Agenda and draft minutes

Y Cynghorwyr James Davies a Carys Guy

Aelodau i ddatgan unrhyw gyswllt personol neu niweidiol unrhyw fusnes sy’n cael ei ystyried yn y pwyllgor hwn.

Ni chodwyd unrhyw ddatganiadau cysylltiad personol na rhagfarnol.

Hysbysu am unrhyw eitemau, ym marn y Cadeirydd, y dylid eu trafod yn y pwyllgor hwn fel mater brys i Adran 100B (4) o Ddeddf Llywodraeth Leol 1972.

Ni nodwyd unrhyw faterion brys.

I dderbyn Cofnodion Pwyllgor Archwilio Cymunedau a gynhaliwyd ar 28 Chwefror 2013 (copi wedi’i amgáu).

9.40 a.m.

Cyflwynwyd cofnodion y Pwyllgor Archwilio Cymunedau a gynhaliwyd ar 28 Chwefror 2013.

Materion yn Codi – Tudalen 2, Eitem Rhif 4 Cofnodion: Materion Graeanu – Dywedodd y Cydlynydd Diogelwch bod yr eitem hon wedi ei gosod ar y rhaglen ar gyfer Grŵp Ardal Aelodau Dyffryn Dyfrdwy ar 29 Ebrill lle byddai eglurhad yn cael ei roi fel y gofynnwyd.

PENDERFYNWYD derbyn a chymeradwyo cofnodion y cyfarfod a gynhaliwyd ar 28 Chwefror 2013 fel cofnod cywir.

Ystyried adroddiad, sy’n cynnwys atodiad cyfrinachol, gan Reolwr Rhaglen Y Rhyl yn Symud Ymlaen (copi wedi’i amgáu) er mwyn darparu’r wybodaeth ddiweddaraf am Strategaeth Adfywio Y Rhyl yn Symud Ymlaen.

10.10 a.m.

Cyflwynodd Rheolwr Y Rhyl yn Symud Ymlaen (RGFM) adroddiad (oedd wedi ei gylchredeg yn flaenorol) yn rhoi’r wybodaeth ddiweddaraf ar Strategaeth Adfywio Y Rhyl yn Symud Ymlaen (RGF).  Roedd y strategaeth yn cynnwys y pedair ffrwd waith a ganlyn -

·         Ardal Adfywio Gorllewin Y Rhyl

·         Canol y Dref

·         Glan y Môr a Thwristiaeth

·         Byw a Gweithio yn Y Rhyl

Rhoddodd yr RGFM esboniad pellach ar bob un o’r ffrydiau gwaith gan roi crynodeb o’r prif nodau ac amcanion ar gyfer y meysydd penodol; cynnydd i gyflawni’r targedau hynny, ac ystyriaeth i’r dyfodol.  Ymatebodd i nifer o faterion a godwyd gan aelodau wrth drafod eu hadroddiad diweddaru diwethaf.

Holodd yr aelodau'r RGFM ynglŷn â chynnydd mewn prosiectau unigol a gofynnwyd am sicrwydd ynglŷn â chanlyniadau i’r dyfodol ar gyfer datblygiadau penodol.  Ymatebodd fel a ganlyn -

·         eglurodd y diffyg cynnydd wrth ddatblygu safle Ocean Plaza oherwydd materion yn ymwneud â chyflenwad trydan a risg llifogydd

·         cadarnhaodd y bydd y gwaith o ddymchwel yr Honey Club yn digwydd yn fuan iawn ar ôl cwblhau mater cytundebol sydd angen ei ddatrys

·         bydd yr ymchwiliad cyhoeddus i’r gorchymyn prynu gorfodol ar eiddo yng Ngorllewin Y Rhyl yn dechrau ym mis Mai a gobeithiwyd y byddai ail gam o ddymchwel i greu gofod gwyrdd yn cael ei gwblhau ddiwedd mis Mai

·         disgwyliwyd cynlluniau diwygiedig ar gyfer cam nesaf y gwaith amddiffyn arfordirol er mwyn asesu'r posibilrwydd o adleoli’r Parc Sglefrio i’r ardal honno

·         cadarnhawyd fod gorchymyn pryniant gorfodol wedi ei wneud ar gyfer yr arcêd oedd wedi llosgi i lawr ar y promenâd ac roedd ymchwiliad cyhoeddus wedi ei drefnu at fis Mehefin ac roedd trafodaethau yn parhau i gaffael yr eiddo

·         rhoddwyd yr wybodaeth ddiweddaraf ar ddyfodol yr Heulfan a’i chyflwr presennol a deialog rhwng y Cyngor a Clwyd Leisure Limited yn y cyswllt hwnnw; gobeithiwyd y byddai'r Heulfan yn parhau i weithredu gyhyd â phosibl nes y bydd cynigion newydd yn cael eu datblygu; roeddynt yn dal i aros am gadarnhad ynglŷn â dyddiad agor diwygiedig tymor 2013.

