Agenda and draft minutes
Lleoliad: Ystafell Bwyllgora 1A, Neuadd y Sir, Rhuthun
Rhif | Eitem |
---|---|
Ymddiheuriadau |
|
DATGAN CYSYLLTIAD Dylai’r Aelodau
ddatgan unrhyw gysylltiad personol neu gysylltiad sy'n rhagfarnu mewn unrhyw
fater a nodwyd i'w ystyried yn y cyfarfod hwn. Cofnodion: Ni wnaeth Aelodau ddatgan unrhyw
gysylltiad personol neu gysylltiad sy’n rhagfarn mewn unrhyw fater a nodwyd i’w
ystyried yn y cyfarfod. |
|
MATERION BRYS FEL Y'U CYTUNWYD GAN Y CADEIRYDD Rhybudd o eitemau
y dylid, ym marn y Cadeirydd, eu hystyried yn y cyfarfod fel materion brys yn
unol ag Adran 100B(4) Deddf Llywodraeth Leol 1972. Cofnodion: Ni chafwyd unrhyw
faterion brys a ddylid, ym marn y Cadeirydd, gael eu hystyried yn y cyfarfod yn
unol ag Adran 100B(4) o’r Ddeddf Llywodraeth Leol, 1972. |
|
Derbyn cofnodion
cyfarfod y Pwyllgor Archwilio Cymunedau a gynhaliwyd ar 12 Mawrth 2015 (copi
ynghlwm). Cofnodion: Cyflwynwyd Cofnodion
cyfarfod y Pwyllgor Archwilio Cymunedau a gynhaliwyd ddydd Iau, 12fed
Mawrth, 2015. PENDERFYNWYD – derbyn a chymeradwyo’r Cofnodion fel cofnod cywir. |
|
RHESYMOLI LLWYBRAU GRAEANU RHAGOFALUS PDF 89 KB Ystyried
adroddiad ar y cyd gan y Rheolwr Rhwydwaith a Phennaeth y Gwasanaethau
Priffyrdd ac Amgylcheddol (copi ynghlwm) yn ceisio ystyriaeth a sylwadau’r
Pwyllgor ar newidiadau i’r llwybrau sydd wedi’u datblygu gyda’r bwriad o leihau
costau graeanu rhagofalus. Dogfennau ychwanegol:
Cofnodion: Roedd copi o adroddiad a luniwyd ar y cyd gan Bennaeth Priffyrdd a
Gwasanaethau Amgylcheddol (PPGA) a’r Rheolwr Rhwydwaith (RhRh) wedi cael ei
ddosbarthu ynghyd â'r papurau ar gyfer y cyfarfod. Roedd yr adroddiad yn trafod
sut y mae Priffyrdd a Gwasanaethau Amgylcheddol yn bwriadu lleihau nifer y
milltiroedd a gaiff eu graenu fel mesur rhagofalus, a
gymeradwywyd fel rhan o’r broses Rhyddid
a Hyblygrwydd. Cyflwynodd Pennaeth Priffyrdd a Gwasanaethau Amgylcheddol yr adroddiad a
oedd yn nodi sut yr aethpwyd ati i ddatblygu’r lleihad hwn yn nifer y
milltiroedd mewn ffordd resymegol a rhesymol, a rhoddodd sicrwydd y byddai’r
mesurau yn cyflenwi’r arbedion gofynnol. Cadarnhaodd y swyddogion y byddai angen arbed cyfanswm o £250 mil yng nghyllideb
cynnal Priffyrdd ar gyfer 2015/16. Roedd
£60 mil posibl o’r holl arbedion wedi’u nodi drwy leihau nifer y llwybrau
graeanu rhagofalus yn y Sir. Roedd y
llwybrau y cyfeirir atynt yn yr adroddiad yn rhan o rwydwaith ffyrdd y Cyngor.
