ail-leoli’r arwydd, hyd yn oed bellter byr iawn, fod yn arwyddocaol i rai o’r
cyhoedd, megis pobl sy’n defnyddio bygis a chadeiriau olwyn. Cyfeiriodd at waith y Tîm Digwyddiadau a
chadarnhaodd bod y swyddogion wedi gweithio’n agos gyda pherchenogion yr
arwyddion, a bod cytundeb cyfeillgar wedi’i sicrhau yn y rhan fwyaf o achosion. |
|
Derbyn cofnodion
cyfarfod y Pwyllgor Archwilio Cymunedau a gynhaliwyd ar 28 Mai 2015 (copi
ynghlwm). 9:30am – 9:35am Cofnodion: Cyflwynwyd Cofnodion
cyfarfod Pwyllgor Archwilio Cymunedau, a gynhaliwyd ddydd Iau 25ain
Mai, 2015. PENDERFYNWYD – i dderbyn a chymeradwyo’r Cofnodion fel cofnod cywir. |
|
METHODOLEG AR GYFER PENNU FFIOEDD PARCIO CEIR PRIODOL YN SIR DDINBYCH PDF 123 KB Ystyried adroddiad ar y cyd gan Bennaeth y Gwasanaethau Priffyrdd ac
Amgylcheddol a'r Rheolwr Trafnidiaeth, Parcio a Diogelwch y Ffyrdd (copi
ynghlwm) sy'n gofyn am farn aelodau ar y fethodoleg a ddefnyddir i bennu
ffioedd meysydd parcio yn Sir Ddinbych a'r egwyddorion a fabwysiadwyd ar gyfer
negodi trefniadau cymhorthdal gyda chynghorau tref a/neu gyrff
eraill. 9:35am – 10:30am Dogfennau ychwanegol:
Cofnodion: Roedd adroddiad gan Bennaeth y Gwasanaethau Priffyrdd a’r Amgylchedd, a
oedd yn nodi’r dull a ddefnyddiwyd i benderfynu ar daliadau parcio ceir priodol
yn Sir Ddinbych, a’r egwyddorion a fabwysiadwyd ar gyfer trafod y trefniadau
cymhorthdal gyda Chynghorau Tref, a/neu unrhyw gyrff eraill, wedi’i ddosbarthu
gyda’r papurau ar gyfer y cyfarfod. Cyflwynodd y Cynghorydd D.I. Smith yr adroddiad ac esboniodd bod y broses o
bennu ffioedd a thaliadau wedi’i dirprwyo i lefel Pennaeth Gwasanaeth, gyda’r
eithriad y byddai angen ymgynghori â’r Aelodau ynglŷn ag unrhyw newidiadau
cynhennus. Esboniodd Pennaeth y Gwasanaethau Amgylcheddol nad oedd taliadau meysydd
parcio Sir Ddinbych wedi’u cynyddu ers 6 blynedd ac mae manylion am hyn yn
Atodiad A. Roedd y diffyg a brofwyd
wedi’i unioni gan draws-gymorthdaliadau o’r gyllideb cynnal a chadw priffyrdd
gyffredinol. Roedd goblygiadau darparu
traws-gymorthdaliadau ar sail barhaol wedi’u hamlinellu yn yr adroddiad. Roedd y broses o bennu cyllideb y Cyngor ar gyfer 2016-17 yn ymgorffori’r
broses Rhyddid a Hyblygrwydd, a gellir ystyried yr anghysondeb presennol yn y
gyllideb fel rhan o’r broses honno. Er
mai’r Aelodau fyddai’n penderfynu ar lefelau cyffredinol y gyllideb, nid oedd
yn deg, nac yn rhesymol, disgwyl iddynt bennu taliadau ar gyfer meysydd parcio
unigol, ar gyfer hyd arosiadau unigol, a dyna pam yr oedd y swyddogaeth honno
wedi’i dirprwyo i lefel swyddog. Byddai
angen datblygu’r trefniadau codi taliadau mewn ffordd resymegol a theg, ac
roedd y dulliau a ddefnyddiwyd i gael sefyllfa deg a rhesymol ar gyfer codi
taliadau, o fewn y gyllideb sydd wedi’i dyrannu, wedi’u cynnwys yn yr