Trafododd aelodau eu pryderon ynglŷn â chanol y dref ac effaith gwerthu ar-lein; colli siopau yn gyffredinol gan gynnwys dau fanwerthwr blaenllaw i ddatblygiad manwerthu newydd Prestatyn, ac roeddynt yn pryderu nad oedd amcanion wedi'u datblygu a’u cytuno arnynt i fynd i’r afael â’r materion hyn.  Gofynnodd y pwyllgor am sicrwydd fod cynlluniau’n cael eu datblygu i gefnogi a denu busnes ac amlygu’r angen i ddenu'r math cywir o fusnes i wella'r dref ac yn ychwanegu at y ddarpariaeth bresennol a sicrhau parhad a chynaladwyedd y busnesau.  Cadarnhaodd yr RGFM yr angen i ddatblygu strategaeth adfywio gydlynol mor fuan â phosibl ac adroddodd ar ystod o gynlluniau oedd yn cael eu hystyried gan gynnwys gostwng trethi busnes, adolygu parcio a gwelliannau i Farchnad Y Rhyl.  Cyfeiriodd at ariannu posibl yn y dyfodol o Fframwaith Adfywio Newydd Llywodraeth Cymru i fynd i’r afael â materion o’r fath yn y dref.  Amlygodd y pwyllgor bod y problemau sy’n wynebu canol tref Y Rhyl yn cael eu hailadrodd ar draws y sir a chyfeiriodd y Cadeirydd at ei bresenoldeb mewn Gweithdy Uchelgais Economaidd ar y diwrnod cynt pan drafodwyd yr un materion, a dywedodd fod gwaith hefyd yn cael ei gyflawni yn y fforwm hwnnw i fynd i’r afael â nhw.  Cyfeiriodd y Cynghorydd Bob Murray at effaith niweidiol ar Stryd Fawr Prestatyn ers i’r parc manwerthu newydd agor a dywedodd bod gwaith hefyd yn cael ei wneud i fynd i’r afael â’r broblem honno.

Amlygwyd hefyd bwysigrwydd addysg fel rhan o’r strategaeth byw a gweithio a chyfeiriodd y Cyfarwyddwr Corfforaethol Cwsmeriaid at effaith  ...  view the full Cofnodion text for item 5.

Ystyried adroddiad gan Reolwr Ffordd o Fyw Egnïol (copi wedi’i amgáu) ynglŷn â drafft Asesiad Cyfleoedd Chwarae Digonol a chynllun gweithredu. 

10.40 a.m.

Cyflwynodd y Cynghorydd Huw Jones, Aelod Arweiniol Twristiaeth, Hamdden ac Ieuenctid y Rheolwr Ffyrdd o Fyw egniol a’r Rheolwr Rhaglen Chwaraeon a Gweithgaredd Corfforol a chyflwynodd yr Asesiad Digonolrwydd Chwarae drafft a’r Cynllun Gweithredu (a gylchredwyd yn flaenorol).  Roedd Llywodraeth Cymru wedi gorchymyn bob awdurdod lleol i gyflawni asesiad a datblygu cynllun gweithredu yn amlinellu sut roeddynt yn bwriadu darparu cyfleoedd chwarae i blant a mynd i’r afael â’r bylchau a nodwyd yn y ddarpariaeth.

Roedd manylion o’r asesiad wedi ei darparu gan gynnwys y meysydd unigol a ystyriwyd a’r ymgynghoriad cynhwysfawr gyda’i bartneriaid mewnol ac allanol.  Tynnwyd sylw aelodau at y themâu/blaenoriaethau allweddol oedd yn deillio o’r asesiad hwnnw oedd wedi eu cynnwys yn y cynllun gweithredu i fynd i’r afael â nhw yn ystod y cyfnod 2013 - 2014 ynghyd â chynlluniau i’r dyfodol ar gyfer 2014 a’r tu hwnt.