Ni chafodd cefnffyrdd eu cynnwys gan mai Llywodraeth Cymru sydd yn gyfrifol
amdanynt, gan dalu’r Cyngor i’w graeanu ar ei rhan. Pwysleisiodd mai’r cynnig
oedd dileu’r llwybrau a nodwyd o’r amserlen raeanu ragofalus. Caiff y llwybrau
hyn eu graeanu pan fydd eira wedi disgyn neu pan fydd rhagolygon eira. Cadarnhaodd y Rheolwr Adain: Rheoli Rhwydwaith fod mwyafrif y llwybrau dan
sylw wedi’u lleoli yng ngogledd y Sir, gan fod llwybrau amgen ar gael i
ddefnyddwyr y ffyrdd. Oherwydd diffyg llwybrau amgen addas yn ne’r Sir, nid
oedd mor hawdd rhoi’r broses resymoli ar waith yno. Yn sgil newid yn y ddeddfwriaeth yn ystod y 10 mlynedd ddiwethaf, rhaid i
Awdurdodau Lleol gyhoeddi ymlaen llaw bellach pa lwybrau y maent yn bwriadu eu
graeanu fel mesur rhagofalus yn ystod y gaeaf dilynol, felly dyna’r rheswm dros
ymgynghori ar y cynigion hyn ar yr adeg hwn. Tynnwyd sylw hefyd at y pwyntiau a ganlyn, sydd wedi’u cynnwys yn yr
adroddiad:- ·
Yn ystod pob taith
raeanu defnyddir 9 cerbyd i yrru cyfanswm o 850 cilometr a rhoddir halen ar 570
cilometr o’r ffyrdd. ·
Roedd y newidiadau a
gyflwynwyd i sicrhau’r canlyniadau gorau cyn tymor 2014/15 wedi arwain at rai
cwynion gan y cyhoedd, felly byddai angen cynllunio a chydlynu’r ffordd y caiff
y rhesymau dros y newidiadau eu cyfathrebu. ·
Mae angen sicrhau
gostyniad o tua 10% yn y llwybrau graeanu er mwyn cyrraedd lefel yr arbedion a
nodwyd ar ffyrdd nad ydynt yn gefnffyrdd, yn dibynnu ar amodau’r tywydd. Mewn ymateb i gwestiynau’r Aelodau, dywedodd y swyddogion a’r Aelod
Arweiniol unwaith y byddai’r penderfyniad terfynol wedi’i wneud i dynnu’r
ffyrdd a nodwyd o restrau graeanu rhagofalus y Sir, y byddent yn rhoi gwybod
i’r holl awdurdodau lleol cyfagos yr oedd y Cyngor yn gweithio’n agos gyda hwy
wrth raeanu ar draws ffiniau. Dyma’r
drefn arferol a byddai’n llywio’r trafodaethau arferol rhwng awdurdodau
ynglŷn â threfniadau graeanu trawsffiniol. Byddai’r holl arbedion mewn
perthynas â’r cynnig hwn yn dod o gostau’r halen/graean a fyddai’n cael ei
arbed a chostau gweithredu’r cerbydau, ni fyddai unrhyw swyddi yn cael eu
colli. Fodd bynnag, gallai gaeaf caled gael effaith andwyol ar yr arbedion
arfaethedig. O ran asesu risgiau wrth benderfynu ar y llwybrau graeanu, esboniwyd hefyd
fod y swyddogion wedi ystyried y tebygolrwydd o ddamweiniau. Mewn perthynas â’r
llwybrau a nodwyd ar gyfer eu tynnu o’r amserlen raeanu ragofalus, nid oedd y
tebygolrwydd yn 'risg uchel', fe’i ystyriwyd yn risg ‘derbyniol’. Fodd bynnag,
pe bai’n dod yn amlwg fod cyfradd uchel o ddamweiniau yn digwydd byddai hyn yn
cael ei adrodd i Bennaeth y Gwasanaeth a byddai’n cynnal arolwg o’r risg a’r
penderfyniad ar unwaith. Cytunodd y swyddogion y ... view the full Cofnodion text for item 5. |
|
RHEOLEIDDIO MEYSYDD CARAFANNAU YN WELL PDF 97 KB Ystyried
adroddiad gan y Rheolwr Datblygu (Cynllunio a Gwarchod y Cyhoedd) (copi ynghlwm)
ar y cynnydd a wnaed hyd yn hyn o ran datblygu strategaeth meysydd carafannau
ar gyfer y Sir, a'i orfodi’n effeithiol trwy drafod â pherchnogion meysydd
carafannau. Dogfennau ychwanegol:
Cofnodion: Roedd adroddiad y Rheolwr Datblygu, Cynllunio a Gwarchod y Cyhoedd, a oedd
yn deillio o bryderon yr Aelodau ynglŷn â’r defnydd tybiedig o feysydd carafannau gwyliau at ddefnydd preswyl a
cholli incwm yn sgil hyn i’r Cyngor, wedi’i ddosbarthu ynghyd â’r papurau ar
gyfer y cyfarfod. Cyflwynodd y Rheolwr Datblygu, Cynllunio a Gwarchod y Cyhoedd yr adroddiad
ac eglurodd fod cynllun peilot i asesu hyd a lled y broblem wedi amlygu
cymhlethdod y gwaith a’r goblygiadau posibl o gyflwyno mesurau gorfodaeth llym,
yn sydyn ar nifer o adrannau’r Cyngor ac ar unigolion a allai fod yn ‘byw’ ar
