Rhaglen

Penodi Is-gadeirydd y Pwyllgor Craffu Cymunedau ar gyfer y flwyddyn i ddod.

Yr Aelodau i ddatgan unrhyw fuddiannau personol neu fuddiannau sy’n rhagfarnu unrhyw fusnes sydd i’w drafod yn y cyfarfod hwn.

Hysbysiad o eitemau y dylid, ym marn y Cadeirydd, eu hystyried yn y cyfarfod fel materion brys dan Adran 100B(4) Deddf Llywodraeth Leol 1972.

Derbyn cofnodion cyfarfod y Pwyllgor Craffu Cymunedau a gynhaliwyd ar ddydd Iau 12fed Ebrill 2012 (copi’n amgaeëdig)

Ystyried adroddiad gan y Swyddog Perfformiad Effeithlonrwydd Ysgol: Uwchradd (copi’n amgaeëdig) sy’n manylu darganfyddiadau Archwiliad Estyn o Bartneriaeth Addysg Gymunedol Oedolion Conwy a Sir Ddinbych ac yn gofyn am sylwadau’r Pwyllgor ar argymhellion yr Arolygwyr.

9.45 a.m.

Ystyried adroddiad gan y Rheolwr Adran: Cludiant Teithwyr (copi’n amgaeëdig) sy’n rhoi gwybodaeth ac yn gofyn am sylwadau ar newidiadau i sut ariennir gwasanaethau bws, a fydd yn cael effaith sylweddol ar brisiau a lefelau’r gwasanaeth a ddarperir.

10.15 a.m.

Ystyried adroddiad gan yr Uwch Swyddog Gorfodi Diogelwch Cymunedol (copi’n amgaeëdig) sy’n rhoi manylion dulliau hanesyddol, presennol a dulliau o rwystro a chanfod baw cŵn yn y dyfodol, ac sy’n gofyn am farn y Pwyllgor ar faterion sy’n ymwneud â chamau gorfodi mewn perthynas â baw cŵn.

11 a.m.

Ystyried adroddiad ar y cyd gan y Swyddog Prosiect a’r Swyddog Strategaeth Tai (copi’n amgaeëdig) sy’n rhoi diweddariad ar y cynnydd a wnaed gyda phrosiect cydweithredol Llwybr Mynediad Sengl i Dai (SARTH), ac sy’n gofyn am farn y Pwyllgor ar Fframwaith Cyffredin Dyrannu Tai cyn cychwyn ar ymgynghoriad cyhoeddus.

11.30 a.m.

Ystyried adroddiad gan y Cydgysylltydd Craffu (copi’n amgaeëdig) yn gofyn am adolygu rhaglen waith y Pwyllgor i’r dyfodol ac yn diweddaru’r aelodau ar faterion perthnasol.

12 p.m.

Derbyn unrhyw ddiweddariad gan gynrychiolwyr y Pwyllgor ar amrywiol Fyrddau a Grwpiau’r Cyngor.

Dim eitemau