adroddiad. Darparwyd amlinelliad o’r egwyddorion sylfaenol a ddefnyddiwyd i benderfynu
ar lefelau’r taliadau, ynghyd â:- -
Costau darpariaeth. -
Rheoleiddio’r mannau parcio sydd ar gael. -
Amserlenni prisio. -
Cyfraddau taliadau arfaethedig ar gyfer Sir Ddinbych. -
Y lefelau taliadau canlyniadol a oedd yn debyg iawn i’r rhai a oedd ar waith yng
Nghonwy. -
Dadansoddiad o gynnig Cyngor Tref Prestatyn i dalu cymhorthdal ar gyfer meysydd
parcio Sir Ddinbych. Rhoddwyd crynodeb gan y swyddogion o’r atodiadau
canlynol, sydd wedi’u cynnwys gyda’r adroddiad:- A. Methodoleg fanwl B. Y cyfraddau taliadau
arfaethedig C. Cymariaethau gyda
darparwyr gwasanaeth eraill a Chynghorau eraill D. Taflen Cwestiynau
Cyffredin a baratowyd er mwy trafod Cymorthdaliadau Cynghorau Tref E. Asesiad o’r Effaith ar
Gydraddoldeb Cyfeiriodd y Cadeirydd at ddiben y drafodaeth, i
archwilio’r broses o gyflenwi’r gwasanaeth o fewn y gyllideb, a pheidio ennill
unrhyw fudd economaidd drwy gyflwyno strwythur arall ar gyfer meysydd
parcio. Roedd o’r farn bod dau faes
penodol i’w trafod, ac y byddai’n bosibl eu cysylltu er mwyn cyflawni’r nod yn
y pen draw. Codwyd y pwyntiau
perthnasol canlynol gan y swyddogion a rhoddwyd yr ymatebion canlynol i’r
materion a godwyd gan yr Aelodau:- ·
Un o
nodau’r adolygiad oedd atal pobl rhag parcio drwy’r dydd oherwydd bod hyn yn cyfyngu
ar y nifer o leoedd parcio sydd ar gael ar gyfer pobl a allai fod eisiau siopa. ·
Roedd manylion y data traffig a pharcio
wedi’u darparu ar y fantolen, a rhoddodd y swyddogion amlinelliad o sut y
cafodd y ffigurau eu llunio. ·
Cyfeiriwyd at y camsyniad bod codi’r taliadau
yn rhwystro ymwelwyr rhag ymweld â’r ardal.
Rhoddwyd cadarnhad mai’r cynnig manwerthu oedd yn cael y dylanwad mwyaf
ar y dewisiadau a wneir gan ddefnyddwyr gwasanaeth. ·
Rhoddwyd amlinelliad o’r broses weithredu ar
gyfer mynd i’r afael â’r problemau a nodwyd. ·
Pwysleisiwyd pwysigrwydd cyllideb gytbwys, a
rhoddwyd cadarnhad y gallai’r Aelodau ddiwygio’r gyllideb drwy’r broses pennu
cyllideb pe byddant yn dymuno gwneud hynny. · Cadarnhawyd y gallai Sir Ddinbych ystyried cynigion o ddarpariaeth cymhorthdal gan Gynghorau Tref. Fodd bynnag, byddai pob achos yn cael ei ystyried ar ei rinweddau ei hun, ... view the full Cofnodion text for item 5. |
|
DIWEDDARIAD PROSIECT RHEOLEIDDIO MEYSYDD CARAFANAU YN WELL PDF 96 KB Ystyried adroddiad gan yr Hyfforddai Graddedig: Gwella Busnes a
Moderneiddio (copi ynghlwm) sy'n gofyn am sylwadau’r Pwyllgor ar y cynnydd hyd
yma a chymeradwyaeth yr Aelodau ar gyfer y camau nesaf a gynllunnir. 10:45am – 11:30am Dogfennau ychwanegol:
Cofnodion: Dosbarthwyd adroddiad gan y Rheolwr Datblygu, Cynllunio a Gwarchod y
Cyhoedd gyda’r papurau ar gyfer y cyfarfod. Cyflwynodd y Cynghorydd D.I. Smith yr adroddiad dilynol i’r adroddiad a
gyflwynwyd i’r Pwyllgor ym mis Ebrill 2015.