rai meysydd. Roedd y cynllun peilot hefyd wedi amlygu bwlch yn y drefn arferol
o rannu gwybodaeth rhwng cangen darparu gwasanaeth y Cyngor a’i wasanaethau
rheoleiddio – dros amser, gall rhannu gwybodaeth fel mater o drefn osgoi
gwaethygu’r broblem a chynorthwyo i gyfrifo ffigurau poblogaeth a oedd wedi
effeithio ar swm y Grant Cynnal Refeniw a ddyfarnwyd i’r Cyngor. O ganlyniad i argymhelliad blaenorol y Pwyllgor, sef y dylai adnoddau fod
ar gael i symud y prosiect ymlaen, roedd y Tîm Gweithredol Corfforaethol wedi
gofyn i’r Gwasanaeth Busnes, Gwella a Moderneiddio gasglu data o holl
adrannau’r Cyngor ynglŷn ag unigolion a oedd wedi nodi meysydd carafannau
fel cyfeiriadau wrth wneud cais am wasanaethau neu gonsesiynau. Yn sgil y gwaith peilot cychwynnol, daeth i’r
amlwg fod angen i wasanaethau rheoleiddio’r Cyngor weithio gyda pherchnogion
rhai meysydd carafannau er mwyn rhoi cymorth iddynt reoli eu safleoedd yn well
a chydymffurfio â’r amodau a roddwyd arnynt. Roedd manylion y cynnydd a wnaed er mis Rhagfyr
2014, a chanfyddiadau astudiaeth gychwynnol o’r grŵp peilot, wedi’i
gynnwys yn Atodiad 1, a oedd yn ddogfen gyfrinachol. Ym mis Ionawr 2015, cynhaliwyd cyfarfod â
pherchennog maes carafannau mawr i esbonio natur prosiect y Cyngor, ac roedd
Atodiad 2 yn rhoi crynodeb o’r cyfarfod. Roedd swyddogion o Sir Ddinbych a
Chonwy hefyd wedi cyfarfod i drafod natur y prosiect, graddfa’r broblem a’r
potensial ar gyfer gweithio ar y cyd ar brotocol “Monitro Meysydd”. Atebodd Pennaeth Cynllunio a Gwarchod y Cyhoedd a Rheolwr Datblygu,
Cynllunio a Gwarchod y Cyhoedd, gwestiynau’r Aelodau ac fe wnaethant roi’r
cyngor a ganlyn:- ·ni chafodd carafannau
unigol a leolwyd yng ngerddi anheddau preifat eu cynnwys yn y prosiect presennol,
gan fod mwyafrif y rheini a oedd yn Sir Ddinbych yn rhan atodol o’r prif
annedd; · mae’r cyfreithiau cynllunio a thrwyddedu sy’n
effeithio ar garfannau hefyd yn gymwys i gabanau gwyliau (chalets); · os bydd perchnogion meysydd carafannau
gwyliau yn caniatáu i berchnogion carafannau fyw ar eu meysydd am holl gyfnod
eu trwydded e.e. 10 mis ac ati, ac os nad yw’n bosibl i’r perchnogion
carafannau hynny roi cyfeiriad ‘cartref’ mewn man arall, gallai perchennog y
maes a pherchennog y garafán ill dau fod yn atebol am gael eu herlyn ar y sail
nad oedd y maes carafannau yn cydymffurfio â’i amodau cynllunio a thrwyddedu
fel maes ‘gwyliau’, a pherchennog y garafán am ddefnyddio carafán gwyliau fel
cartref parhaol; · y flaenoriaeth o ran y gwaith ar gyfer y dyfodol fyddai rhwystro pobl rhag defnyddio eu carafannau fel cartrefi parhaol. Fodd bynnag, byddai angen rheoli hyn yn effeithiol i leihau effaith camau gorfodaeth ar unigolion, yr oedd rhai ohonynt yn agored i niwed. Hefyd, byddai angen cynlluniau wrth gefn i ymdrin â chanlyniadau unrhyw gamau gweithredu ar ran y Cyngor h.y. pobl yn dod yn ddigartref. Hefyd, gallai problem godi o ran ansawdd y carafannau mewn cymhariaeth ag ansawdd y tai sydd ar gael ar gyfer y bobl fyddai’n gorfod gadael eu carafannau a’u hamgylchiadau ‘ariannol’ i ddod o hyd i lety amgen; ... view the full Cofnodion text for item 6. |
|
Rhaglen Waith Archwilio PDF 105 KB Ystyried
adroddiad gan y Cydlynydd Archwilio (copi ynghlwm) yn gofyn am adolygiad o
raglen waith y pwyllgor a rhoi’r diweddaraf i’r aelodau ar faterion perthnasol. Dogfennau ychwanegol:
Cofnodion: Roedd copi o’r adroddiad
gan y Pwyllgor Archwilio, a oedd yn gofyn i’r Pwyllgor adolygu a chytuno ar ei
blaenraglen waith ac yn rhoi’r wybodaeth ddiweddaraf ar faterion perthnasol, wedi
cael ei ddosbarthu ynghyd â’r papurau ar gyfer y cyfarfod.