Yn  ystod y drafodaeth, holodd aelodau a fyddai arian ar gael gan Lywodraeth Cymru (LlC) i fwrw ymlaen â’r cynllun gweithredu.  Eglurodd y rheolwr Ffyrdd o Fyw Egniol (ALM) nad oedd unrhyw awgrym wedi ei roi ynglŷn â’r tebygolrwydd y byddai arian yn cael ei ddarparu ac roeddem yn aros am atborth yn dilyn cyflwyno'r asesiad fis diwethaf.  Mae’r cyngor eisoes wedi ymrwymo arian o’i gyllideb ei hun i fwrw ymlaen â’r camau gweithredu a fanylir yn 2013 - 2014.

Cyfeiriodd aelodau at ddarpariaeth chwarae yn eu cymunedau eu hunain a chodwyd y materion canlynol –

·         diffyg neu absenoldeb darpariaeth chwarae mewn rhai ardaloedd gwledig/cefn gwlad

·         anawsterau a gysylltwyd ag agor caeau chwarae ysgolion i’r gymuned ehangach (gan gynnwys plant cyn ysgol yn methu cael mynediad i ddarpariaeth yn ystod oriau ysgol a difrod a achoswyd i gaeau chwarae pan roeddent yn cael ei defnyddio ar gyfer gweithgareddau penodol fel pêl-droed)

·         diffyg cynlluniau chwarae/parth chwarae yn gweithredu ar draws y sir

·         yr angen i dargedu gwaith marchnata cynlluniau chwarae/chwaraeon er mwyn rhoi cyhoeddusrwydd a hyrwyddo digwyddiadau a chynyddu'r niferoedd oedd yn cymryd rhan

·         annog cynghorau tref/cymuned i gyfrannu yn ariannol tuag at ddarpariaeth chwarae/chwaraeon, a chyflwr gwael rhywfaint o offer chwarae a phwysigrwydd cynnal a chadw.

Cyfeiriodd y Cyfarwyddwr Corfforaethol Cymunedau at fendithion cynnal yr asesiad a oedd yn darparu darlun cliriach ar gyfer Sir Ddinbych o safbwynt darpariaeth a dynodi meysydd i fynd i’r afael â nhw.  Ymatebodd y swyddogion hefyd i sylwadau’r aelodau fel a ganlyn –

·         roedd un o gamau’r cynllun yn ymwneud yn benodol ag ardaloedd gwledig a darpariaeth chwarae

·         amlygwyd yr angen am ymagwedd wedi ei chyd-drefnu rhwng addysg, hamdden a chynghorau tref/cymuned i ddatblygu chwarae o fewn y trefi/cymunedau hynny

·         cyfeiriwyd at ddarpariaeth chwarae/chwaraeon presennol ar draws y sir ac ymhelaethwyd ar gynlluniau ar gyfer darpariaeth yn y dyfodol

·         cytunwyd y dylid targedu gwaith marchnata digwyddiadau chwarae a chyfeiriwyd at lwyddiant a phoblogrwydd y sesiynau chwarae meddal diweddar a hyrwyddwyd drwy’r gwasanaethau gwybodaeth i deuluoedd

·         roedd cynnal a chadw offer chwarae wedi’i gynnwys yn yr archwiliad.

Roedd y pwyllgor yn cefnogi’r asesiad a’r cynllun gweithredu ac yn awyddus i glywed ymateb LlC ynglŷn â hynny ac a fyddai LlC yn dyfarnu arian i weithredu ar y camau a nodwyd.  Roedd Aelodau hefyd yn awyddus i dderbyn y cynllun gweithredu diwygiedig gydag amserlen ar gyfer cyflenwi camau gweithredu.  O ganlyniad -

PENDERFYNWYD  –

(a)       yn amodol ar y sylwadau uchod gan yr aelodau, fod y pwyllgor yn nodi cynnwys yr adroddiad a’r cynllun gweithredu yn cefnogi'r ymrwymiad i ddatblygu chwarae yn Sir Ddinbych, ac

(b)       dylid cyflwyno’r adroddiad gwybodaeth i’r pwyllgor a fydd yn cynnwys ymateb Llywodraeth Cymru i’r Asesiad Digonolrwydd Chwarae a’r cynllun gweithredu ac a oedd arian pellach yn  ...  view the full Cofnodion text for item 6.

Ystyried adroddiad ar y cyd gan Y Rheolwr Cyfathrebu, Marchnata a Hamdden a’r Rheolwr Cyfathrebu y Rheolwr Corfforaethol a Rheolwyr Marchnata (copi wedi’i amgáu) ynglŷn â chynnydd Ymgyrch Atal Baw Cŵn a’r cynlluniau i symud ymlaen.