Roedd yr adroddiad yn rhoi amlinelliad o’r gwaith sydd wedi’i wneud hyd
yma a’r camau nesaf a oedd yn cael eu cynnig gan y Gwasanaeth Gwella a
Moderneiddio Busnes, yn ogystal â diweddariad ar elfen Cynllunio a Gwarchod y
Cyhoedd y prosiect. Roedd yn darparu
gwybodaeth ar gynnydd y prosiect oherwydd bod y cyfrifoldeb am gyrchu data
wedi’i aseinio i’r Gwasanaeth Gwella a Moderneiddio Busnes. Cyfeiriodd
y Pennaeth Busnes, Gwella a Moderneiddio at ganlyniadau’r prosiect peilot, a
chadarnhawyd bod y cyfrifoldeb am agweddau corfforaethol y prosiect wedi’u
trosglwyddo i’r Gwasanaeth Gwella a Moderneiddio Busnes. Y
Gwasanaeth Cynllunio a Gwarchod y Cyhoedd oedd yn gyfrifol am gynhyrchu
gweithdrefn reoliadol a fyddai’n nodi’r opsiynau rheoliadol ar gyfer rheoli’r
defnydd preswyl anawdurdodedig o garafanau gwyliau o safbwyntiau cynllunio a
thrwyddedu. Er y byddai rhai o gerrig
milltir y prosiect yn cael eu cyflawni gan wasanaethau gwahanol, byddai’n cael
ei gynnal fel un prosiect unigol. Rhoddwyd crynodeb o’r cynnydd hyd yma i’r Pwyllgor o ran nodi maint y
broblem, fel y cafodd ei amlinellu yn yr adroddiad. Darparwyd amlinelliad o’r camau nesaf i
dargedu a rheoleiddio defnyddwyr gwasanaeth, gan ddefnyddio’r Gofrestr
Etholiadol a gweithio gyda pherchenogion safleoedd carafanau. Roedd rhestr gynhwysfawr o’r holl safleoedd
carafanau gwyliau sydd yn y Sir, a charafanau gwyliau unigol, wedi’u cynnwys yn
Adran 2 Atodiad 1. Roedd pum carreg
filltir allweddol arall wedi’u nodi ar gyfer y prosiect, yn cynnwys:- ·
Cynnal
ymarfer mapio o leoliadau a lwfansau safleoedd carafanau gwyliau gan y
Gwasanaeth Cynllunio a Thrwyddedu, fel y’i nodir yn Atodiad 3. ·
Datblygu
system prosesu data er mwyn gallu adrodd ar y defnydd a wneir gan ‘breswylwyr’
carafanau gwyliau o’r gwasanaeth, o’r data a gasglwyd hyd yma. Roedd hyn wedi’i gynnwys yn Atodiad 4, a oedd
wedi’i eithrio rhag datgeliad cyhoeddus yn unol â pharagraff 13 Atodlen 12A
Deddf Llywodraeth Leol, 1972. ·
Cynnal dadansoddiad ac ymarfer
mapio o’r canlyniadau defnydd gwasanaeth. ·
Cynhyrchu
strategaeth gorfforaethol ar garafanau. ·
Datblygu
gweithdrefn reoliadol a chynllun gweithredu. Rhoddodd y Rheolwr Datblygu, Cynllunio a Gwarchod y Cyhoedd, amlinelliad
o’r amcanion i leihau nifer y bobl sy’n byw mewn carafanau gwyliau yn
gorfforaethol, drwy atal mynediad at y gwasanaethau hynny sy’n cael eu darparu
gan y Cyngor yn y ffynhonnell. Amlygodd
yr angen i reoleiddio’r ddarpariaeth, ac y byddai’n bosibl gwneud hynny drwy
weithio gyda chymdeithasau carafanau a pherchenogion parciau carafanau, ac
roedd gwaith manwl eisoes wedi’i wneud ar hyn. Ymatebodd y Swyddogion i’r pryderon a godwyd gan yr
Aelodau ynglŷn â chynnwys preswylwyr ar safleoedd carafanau ar
Gofrestrfeydd Etholiadol mewn mwy nac un ardal, a’r goblygiadau ariannol posibl
o fynd i’r afael â’r problemau a nodwyd.