Roedd copi o ‘ffurflen cynigion yr Aelodau’ wedi’i
gynnwys yn Atodiad 2. Roedd copi o
flaenraglen waith y Cabinet wedi’i gynnwys yn Atodiad 3. Roedd tabl yn crynhoi’r cynnydd ar benderfyniadau
diweddar y Pwyllgor ac yn cynghori’r Aelodau ar y cynnydd a wnaed o safbwynt eu
gweithredu wedi’i gynnwys yn Atodiad 4. Gan mai cyfarfod nesaf y Pwyllgor fyddai’r cyfarfod cyntaf yn dilyn
Cyfarfod Blynyddol y Cyngor, esboniodd y Cydlynydd Archwilio y byddai angen i’r
Pwyllgor benodi Is-gadeirydd ar gyfer y flwyddyn i ddod. Roedd disgrifiad o
swyddogaethau Cadeirydd ac Is-gadeirydd y Pwyllgor Archwilio wedi’u cynnwys yn
Nodiadau Briffio’r cyfarfod. Esboniodd y Cydlynydd Archwilio y byddai’n gofyn
am CVau gan Aelodau a oedd yn dymuno cyflwyno enwebiadau ar gyfer y swyddi, ac
y byddai eu hangen erbyn 20fed Mai, 2015. Cytunodd yr Aelodau y dylid cynnwys adroddiad ar ganfyddiadau’r Grŵp
Gorchwyl a Gorffen Tai Fforddiadwy ar flaenraglen waith y Pwyllgor yn y
cyfarfod nesaf, yn dilyn ystyriaeth gan Friffio’r Cyngor. Cyfarfu Grŵp Cadeiryddion ac Is-gadeiryddion
Archwilio ar 2il Ebrill, 2015. Yn
ystod y cyfarfod rhoddwyd ystyriaeth i gais a wnaed yng nghyfarfod y Cyngor Sir
ar 24ain Chwefror, 2015 sef y dylid ystyried yn fanwl effaith yr
oedi wrth hysbysu a dyrannu grant ariannu’r llywodraeth ganolog ar waith
cynllunio a rheoli ariannol llywodraeth leol. Roedd yr Aelodau yn cytuno â’r
farn a fynegwyd gan Grŵp Cadeiryddion ac Is-gadeiryddion Archwilio sef y
dylai’r Pwyllgor gynnwys yr eitem hon yn ei blaenraglen waith yn y cyfarfod ym
mis Gorffennaf, 2015. Hefyd, cytunwyd y
dylid gwahodd Gweinidog Llywodraeth Cymru i ddod i’r cyfarfod i drafod sut y
gellid gwella amseru hysbysiad a dyraniad y grant er lles pob parti. Cytunodd yr Aelodau y dylid cynnwys adroddiad ar y
Gwasanaeth Ieuenctid, a’r cynnydd a wnaed mewn perthynas â’r ymarferiad mapio
cymunedol ar y gwasanaethau sydd ar gael i blant a phobl ifanc, ym mlaenraglen
waith y Pwyllgor yn y cyfarfod ym mis Medi, 2015 fel y nodir yn Atodiad 1. PENDERFYNWYD
– yn amodol ar y newidiadau a’r cytundebau uchod, y dylid cymeradwyo’r Rhaglen
Waith a nodwyd yn Atodiad 1 i’r adroddiad. |
|
ADBORTH GAN GYNRYCHIOLWYR Y PWYLLGOR Derbyn unrhyw ddiweddariadau gan gynrychiolwyr ar amrywiol Fyrddau a
Grwpiau Cyngor Cofnodion: Roedd y Cadeirydd
yn bresennol yng nghyfarfod Her y Gwasanaeth Addysg ar 22ain Ebrill,
2015. Esboniodd fod y cyfarfod wedi bod
yn gadarnhaol iawn a soniodd am y prif bynciau trafod a oedd yn cynnwys:- ·
Y
rhesymau pam y mae canlyniadau’r dangosyddion pynciau craidd yn Sir Ddinbych yn
gamarweiniol. ·
Swyddogaeth
a chyfrifoldebau Llywodraethwyr AALl. ·
Ymgynghori
ar ansawdd a phenodiad Penaethiaid ·
Y
Gymraeg yn ysgolion Sir Ddinbych. ·
Rheoli’r
system arfarnu. PENDERFYNWYD – y dylai’r Pwyllgor dderbyn a nodi’r adroddiad. Daeth y cyfarfod i ben am 11.55 a.m. |