11.20 a.m.

Cyflwynodd y Rheolwr Cyfathrebu, Marchnata a Hamdden a’r Rheolwr Cyfathrebu a Marchnata Corfforaethol adroddiad ar y cyd (cylchredwyd yn flaenorol) ynglŷn â chynnydd yr Ymgyrch Atal Baw Cŵn yn dilyn y lansiad meddal ym mis Chwefror. 

Rhoddodd swyddogion fanylion ar y gweithgareddau a gyflawnwyd hyd yn hyn i fynd i’r afael â materion baw cŵn gan gynnwys yr ymgyrch farchnata sylweddol a’r ymdrech i addysgu pobl ynghyd â chamau gorfodi cadarn er mwyn lleihau'r nifer o achosion.  Nodwyd a monitrwyd ardaloedd problemus allweddol a chynlluniwyd nifer o weithgareddau ategol ar gyfer y dyfodol.  Dangoswyd cyflwyniad power point hefyd yn rhoi manylion deunyddiau hyrwyddo/sylw yn y wasg; y cynllun marchnata a mapio ardaloedd problemus.  Rhoddwyd yr ystadegau diweddaraf a gasglwyd gan y System Reoli Gwasanaethau Cwsmeriaid a galwadau i’r rhif ffôn Rhadffôn hefyd.  Roedd yr ymgyrch farchnata’n cynnwys ymagwedd fwydo fesul dipyn er mwyn parhau i atgyfnerthu’r neges ac annog cymunedau i gymryd rhan a rhoi gwybod am broblemau.

Rhoddodd y Rheolwr Gwarchod y Cyhoedd fanylion yr ymagwedd orfodi lle cyflogwyd Kingdom Security Services i fynd i’r afael â phroblemau yn wneud â baw cŵn ac ysbwriel.  Roedd Heddlu Gogledd Cymru hefyd wedi gorchymyn  Swyddogion Cymorth Cymunedol yr Heddlu a Rheolwyr Rhawd Gymunedol i roi rhybuddion cosb benodol a rhoi gwybod i’r cyngor am ardaloedd problemus.

Croesawodd aelodau'r Ymgyrch Atal Baw Cŵn fel ffordd ragweithiol o fynd i’r afael â baw cŵn o fewn y sir ynghyd â chamau gweithredu cadarn.  Roedd y pwyllgor yn falch i nodi'r mesurau a gymerwyd i gynnwys y cyhoedd a’r atborth positif a dderbyniwyd ynghyd â’r cynnydd yn y nifer o ddigwyddiadau â riportiwyd er mwyn canfod ardaloedd problemus a thargedu troseddwyr.  Yn ystod y drafodaeth cymerodd aelodau’r cyfle i gwestiynu’r swyddogion ynglŷn ag agweddau amrywiol o’r ymgyrch a gofynnwyd am fanylion pellach ynglŷn â chamau gorfodi a chostau cyffredinol.  Codwyd y pryderon a’r sylwadau a ganlyn -

·         yr angen i dargedu ardaloedd gwledig fel rhan o’r ymgyrch a chymryd camau gorfodi a phatrolau amlwg iawn yn yr ardaloedd hynny i atal troseddwyr

·         amlygwyd problemau cyson yn Moel Famau a’r angen i godi’r mater gyda rheolwyr yr Ardal o Harddwch Naturiol Eithriadol (AHNE) i fynd i’r afael â’r mater, yn benodol gwrthwynebiad yr AHNE i osod biniau sbwriel yn yr AHNE

·         trafferth dod o hyd i finiau cŵn mewn mannau problemus wedi ei nodi gan aelodau

·         yr angen am batrolau gorfodi cudd a rhai amlwg iawn a swyddogion proffesiynol a chwrtais

·         pryderon ynglŷn â chŵn strae ac achosion lle'r oedd perchnogion yn caniatáu i’w cŵn grwydro heb eu goruchwylio

·         bodolaeth hen arwyddion mewn cymunedau a allai achosi dryswch

·         pwysigrwydd cynnwys y gymuned er mwyn cydweithio i fynd i’r afael â phroblemau baw cŵn

·         yr angen i adolygu effeithiolrwydd yr ymgyrch a chostau cysylltiedig

·         pryder fod nifer o rybuddion cosb benodol a roddwyd am ysbwriel yn llawer uwch na’r rhai a roddwyd ar gyfer baw cŵn

·         trafodwyd o blaid gwneud rhagor o ddefnydd o gyfryngau cymdeithasol fel arf marchnata, a

·         manylodd aelodau ar nifer o ardaloedd problemus yn eu cymunedau a fyddai’n elwa o gael biniau cŵn a chamau gorfodi a gwnaed ceisiadau am lenyddiaeth i’w rhannu yn eu hardaloedd.