Rhoddodd y Pennaeth Gwella a Moderneiddio Gwasanaethau amlinelliad o’r
dulliau a fyddai’n cael eu defnyddio drwy’r wybodaeth a gasglwyd i olrhain
defnyddwyr gwasanaeth sy’n byw mewn carafanau.
Mewn ymateb i awgrym gan y Cadeirydd y dylai gwybodaeth o’r fath fod ar
gael ar bob un o breswylwyr yn y Sir, esboniodd y CD:ECA bod hyn yn cael ei gyflawni
drwy’r system CRM a oedd yn paru pobl yn erbyn cyfeiriadau a’r defnydd a wneir
o wasanaethau. Esboniodd y Pennaeth Cynllunio a Gwarchod y Cyhoedd bod y mater sy’n cael ei ystyried yn fater corfforaethol, a phwysleisiodd y manteision o fynd i’r afael â’r materion drwy brosiect corfforaethol a thrwy gytuno ar strategaeth orfodi briodol. Cyfeiriwyd at y ddeddfwriaeth bresennol a nododd yr angen i nodi cwantwm y broblem, a fyddai’n helpu i ... view the full Cofnodion text for item 6. |
|
Rhaglen Gwaith i’r Dyfodol y Pwyllgor Archwilio PDF 104 KB Ystyried
adroddiad gan y Cydlynydd Archwilio (copi ynghlwm) yn gofyn am adolygiad o
raglen gwaith i’r dyfodol y pwyllgor a rhoi diweddariad i’r aelodau ar faterion
perthnasol. 11:30am – 11:50am Dogfennau ychwanegol:
Cofnodion: Roedd copi o adroddiad
gan y Cydlynydd Archwilio, a oedd yn gofyn i’r Pwyllgor adolygu a chytuno ar ei
raglen gwaith i’r dyfodol ac a oedd yn darparu’r wybodaeth ddiweddaraf am
faterion perthnasol, wedi’i ddosbarthu gyda’r papurau ar gyfer y cyfarfod. Roedd copi o ‘ffurflen gynnig Aelodau’ wedi’i gynnwys yn
Atodiad 2. Esboniwyd na fyddai unrhyw
eitemau yn cael eu cynnwys ar raglen gwaith i’r dyfodol heb i ‘ffurflen gynnig
archwilio’ gael ei chwblhau a’i derbyn i’w chynnwys gan y Pwyllgor neu’r
SCVCG. Roedd tabl a oedd yn crynhoi’r
cynnydd ar atebion diweddar y Pwyllgor ac a oedd yn rhoi’r cynnydd i’r Aelodau
o ran eu gweithredu wedi’i gynnwys yn Atodiad 4. Roedd copi o raglen gwaith i’r dyfodol y Cabinet
wedi’i chynnwys yn Atodiad 3. Cyfeiriwyd
at yr eitem fusnes a oedd yn gysylltiedig â Thaliadau Parcio ar gyfer y
cyfarfod ar 28ain Gorffennaf, 2015.