Cydnabu swyddogion bwyntiau’r aelodau ac ymatebwyd fel a ganlyn -

·         rhoddwyd gwybod am raglen o adleoli arwyddion a deunydd hyrwyddo o amgylch y sir gan dargedu ardaloedd problemus a monitro’r effaith

·         ystyriwyd gorchmynion rheoli cŵn fel modd delio ag ardaloedd problemus penodol y gellid eu gweithredu mewn safleoedd fel Moel Famau/AHNE

·         prynwyd 119 o finiau cŵn i’w gosod mewn  ...  view the full Cofnodion text for item 7.

Ystyried adroddiad gan Gydlynydd Archwilio (copi wedi’i amgáu) i adolygu Rhaglen Gwaith i’r Dyfodol y pwyllgor a rhoi’r wybodaeth ddiweddaraf i aelodau am faterion perthnasol.

11.50 a.m.

Cyflwynwyd adroddiad gan y Cydlynydd Archwilio ( a gylchredwyd yn flaenorol) i aelodau adolygu rhaglen waith i’r dyfodol berthnasol y pwyllgor a rhoi'r wybodaeth ddiweddaraf ar faterion perthnasol.  Roedd rhaglen waith i’r dyfodol ddrafft (Atodiad 1); Rhaglen waith i’r dyfodol y Cabinet (Atodiad 2), a Chynnydd ar Benderfyniadau Pwyllgorau (Atodiad 3) wedi’u cynnwys gyda’r adroddiad.

Rhoddodd y Cydlynydd Archwilio wybodaeth ar newidiadau i’r rhaglen waith ers ei pharatoi a thrafododd aelodau'r newidiadau gyda swyddogion a chodwyd nifer o faterion roeddent yn dymuno eu harchwilio yn y dyfodol.  Cadarnhaodd y pwyllgor yr ychwanegiadau a ganlyn -

• Mai - Ailstrwythuro'r Gwasanaethau Adfywio, Cefnogi Busnes a Thwristiaeth
• Gorffennaf – Ailstrwythuro Gwasanaethau Priffyrdd ac Amgylcheddol ac ehangu cwmpas yr adroddiad ar Gyflwr Priffyrdd y Sir i gynnwys gwaith oedd angen yn dilyn yr achos o eira ym mis Mawrth/Ebrill 2013
• Medi – Strategaeth Gofod Cyhoeddus a Threfniadau Clirio Eira
• Hydref – Ymgyrch Atal Baw Cŵn, a
• cadarnhau eu penderfyniad blaenorol i gael adroddiad gwybodaeth ddilynol ar yr Asesiad Digonolrwydd Chwarae a’r cynllun gweithredu.

PENDERFYNWYD cymeradwyo'r rhaglen waith i’r dyfodol fel y manylwyd yn Atodiad 1, yn amodol ar yr uchod, a’i chymeradwyo.  [Rhian Evans i weithredu]

Derbyn unrhyw wybodaeth ddiweddaraf gan gynrychiolwyr y Pwyllgor ar amryw Fyrddau’r Cyngor a Grwpiau.

Cyfeiriodd y Cynghorydd Joe Welch at ei bresenoldeb yn y Grŵp Monitro Safonau Ysgolion diweddar ac roedd yn falch i sôn fod y ddwy ysgol a drafodwyd, Ysgol Glan Clwyd, Llanelwy ac Ysgol Clawdd Offa, Prestatyn yn perfformio’n dda.

Cyfeiriodd y Cynghorydd Rhys Hughes at ei gysylltiad gyda Choleg Glannau Dyfrdwy gan roi gwybod bod yr uno gyda Choleg Iâl yn symud yn ei flaen yn dda.  Nodwyd y byddai’r Pwyllgor Archwilio Partneriaethau yn ystyried datblygiad presennol a datblygiadau i ddod mewn perthynas â Grŵp Coleg Glannau Dyfrdwy (Coleg Cumbria) ym mis Medi.

PENDERFYNWYD derbyn a nodi'r adroddiadau llafar.

Daeth y cyfarfod i ben am 12.05 p.m.