Esboniodd y CD: ECA bod yr eitem wedi’i chynnwys er mwyn ystyried unrhyw
faterion neu argymhellion a fyddai’n deillio o’r drafodaeth yng nghyfarfod y
Pwyllgor Archwilio, a chytunodd y byddai’n ymgynghori â’r Aelod Arweiniol o ran
ei ddileu o raglen waith y Cabinet. Cyfeiriodd y
Cadeirydd at yr Adolygiad o Ofal Cymdeithasol a oedd wedi’i gynnal. Roedd o’r farn nad oedd yr effaith ar y
gymuned wedi’i hystyried, ac nad oedd yr amserlenni yn galluogi mewnbwn gan y
cyhoedd yn y broses. Rhoddodd y CD:ECA
fanylion y broses a oedd wedi’i mabwysiadu ac esbonio bod ffynonellau wedi bod
ar gael, drwy’r Grŵp Tasg a Gorffen a Phwyllgor Archwilio Partneriaethau,
a oedd wedi darparu cyfleoedd i drafod materion cyn iddynt gael eu hystyried
gan y Cabinet. Roedd y Pwyllgor yn cytuno y dylid gwahodd y darpar
Aelodau Arweiniol i gyflwyno’r adroddiadau ar yr eitemau busnes a fyddai’n cael
eu cynnwys ar y rhaglen ar gyfer cyfarfod y Pwyllgor a oedd wedi’i drefnu ar
gyfer 10fed Medi, 2015. Cadarnhawyd y byddai cyfarfod nesaf Grŵp Cadeiryddion a Dirprwy Gadeiryddion
Pwyllgorau Archwilio yn cael ei gynnal ar 23ain Gorffennaf, 2015. Roedd Cyfarwyddwr Cyllid
Cymdeithas Llywodraeth Leol Cymru, Mr Jon Rae, wedi derbyn gwahoddiad y
Pwyllgor i fynychu cyfarfod y Pwyllgor ar 10fed Medi, 2015 i drafod
Effaith hysbysiad hwyr ar gyllid Llywodraeth Ganolog. Cododd y Cynghorydd T.R. Hughes
yr eitem fusnes, “Adolygiad o’r Polisi Trafnidiaeth o’r Cartref i’r Ysgol”, a
fyddai’n cael ei chyflwyno i’r Pwyllgor yn ei gyfarfod ar 27ain
Hydref, 2016, i ystyried canfyddiadau adolygiad o effaith cyflwyno’r Polisi ar
ôl ei flwyddyn lawn gyntaf. Cytunodd yr
Aelodau y byddai adroddiad diweddaru yn cael ei gyflwyno hefyd i’r Pwyllgor yn
ddiweddarach eleni ar ôl i’r system newydd fod yn weithredol am fis, sy’n
dechrau ym mis Medi 2015, a fyddai’n nodi effaith y broses gychwynnol o
gyflwyno’r Polisi. Wrth ymateb i’r pryderon a godwyd gan y Cynghorydd
B. Blakeley ar y broses ymgynghori ar y trefniadau ar gyfer Hafan Deg a’i
ddefnyddwyr gwasanaeth yn y dyfodol, rhoddodd y CD:ECA fanylion am y broses a’r
amserlenni. Esboniodd y byddai’r mater
yn cael ei ystyried gan y Pwyllgor Archwilio Perfformiad ar 16eg
Gorffennaf, 2015, ac y byddai’r opsiynau a fyddai ar gael yn cael eu cyflwyno
i’r Cabinet eu hystyried. Yn dilyn trafodaeth bellach:- PENDERFYNWYD –
yn amodol ar y diwygiadau a’r cytundebu uchod, y byddai’r Rhaglen Waith a
gyflwynir yn Atodiad 1 yr adroddiad yn cael ei chymeradwyo. |
|
ADBORTH GAN GYNRYCHIOLWYR Y PWYLLGOR Derbyn unrhyw ddiweddariad gan gynrychiolwyr ar amrywiol Fyrddau a Grwpiau
Cyngor Cofnodion: Ni chyflwynwyd
unrhyw adroddiadau. Daeth y cyfarfod i ben am 11.50 a.m. |